牛大人台灣火鍋吃到飽

营业中

休息中

第一次寫食評，因為從來未試過咁嬲。冇訂位18：30去到，店員話冇曬位，俾張飛話要等下一輪19：15等有訂枱的客人入曬座，就會安排walkin入座。OK，我地等，等到19：15開始叫曬訂枱客人入座，輪到叫walkin客，點知遲過我地來的客都入曬，都未叫我地，當時19：35，走埋去問店員夠竟有冇位，佢話有位安排緊，好～咁再等多陣囉，19：45再問店員其實有冇位，冇位就早D講，佢話執緊枱，最後19：50先有位俾我地。好心冇位就唔好hold住D客啦，一定唔會有下次😡😡😡

呢間火鍋連鎖店應該無人唔識，終於等到佢喺將軍澳開分店啦！身為火鍋控當然要去試試！平日未夠七點已經坐滿，店內周圍環境闊落，地方乾淨，食物水準不錯！澳洲極上和牛 （$328 120分鐘）🔸 湯底有十款湯底選擇，我地揀左台灣鳳梨雞鍋，湯底味道清甜，有半隻雞雞肉入口嫩滑。🔸 肉類每位贈送澳洲M9和牛牛丸兩粒，粒粒爆汁仲有超濃牛肉味，非常彈牙！多款肉類牛味濃郁，食落肉質嫩滑，淥幾秒就食得！分別有安格斯牛小排、澳洲和牛M5牛肩卷、美國SRF黑牛、手切封門柳、一口牛柳粒、牛五花！🔸 海鮮火鍋配料有蜆、蝦、魚等新鮮海鮮，鮮蝦和蜆都大大隻，好鮮甜！仲有各款菜類、丸類、菇類，魚漿類。必食黑松露手打墨魚滑，超香黑松露味道！仲有牛大人獨有，例如台灣直送水蓮、芋頭丸和瓜仔雞水餃都好特別，可以一試！🔸 小食必食鹽酥雞和炸魚皮，非常香口！仲有各種台式小食有甜不辣、油炸鬼、台灣腸、炸甘薯等……🔸 飲品最愛佢地自家製茶，白桃烏龍、桂花烏龍、洛神花茶…等等。仲有數唔到甘多款的啤酒、汽水和果汁。🔸 甜品食完火鍋配料，再黎一個台灣王子麵，王子麵索晒湯汁好正，幾飽都食得晒！最後黎個仲有仙草芋圓或者Häagen-Dazs雪糕，大

今次嚟到牛大人將軍澳分店，的確有些失望！訂坐19:00（星期日），到埸登記19:03在場仲係好多人等，但仍然要大量照顧Walkin客，其實，根本浪費客好多寶貴時間！等咗20分鐘方可安排入座，但仍要等待人員清潔枱面，但點餐紙已出！門口接待處人員態度差，店內員工未有及時清潔和準備餐桌完備就請客人入座，可見服務一斑😅。入座後，送餐員工比較懶散和粗魯，放低餐盤也好大聲，仲有一樣事情，佢哋搞錯枱號計用餐錯時間，真係一句祝福「中伏」，感受好直接影響當日對食物嘅體驗，所以我哋好快食完埋單走人！下次真係唔敢再試將軍澳分店，我會建議改去荃灣分店。

今日放假帶咗媽子去popcorn睇戲睇完戲就當然要去搵食啦比我見到呢度新開咗牛大人梗係入去吃到飽啦😋新店裝修採用木系裝修睇落寛敞簡潔 坐得幾舒服我地點咗澳洲極上和牛吃到飽套餐（$328/人） 🍍 台灣鳳梨雞鍋 揀佢係因為覺得呢個湯底幾特別湯底裏面有菠蘿、苦瓜、魚乾、蜆同雞仲配埋吸曬湯底既津白及薑片 超豐富湯滾起梗係第一時間試湯頭飲落好有層次有淡淡嘅菠蘿香又甘甘地用呢個湯底打邊爐都幾健康 又食到食材本身既味道🥩 SRF 美國黑牛後腿肉（期間限定）超正！牛味好濃，肉質軟韌度剛剛好🥩安格斯牛小排切到薄薄的 易咬岩曬媽子食呀一放落去幾秒就熟 即刻食得🥩封門柳切到比較厚身 食落有𡁻口 牛味更重🐮 澳洲M9和牛牛丸每人包左2粒牛丸口感彈牙仲好Juicy🥬 🦐 其他食材啲海鮮都唔錯 夠新鮮特別係隻蝦 大大隻一咬落去肉質彈牙蔬菜、飲品、丸類都有好多選擇井井有條咁放曬係自助區🧃飲品自助區大推自家製冷泡茶特別係白桃烏龍 茶味好香🍨 甜品每人一份甜品 可揀芋圓/雪糕媽子點咗黑白配（仙草凍加豆腐花）唔太甜啱晒佢老人家我就梗係食最愛嘅士多啤梨味雪糕啦BTW職員服務殷勤有禮，多次主動問我地要唔要加湯💕

好開心將軍澳開了牛大人，位於將軍澳唐賢街9號Popcorn 2樓PopFood 3號舖。 晚飯時間大約七點到， 店內環境舒適， 自助區有滷肉飯、丸類、菜類、飲品和醬料，點了極上和牛吃到飽套餐$328 和紅燒牛骨鍋。 🔸飲品 ～ 飲品種類多， 自助區有罐裝、紙包和冷凍茶， 還有手搖台式飲品🧋， 至喜歡金桔椰果和冬瓜茶，而我最喜歡冬瓜茶，味道甜美又消暑。 🔸紅燒牛骨鍋🫕 ～  超香濃的牛肉味， 湯底 越食越出味。 🔸火鍋配料 ～ 有和牛牛肩卷 、美國PRIME極級肩里肌、 SRF美國黑牛後腿肉、 安格斯特選牛板腱、 上腹牛五花、 手切封門柳、紐西蘭羊卷肉、 北海道十勝豚、 章魚珍珠漿、干貝鮮魚漿、蟹籽墨汁漿、海蝦、沙白、鯇魚片、台式蝦餃、皇帝菜等等， 款式多， 每一次都唔會食得曬！推介幾款我特別喜歡的火鍋配料，澳洲M5和牛牛肩卷🥩， 肉味濃郁又嫩滑， 油花分佈平均， 打邊爐一啖一塊， 食得特別爽👍🏻！ 海蝦🦐甜美， 肉質夠鮮。蟹籽墨汁漿很新鮮🤤，嫩滑又Q彈。 🔸澳洲M5和牛牛丸 ～ 套餐每人有兩粒和牛牛丸， 入口Q彈美味。 🔸熟食 ～ 今次食了滷肉飯， 香濃美味。 🔸甜品 ～ 最後到甜品時

📍之前都有食過牛大人，依家分店越開越多，開到埋將軍澳都有，今次約咗同事過嚟食！套餐比較人氣嘅有美國特級安格斯餐($288)同澳洲極上和牛餐($328)，澳洲極上和牛餐除咗有澳洲和牛M5牛肩卷之外，仲有我哋最鍾意嘅封門柳！不過我哋發現最好食係牛小排，淥7-8秒就食得，好軟入口即化！套餐仲會每人送兩粒和牛牛丸，都好重牛味同多汁。牛大人嘅湯底選擇都幾多，揀咗招牌之一嘅紅燒牛骨鍋，少少辣幾惹味，同埋個湯底味道偏濃，唔使點醬都夠味食，出邊仲有新竹米粉同王子麵可以拎，索哂啲湯底食最正！配料咁多款入邊最推介麻吉燒，有芝麻同花生味可以揀，放入湯底之後煮嚟食又甜又鹹反而又幾夾！我哋每人食咗超過10粒。

最近天氣凍 最啱就系烚下烚下😎加上聖誕節 梗系要食飽飽啦🤪呢間被譽為最抵食火鍋放題嘅牛大人越嚟越多分店 終於開到嚟將軍澳近近地史努比梗系要去啦😛-放題分咗3個價位 今次嗌咗最貴嗰個set原價$328 19:30前離座就$288 真系幾抵😛.👍🏿澳洲極上和牛套餐 $328先講湯底 史努比揀咗鳳梨雞鍋幾appreciate佢湯底夠清👍🏿不過其實就冇乜味 只有淡淡嘅甜味醬料選擇唔算太多 史努比試咗兩款豉油 兩款都偏鹹🙌🏿另外有款幾特別嘅洋蔥牛肉醬上面有啲蒜蓉同芫荽 唔會太鹹 略帶少少甜味但芫荽味太重 史努比麻麻😂.攻略😂：知道唔系個個都鐘意睇長文 所以寫個攻略先🤪有興趣先再睇～唔同價位嘅牛肉確實有分別 牛魔王嘅話揀最貴個set你會好滿足但如果食放題唔系狂食牛嘅話揀中間嗰個都夠架啦佢仲有好多台式火鍋配料連海鮮(蝦、沙白、脆鯇腩)呢啲都有提供加上質素唔錯 呢啲全部價位都有得食😍史努比特別推介鴨血、脆鯇腩、鯛魚片⭐️所以如果大家去嘅話按自己需要去揀詳細食評歡迎繼續睇落去🤣.Lv3👍🏿澳洲M9和牛牛丸 9/10最貴個set會送每人一客嘅和牛牛丸每人得兩粒 等史努比試下有咩咁把炮先😛牛丸都幾彈牙 重點系

🧣天氣凍冰冰，最岩就係打邊爐，知道最近將軍澳開左牛大人，一直都係好受歡迎既火鍋店，新店光線充足🔅✨澳洲極上和牛套餐，每位會送澳洲M9和牛牛丸2粒🔸湯底打邊爐湯底鍾意無咁單一，緊係揀鴛鴦鍋😆🔹牛大人秘方麻辣鍋：辣度揀左小辣🌶️麻辣味好香，有後勁，越食越辣🔹台灣鳳梨雞鍋：湯底好鮮甜，入面仲有沙白，小魚乾同苦瓜等，配咩食材都岩🔸牛肉類💓私心推介 安格斯牛小排 : 油脂分泌都好平均，肉質軟腍美國SRF黑牛 : 油脂分泌較少，肉質較有咬口手切封門柳 : 肉味濃，肉質軟腍🔸配料💓私心推介 花雕酒雞件 : 🐓雞件無骨，肉質嫩滑鮮甜海蝦 ：🦐唔算好大隻，但鮮甜爽口真味牛肉漿：牛肉味濃，味道少少似生竹牛肉🔸台灣特色小食💓私心推介士林鹽酥雞 : 🧂香脆鹹香，一啖一粒梅甘酥脆薯 ：🍠 蕃薯好甜，外脆內軟🔸自助區有好款火鍋配料🥬、麵食、滷肉飯🔸飲品自家製冷泡茶，罐裝飲品、啤酒🍺🔸甜品每人只限一款，可以揀雪糕🍦或者自家製芋圓

無限暢享的打邊爐盛宴相比起其他牛大人的分店，這間寬敞的用餐環境有足夠的空間，享受舒適的座位安排，既時尚又舒適。員工們在整個用餐過程中提供周到的服務。他們的禮貌舉止和樂於助人的態度營造出一個友善的氛圍。Q彈多汁的牛丸（只提供每人兩粒），到嫩滑的安格斯牛肉片，這個打邊爐提供了各種高品質的肉類，滿足了最挑剔的味蕾。每一口都是一種享受，食材在湯底中完美烹調，散發著豐富的風味。餐廳提供了豐富多樣的調味醬，可以自由搭配口味，創造出獨特的滋味。另外，牛大人開創的許多自家製的茶類供選擇。

-🍴🍽🍴🍽🍴🍽🥘🥘🥘🥘🥘🍴🍽🍴🍽🍴🍽-🥘澳洲極上和牛吃到飽套餐 $288 (19:30前離座)將軍澳最近新開咗牛大人，環境寬敞而且好乾淨，成餐飯都食得好舒適。餐廳用QR code經電話落單，我哋湯底就選擇咗阿麼養生濃湯鍋，再嗌咗啲海鮮同肉類，然後去自助吧攞其他嘢食。自助區食物林林總總，除咗有蔬菜、丸類、飲品，仲有好多麵食同醬汁選擇。🥢阿麼養生濃湯鍋 🆙今次都係揀咗阿麼養生濃湯鍋。有大量嘅娃娃菜，紅棗、杞子、桂圓、味道好清甜，亦唔會太油膩，飲落好滋潤👍🏻。🥢澳洲和牛牛丸 🆙餐廳會免費贈送兩粒和牛牛丸俾每位客人。牛丸一咬就爆汁，牛味非常濃郁，超級推薦！可惜每人只係得兩粒，想再食就要額外收費🥹。🥢安格斯特強牛板腱🆙牛板腱油花分佈均勻，脂肪少，有咬口，肉味濃郁，筋多肉質結實有咬口，啱曬鍾意有嚼勁嘅人👍🏻。🥢澳洲和牛M5牛肩卷 🆗油花分佈均勻，牛肉味濃郁，食落有陣陣牛油味，肉質細緻嫩滑，入口即化，亦非常juicy。🥢安格斯牛小排 🆗油花分布平均，入口軟嫩，牛味濃郁😋。🥢手切封門柳 🆙封門柳喺牛隻橫隔膜下面個條肉，封門柳肉質嫩滑，牛肉味好出，入口即融，用嚟做火鍋一流！🥢干貝鮮魚漿🆙本身自己好鍾意食

香港人最愛的牛大人火鍋，任飲任食，價錢仲非常抵食。分分鐘平過自己買黎打邊爐。這幾天天氣咁凍，最岩就係約朋友家人去打邊爐。一想起打邊爐就想起牛大人。朋友住在將軍澳，話終於開左牛大人。餐廳有高達百多款食物，豬牛雞丸菜台式小食樣樣都有。自助區選料多有不同來自台灣的款式還有飲品還有麵類台式小食台灣腸鹽酥雞地瓜條➰牛豬羊➰澳洲和牛M5牛肩卷安格斯特選牛板腱安格斯一口牛肉粒安格斯牛小排手切封門柳西班牙豬梅肉片紐西蘭羊卷肉➰海鮮➰新鮮沙白鮮甜海蝦➰其他➰牛媽秘製滷大腸牛媽秘製滷牛筋花生和芝麻麻吉燒（火鍋料）味道是湯圓，煙煙韌韌，外咸內甜的。章魚珍珠漿爽脆炸魚皮

台灣火鍋牛大人登陸將軍澳Popcorn，趁友人生日，選上吃到飽澳洲極上和牛套餐大快朵頤。 是夜湯底選了鳳梨雞鍋，湯鍋本身已有半隻鮮雞及津白，再以鳳梨配上苦瓜小魚乾沙白熬制而成的雞湯，湯味醇香濃厚又不會影響食材本身的味道。 吃到飽澳洲極上和牛套餐特別有澳洲極上和牛特別有澳洲和牛M5牛肩卷、安格斯牛小排、手切封門柳及安格斯一口牛肉粒等。 澳洲極上和牛套餐的幾款肉類質素均不俗，澳洲和牛M5牛肩卷及美國PRIME極級肩里肌切成薄薄的一大片，放入湯中很快見熟，肉質鮮甜嫩滑。手切封門柳厚身有質感，肉味重油花少。 澳洲M9和牛牛丸每人贈送兩粒，此牛丸比一般牛丸更多汁牛味更濃，入口有爆汁效果。 除了牛肉，牛大人有不少別具台灣特色的食材，蟹籽墨汁漿烹煮後口感爽口彈牙，入口鮮味。水蓮青綠細長，涮過清脆爽口。 台灣鯛魚片厚切，魚味鮮甜。牛媽秘製滷牛筋軟硬適中，煙韌彈牙，表面清潔乾淨。麻辣鴨血口感細嫩爽滑，猶如布甸一樣。 牛大人除了有自取的冷泡茶外，尚有手機落單的金桔椰果及酸梅汁等，酸甜有致，配上火鍋是不錯的選擇。 甜品可以選擇雪糕或仙草凍，每碗仙草都有椰果芋圓及珍珠等，另外附上花生，仙草濃郁絲滑的口感，搭配

耐唔耐就會去牛大人打邊爐，貪佢整體水準幾好又穩定，食過旺角、沙田、銅鑼灣嘅分店，今次食最近新開嘅將軍澳分店，照舊揀咗328蚊加一嘅澳洲極上和牛放題套餐。揀湯底先，試過招牌牛大人紅燒牛骨鍋，牛味甘香，亦試過曾經限定嘅醍醐番茄酸辣鍋，酸辣醒神，今次就叫咗期間限定剝皮辣椒雞鍋。湯底帶較温文嘅微辣，一啲都唔油膩，大啖飲都唔驚，清甜回甘，雞肉亦好彈牙，飲完暖笠笠。套餐包每人兩粒澳洲M9和牛牛丸，彈牙多汁。牛有好幾款，安格斯牛小排、澳洲M5和牛牛肩卷油香較突出，而手切封門柳就肉味較濃，瘦得嚟軟腍。食咗無數沙白，隻隻鮮甜無沙，簡直係海鮮類嘅不二之選，蝦亦都幾彈牙。其他方面，皇帝菜等蔬菜全部都好新鮮。蟹子墨汁漿香甜爽彈。鴨血嫩滑，鵝腸爽脆，非常甘香。飲品除咗汽水同冷泡茶外，仲有幾款特飲，柑桔椰果酸酸甜甜，清爽開胃，椰果鹹鹹哋，層次鮮明幾過癮。📍牛大人將軍澳唐賢街9號Popcorn 2樓PopFood 3號舖

地址－牛大人台灣火鍋吃到飽 (Popcorn)將軍澳唐賢街9號Popcorn 2樓PopFood 3號舖💋台灣鳳梨雞鍋，呢個湯底一上枱時首先呷一呷先，一飲首先有一股清新的蔬果味湧現，後尾再有一陣輕輕的雞湯味同埋少少薑味帶左出黎，好特別，呢個湯底用黎煮肉類一定好正。💋魚香皮蛋豆腐，係等湯底READY時就叫D熟食試下，呢個皮蛋豆腐可以話每次黎都會食的，唔會令人失望，佢D豆腐口感滑溜，配埋皮蛋香味一齊食，好正！💋肉燥飯，呢個都係等待時間最好的食物之一，佢D肉燥食落香口牛肉味濃，配埋鹵水汁同白飯一齊食，如果唔係陣間好多野食的話，我相信我會食多好多碗呢！💋真豬小香腸，呢個腸咬落表皮香脆，有一陣甜味，內裡咬落多汁而且結實彈牙，而且佢肥瘦均勻，好有台灣夜市香腸的味道。💋澳州M9和牛牛丸，安格斯一口牛肉粒，安格斯牛小排，一坐低無耐，佢就送上一份M9和牛牛丸，佢個和牛牛丸果然好重牛味，咬落仲有少少油份流出，正，牛肉粒方面佢比個SIZE都好大粒，食落好有口感，一口一粒咁，正！而佢個牛小排雪花均稱，唔算切到太薄，食落都好滿足。💋鬼馬油炸鬼及黑松露油炸鬼，見到有得叫都即刻落單先，佢本身炸到好脆身,就算就咁食都

來popcorn同附近商場行一陣, 早幾日訂左牛大人, 同家人試一下, book左5點鐘, 可以食120分鐘, 可能新開又凍, 接近5點已經好多人排隊, 到5點陸續安排入座, 叫左養生濃湯湯底, 同第二貴的套餐, 好似比正價平40元💓, 還有做長者和小童優惠188元🥰, 外面有冷泡台式茶, 紙包飲品同罐裝飲品, 亦有不同醬汁自己調較,丸類菇類蔬菜粉麵係外面自己拿, QR code点蝦,沙白,魚, 肉,餃,魚漿類,鴨血,油炸鬼,台式小食, 由於我不食牛, 叫左梅肉片同羊肉卷,羊肉卷不肥, 有d肉味, 我叫左多一碟❤️, 拿左大紅袍, 味偏淡d, QR code可以叫冬瓜茶, 酸梅汁, 烏梅汁, 我試左烏梅汁少甜少冰, 酸酸地幾開胃👍, 飲落似酸梅湯, 到結帳時可以order H字頭雪糕或豆腐花燒仙草, 叫左燒仙草, 唔甜幾好食👍😋比甜品店更好