爺爺雞煲皇

爺爺招牌雞煲 平時食雞煲 通常係 一隻半隻咁落order， 呢到好特別 ，斤半2斤半咁樣 落單的 ，我地叫左 斤半上到枱都算多分量， 不過隻雞就細隻啲， 望落無乜肉。 由於有朋友唔係好食得辣， 點左小辣 ， 雖然唔係咁夠辣 唔夠過癮， 不過都好夠味。雞件完全吸收哂醬汁既味道， 滾左一陣，洋蔥的香甜味道慢慢滲出， 如果鍾意食洋蔥的朋友 會覺得 更加惹味。一般都會建議 先食曬雞件， 後再加湯食其他食物， 咁樣就唔會溝淡左醬汁 ，影響雞件原先既味道。雪花肥牛估唔到咁出色，油脂分佈均勻，而且充滿牛味，又非常新鮮，讚！讚！👍👍不過就是細碟左小小…😜白切牛坑腩出面打邊爐食雞煲 好少會有牛坑腩食到。 難得有，咁緊係一定要點返碟泥食下啦 。牛坑腩本身係熟的， 不用滾太耐， 呢個最好要一開始就放落煲到等佢吸收濃濃既醬汁先夠惹味。鮮肥鵝腸鵝腸唔肥就唔好食，成日話 要減肥既我， 都忍唔住 見到都要食 ，勁肥，正正！就咁睇都覺得好新鮮， 放左落d 湯度 碌左一陣 ，鵝腸嘅肥膏會溶曬係d湯到 ， 再點小小辣椒豉油， 已非常好味，而且十分爽口。讚！讚！👍👍新鮮 脆鯇腩脆鯇腩 夠曬大件厚切 ，望落 色澤油脂 均勻分佈， 如果可以當刺身食 ，真想咬一啖試下係咩味道， 通常滾5分鐘到 就可以食得， 不能太耐如果唔係d肉會變得好實唔夠爽脆。鮮腐竹 亦係我打邊爐至愛的配料之一， 當佢吸收哂醬汁既味道 ，十分野味。炸響鈴 亦是必選之一 ,簡單滾兩下就可以食得。 不過 呢間個炸響鈴， 比較遜色 ，唔夠新鮮即炸好味。皇帝菜唔係間間有得食， 茼蒿 同佢兩者比較， 我只會揀皇帝菜 ，因為鮮嫩好多。呢到菜又係用來索湯汁食一流。後記: 環境同味道可以， 配料新鮮 ，不過係價錢高了點。…查看更多

叫左個大雞煲，個煲既裝飾及氣味都唔錯，面頭有很多洋蔥及芫茜，睇落好似好好食咁。不過一開動時，食食下大家發現成煲都得雞頸同雞腳，大概一煲有四五對腳啦味唔算差既，但我未食過雞腳雞煲。當我地問侍應：你地既雞煲係得頭頭尾尾，佢話斬得碎姐。然後我地上網睇睇番人地d相，先發現人地個煲都好多雞腳架。d肥牛除左個樣幾吸引之外，但太細塊，烚完好容易唔見左，同埋會無晒牛味。爺爺雞腳煲，可一不可再。…查看更多

見到咁多like，朋友話去試下，結果係我寧願去食百零蚊飲食果d！雞煲係香既，味道都ok，但係d雞九成都係好大舊肥雞皮，咬開雞皮後竟然得返舊骨，無肉！！好誇張！我夾左3舊都係雞頸，$178細雞煲好唔老實呀比煲雞骨人！！一向對食都唔太講究，好少覺得唔好食，但係佢d墨魚滑係腥架，食過咁多間都未試過會腥-_-。個木耳豬肉需呑既皮厚到一舊粉咁好難食-_-又唔係平，又唔好味，好懷疑d like點黎-_-…查看更多

今晚想試新野就上openrice搵下有乜好推介 就搵左哩間老爺爺雞煲 同埋見D食評寫得都幾好 禁就試下啦 點知中哂伏 自問我都係個雞煲狂 哩間都係我食過數一數二難食 雞煲個汁完全無特色 D雞完全索唔到D味 再試埋個手切肥牛 切得又薄又無牛味 細細碟 再試佢主打既冰豆腐成$48架 諗住好特別 點知只不過係普通的一個豆腐 今晚食左細雞煲 細手切牛 豆腐 菜 埋單5百幾 又貴又唔好食 唔驚哂錢哂時間大家可以一試 不過我一定無下次…查看更多

又貴又唔好食!!!! 完全中伏!!!! 以後都唔會再黎!!!!! 雞煲得好少雞肉, 骨多於一切........價錢好貴!! 碟手切肥牛要成差唔多$200, 但份量好少, 又唔係特別好味....... 啲丸有雪味.........埋單每人差唔多$200, 但都唔知食左啲乜野要咁貴......好失望, 以後都唔會黎!!!!!!!!!…查看更多

本身睇住爺爺開時唔睇好！因為門面太yeah太韓式！感覺黎得快走得快！但見食評個個讚好就黎試一試！嘩！真係好好味！先講雞煲！我地點左個大嘅！雞量好多！雞好夠味而且好新鮮！三個人食一大煲都食得曬！另外點左個椒鹽豆腐！係超班嘅好味！外脆內滑！個皮好脆好惹味！入面d豆腐滑得黎又唔爛！真係好正！另外亦點左幾個餸做打邊爐配料！響鈴睇得出唔係街邊貨！夠脆夠味！手切牛肉好彈牙！牛味出好唔錯！另外豬大腸都好有口感而且價錢好平！五花楠肉肉同脂肪比例都恰當！份量剛剛好！竹笙吸盡雞煲精華之餘又勁爽口！雜姑亦正正常常好有味！總括呢餐雖然唔算平但真係好好味！但侍應好有禮貌同坐得好舒服一d都唔迫！會再黎！…查看更多

這家雞煲店，有烤魚，雞煲或火鍋配料選擇。不少得食雞，跟朋友相討後，決定點一個雞煲皇試下，店員很推介，現在到我要推介一下了，哈哈！ 惹味，現在還想吃的說。雞煲皇雞汁越煲越濃，入面嘅材料都非常豐富，好多洋蔥雞肉豐厚肉質紥實廷身，煲得時間耐都唔會老，真係食到無停手。 青瓜雲耳，微酸的一道前菜，幫個胃打個底。青瓜爽口，索左D汁好入味，調味酸汁應記一功。雲耳片水份含量適當，舌尖很喜愛，哇哈哈哈！ 三文魚刺身，店鋪有三文魚刺身的供應，當然不會以刺身店的水準作準。肥美滑膩，厚切同新鲜，非常之有味，千兩既質數，入口有種油脂肥美的口感。 生菜，易過食生菜！一錄就熟，好爽脆，葉都好林甜，不錯不錯。 水豆腐無散開，怎看都是完整的，顏色潔白帶點大豆黃，沒帶點雪藏味，很棒的說。豆味濃郁的，加入鍋當中亦很滑。 魚片不算多骨，所以我的朋友同我講，好喜歡吃，魚塊唔易散開，有魚油香，同樣超正。 手切肥牛朋友釀著點肥牛，我驚肉質會鞋。誰料，肥牛的紋理分明，脂肪分佈還不錯。一拖火鍋湯底即上，維持住肥牛的肉質，不會難以咬開，索埋湯底，好好食，另帶一提，牛肉相當之重，可以一試。…查看更多

見天氣開始凍，加上黎到元朗，氣温都低幾度，就想食返啲熱辣辣，暖笠笠嘅野。於是我地就黎左食雞煲！哩間雞煲有埋海鮮同刺身食，到底係我太耐冇食雞煲，潮流已經轉左，定係佢真係好有新意呢？刺身就冇食到喇，因為我地都係想食熱同埋熟嘅野。爺爺雞煲，我地簡左微辣，不過對我地黎講都幾辣。裏面啲雞肉都幾入味。豚肉，用黎打邊爐真係好正，而且本身冇調味，繼續打邊爐唔會搞到湯底好咸。四寶丸，一般黎講四寶丸入面總有一兩款係我唔中意食或唔夠好食的，但哩個四寶丸質素好平均。牛丸同鯪魚球都好彈牙，蝦丸同墨魚丸都好新鮮，不過墨魚丸可以更彈牙。另外仲食左哩到自家製的響鈴，好重豆味，同係出面買個啲真係幾有分別。雖然比較幼身，但好值得食。…查看更多

元朗出名多食肆，喺云云食肆中，今次揀左爺爺雞煲，貪天氣凍凍地，食個惹味雞煲再加打邊爐暖下胃簡直一流！爺爺雞煲喺正元朗街市隔離，樓上舖，唔難揾，大大個招牌，上面環境又靜靜地，岩晒三五知己今次一行四人，緊係要試下爺爺招牌雞煲，我地叫左個大煲小辣$198上到枱嘩嘩聲，香噴噴，睇見到流晒口水，雞多嫩滑，確實係雞嘅各部份都有(唔似某些雞煲店食黎食去都係雞骨，唔見某些部份例如雞翼雞鎚位置)香辣得黎有小小甜味，又惹味，食到停唔到口有個(陳醋)手拍青瓜做小食，中和一下口內嘅重口味有配料自助調味講到打邊爐嘅配料都相當多款式手切本地牛頸脊及手打四寶丸牛頸脊有驚喜，比肥牛嘅爽又稔，又有牛味唔錯手打四寶丸有墨魚，鯪魚，蝦丸同牛丸墨魚彈牙，鯪魚一啲都唔鬆散，蝦丸爽口，牛丸牛味濃，正！打邊爐一定要有竹笙，淥一淥，竹笙吸晒成個煲嘅日月精華，簡直係極品！響鈴一定唔少得！3秒都比多左！又脆又軟果下真係幾過癮唔夠喉，叫多個八味金磚脆豆腐真係幾好食，外脆內滑，面頭有啲椒鹽又有少小七味粉咁，幾好食，送啤酒就一流啦！食飽！好滿足！…查看更多

今日終於一嚐聞名已久既爺爺雞煲，如果未黎過元朗食野，呢到的確係唔易搵。首先講下點過黎，搭巴士可以係又新街(串燒街)落車，經過又新街遠望會見到公園再向街市方向行會見到菜檔生果檔中間會有條小巷就會見到爺爺街煲啦。搭西鐵就係元朗站落車轉輕鐵(任何一間輕鐵都可以今日同3個朋友食，,去到都好多人排隊，好彩預先預約左，等左大約15分鐘就到我地，上到去原來地方幾大，一張張圓枱仲要有卡位地方舒適，我地4個人坐卡位岩岩好。一坐底我地睇張餐牌有幾款雞煲，醉雞、花甲、麻辣，最後我地緊係叫左個傳統麻辣雞煲(大)，因為我地唔係甘食得辣所以叫左個小辣，另外，菜單上款式眾多，我地選左幾款配料黎食。不得不讚店舖貼心，用電磁爐之餘個開關調溫制放係枱較出位置，調教時就唔驚熱到手。首先上左個青瓜同八味金磚脆豆腐，青瓜微微麻辣加小小醋味好開胃，如果入味d就更加好食。而豆腐外脆內滑口感一流，又唔太鹹(讚)。香嘖嘖雞煲黎到，好多雞肉(其他地方個正係得某d部位或者得d骨)，食落有d辣，但愈食愈想食。響鈴如果脆d就仲好食。另外，三寶丸中的墨魚滑較為好食，其他兩款粉多了點不夠彈牙。牛肉比我想像中好食，牛肉厚度岩岩好，,入湯變色後入口有牛味之餘亦不需費盡力氣去嘴嚼(讚)。仲有飲品有可樂又有鴻福堂支裝任你選擇，不錯不錯。…查看更多

天氣突然轉冷，到元朗探望舊朋友。朋友說區內新開一間雞煲店叫我們一起去試下。港島人的我，如果不是朋友帶去定必迷路。大街穿過小巷.街市終於到目的地。一到門口已經有人等位，可能是因為星期六關係。四人同行，我們被安排坐在卡位位置，相比平時雞煲店寧靜而又舒適。未上雞煲前，我們點了小食.八味金磚脆豆腐!炸到金黃色的豆腐外脆內軟，滑流的豆腐外層有少許椒鹽立即變得非常惹味。4人行我們點了招牌雞煲（大），小辣口味不吃辣的我都食到。雞煲內有洋蔥，芫茜及芹菜令到雞煲極度入味。雞煲非常足料並有雞腳在內，醬汁滲透雞內分外惹味。雞煲點少得牛肉，我們點了手切牛頸脊！牛頸脊不太肥也不太瘦，恰到好處。肉質嫩滑，顏色鮮豔。牛頸脊入口幼嫩不太韌配合雞煲非常美味。四寶丸內含墨魚.牛丸.鯪魚丸及蝦丸！墨魚及蝦丸比較偏多粉，牛丸及鯪魚丸非常美味。雞煲另一必食響鈴，只需3秒滲在雞煲內一脆一熱非常口可又入味。最後叫了竹苼及生菜作結。生菜非常新鮮可能是因為鄰近街市拎貨比較方便。竹笙打邊爐原來超級惹汁，醬汁鎖在竹笙內份外入味。…查看更多

店舖位於隱蔽小巷，莫說我這個元朗人也有二両難度，要是跨區的朋友將更頭痕，希望小店不會因為位置問題而要結業吧。先說說選乘巴士的朋友應如何尋找那爺爺，在大馬路又新街站下車，背向大馬路向前走，見到燒賣皇后後轉右，經過日新街後過對面合益街市，在合益街市再過對面馬路的林國醫館，接著沿著右手邊的一列菜檔肉檔生果檔直走約二百米要小心留意一條小巷，在巷的中間便找到爺爺雞煲了。至於搭乘西鐵的朋友，還是轉的士吧。好詩..好詩..這句更押韻了，亦富有偉大的祖國意味。我看後不禁被愛國倫上身，敬禮，哭。到達時為七點半，正值飯市，還擔心要等位呢，幸好我之前的一切擔憂也是多餘的。內部環境清幽，不用怕有人騷擾。打邊爐最緊要梗係個爐啦，店家採用電磁爐，前人說這裏用國產貨，反正不用燃氣不怕爆炸，牌子吧..管他媽。五味醬料，高呼色彩繽紛。可能店家一早細心準備好的關係，只等了幾分鐘雞煲便到了，打開濛濛的鍋蓋（被蒸氣所醺的喇，不是上家用完沒有清洗）不得不讚香氣真是四溢，令人垂涎欲滴，味道方面確實不錯，香辣俱備，若然肉質方面能再滑一點便可費少點嚼勁了。獅威每支盛惠十六大元，抵啊。吃完雞煲再來佐酒前菜，次序吧，管他媽。青瓜雲耳翡翠苗，不得不讚調味做得很好，酸酸的十分醒胃，留點於雞煲中段用以清清味蕾更是不錯。八味金磚脆豆腐，不得不讚確實外脆內軟，裏頭軟滑的豆腐配以面頭少許的淮鹽及黑芝麻，娃。不愧為招牌。響鈴脆是夠脆了，但若然能鬆化一點更好。刺身本以為是一般邊爐貨式，殊不知三文魚腩及帶子也比坊間贏一個馬鼻。四色丸看似不賴，但若然粉能少一點更好。牛肉油脂充足，但若然能多一點牛味更好。 …查看更多

是夜中港足球大戰，想找間食店可以一路食飯，一路欣賞精彩球賽。元朗地膽朋友就介紹爺爺雞煲，有卡位坐唔迫，又有大電視。餐廳位於合益街市旁。好彩有路牌，如果唔係幾難搵到。首先係涼拌清瓜$36，夠爽脆，夠入味。前菜，刺身併盤細$118,三文魚腩肥美，帶子大隻，北寄貝爽口，甜蝦鮮甜。八味金磚脆豆腐$48，外皮脆，內面滑。招牌雞煲細$158,中辣口味剛好，汁醬惹味，夠多茜同芹，點了單，雞煲立刻端上來。夠快手！手切牛頸脊細$128,肉質嫩滑，唔肥唔瘦。手打四寶丸$78，蝦牛魚墨，各有千秋。响鈴$38,冰豆腐$28,索汁之選。雖然呢餐唔平，但有人請客，並不肉赤。邊打雞煲，邊睇波，真享受。…查看更多

元朗是美食天堂地方，想吃什麼都可以找到心水餐廳，元朗有不少雞煲餐廳，今晚同屋企人在千色行街時候，就見到一間新開雞煲店鋪，店鋪名字叫爺爺雞煲皇，於是，吸引了我入去光顧 ,1行5人+1個bb就入去爺爺雞煲，地方都幾大，就点了招牌雞煲 ,辣味要小辣,雞煲味道十分惹味 ,湯味道不會太咸,雞亦好新鮮，雞肉亦都嫩滑，椒鹽豆腐亦都好好味,豆腐味道亦都好滑 ，魚滑亦都新鮮美味，賣相亦好得意 ,牛丸亦都新鮮美味，牛丸好彈牙,刺身併盤就一般啦 ，火鍋配料亦都新鮮，服務較為一般,爺爺的出品都幾好,價錢平均150元,十分經濟抵食,地方亦都好舒適…查看更多

今晚同仔女在元朗吃晚餐，阿女提議去吃火鍋，阿女話合益附近有—間口啤幾好火鍋店叫爺爺雞煲皇 ,個名真是好特別，一行5人去了爺爺雞煲 ,我們來到店鋪時候，店員安排中型枱，開始叫食物，魷魚味道鮮味,特級牛肉好新鮮，牛肉味道幾好,豆腐十分美味，雞煲好入味 ，雞肉亦好滑，這裡出品有水準，服務就一般 ，環境都幾好,價錢亦不是太貴，平均200元一位可以接受，地點好方便，經濟實惠…查看更多