牛品台式火鍋

营业中

休息中

端午節同朋友食飯，揀左呢間打邊爐，我地揀左第三個level食澳洲m9，前台姐姐好好禮貌，好細心介紹menu,坐底之後位置都算寬敞唔會逼，但係出去自助拎菜嗰個位置真係好窄，人又多，想要拎菜真係夾硬逼入去拎。牛肉質素還好，不過不失叫做對得住個價錢，湯底好食嘅，我地揀左養生鍋，啲湯滾起嘅時候候都有好香嘅藥材味。食物上冇乜大問題，但最想講係佢地服務態度真係唔掂！我地食到差唔多尾聲，朋友想叫埋嗰杯送嘅嘢飲，發現落唔到單先知原來夠鐘前半個鐘就截單，喺我哋食嘢嘅中途完全冇人提過我哋，ok小問題，可能人哋有講我哋冇聽到啦。我哋食得最唔開心嘅位係，當夠鐘嘅時候，有個侍應過嚟趕我哋走，西口西面態度極差，我哋又唔係唔走，睇返張單我哋都冇過鐘，做得服務業但係0服務！對呢間嘢嘅服務體驗真係差，由頭到尾得前台個姐姐係有禮貌，講嘢溫柔聽落舒服，至少應該好似有咁嘅服務態度先係正常，體驗過一次咁差嘅服務就夠，冇下次。

銅鑼灣《牛品》店面積超级大，自幫區有多款美食。首先，講下綿绵冰。因自助火鍋場就去得多，但係，吾係間間有得自助製冰，兼且好好玩，又好味。玩法就係先倒一杯水入製冰機，然後部機會自動造出綿花似嘅冰。再可按自已喜好加入甜食，例如: 啫喱、椰果、愛玉、菠蘿、桃、桃膠等食材。 今次打邊爐嘅湯底係「紅燒一品鍋」，肉味香濃。肉類方面有: 澳洲M9和牛肩胛肉、美國特級牛小排、精選美國牛胸腹、加拿大頂級牛板腱、西班牙穀栗飼豬五花、西班牙粟飼豬梅肉。樣樣肉類都係高質素，鮮嫩無比，吾係 hie 你。而海鮮就有蝦 、青口、蜆 和 魚，十分新鮮。仲有提供雪糕，有四款哈根達斯任你拎。📍銅鑼灣 金朝陽中心一樓

5月17號同女朋友去食晚飯，我係網上訂位。去到既時候早左少少，等到差唔多8點半先入去，服務員都幾好人提早少少比人入去。態度方面：1. 首先坐位既冷氣唔夠，第一次打邊爐可以熱到係咁出汗。有位附近既先生問職員可唔可以大少少冷氣，職員回答調教唔到冷氣既態度有少少差。大約就係「個冷氣教唔到，我都好熱，真係教唔到唔好意思」就另轉頭走左去。2. 一間以合作芋圓為主題既火鍋店，竟然話花奶無哂貨。問個職員仲有無花奶，職員既回答：「冇，冇，冇哂呀，冇哂貨」態度極差，無哂貨都算，唔係咁樣答個客呀？ 3. 單都未截出面啲野食就收哂，可能大家會話人地都要收工，都唔係10點未到就收哂？更何況你間野收11點？4. 啲碟收得都幾慢。得開頭10分鐘收好快。唔止我地，有其他顧客將碟疊到好高都無人收既情況，有啲服務員係無野做緊都係唔收野，服務方面真係一般般。抵食/食物方面：食物黎講都算係新鮮，例如：娃娃菜，生菜，冬瓜等等。但係比較多收費項目，例如：珍奶之類既手搖。所以未算好抵食，但可以值得一試。肉類一碟唔算好多，肉都偏薄。不過落單無冷卻時間，如果唔夠即時再叫就可以，出餐速度都算正常。環境/衛生方面：首要問題都係冷氣唔夠，

10/5 晚上，原本在晚上與家人和太太提早慶祝母親節，但真係非常失望！1. 環境首先，餐廳冷氣不足，我隔離位嘅客人一路吃一路用紙巾抹汗，而取自助食物的地方十分狹窄，不敢想像！2. 食物質素取飲料的時候才知道沒有啤酒類的飲料😢（他們說未有酒牌，我入座之前也不會說一吓，真的好委屈），另外熟食非一般，滷水豬腸和豬耳奉勸大家不要取！另外提供打邊爐的牛舌我真的非常佩服，簡直就是薄如纸張，滾完之後也差一點便發覺不了！3. 服務態度😡我發覺最令人受不了的便是他們的服務態度，我哋們當晚是8:35入席的，用餐時間是兩小時，但是他們10:00便說已經截止下單，我太太便到自助食物區取一些蔬菜及丸類食物，原來他們十時已經把食物收走了😠，10.03及10.05更拿了結脹單催促我們埋單，但他們的營業時間到晚上十一時的，他們說是收銀要埋數，請大家評一評這樣是否合適！香港的飲食業搞成這樣，簡直自作自受！😡

發現雖然飲食業低谷，但台式邊爐任食都繼續好旺場，so far 覺得牛站>牛大人，呢間新賣點係有鮮芋鮮嘅芋圓任攞🤣 食sukiyaki 先有日本A5和牛點。其他嘅係澳洲。所以食sukiyaki. 另外佢仲有無限時餐，貴～兩舊。比起牛站，好啲嘅位係：1. 有sukiyaki. Staff 幫你用牛油開鍋.2. 環境好啲，座位舒服啲，無咁逼無咁嘈。3. 牛質素高啲，切得亦好啲4. 芋圓寒天仙草嗰堆嘢自𢳂係好食啲。有豆腐花自𢳂。5. 有台式小食，部分仲要真係幾好食，例如鹽酥雞。比起牛站，差啲嘅位係：1. 個sukiyaki 佢整第一轉已經放勁多水落去。由頭到尾都係sukiyaki 湯底邊爐。2. 嘢飲選擇少，佢自製的茶淡如水。3. 自己去攞嘅菜&餸選擇較少。水蓮要叫先有。極度孤寒，叫咗幾次一份嘅份量仲細過手指尾。4. 漏單幾次5. 雪糕淨得3隻haagen daz 自𢳂。另外有本地牌嘅細粒雪米滋都幾難食吓。總結：如果重點食牛，又想坐得舒服啲，呢度好啲。牛站就啱要多嘢揀同成班人嘈住黎食。

--牛品台式火鍋終於正式進駐港島銅鑼灣啦❤️❤️之前已經係尖沙咀食過，成日都好想再食，對於少過海既我，知道佢地係港島開分店！點都要支持下架啦！而家新開張仲有好多驚喜，包括送鮮活鮑魚、任食廣島蠔、晚市 85 折，仲要Menu 係全新升級～新湯底、台灣夜市小吃、限時升級鮮芋仙芋圓😛逾100 款菜式極致體驗😌💥新張限定午市 $89 起享一人火鍋套餐👉🏻更可升級無限時任食套餐 2 時後入座 9 折👏-而家有3款期間限定鍋底（只限晚市）🥘藥膳麻辣鍋🥘櫻花蝦濃湯鍋🥘青花椒和牛鍋⚠️螞蟻人都注意！牛品聯乘「鮮芋仙」，甜品區限時升級鮮芋仙芋圓，嚴選上等芋頭，遵循古法製作，細細搓揉、慢火蒸煮，以純手感製作出軟中帶 Q 的芋圓，配上香甜黑糖綿綿冰，一定能滿足你的「甜品胃」！*鮮芋仙芋圓供應時間：2025 年 3 月 31 日至 2025 年 4 月 30 日-新張限定優惠（優惠由即日起至 2025 年 4 月 30 日）🎀登記成為牛品會員並出示學生證（中學及大專生適用），星期一至五於銅鑼灣店用餐即享9 折優惠（優惠僅適用於午市時段）。🎀即日起登記成為牛品會員即可享全單 85 折優惠（優惠僅適用於晚市時段）。🎀惠

人氣火鍋放題「牛品台式火鍋」第二分店登陸了銅鑼灣, 為港島區又增添一間火鍋放題任飲任食新選擇, 入座起計120分鐘任飲任食, 絕對滿足到「吃到飽」。經OpenRice預訂, 晚市可享85折, 更加抵食!!!餐廳供應數款價錢套餐選擇, 今晚揀咗呢款「牛御品吃到飽套餐」一共提供十款湯底選擇, 我地揀咗沙茶海鮮鍋, 上檯時慢慢滾起, 沙茶味極為濃郁, 材料豐富又足料, 湯底中有蝦、蜆、青口等…色香味俱全。食物方面肉類、海鮮、多款台式小食、台式飲品等經QR code自行落單, 至於飲品、丸類、蔬菜類、台式炸物、少量熟食、麵食、甜品設自助區。 我地所選嘅套餐, 每位可享限定一隻鮑魚、春陽茶事一杯, 鮑魚彈滑; 至於春陽茶事系列原本為額外付費飲品, 我揀咗其中一款桂花鮮奶, 口感香滑, 味道清香。至於套餐所包嘅肉類選擇都幾多, 每款肉都新鮮, 色澤嫩紅, 表面沒有雪氣澳洲M9和牛肩押肉: 牛脂分佈集中, 肉味濃郁牛舌心托: 薄切稍為焯幾秒食得, 盡量避免了韌嘅口感。海鮮:  黑魚片: 有驚喜, 魚質超滑, 有如坊間食嘅酸菜魚, 而且無骨啖啖肉, 食得滿足。蝦: 雖然唔係肥美嘅虎蝦, 叫做正常水準。

同朋友見到呢間火鍋店終於入駐銅鑼灣喇~ 揀左佢哋嘅「牛殿品」無限時晚市放題。新開張最正有優惠任食宮崎A5和牛 + 澳洲M9和牛~ 仲有海鮮同台式小食~ 加埋環境新淨，座位闊落，緊係叫幾多個fd 齊齊黎喇🥩 肉類幾樣最正🌟宮崎A5和牛：理石花紋細膩分明~ 油花靚到癲，入口即溶- 澳洲M9和牛肩胛肉：肉味濃得嚟夠腍嫩- 封門柳：牛味最出，肉質鬆化- 牛小排：油脂分布平均，juicy得嚟有咬口- 其他肉類如西班牙栗飼豬、新西蘭羊卷肉都唔錯🦪 海鮮選擇都多- 日本廣島蠔：每人送兩隻，鮮甜飽滿- 台灣墨魚仔：爽口彈牙- 仲有蜆、海蝦、黑魚片等可以任叫🍧 甜品區係亮點：⭐️ Häagen-Dazs任挖🏆 鮮芋仙芋圓 + DIY超多配料：寒天、桃膠、珍珠、西米、寒天等- 仲有豆腐花同黑糖綿綿冰等等，緊有樣啱🍲 湯底揀咗元氣養生鍋藥材味唔會太重，清甜得嚟幾滋補，打邊爐唔會搶咗肉味

之前尖沙咀分店食過兩次，只能說係我食過最高質既台式吃到飽火鍋😋🔥 啲肉好高質👏 銅鑼灣分店環境闊落！🌟去到真係人氣爆棚💪 坐滿曬人🤩 ·今次揀左「牛殿品」晚市吃到飽（無限時）👏試過每一款牛，全部都牛味好濃郁，勁好食😋 套餐主打M9 澳洲和牛肩胛肉、手切頂級封門柳、 仲有日本宮崎縣 A5 和牛🏆 牛花勁靚！入口即融😋 不過自己最鍾意都係M9澳洲和牛！肥瘦比例均衡✅ 另外套餐仲送鮮鮑魚同指定春陽茶事飲品👍·湯底方面揀左青花椒和牛鍋！大推！🎉（都係嗰句，覺得呢間舖好出色，我第一次食青花椒鍋底係台北食青花驕，嗰陣覺得勁正勁好食😭 心唸香港會唔會有呢... 點知呢間舖就出左😭👏）青花椒既鮮麻味好出，建議全部落曬😂 越煮越香麻，味道越出👍 食完一次返唔到轉頭！·甜品方面大把選擇，有芋圓！有豆花！有仙草！有雪花冰！可以揀唔同配料，樣樣出色👍 ·小食唔洗飛台灣都可以食到好多款😭😋 大腸包小腸、鹽酥雞、甜不辣、蘭陽糕渣、鴨血糕等等，真係包羅萬有😯·最後食飽飽仲有得玩夾公仔活動😂 夾左隻牛牛鎖匙扣👏 參與感拉滿💯 食得滿足，又玩得開心👍·人均：$500+·評分🪄 (滿分5🍑)味道：🍑🍑🍑🍑🍑環境：🍑🍑🍑🍑

最近如果任食火鍋嘅話都比較鍾意食台式吃到飽～因為有好多唔同台式小食同飲品選擇，好似冇咁單調😆然後發覺之前食過尖沙咀分店嘅火鍋，而家開咗喺銅鑼灣～新開張有優惠之餘，仲要無限時任食勁吸引！！雖然新開，但係夜晚去到都等咗陣位。今次食牛殿品Level～主打靚牛😆而湯底我揀咗元氣養生鍋🐔裏面雖然雞比較少，但係勁多人蔘，苦苦地好啱近排病病地嘅我😂佢依度同平時台式吃到飽差唔多，都係可以出去拎嘢飲同埋夾小食同丸。比較欣賞佢係台灣小食都幾多選擇！有宜蘭「蘭陽糕渣」、經典的「大腸包小腸」、椒鹽粟米，還原到台灣夜市風味👍🏽我個人鍾意麻辣鴨血，叫咗兩次🤣重頭戲一定係牛肉🐮主打日本宮崎縣A5和牛同埋澳洲M9和牛肩胛肉！淨係計所有牛肉，最後睇返張單我地食咗22碟牛😂 呢個價錢CP值好高，買牛返屋企打邊爐都唔止呢個價😂A5和牛係連續三屆日本和牛奧運會冠軍，油花如大理石紋般細膩，涮3秒就食得！入口即化～如果佢有壽喜燒湯底就更加正🥹而澳洲M9肉質比較緊實帶嚼勁，但牛味濃郁。另外我都好鍾意手切美國頂級封門柳，雖然比較厚，但係一啲都唔韌，煮完有啲似慢煮嘅感覺！另外佢仲可以任食海鮮。廣島蠔好唔錯！蠔肉肥美鮮甜，同埋鮑魚超級新

牛品🍲🐮喺銅鑼灣開咗分店喇！絕對係火鍋控嘅福音🤗，以後過海想打邊爐就唔洗左諗右諗啦yeah～·次次嚟都要玩嘅綿綿冰🍧，配料仲升級咗期間限定聯乘「鮮芋仙」嘅芋圓、番薯圓，正呀😍!! 而宜家凡惠顧晚市「牛御品」、「壽喜燒」或「牛殿品」套餐，並登記成為牛品會員，仲有得夾公仔🐮，分分鐘夾到牛牛鎖匙扣呀～·湯底揀咗沙茶海鮮鍋🍲，沙茶湯頭味道濃郁，裡面有齊海蝦🦐、大蜆、青口等一齊熬煮，好足料。·我地食牛御品套餐又可以瘋狂食牛牛🥓啦!! 個人推薦澳洲M9和牛🐃、美國特級牛小排🐂、美國頂級牛肩胛肉🐮，呢三款牛肉嘅紋理油花都好靚，M9和牛肉味最濃🤤；牛小排一口一塊剛剛好，質感會比較柔軟😚；而牛肩胛肉手掌咁大塊，口感會比較有嚼勁😙。·海鮮任食以下呢幾款已經好夠😋，海蝦🦐、青口、沙白、台灣墨魚仔🦑、黑魚片🐟，我食咗好多片黑魚片，可以自製魚片鍋😙；而台式小食仍然有好多選擇，鹽酥雞、台式甜不辣、炸花枝丸、肉燥飯等；自助區都好有驚喜😻，估唔到有佛跳牆，係真係有鮑魚㗎😍!! 仲有次次去台灣必食嘅黑糖雞蛋布丁🍮，係店家自家製，味道不輸台灣品牌㗎～·📍牛品台式火鍋銅鑼灣登龍街1-29號金朝陽中心二期 - Midtown

銅鑼灣登龍街新開嘅牛品分店，裝修升級仲有驚喜！今次試佢哋頂級「牛殿品套餐」，A5和牛任食之餘，竟然仲有無限時任食同鮑魚送，即刻同大家開箱～ 𓂃𓈒𓐍 *ﾟ. 𓂃𓈒𓐍 *ﾟ𝔹𝕖𝕖𝕗 𝕆𝕧𝕖𝕣𝕝𝕠𝕒𝕕ﾟ*𓐍 𓈒𓂃. ﾟ*𓐍 𓈒𓂃 🥩 和牛盛宴・A5和牛｜霜降紋理靚到發光，涮3秒入口即化 ・美國牛小排｜肉味濃郁帶嚼勁，最啱配麻辣湯底 ・每人送原隻鮑魚｜爽彈鮮甜，仲有春陽茶事飲品🍲 自助區驚喜 • 飲品區：韓台飲料、自家製茶飲・台灣直送小食：地瓜球、滷肉飯・蔬菜區：幾款蔬菜、心內美蘿蔔 🍧 甜品區・自製雪花冰機｜配料任加 ・鮮芋仙招牌芋圓｜煙韌有咬口 ・ Häagen-Dazs雪糕｜2款口味任舀𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ. 𓂃𓈒𓐍 *ﾟ 💰 升級優惠✔️ 午市2點後入座享9折 + 無限時任食 ✔️ 指定晚市套餐再加入會員即可夾公仔（4/12開始） 🤑 人均消費：～$648🤩 推薦指數：8.5 / 10📍 餐廳資料：牛品台式火鍋 (銅鑼灣)銅鑼灣登龍街1-29號金朝陽中心二期 - Midtown 1樓

牛品無限時午市火鍋無限時午市火鍋的概念令人感到非常實惠，尤其適合牛肉愛好者😋😋😋隨心所欲咁享受高品質肉類同新鮮配料😆😆😆澳洲M9和牛澳洲M9和牛肉質極為鮮嫩，油花分布均勻🐂🐂🐂烹煮後既風味令人驚艷，入口即化，無論係涮煮定直接享用，都感受到其獨特風味🥳🥳🥳新鮮海鮮新鮮海鮮，肉質鮮美，搭配火鍋湯底，令每一口都充滿海洋鮮味🐙🦑🐟 其中魷魚仔同沙白都十分美味，提升左整體火鍋既層次感😛😛😛炸物炸物酥脆口感更加為火鍋增添唔同既風味，外皮金黃酥脆，內部鮮嫩🤩🤩🤩其中炸午餐內作為小食非常受歡迎，令人一試成主顧🥰🥰🥰手工芋圓、仙草、椰果手工芋圓、仙草和椰果等多款台式甜品搭配更為火鍋餐後增添甜蜜感🤓🤓🤓口感Q彈，清新風味更令人感到愉悅✌🏻✌🏻✌🏻哈根達斯哈根達斯濃郁雪糕為用餐體驗增添實在既奢華感，並提供2種口味🍨🥧👏🏻非常滿足甜品愛好者需求😚😚😚自家制刨冰自家制刨冰清爽口感令人倍感消暑🤩🤩🤩非常適合係火鍋後享用，整體用餐體驗更加完美😍

昨晚星期日試新店，但體驗就麻麻，前枱及樓面職員就服務態度好好，但廚房出食物就麻麻，第一、第二輪食物就準時到枱面，去到第三輪食物就遲遲吾出，當我關爐時才出了少許食物，最終我叫服務員拿回廚房。至於甜品亦都空空餘也沒有及時去添加；莫非叫客人下一次不要再光臨。

老公又帶我食好野，佢知我至愛就係打邊爐🔥，銅鑼灣新開左間，話係中午時段去食｛吃到飽火鍋套餐🍲｝，可以由原本食120分鐘升級至無限時⏰，可無限時無食咁抵梗係要去試下啦！湯底都有成十款🥘，選擇困難症既我最後就店員推介 ～ 元氣養生鍋💪，有小小中葯既味道，感覺好滋補💖，味道都好清甜！今次我地揀左 - 午市無限時火鍋放題 【牛御品】啲個套餐🥩自助調味料有好多選擇，飲品區都有好多唔同既手沖台灣茶🥤有澳洲M9和牛🐄、美國牛小排🍖、西班牙豬梅肉🐖、豬五花🥓、羊🐑、雞🐔都有，仲有海鮮：青口🦪、沙白🐟、海蝦🦐、墨魚仔🐙，同埋我至愛既魚片🐠！自助吧仲有大量不同既丸同蔬菜🥬，真係岩曬我🥰樣樣食物都好新鮮🌟，和牛質素好好，啲豬五花都好爽口，沙白隻隻都肥嘟嘟😋，無沙好好味！海蝦都係新鮮彈牙🦐！除左好多美味既火鍋料之外，仲有好多台灣小食🍽️，鹽酥雞🍗、炸花枝丸🐙、炸地瓜球🥔、脆脆雞寶🐔、滷水雞翼尖🍗、滷水大腸，真係好正👍，好似去左轉台灣夜市掃街咁真開心🥳至於甜品🍰，除了Haagen Dazs🍦，仲有台灣手工鮮芋圓。芋圓口感軟糯又Q✨。珍珠煙韌🥤。隔離仲有部韓式雪花機❄️、配埋寒天、西米、布丁🍮、愛玉。。一齊食都係好完