營豐海南雞專門店 (祥友大廈)

留意咗呢間外賣店好耐。平時都系好多人排隊，今日終於試下，真系幾驚喜，比想像中好食。啲雞肉又滑又香，份量幾夠（食量一般嚟講）。啲飯第一眼見到已經估系好好食，聞到好香嘅油香，一食落去，嘩，不得了，好好食，有嚼勁，好有飯香，連我呢啲平時唔敢食飯驚肥嘅人都忍唔住食曬啲飯！😂啲汁都好好味，又被我點曬！仲有碗湯跟餐，實系正，又系好飲～仲有兩塊青瓜同一粒車厘茄，幾新鮮！只需48蚊，性價比好高！大推薦～～👏🏻👍🏻😀🥳…查看更多

我叫外賣，特別問咗幾耐可以好。收銀員話15分鐘，咁都算公道。跟住等咗30分鐘，因為有個人一次過叫咗10盒。咁都無問題，因為我前面只係幾個客。然後有個編號遲啲嘅傢伙開始埋怨，佢哋結果先俾佢外賣。我問佢，如果大家開始埋怨你就優先俾佢哋，咁有編號又有咩意思？我真係未見過咁嘅情況。記住，我哋大家都叫一樣嘅食物，係海南雞，根本冇理由畀我後面嘅人先攞食物。我最後都問要返錢，因為呢個係原則問題。呢間店真係需要改善下佢哋嘅組織能力。…查看更多

本來諗住快食嚟買外賣之前都成日買呢間但對上幾次d質素開始下降偶爾有雞唔熟但佔少數直到今日再買外賣成個午餐外賣有3分之1嘅雞唔熟！！！叫人點食呀？有食安風險呀下次唔再幫襯了…查看更多

最近唔係好想食飯，見到佢有例牌雞南雞，排完隊去到點知話得半隻賣，扣分☹️ 都等咗咁耐唔好意思唔叫，所以頂硬上叫咗個海南雞飯$48。.睇相都睇到個飯啲色完全唔均勻，食落唔係每啖都有雞油味。對於本身已經唔想食飯嘅我嚟講，更加覺得好失望，有少少覺得浪費咗我嘅quota🙃.至於海南雞方面只可以話佢不過不失，啲雞唔算好滑，但又未至於好鞋。呢個價錢嚟講都俾佢過關，如果再貴少少就一定唔會幫襯，因為附近有更加好嘅選擇。呢個我之前都介紹過，有興趣可以睇返～.醬料方面都係普普通通，唔算非常驚喜嘅味道，蔥油就咁擺咗上去，亦都冇豉油跟，有啲覺得爭緊少少。仲跟咗個湯，都係正正常常冇話非常特別。只可以話除非另一間海南雞唔開，如果唔係應該唔會再幫襯🙈…查看更多

第一次幫襯營豐，買左四份一隻鴨上庄。除咗等得比較耐（我前面冇客），四十幾蚊算滿意，鴨肉幾軟同入味，味道有啲似鹵水鴨。點埋兩個醬（一個酸辣，一個濃醬油），送飯幾滋味。下次會試其他食物。…查看更多

途徑灣仔地鐵站天橋底，見有一外賣檔，名叫營豐海南鷄專門店，標榜鮮鷄來自家農場，及感覺有點餓，便去買個外賣試一試，仲有個例湯送，合計都系48 蚊！海南鷄皮滑爽脆、加上已起骨，肉嫩且多汁，配埋薑蓉及酸汁，更加特別惹味，個黃薑飯仲熱焫焫且無落鷄粉，每一粒米都好好食，值得一讚；再配上酸菜：红及白蘿蔔，胃口大增1倍，食海南鷄飯要食酸酸地的酸菜去配襯，才會食到神髓！個例湯都還可以，畧嫌份量少啲，只得約半碗，整體來說，CP 值：Value for money!…查看更多