爭鮮外帶壽司 (好爵中心)

今日喺元氣壽司食咗一餐，整體體驗不錯，但有啲地方可以再進步。壽司真是一個亮點，新鮮度一流，特別係三文魚同軍艦壽司，入口即化，魚味濃郁，飯團軟硬適中，醬油同芥末搭配得宜，令人回味無窮。特別一提，佢哋嘅壽司選擇多樣，有創意之餘又保留傳統風味，性價比亦唔錯。不過，熱食方面就有啲失望。點咗份雞軟骨，期待香脆熱辣嘅口感，但嚟到時已經唔夠熱，口感稍為乾硬，失去咗應有嘅juicy感，略為影響食慾。其他熱食像炸蝦天婦羅都係溫溫哋，唔夠熱騰騰，感覺上少咗份新鮮出爐嘅滿足感。餐廳環境乾淨，服務員態度親切，點餐同上菜速度都快，氣氛輕鬆，適合同朋友或家人一齊嚟食。整體而言，元氣壽司嘅壽司質素令人滿意，但如果熱食能夠保持溫度同新鮮度，體驗會更加完美。希望下次再嚟，熱食可以有改善！…查看更多

尋日又試咗爭鮮嘅蒲燒鰻魚盛，感覺唔錯。🐟鰻魚味道濃郁，帶有甜甜的醬汁，口感柔軟，食落去幾滿足。米飯煮得剛好，配搭鰻魚十分合拍。🍚鰻魚嘅份量適中，唔會太少，每啖都可以享受到鰻魚嘅香味。加上脆口紫菜，增加咗啲清新感。🥒呢個蒲燒鰻魚盛係一個唔錯嘅選擇，適合作為午餐或者晚餐。如果你鍾意食鰻魚，可以考慮試下呢個。下次去爭鮮可以諗吓試試。👍🍣…查看更多

🍣嘩！今次去果間食堂試咗幾款壽司，真係出乎意料咁好食喎！三文魚壽司肥美得嚟油潤，食落有一種舌尖上嘅幸福感🌟。雖然壽司米微硬同埋醋味稍嚡，但總體上都算係OK。至於龍蝦沙律壽司，咬落去沙律醬味道夠曼，海苔又脆口，真係幾正！間食堂乾淨企理，食東西嘅時候都算係放心。為咗平價又有質素嘅壽司，我繼續支持都冇問題！食得開心又滿足，唔洗擔心花大錢，下次仲要再嚟過，試埋其他款！🍤🥢…查看更多

好抵食！差不多$3就有一舊壽司🍣✨我地比較鍾意食Salmon，所以先買好多三文魚系列，三文魚唔會唔新鮮嘅，飯都唔會好少，幾標準size。另外都有額外買軍艦系列，個人鍾意芥末章魚🐙我好鍾意嗰種攻鼻嘅感覺😂😂…查看更多

12/7 兩日前大概夜晚7點左右喺呢度買左一盒$30 10個海鮮壽司 一盒$40 鰻魚 三文魚各5壽司 一個三文魚手卷點知食完三文魚壽司同手卷第二日朝早八點就肚痛到醒左 起身喺廁所坐左好耐先痾到水糞 當時係有好轉嘅 點知一番到學校個肚就開始痛 但係又排泄唔到出黎 承受左5,6個鐘嘅劇痛先放到出黎 但去完無過幾耐又開始痛個人真係絕望全日都係痛到pk 除左訓著嗰幾個鐘感受唔到之外全日都係受盡折磨 痾嘅排泄物都係變左綠色夜晚訓唔到覺 醒左幾次 第二日去左睇醫生 醫生話我應該係腸胃炎今日先稍微有少少好轉呢兩日都被折磨到想死完全溫唔到書上網睇原來好多人都有類似經歷千祈唔好貪平幫襯爭鮮 衛生狀況極有問題刺身蘊藏大量細菌,病毒,寄生蟲 以後都係只會食壽司郎😡😡😡…查看更多

平時趕時間或者一個人返屋企食都會揀爭鮮😂今日路過見到有呢個新嘅壽司拼盤*吞拿魚中腹盛*其實之前都見到有人有講過，但係從來都冇遇到🤣見到平平哋個色澤又唔錯，所以買來試吓!居然有少少拖羅嘅味道😂😂😅雖然中間有少少渣 🙃🙃不過絕對係性價比😂😂平平哋都可以試吓…查看更多

葵芳爭鮮正係好多人排隊🤣 排隊等埋單都等好耐🤣食物整體都新鮮，而且價錢都平，一盆咁多都係160幾😍 大大盒，三文魚刺身都係30幾蚊一個，平靚正😍不過宜家筷子每對要加1蚊🥲…查看更多

有人鍾意有人唔鍾意無比較無傷害其實呢個價錢都算係咁啦食得爭鮮嘅都預左唔可以太高要求本人特別推介嘅⬇️⭕️出色嘅花之戀，圍邊嘅三文魚再配BB沙律醬加三文魚子/蟹子😋⭕️仲有我每次必食嘅蟹棒壽司同腐皮壽司平靚正…一個人都可以食得晒呢2盒😝其他總算不過不失…總結：都係嗰句貪佢夠方便，簡簡單單又一餐，梗有一間係你左近🤗…查看更多

以前係呢間做過暑假工 見佢一直都無變 係出面有塊透明玻璃窗可以見到入邊壽司師傅同學徒 整壽司既過程 宜家都一樣無變 不過係有加左野阻擋 但都可以見到入邊既情況 咁樣做真係加添左食客既信心 啲壽司都係值個價錢既 不過就唔好咁高要求喇 不過如果食開好既 真係唔好食番轉頭 真係好大分別…查看更多

10點放工返到去葵芳都11點，適逢爭鮮有八折又好鬼肚餓，買來醫下肚先🥳🥳～～～花之戀親子盛～～～$45內有兩件三文魚🐟壽司🍣、兩件魚子壽司🍣、再加三件花之戀，我超級鍾意食花之戀，鍾意佢三文魚🐟包住量多嘅沙律醬再包住飯嗰種360度無死角口感，真係好滿足啦！🥰🥰魚子壽司都仲好新鮮仲有脆口嘅感覺😚😚～～～三文魚鮮蝦🦐盛～～～$36內有五件蝦🦐壽司🍣、五件三文魚🐟壽司🍣！兩款蝦🦐壽司就一般，冇乜蝦🦐味！😗😗三文魚🍣當然冇花之戀嗰隻咁滿足但係都OK正常！😁😁…查看更多

爭鮮幫到你 幫到你午餐諗唔到去邊度食 有時CHEAP CHEAP地食爭鮮都好三文魚鮮蝦盛 我最愛係烤三文魚腩 好肥美食到好重油花珍寶蟹風味棒 蟹棒唔特別 不過佢加左D沙拉醬就好正 啖啖肉 綜合花之戀 唔好意思 太肚餓,食左花之戀,小帆立貝 帶子 北寄背 都好新鮮,一定係岩岩整出黎冇幾耐總結CP值:4/5…查看更多

路經此地, 看見這麼多人圍着挑壽司, 是抵食吧！後舖有制作工場, 這邊見到服務員好快的一盆一盆補上, 那邊人們一手一手的在挑選, 還排着長長的隊伍, 等付款啊！這幾天, 多了很多人出街消費呢！我挑了三文魚飯糰, 才$9. 吃起來飯量都不少, 应該有半碗飯, 中間夾着三文魚, 紫菜都幾乾幾脆, 從包裝袋拿出時, 角位的紫菜都碎裂開, 不好拿出. 整體味道OK, 不過不失.排隊雖長, 但不用等好耐就可以付款了. 只是隊伍阻擋了一排雪櫃, 要在人羣中穿插才能入內挑選, 不太方便.…查看更多

專賣魚生壽司。3蚊一件壽司，簡直係窮人恩物👍👍用餐方式：呢間分店只供外賣自取。輪候時間：平時約2-3分鐘；留意！午市比較繁忙，人多排隊，輪候時間可能會比較長。呢次我簡左一盒三文魚壽司（10件）（$30)作為我既晚餐。食物方面：三文魚壽司（10件）（$30)。以呢個價錢，提供到呢個食物質素，CP值簡直係超超超高。必食。超推薦！推薦程度👍👍👍👍另外店內介有魚生飯等等既食品比你選擇。價錢唔貴，人均消費：30-50蚊左右。總括而言，平民食堂，良心食店。讚👍👍…查看更多

平時行過爭鮮就算唔買都會想入去睇吓最吸引嘅竟然係佢嘅甜品之前試過佢嘅泡芙好好食所以今次就買咗芝士蛋糕嚟試吓芝士蛋糕係比較硬身嘅食落去芝士味都幾濃郁而且免面頭仲有一浸藍莓醬 食落去唔會話太油膩而且價錢都幾合理仲可以有兩舊買返去同朋友仔或者屋企人share 個人覺得值得一試…查看更多

爭鮮🍱推出期間限定冷麵餐盒冷烏冬配搭多春魚籽青瓜沙律 加州卷及玉子壽司$28豐盛飽肚之餘 背後更蘊藏了重大意義！每售出一個冷麵餐盒 爭鮮將捐出一元予香港肌健協會.另外 單件自選壽司仲推出左新產品鯖魚壽司🍣$3烤八爪魚綁壽司🐙$3…查看更多