牛公館牛骨湯粉專門店

完全中伏！香港竟然有啲咁差嘅牛腩麵。荃灣牛公館試招牌崩沙腩河，感覺非常差。牛腩鬆散無味，與餐廳標榜的筋腩完全不符，要求重煮後依然一樣廚餘質素，完全感受不到用心。至於伊麵，入口極腍，一啲彈性都冇，感覺係煮過頭。食物失望之餘，收費竟然要$68，實在唔值。睇返網上亦有類似投訴，牛腩有時欠缺牛味甚至無肉。店舖曾標榜牛骨湯底濃郁，招牌牛腩筋腩入口即化，但實際體驗與宣傳差天共地。整體只係浪費金錢同時間，完全唔會再去牛公館幫襯。…查看更多

~~~(完全不老實和難食的餐廳)~~~今天晚上特意來荃灣吃晚飯，經過這間餐廳外面，見裝修得幾有特色，加上價錢算是可接受範圍，便入去試一試牛腩。三個人，分別點了牛雜飯，牛雜米和牛腩河。另外，我們點了一碟菜心，店員特意詢問我們三人是否需要大碟的菜心，價錢為$25，細碟的菜心價錢為$15，我們諗住三人食大碟菜心會夠食啲，便下單點了大碟！河粉和米粉的質感很硬，沒有湯河粉和米粉應該有的質感。下單時店員明明說牛腩不會太肥，是瘦的牛腩，但牛腩河到達時口感很臊味，質感像橡皮擦。最最最重頭戲來了，大碟的菜心竟然只有七條，沒有錯，真的只有七條！我們詢問店員大碟的菜心真的只有七條菜心嗎？可以看看圖片！店員解釋是只有七條菜心！我們便沒有再多問。我們想測試一下細碟菜心會不會只有三條，便再次下單，細碟的菜心。最後細碟菜心到達時，除了個碟比大碟菜心細一倍之外，份量竟然有高達六條菜心，但價錢比大碟菜心便宜$10，難道一條菜心價值高達$10嗎？大家可以看看圖片，所謂的大碟菜菜名為 高湯灼菜遠 (圖1)，細碟菜菜名為 拼細灼菜 (圖2右)，大碟和細碟，除了碟型大細有分別(圖3)，份量完全一樣！我們再次詢問店員，為什麼大碟和細碟菜心的份量只相差一條菜心？店員不慌不忙地解釋，是廚房師傅隨心按手的份量來煮的。這個時候有一位疑似店長的人員走過來，解釋到大碟菜心的份量為七條，細碟的菜心為三條，我連忙說道那麼我這碟細碟菜心只會吃三條，另外三條菜心我會留給你，不會多吃。餐廳店員一直解釋是廚房師傅按自己心情來煮菜心給客人吃，並不會有固定的標準，並沒有為師傅的過錯而主動承認錯誤！難怪香港的餐飲業如此一蹶不振，就是有這個害群之馬，所以不要怪責遊客和香港人不在香港消費飲食，而係服務態度和質素每況愈下，令到我們沒有意欲在這裏消費！最後，希望大家慎重選擇消費這間餐廳！不可一不可再！！！…查看更多

今日去完醫院探朋友，落車去到荃灣一個人都唔知食乜好，行到呢間舖頭見到裏面有位，環境都ok，好想快啲走入去嘆下冷氣，唔使等位就啱曬我，就試下啦！叫咗個招牌崩沙腩飯（$72)本身呢個飯包餐湯和飲品，崩沙腩好淋，有牛味，瘦得黎唔黐牙，除餐附送一碗牛骨湯，有藥材味，飯份量亦不少喎，我都食唔曬總結：呢個價錢嚟講，雖然唔算係平，但係份量都足，味道好，侍應服務友善，上菜超快，環境舒服，最啱我一支公晚餐，我覺得值得一試…查看更多

從來未食過咁膻咁油的牛腩哩個位置之前開一間雞窩，一陣就執，哩間吾同時間行過，通常無乜人，伙計都經常系門口拉客，味道崩沙腩河($62)2分-賣相真系幾好，睇落系好靚的位置，食落質感的確系普通牛腩不能比較-河粉亦比較滑-可惜系   -一攞埋來已經聞到勁膻味，自問對羊的膻味是越膻越喜歡，但哩個真系好難頂，有一定好像牛腸的味道。   -超油膩，一口油。油菜($15)2分-蠔油比較咸環境(4分)-以主打粉麵鋪算系吾錯服務(2分)-無乜客但等個牛腩河都要8分鐘，太慢。後面果檯亦追問點解薯條等左15分鐘都未來。抵食(1分)-同一個街口的潮州粉麵鋪，收費低佢好多，吾系貪新鮮，一定吾來…查看更多

@牛公館牛骨湯粉專門店今日響荃灣搵食,行過呢間畀出面嗰啲牛腩圖片吸引,入面格局有似茶餐廳,望下個招牌寫住牛骨湯,即管入去試試啦,order後大約三分鐘就上枱📌招牌崩沙腩飯牛腩好有牛味,牛腩係偏瘦嘅,不過好啱我口味,因為我唔鍾意食肥,除餐附上一碗帶dd藥材味嘅牛骨湯,唔係非一般嘅例湯,我自己本人鍾意飯餸分開,可以自己調節餸汁嘅多少📌熱柚子蜜(+$3)一般嘅份量,柚子味唔係太多,價錢有少少貴,侍應服務友善,總結:味道嚟講我覺得呢個係不過不失的,價錢合理,侍應服務友善,絕對適合一個人開餐,不妨一試呵…查看更多

其實同一日我試過另外一間 崩沙腩，食完之後覺得伏伏地， 因為想買啲返屋企畀家人所以見附近又有一間牛公館，雖然未 試過 咁咪入去 犧牲下 做個實驗囉....都算唔錯喎食飯時間都畀我咁好彩搵到卡位， 可能我個樣唔夠靚仔所以好多新入嚟嘅客人佢哋都唔敢同我搭枱( 對唔住各位 followers , 我自會檢討一下) 我當然叫崩沙腩但係難得原來佢有牛沙瓜( 最近唔係好多粉麵店有)， 咁咪叫個雙拼囉。服務員其實雖然 窩窩(raw)地但係都好有禮貌咁問我 要唔要加飲品( 因為之前 我睇過其他食評話佢哋最失敗嘅係職員嘅禮貌)， 我亦都好有禮貌問佢沖奶茶係唔係用植脂奶定黑白奶，佢哋話用『植脂奶』咁我梗係打死都唔會 飲奶茶啦， 終於加咗12蚊叫咗個檸檬梳打。崩沙腩嚟到 其實 個樣真係唔算靚仔等你食落去 好有牛肉味喎，以咁嘅價錢真係算好唔錯； 相反牛沙瓜睇落去真係個樣係“掂”㗎，但係食落去呢就普普通通稍為 咸咗少少， 不過都收貨㗎。嗰杯飲品就真係普普通通啲檸檬唔夠味所以 兩樣加埋衝撞之下 都唔算太好飲臨走我都買咗個 牛沙瓜 + 墨魚丸 湯河，再加一個崩沙腩 + 坑腩 湯河....回到家後家人覺得味道可以牛腩都算出色。…查看更多

落單嗰陣已經指住個圖表明要牛坑腩 最後員工都係落咗崩沙腩 初頭以為只係入電腦嗰陣落錯 點知後邊就有個員工講話可以試吓牛坑眼係最出名嘅，不過要過幾日先有貨！第一 如果呢一刻係無貨 咁其實你想我試咩呢？第二 落單想要個樣嘢如果係無 係咪應該講返聲呢？點解可以直接幫個客轉另一種呢？ 定係啲員工唔識分？？重點係個崩沙腩 可以完全無牛味 韌到一仲點！落個菜 「通菜淋啲」都可以落錯 最係岀嚟係一碟生到無朋友嘅菜心！其實呢個價錢 應該就係想做到同普通牛雜粉麵舖頭係有啲出入 但係真心同一條街啲牛雜粉麵仲好食過呢一間，至少啲員工唔會主菜同小食都落錯曬先囉一定無下次…查看更多

今天入去第一眼見到門口那員工係可能唯一有笑容的那個，我叫了一個鴨腿湯飯，那份糧夠大，而味道可以，有芫西味（不喜歡芫西朋友，不要叫）。在食的過程中，想要張餐紙，諗叫店員取一下。我眼見4個店員，無一人理我，有一種看似近，但又很遠的感覺，大約舉手和叫了一分鐘後，終於有人見到，那就係門口那有笑容的店員。這店在街市街食店中，定位係貴些，但品質都可以。可惜員工未能跟上服務，一定會流失部份客源。…查看更多

買過幾次外賣，崩沙腩都OK，算係街市街附近唔錯選擇，上次買外賣聽見炸魚皮係即炸，所以今次試吓，質地簿脆，略為咸左啲，呢間嘢外賣app都有，但係app既餐牌同店舖實際餐牌不同，手頭冇外賣餐單所以開panda app睇餐單，因為打去叫反而有9折平啲而唔用app，睇app話有紫菜四寶麵，咁打落去就照嗌，點知最後係變左牛買寶，價錢差很遠，而且唔係想食既嘢，大家要留意…查看更多

今日父親節，在廚房工作做到好攰好攰….. 又係諗起牛公館食嘢飲啤酒，所以好快收好檔搭車去荃灣衝去口公館食嘢👍👍👍我有冇食過嘅招牌菜「崩紗牛腩飯」，我想試吓其他嘢食。跟住我叫咗咖喱牛腩撈伊麵，味道幾好濃而不鹹👍👍👍再叫份牛柳薯條送Asahi非常之正👍👍…查看更多

我唔洗多講，呢碟崩砂牛腩飯真係煮到質數出嚟👍👍👍$68我認為值得去食，加埋一支日本啤酒簡直係開心嘅晚上。令我放工好攰嘅心情去品嚐到一頓美味嘅晚餐，我會選擇做我飯堂👍👍👍💛💛💛…查看更多

呢個舖位都轉過唔少餐廳，對上一間係食海南雞，海南雞再對上都係食牛湯，冇一間做得長。今次呢間餐廳新開無耐，就諗住入去試吓，咁一間主打食牛嘅餐廳，我當然要叫個咖喱牛腩，如果咖喱牛腩都唔得嘅，其他基本上唔使試。一見到咖喱牛腩，已經好失望，牛腩數量好少，而且全部都非常之柴，牛腩仲要係雪櫃攞出嚟未煮到好熱，肉的中間只係微暖，$56送個牛湯，呢個牛湯飲完之後係會口渴，估唔到主打食湯河嘅湯底飲完會咁口渴，唔係熬出嚟咩？似係預製湯底。見到同枱嘅對面嗌咗個崩沙腩賣相都已經唔得，所以呢間嘢唔會再食，預感應該好快又轉第二間餐廳…查看更多