牛品台式火鍋

营业中

休息中

一向幫襯開尖沙咀的牛品，今次中午過來銅鑼灣試其新的分店，選了60分鐘的套餐，套餐選的牛肉質素不錯，每人有兩碟，60分鐘是一人一鍋，外面自取的配料有很多選擇，菜品種類也很多很新鮮，不知是否剛剛開業，湯鍋上得比較慢，但工作人員很nice，主動說會補回時間，在等候湯鍋上來時去自助區取熟食，熟食種類都有很多，甜品更有鮮芋仙的芋圓及其他配料 及 雪糕，完全可以自制一碗啱自己口味的甜品。整體而言，CP值高，唯一不理想是湯鍋上得慢，這點改善了便完美。

新開銅鑼灣台式火鍋，主打放題火鍋。總共有三個套餐選擇，任用餐時間由一個鐘至無限食嘅都有。留意假日套餐係需要加$20～今次揀咗個75分鐘嘅午市套餐，肉類我哋就揀咗牛肉，雞肉，豬肉。套餐可以選擇一至兩款肉類，然後所有蔬菜，丸類同埋小食都係任食。湯底就揀咗昆布味，食落幾清淡，都幾夾。因為有好多漿料可以自由配搭，所以鍾意重口味嘅朋友可以自己調製醬料。啲小菜有蒜蓉青瓜，滷水豬肚，滷味雞翼尖等等，仲有一啲炸物例如炸番薯條同埋蝦片等等。飲品方面就有好多選擇，除咗台式汽水之外，仲有常見嘅可樂汽水同埋冷泡茶。甜品亦都好豐富，有一個甜品buffet corner，有芋圓，雪糕，雪米糍任食。呢個套餐肉類雖然唔係任叫，但係其實份量都好足夠。啲肉質都非常好，我會推薦個 top blade 同埋醉雞。個雞煮完之後都仲有少少酒味，而且非常嫩，一啲都唔韌。炸物類嚟講就唔係特別推薦，因為食落唔脆，略嫌遜色。整體嚟講個環境都食得好舒服服務員嘅service都唔錯。