爆丼屋 (山東街)

旺角有間以看起來很有份量的海鮮丼作為主打的爆丼屋。最近這餐廳更有愛神餐廳 Restaurant Cupid - 25周年聯乘活動。不論是店外還是店內的牆上、吊旗等都明顯有聯乘主題的裝飾，營造濃厚的二次元感。對於喜歡這遊戲的玩家來說，可不要錯過這次的打卡呢。而剛好這裡同是舉行「鰻魚祭」，我就是衝著這個來的！想單純吃鰻魚到組合形式的鰻魚飯都有，價位大約 HKD 88 - 128。鰻魚拼慢燒牛肉飯 (HKD 108)鰻魚和牛肉各佔一半，份量感十足。另外再配上海苔碎與芝麻，讓整體更添層次。薄切的慢燒牛肉很柔軟，吃落不止有微焦香，還有淡淡的肉香。刷上蒲燒醬的鰻魚入口甜鹹交織，咬下去油脂豐潤，雖會有小小魚刺但不影響口感。鰻魚拼鮮松葉蟹牛油果飯 (HKD 128)色彩上這款對比鮮明，在味覺上也有雙重口感，加上海苔碎別有一番風味。鮮甜的松葉蟹肉質細緻﹐配搭綿滑口感的牛油果來吃，剛好取得平衡。丼飯會附上一碗有豆腐皮、海帶和蔥花的麵豉湯，另外亦可以加錢點飲品。我就點了 無糖可樂 (+HKD 9)、冷萃麥茶 (+HKD 9) 。…查看更多

爆丼屋🇯🇵最近推出「鰻魚祭」期間限定菜式😋鍾意食鰻魚嘅朋友千祈唔好錯過啦，呢間CP值好高👍🏼 我今次同朋友分別叫左 鰻魚拼三文魚籽飯 & 鰻魚拼鮮松葉蟹牛油果飯😋🍱 鰻魚拼三文魚籽飯 （$128）鰻魚燒得外脆內嫩，油脂均勻入口即化，炭燒香氣濃郁，係用炭燒（備長炭），飯面堆滿三文魚籽，爆汁鮮甜，撈勻後每口都彈牙多汁🤤 整體平衡不膩，適合夏日解暑，CP值高！🦀 鰻魚拼鮮松葉蟹牛油果飯（$128)燒鰻魚層疊松葉蟹肉絲，松葉蟹鮮甜無渣，蟹肉與鰻魚嘅煙燻香完美融合👍🏼 配上切粒牛油果增添口感層次😋「鰻魚祭」係期間限定菜式，你地都快啲去試下啦！…查看更多

爆丼屋是一家主打日式丼飯的餐廳，環境設計帶有少許日本風情，讓人彷彿置身日本小店。一進店便奉上的熱騰騰麵豉湯，鹹味香濃，湯底濃郁得猶如正宗日式風味，內裡還加入了三文魚片，增添鮮味。湯溫適中，作為開胃菜不錯。鰻魚拼鮮松葉蟹牛油果飯是健康與美味的結合。松葉蟹蟹量十足，少量牛油果增添了口感層次，讓整道菜更顯健康。鰻魚份量不馬虎，幾乎有半條鰻魚肉質軟腍，配上香脆的紫菜，口感豐富。鰻魚拼慢燒牛肉飯適合大胃口食客。鰻魚外脆內軟，咬下去軟綿可口，搭配鰻魚汁，味道濃。慢燒牛肉帶有淡淡的焦香，與半條鰻魚相得益彰。飯面上還有飯素（米飯上的配料），增加咬口與口感層次。百香果梳打清新怡人，份量大杯，百香果的酸甜味與梳打氣泡完美融合，解膩效果顯著。荔枝青檸梳打帶來清新體驗，內含原粒荔枝，口感豐富，青檸的微酸與荔枝的甜美互相輝映。…查看更多

👧🏻Wodafoodie in Mong Kok呢間店本來係以刺身丼出名，但今次經過見到推出新品鰻魚系列🤩雖然係刺身名店，但呢兩款鰻魚飯完全唔輸蝕，賣相靚到想即刻影相，味道仲係層次分明，無論你係刺身控定想試吓新菜，呢度都保證滿意！✨🐟鰻魚拼三文魚籽飯 $128一上枱已經靚到震！鰻魚烤得金黃香脆，刷咗甜甜鹹鹹嘅醬汁，超誘人。三文魚籽橙到發光，粒粒晶瑩，食落啖啖爆汁，鮮味爆棚！鰻魚嫩滑，三文魚籽鮮甜，配上粒粒分明嘅白飯，食一啖就想再一啖，停唔下來🤤✨🐮鰻魚拼慢燒牛肉飯 $108慢燒牛肉，瘦身得嚟肉味濃，入口軟嫩完全唔柴，搭鰻魚嘅鮮甜簡直係神組合！鰻魚彈牙，白飯吸晒兩種肉嘅精華，食到滿嘴幸福感🥰 …查看更多

大隻仔今次覓食嘅店舖就係💥 爆丼屋 💥大隻仔今次介紹一間旺角人氣海鮮丼飯餐廳，餐廳以爆滿海鮮丼飯而爆紅，今次餐廳新推出咗鰻魚系列丼飯，一樣咁吸引。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ✅⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 鰻魚拼鮮松葉蟹牛油果飯 $128蒲燒鰻魚肥美夠大條，厚肉多汁無骨，啖啖肉，灑上白芝麻更加好味，另一配搭選用新鮮松葉蟹蟹肉，蟹肉一梳梳，帶有少少海水鹹味，十分新鮮，加上牛油果粒，口感清新。🔥 鰻魚拼慢燒牛肉飯 $108蒲燒鰻魚一樣好大條，厚肉多汁無骨，配上白芝麻同埋海鹽紫菜碎更加好味，另一配搭係慢燒牛肉，燒牛肉肉味道香濃，配上牛肉燒汁，辣辣地，鹹鹹地，十分惹味。…查看更多

今日同朋友約左旺角行街，順便食埋晚餐🥣，旺角食物多的是，行下睇下openrice，就揀左呢間爆丼屋，而家仲有鰻魚祭😛，鰻魚愛好者必衝同朋友一人叫左一款鰻魚飯鰻魚拼慢燒牛肉飯鰻魚拼鮮松葉蟹牛油果飯鰻魚大大條，夠厚身，肉感都肥美，每一啖都係滿足感，燒牛肉牛香幾足，越咀嚼牛咪越出咁🥰，松葉蟹都幾鮮味，加埋牛油果，口感十足飲品仲叫左日本三得利啤酒-金裝，啤一啤🤣同荔枝青檸梳打，荔枝果香味都幾出，夠清爽…查看更多

前排放工俾個鰻魚控朋友捉咗去食飯，佢話爆丼屋最近有 🐟 鰻魚祭 🐟 推出，有多款鰻魚丼飯。餐廳空間感幾大坐得幾舒服，除咗有鰻魚丼飯外，仲有唔同款式嘅丼飯，同埋仲有二人套餐，不過朋友講到呢度嘅鰻魚好正，所以今次大家都係食鰻魚。🍱 叫咗三文魚籽拼鰻魚同埋松葉蟹牛油果拼鰻魚，鰻魚都幾大條，食落肉厚多汁，而旁邊嘅三文魚籽同松葉蟹肉呢啲配料份量都好多又鮮甜，另外跟餐仲可以半價叫嘢飲之餘仲有麵豉湯，整體嚟講都唔錯。…查看更多

🍱【雙重暴擊！鰻魚×蟹肉×魚籽の極上海鮮丼】✨呢間隱藏版日料店竟然將成條和風鰻魚鋪滿飯面，再瘋狂疊加爆量食材，碗丼飯澎湃到要發發聲！今次試咗兩款鰻魚祭海鮮丼飯，配埋有麵豉湯同埋嘢飲🥰🐟【鰻魚拼三文魚籽飯】鰻魚先蒸後烤，刷上秘製鰻汁～魚皮烤到微焦脆口，魚肉卻保持溏心質感！最邪惡係鋪滿北海道三文魚籽，咬破時鹹鮮汁液係口入面爆發，真係鮮味大爆發～🦀【鰻魚拼鮮松葉蟹牛油果飯】拆骨松葉蟹肉堆成雪山，搭配鰻魚溫潤同牛油果creamy～暗藏驚喜係飯底每挖一勺都有蟹肉絲牽扯，口感層次豐富到似食緊海鮮交響樂！🍹【荔枝青檸梳打】×【菠蘿味波子汽水】荔枝梳打用原粒荔枝做base，加入青檸片清新解膩！波子汽水重拾童年回憶！菠蘿味氣泡超強勁，非常鮮甜解暑！…查看更多

我最近去咗旺角的呢間日式海鮮丼店，真係好受歡迎，每次都見到長長的人龍。入到店內，感覺到一種輕鬆愉快的氣氛，真係好舒服。愛神餐館今年慶祝踏入25周年，而呢間餐廳作為聯盛旗下的一間餐廳，牆上有好多獨特的擺設和不同註場角色的立牌，令顧客感受到濃厚的品牌文化和親切感。 🎉❤️1. 鰻魚拼三文魚籽飯🍚 呢道飯好豐富，鰻魚滑嫩，三文魚籽的鹹香非常吸引，食落去真係好滿足。 升級紫菜飯（$8.0） 自己可以隨意搭配。2. 鰻魚拼鮮松葉蟹牛油果飯🦀🥑 鮮松葉蟹同鰻魚配合得好好，牛油果嘅香滑更添風味，食落去真係一流，令人回味無窮。3. 升級韓式麻油飯（$8.0） 🥢 呢款飯有著濃郁的麻油香，味道特別，食落去好有層次感，令人想再嚐多一口。4. 冷萃洛神花玫瑰茶（$9） 🌹 呢款飲品清新又解渴，搭配海鮮好適合，飲完之後心情都提升咗。5. 百香果梳打（半價）($15.0) 🍹 酸酸甜甜，十分消暑，夏天飲最合適。…查看更多

朋友請我食生日飯，帶咗我去响旺角嘅一間丼飯嘅店慶祝。我點咗個《北海豐盛丼》，真係不得了，有兩隻大蝦、唔平嘅三文魚子、帶子刺身、仲有非常重要嘅海膽，講真以我唔係話太鍾意食丼食嘅都真心覺得正，佢啲刺身係堅新鮮一啲都唔腥，而且收啲咁鮮嘅海鮮撈埋一齊食又係另一個竟界，同食壽司係完全兩回事。講真我都要感謝朋友請我食咁豐盛嘅丼飯，雖然對我嚟講係唔算平，但食物質素、服務等都合乎要求，反正唔係經常食，我覺得都苜係合理。…查看更多

見到魚生飯好吸引，所以入去想試吓佢啲魚生飯，點知佢係俾熱飯我，從來未見過魚生飯係會配熱飯的第二魚新鮮牛肉完全冇鮮味，價錢已經係貴到冇得講唯一好處係佢員工態度好好，呢一樣係我服返啲嘅。。真係以後唔會再去。:(旺角，真係冇乜嘢食…查看更多

第一次評分，今日同阿媽經過見到門口張相就入去試，因冇海膽就嗌咗 兩個夢幻之丼，一黎就知奶嘢，啲海鮮全部都覺得好唔新鮮，份嘢一上到嚟睇啲顏色就知佢好唔掂，好大浸雪味，個人覺得最正常係三文魚，最後吞拿魚咬咗一口都冇再食。支豉油啲味都係擺咗好耐嗰啲味，即係魚仔膠樽裝嗰啲味。阿媽話成個餐食得落口嘅係啲碎紫菜，第二樣係碗湯，本身係見到有海膽先入去想試，好彩佢冇晒，唔係應該會仲差。總括而言，我覺得好bad trip。148蚊一碗，完全唔值呢個價。請比誠意做食物，儲存食物有待改善！以上純粹個人評價。…查看更多

啲也好唔新鮮吞拿魚 酸嘅鵝肝 又硬又乾又冇味牡丹蝦 好腥我下次真係排隊等壽司郎都唔會再黎咁難食埋單$800我寧願攞去餵狗都冇咁谷氣 份量ok多嘅 好多飯就真忍唔住同隔離台講但可惜佢哋已經落左單上次同朋友去都覺得平平無奇 不過不失啦點知今日完全失望 淨係食左少少已經冇曬胃口唔怪得依家次次經過都冇人 雖然唔係貴 但我都唔期望食物素質會差到呢個程度真心建議你地出餐前確認下食材到底係咪新鮮先 但我都絕對唔會再比機會呢間拉圾餐廳…查看更多

之前經過幾次都已經好想入呢間度試吓，無奈都選擇咗其他餐廳，結果今次個人經過，就決定沖入去食啦！果然冇令我失望！好多款選擇，有魚生刺身海膽魚子既丼，仲有半熟牛，鰻魚，等等選擇！結果我揀咗一個半熟燒牛丼，上面仲有隻蛋！另外我再加$88要咗一個鵝肝！！呢個半熟燒牛丼飯有兩個汁，我諗有一個係白色有少少酸嘅汁，另外一個就係好似燒汁，好好食好飽，個飯我都食唔晒，因為實在太大碗啦，我最滿意係個鵝肝！個鵝肝油連埋啲飯超好味！我冇選擇錯，最開心係唔使排隊我相信好快我又會再嚟，下次我會試海膽~可能有啲人覺得幾百蚊食一碗飯唔值，但係我覺得呢一間物超所值，因為裏面嘅材料非常豐富，計返埋仲覺得好抵極度推介…查看更多

海瞻今日絕對唔新鮮，亦可能劏唔乾淨，所以有臭味，同鮮味有d距離。飯唔係珍珠米，當然可能係我一廂情願諗住丼飯一定都係用我認為既珍珠米做配搭。其他野食唔清楚，其他食客有食得好開心既，亦有食左小小就放低既，當然都係我食左海瞻同飯之後先開始留意其他食客反應。桂花茶好味，實話實說比錢時同收銀講海瞻好似唔係咁得，佢係度發呆，其實我都比左錢，只係想比小小意見等我可以因為你既反應而願意試下次但，結果當然冇下次，謝謝…查看更多