牛一 (The ONE)

嚟牛一唔一定要賀牛一先嚟嘅🎂 諗諗下真係好耐無食過牛一，估唔到都一樣咁長龍🤫 呢到主打豐儉由人，而且野食亦多多款😚2位以上揀澳洲和牛或以上嘅放題，仲會兩人有一個外賣盒ᴛᴀᴋᴇ ᴀᴡᴀʏ野食添🥡 記得咪做大嘥鬼啦😌◾️澳洲ᴍ6-7和牛🍲湯底揀咗乾貝清湯～ 愈煮愈鮮味，放埋唔同嘅菇菌同菜類好清甜🙈入面係有超多嘅乾貝😚 之後唔少得一定係大大盤嘅澳洲ᴍ6-7和牛🤣和牛油脂分布超靚，望到都流哂口水🤤而且呢個餐總共有7款肉任嗌，牛肉豬肉雞肉樣樣齊，任君選擇🫡▫️小食🍟除咗章魚小丸子外，仲有其他炸物嫁😋就連響鈴同埋炸魚皮都有添✨◾️甜品飲品就有哈密瓜雪糕同埋乳酪雪糕🍦 加上ᴛᴏᴘᴘɪɴɢ更滋味～ 飲品就可以自製一杯杯嘅手搖飲👌🏻 我就ᴅɪʏ咗一杯百香果烏龍茶～ 有各款紙包飲品同沸水，而清酒同啤酒都係任飲㗎🤩…查看更多

因60分鐘時間不足 所以最後我地㨂左L1 90分鐘 嚴選牛五品 $138 湯底有八款㨂 我㨂左木瓜海底椰白魚湯 有五款肉任食 + 鍋物任食 + 無酒精飲品任飲 + 冷盤+ 還有乳酪雪糕 樓底高 地方大 十分舒適 食物款式算多 質數不錯 飲品方面 希望可改進 如多些選擇較好 乳酪雪糕好好食👍 整體不錯…查看更多

新開嘅牛一幾好👍🏻樓底高，又好坐，座位闊落，餐桌闊大，都算乾淨、地下冇油淋淋，始終新開，所有嘢都新淨，但係我食完之後個身好大嘅肉味，始終打邊爐都避免唔到。一開始就會問：你想一人一鍋，又或者一個大鍋，我揀咗一人一鍋，真係太好！夠衛生！之後，揀咗五百幾蚊嘅二人席，主打A5鹿兒島和牛，食咗650幾蚊/2人連+1！其實鹿兒島和牛啲油花好靚，攞嚟燒就最好，烚咗一塊之後成碗都係油，食唔到佢個牛嘅香味，成口都係牛油味😝 反而澳洲牛同埋牛小排比較冇咁油膩，啱我！我覺得好好味🤤仲有個海鮮拼盤，個牛舌心超嫩滑～～～～好味，真係好似同緊隻牛打車輪咁！至於啲蝦、鮑魚啊，都係冇乜味嘅，因為唔係用新鮮料😅 牛舌心簡直係全場冠軍！出面配料有響鈴、炸魚皮同埋少少嘅熟食（你唔會想食㗎喇） 值得一讚，啲菜係極度新鮮！同埋佢有啲菜好特別係紫色嘅椰菜物體，唔知咩嚟～所有配料乾淨、選擇多！嘢飲方便，鴨屎綠茶、解茶、有佢自家整嘅手搖茶，你仲可以自己整手搖茶～甜品方面：得乳酪雪糕、啫喱，同埋唔知乜鬼嘅布甸！ 其實乳酪雪糕好好味，但係我希望有更加多口味嘅雪糕，你明唔明？🥺體驗都好好，都有少量服務（就係主動加湯），但一人一鍋湯底太淺，有時都要嗌人加湯～…查看更多