燕雲莊

係完全唔知自己去左邊度既情況下,找到這店.天氣炎熱,都係唔好咁多要求,隨意食個LUNCH套餐街坊價,$38 尖椒五層肉睇黎幾吸引就試下.加6蚊轉菜飯紫菜湯就是強力味精感覺,不宜多飲尖椒爽脆,醬汁惹味,帶蒜香,尖椒炒得入味.五層肉就為淡口,既不吸味,又沒有再多既處理,平淡.幸好那醬汁咸中帶少少辛辣,撈飯的確不錯…查看更多

上海雞翼菜飯-  勁乾的老雞翼加好油的菜飯上海小籠包-皮厚，充滿肥膏而冇味的小籠包酸辣湯- 不知所謂勁辣味精水又貴,態度差話佢知D雞好乾，佢答：「冇喎，係噤過wu，炸雞係噤架啦！」…查看更多

外面望落去黑漆漆，無乜貴氣，裝修簡單又老土，睇落似老店，唔知佢開業有幾耐，友人話佢幾年前黎食過都幾好架，所以今日連同同事門黎一試先。大概是另一間上海野嘅菜飯太出色，黎到燕雲莊，大家不約而同地叫左麵食，飲品都係豆漿。豆漿好快到，同洗筷子嘅茶杯一樣大，幾有豆香，但太甜。雪菜肉片湯水餃加麵底，超大碗上，勁多雪菜。雖然成碗滿哂，但不會死鹹。北方式嘅水餃，皮厚，但肉鮮，唔錯。酸辣湯麵，湯底很濃，都幾酸但少少辣，好易入口，有冬菇，荀絲，肉絲等，都幾多料。清湯京蔥羊肉麵，京蔥不算多，羊肉好嫩滑，一啲都唔羶，仲附上一個白色嘅腐乳醬，點下點下又幾好味。麻辣肥牛湯麵，唔會太辣，湯底都唔錯，不過肥牛太大塊，好韌咬唔開。上海麵似幼身嘅烏冬，唔會好爽口，但做成湯麵吸湯力幾好。上面幾樣都好食，下次試下其他野食先。…查看更多

晚上沒著落，太太帶了囝囝去活動，只得在附近隨意找間食店醫肚。以往去燕雲莊都是一家人，今次一枝公，乾脆炒碟上海粗炒算了！老實說，鑊氣不錯，醬汁下得夠重手，肉片切得大小不一，厚薄又有差異，但三幾十蚊仲想點，加上免茶芥，諗落在粉嶺吃飯算平宜了。…查看更多

這是中學時期的飯堂, 最喜歡它的排骨菜飯及酸辣湯麵, 繼郡記後再次尋回當年的感覺.內裏環境跟以前沒兩樣, 只是店旁的冒險樂園改為NEWAY而己.點了一個排骨菜飯, 酸辣湯及5個小籠包. 排骨菜飯的菜飯豬油味十足, 很淋, 不像上水麵軒只是將菜跟飯攪拌而己, 還記以前我們經常鬥吃辣, 不斷添加豆板醬, 有人一次加五茶匙的豆皮醬. 豬排煎得金黃, 但肉質遍韌, 是材料問題. 酸辣很足料, 配料有木耳, 豬肚及豆腐絲, 可惜怕太飽不能點個湯麵, 但喝完這湯又讓我重回中學的時光. 來到上海店一定會試小籠包, 畢竟這是上海菜的特色, 這裏的小籠包跟在香港的其他上海菜館一樣, 體積偏大, 而這裏的小籠包的頂口弄開, 吃下去的皮是上硬下軟, 是師傅包的時候不行使小籠包在蒸的時候破開. 雖然湯汁仍在, 但外形及口感己經失分, 難道真的要回到上海才能吃到正宗的小籠包麼???…查看更多

是日與朋友們趁著好天氣去郊遊一下~~出發前先食個lunch醫肚~!!從朋友間聞說幾唔錯~終於有機會一試~~我叫左酸辣餃子湯麵~~個酸辣湯底幾唔錯，唔會太辣，啱晒我呢d食唔到太辣既人~麵質幾滑，餃子共有4隻，而且都係大大隻，感覺好抵食~餃子的餡也做得唔錯，菜和肉既比例約係7比3啦，7分肉3分菜，好味道!!服務態度就麻麻地啦~~朋友叫侍應拎隻碟仔俾佢，個侍應拎左一幢果黎，問我地要大碟定咩碟，我地話要一隻細得啦，佢即黑面丟下一隻碟就行左去~~算啦，對於這些小店的服務唔好要求咁高啦~~…查看更多

中學時代,由於燕雲莊在學校附近,每星期至少會幫襯一次,不過當年零用錢不多, 廿幾成三十蚊一餐lunch, 基本上已經算"豪食", 但而家畢左業,返工之後,覺得三十蚊一餐幾平, 仲要好食, 超抵!推介排骨菜飯(上次去賣hk$29), 有成塊面咁大o既豬排, 用南乳醃得好入味, 但d肉汁又好夠,唔會好乾,超好食! 仲有個菜飯都真係一流,比較油但好香口, 一個女仔都可以食得晒一大碗! 如果平日(星期一至五)幫襯,仲有一小碗酸辣湯或紫菜湯送, 建議如果可以食辣一定要揀酸辣湯, 好足料,又濃又香, 每一口都飲到有肉絲,雲耳,冬菰,蛋絲,豬紅等等配料, 我去過好多上海館飲呢個湯, 都係燕雲莊最好味!一個人叫一客飯就剛好, 唔會有空間再食其他,如果人多, 可以食埋上海粗炒同小籠包, 又係好好食! 不過要注意上海粗炒味道比較濃,有人會覺得略鹹另外,午/晚餐生意好好,就算閒日,如果同行人多(4人或以上)都可能會等位, 1-3位就100%要搭檯,同埋人多都比較嘈,唔係一個浪漫約會的好地方! 由於實在太抵,又再心思思想去,回味當年同同學一齊食lunch o既滋味…查看更多

入到去至知道間餐廳好大間, 相信上水區的舖租唔係太貴.裝潢仲好有粵語長片feel添 回窩肉客飯, 跟豆漿, 例湯&一碗飯, $34回窩肉份量唔細, 豬肉半肥廋夾雜, 青紅椒椰菜都落得重手, 微微辣, 送飯一流.上海排骨麵, 跟杯豆漿, $27碗麵上枱個賣相幾靚㗎, 不過我未影相老公已經急不及待摷亂哂! 你係咪餓成咁呀?可惜味淡吖, 諗住加少少豆瓣醬, 點知呢間舖用的豆瓣醬與別不同, 竟然是近似廣東辣油, 辣度倍升值!!!!!!!!!!!!!!!!!!突然中招, 差啲辣死麵可能煮過火, 不但腍, 咬落一口粉, 唉!老公邊食麵邊問: 老婆, 點解香港食親啲上海麵冇你响深圳買返嚟啲超市貨啲咁好食嘅.唔知呀, 深圳外省人多啩.下次去上海舖食飯囉…查看更多

中學既時候都係成日黎食，通常大家唔係叫排骨菜飯就係雞翼菜飯，因為依兩樣都係最好食既。排骨菜飯排骨燒到紅紅地黃黃地色，食落又脆而多汁，不過，大家最好叫佢俾多個"燻乳汁"咁會仲好食。個菜飯都幾大碗，所以次次都食唔晒。不過，食完會有黏牙。雞翼菜飯d雞翼好脆，超正，而且係雞全翼喎。超鍾意個雞翼尖。價錢都幾公道，都係$30蚊左右。…查看更多

昨日早上,外買了最喜愛的雞翼菜飯,怎料,飯又爛又濕,菜又黃,咬了2口就沒吃了就吃雞翼,眼望已經油油的,肯定是翻炸,唉,餓了,盡管試試,之後....無味又油,真的是沒話可說了已經對這所飯店失去信心,連送的酸辣湯都是一樣,溝了水混淡,我不敢試,男朋友喝了,竟吐回出來,絕對不是假好彩還有杯豆漿,是人喝的,那時候,真的十分生氣,氣得都不想拍照,只想投訴,男朋友的阻止使我放棄追究,追究也沒有用,沒有下次不再到這裡吃了看著菜飯,覺得自己比錢買難受,這次教訓我真的領會到,我氣得要企出來打食評,不想別人的遭遇跟我一樣,才後悔我後悔沒有打照片拍下,留做證據,因為再說多都沒有用,但我總希望別人借此為鑒我是住在這間店的附近,學校都是,平時到會到這裡吃東西,日子久了,不但加價,水準同時變差了,但都一直支持,因為有感情,價錢貴不是貴,平不算平,喜歡他的飯,因為珍珠米,如今不是人吃他們只會做學生lunch時段,有次2點去,飯菜已經不新鮮了,豬排都是翻炸的,黑黑的不敢吃,要求換過,更不想換給我們,絕無欺騙成份之後再光顧,只是記掛當年的菜飯這是最後一次作為多年的顧客,對這間飯店已再無留戀…查看更多

朋友下個星期一生日，我們提早與她慶生，於是一行四位女生相約到這家燕雲莊吃上海菜。她們都是第一次來這家餐廳，問我有什麼推介。老實說，我每次來都是獨沽幾味，於是我只把自己覺得好吃的告訴她們。最後我們點了招牌排骨手切麵、排骨菜飯、酸辣水餃麵，酸辣湯麵。手切麵切得很寬和薄，不會像吃厚厚的麵粉條，而另外兩碗都是上海幼麵，同樣彈牙。菜飯很足料而且很大碗，每口飯都有蔬菜。主角排骨炸得香脆，它不會被厚厚的炸粉包著，帶點酒味，朋友大讚好味。酸辣湯是我的最愛，我幾乎每次都必點，它的配料有蛋絲、豬紅、豆腐、腐竹、豬肚、木耳等等，可我個人喜歡吃辣，今次的辣得不過癮，沒有出現狂流鼻水的現像。這裡的水餃做得不出色，水餃皮過厚。P.S. 推介這裡的燻魚菜飯和雞絲冷麵。…查看更多

Fried pork shanghai noodles (thin)Pork is very large and freshly fried. Not too oily and not too fatty, they are spongy and not too tough, they have no bones! Its taste is just right…..noodles is very smooth and not too soft and not too hard, the soup base is quite dilute, not very salty.Soya milk is very dilute too, not much bean taste, taste like water! Not recommended.The dumplings is quite good, the inner meat is not too fatty, but the outer layer is quite thick…..…查看更多

去到粉嶺一間上海店燕雲莊用餐.味道也ok.煎餃子很香口,再配上醋和他們自制的辣醬.very good.而且他們的云吞雞煲好足料.有雞味.加上一碗菜飯已經很滿足.價錢合理,約埋三五知已去食飯.不失一個好去出處.…查看更多

因為家住粉嶺,燕雲莊成了我家飯堂,通常比較鍾意午市去,有豆漿/紫菜湯/酸辣湯送一家四口必點雞翼菜飯,雞全翼半煎炸,雞肉嫩滑,菜跟飯比例均勻酸辣湯絕對係重點推介,酸味同辣味唔會互搶風頭,入口濃烈而不涸,唔會水稀稀,湯料多,豬紅絲蛋絲彈牙,每次一定另點一鍋鯨舌先夠皮雞絲粉皮也不錯,但沒有太大驚喜小籠包晶瑩剔透,薄皮內包住熱辣辣既湯汁同豬肉....但一定要襯熱食!京蔥羊肉麵麵質爽滑,京蔥清甜,二者連湯入口,真係頂呱呱!好可惜羊肉令成碗麵錯晒!唔加好過加!唔講唔會有人知道佢係羊肉,完全冇味!!得閒去食下的確唔錯,價錢相宜可以食到好滿足!…查看更多

兩個人近近地食一餐不過枱面有點污糟以價錢計算質素算OK小籠包: 味道OK~不過有D上枱已經穿左~同埋皮有D硬排骨菜飯: 唔錯~不過有D油 (有湯送)紫菜湯: OK~幾好飲~同朋友share~一人兩啖~雞翼上海麵: 比預期中好埋單$105…查看更多