燒.come (已結業)

食過好多次，好食，抵吃，午餐$50尾-60頭，有野飲，支持小店，希望長做長有，祝生意興隆！所有即叫即整，新鮮熱辣。同區好多貴過佢，又唔飽既店。呢間我每星期都會幫襯。…查看更多

哩間店系一間燒烤店來噶，店面都幾細間噶，所以都幾迫噶，不過滴燒烤真系好食，都幾入味，燒得都幾靚噶，選擇噶菜都幾多噶，有肉有菜，仲可以叫燒骨粥添，食燒烤我就一定要食碗粥噶啦，覺得甘樣先無甘熱氣，其他都好好味噶，可以得閑同滴friend一起過來BBQ，玩玩都好。…查看更多

寫得再食，就唔再介紹餐廳喇，全部寫食物，而第一篇係無食過既先整串紅腸，夠香既蜜汁燒，不過不失燒和牛串，一口一粒，油脂好夠，好重牛味肉又嫩，值得一試金牌魚蛋，上次話花枝丸加沙爹醬正，原來魚蛋都幾香幾好味小店街坊味道，燒多春魚，賣相吸引，食落就有啲乾，又唔太夠多春燒雞中翼幾好肉既，肉嫩皮脆，蒜鹽味就唔太覺，但味道ok既跟住黎個亮點，燒鮮冬菇望落正常，食落好香好正，多汁口感好，好夾個燒汁既味道芝士車厘茄免治雞肉串，意外地好味記住襯熱食唔好等塊芝士乾，夾埋車厘茄出奇地清新日本年糕就真係伏，又硬又無味，甜又唔甜咸又唔咸勞蘇食推介 —— 燒槍魷魚係當日嘅推介黎既，燒汁加少少蒜味，一口食晒非常鮮味，又多汁，調味做得好好又鮮又惹味，必食之選蜜汁豬頸肉，細細條好嫩滑既，味道偏甜最後配個Q版奶黃包，咩料，又乾又硬，個豬頸肉就離甜過佢特別提提：依家多左個特別嘅玻璃杯俾我飲啤酒整體質素不錯，小店味道價錢非常相宜，返啅左多串冬菇同槍魷魚性價比無得輸啦#好似無左沙爹醬#佢就係隔離燒但離奇個身又唔算大味#本身想食間日本串燒串串都三四十起跳細味品嘗最後都係返黎小店食得爽暢快啲…查看更多

回應返題目，因為鋪頭真的太細了，所以幾個朋友聚埋諗唔到食咩的話，可以簡呢間。😝***其實叫左幾多野食下（兩個人）大部分都燒得好味，我最鍾認食芋香餅，但冇影度。冇心機影相😂😂😂😂所以得最後上菜既幾張相。***燒大眼雞，燒得好靚，魚肉都好嫩口的，仲有個特制鼓油俾我做醬汁。雞髀菇，食菇有陣牛奶味，我覺得好食。海鮮食左呢個同魚， 都好味但我見menu仲有燒聖子同扇貝，好想食但sold out左😕***下次會再黎食既…查看更多

形形式式嘅串燒店越開越多, 口味/種類都更為複雜, 好多時我哋都忘記咗食物嘅"原味"燒.come嘅串燒仍然堅持簡單調味, 保留到食物本身嘅"原味", 不單靠調味料去畫龍點精實在難得, 小店嘅堅持值得一讚! 正所謂笑聲笑聲滿載溫馨：p …查看更多

我自己一向都鍾意幫襯小店，好多時用低啲既價錢享受到更好既食物，又會有店入面自己既特色，最重要係有互動、有份人情味燒.come幾年前經常去，因為佢好抵，而且店舖小小舒服唔會太嘈，燒既食物有自己既特式，清清地既今次再黎，舖面基本上無變，星期日晚上幸好仲有張空枱枱面設置仍然的的色色，精緻既餐牌都係一般燒野，有肉有蔬菜有海鮮，如果想食下廚師當天推介，牆上會有塊牌寫住，日日唔同，賣完即止結果叫左雞軟骨、蒜茸牛油蔬菜包、金菇肥牛卷、燒牛舌、豬骨粥、燒鯖魚、雞脾菇、燒蒜芯、墨魚丸、燒帆立貝、原條茄子先來雞軟骨，較乾身，都幾脆既蔬菜包根住就上，打開之後一食，咦無味既，撈一撈佢好左啲但都係好淡要睇返餐牌先知係蒜茸牛油焗上菜好快，未食完就黎左金菇肥牛卷，燒汁味挾埋一齊幾好味如果都驚淡，佢地有秘製沙爹醬，亦都係好挾既牛舌出場，樣相當唔錯，食落都好味既，好有牛味但有少少乾，可以更好試一下佢既豬骨粥，一食，可能食緊濃味野，完全同白粥無分別如果真係想食可以盡量安排係一開頭食，或者當中場食碗白粥清清個味蕾就ok連住一齊上鯖魚，一開始睇一條燒鯖魚成四十幾蚊都有啲唔想叫，黎到原來係成條，比一般燒烤店大一半起碼，配埋特色葱椒醬油我記得以前係有魚露係入面，更惹味，雖然依家咁都好正雞脾菇同燒蒜芯隨即就上，依度既甜味調味不嬲做得唔錯，蔬菜既鮮同甜唔會俾鹹同燒焦味道遮左如果唔夠味道加埋沙爹醬仍然正燒蒜芯係今日推介，非常好味跟住仲有燒原條茄子同燒元貝，茄子正常，不嬲燒野都要食，但佢唔係走惹味同辣既路線，個人對茄子會prefer後者，所以不斷點鯖魚個醬油燒元貝本身無咩期望，因為一般以依個價錢都係燒雪藏元貝，點知有驚喜，唔乾身，肉質口感都唔錯幾好味最後到勞蘇食既推介 —— 燒墨魚丸，無錯係墨魚丸，咁多野食唔推推墨魚丸既最大原因，就係個秘製沙爹醬個人認佢係眾多野食中最挾個沙爹醬既，趁熱搽滿沙爹醬放入口，雖然今日糖墨丸未算平時咁好味但都好正總括而言，佢已經不再便宜，而且可能偏淡，如果你只愛孜然、辣、香口既，應該真係唔啱你:(但佢仍然係我愛的家庭燒烤味，我愛的暖暖的小店，有自己的味道#不再便宜都唔係貴架#其實每日仲有好多新鮮海鮮架#見左幾年都仲見到細心的老闆娘94開心…查看更多

我倆約左夜晚食飯，佢做完野都9點幾食得宵夜，黎左西環燒.come食BBQ宵夜。女店員問我地有無訂位。雖然我倆無訂位，但女店員好有禮貌地問介唔介意搭枱，因為舖仔細細，只係坐到十幾廿人。但我地入到去基本上嗰張面璧枱都算係自成一角👍👍我倆叫左9款串燒加食物，全部都係即燒，上枱熱辣辣，明明食BBQ，佢無啦啦叫碗豬骨粥🤣不過又幾好味喎👍呢個燒牛柳串好味，牛柳粒唔韌，又夠juicy😋腐皮春卷好脆，中間魚肉餡夠爽，好味鴨胸係我至愛，當然好味😋😋羊架反而無乜特別，唔係話特別好靚呢個紫薯栗子餅，幾特別，味道唔會過甜，而個皮似雪山脆脆面，正喎👍👍埋單無加一，我倆食左$197，雖然大部分食物只係周街都買到嘅丸丸腸腸🤣但都有啲特式食物，間中食下都算唔錯👍👍…查看更多

我吾經吾覺幫親左呢間串燒5年幾..差吾多個個星期黎一次..因為行過都比佢地肉香所吸引..所以係時候寫返個食評@@..我每次黎都一定會叫燒牛舌..入口吾吾乾夠牛味..粟米就燒到好香..又多汁..正!..芝士雪米餅係我最愛..因為有芝士=.=..海鮮煩就推介鮑魚..同象拔..夠彈牙同鮮甜.䱽魚燒得夠乾身香口.仲有白鱔.叫完一串要再追加@@.另外值得推既係佢地服務態度,..好有溫情..試過我吾記得拎袋野會主動打電話黎..令我更加會記得呢間串燒店!…查看更多

今次係我第二次黎呢間小店..記得上次係前年新年拜年時經過肚餓入去試左牛舌同牛柳..感覺非常美味..可惜今年再去竟然冇開..到今次因為行完一田搵野食決定再去正式試下..當晚由於吾知原來可以book位..結果冇曬位..問左要等30分鐘..最後留左電話去行陣..過左30分鐘仲未打黎..唯有打定輸數..但竟然過多一陣就打電話來..非常貼心..所以都去食..我地點左牛舌..牛柳..聖子..生蠔..一條黃花魚..仲有鮑魚同一d小食....牛柳牛舌一如上次非常好味..聖子更係喜出望外..咁既價錢有咁大隻..外便冇x2都有冇可能食到..而且好新鮮..生蠔就都吾差..燒得岩岩好吾過熟..黃花就真係新鮮..因為我地叫左佢比我地睇先要..肉質鮮味..吾洗一陣原條食曬..所以相都吾記得影-.-其他丸丸腸腸都好正..吾會只有燶味..最值得一讚係所有野都即叫即燒.,吾似出面熟左一半自燒..所以需然等耐小小都值得..最後店主店員明顯一家人..服務態度親切.會細心講小心生蠔熱..又會禮貌問需要刀叉之類..所以下次會再來…查看更多

這間小店我地幫襯左兩年，由最初每次只有2，3枱客，到依家長期客滿都一直幫襯，當時更加覺得呢間小店不錯，值得多點生意而為他們寫了我在Openrice第一個食評（亦是唯一一個），但今天開始我們不會再來了，說真的我們從來沒有試過去食飯要咁樣受氣！！！今天2月17日晚，我地如常訂座幫襯，來到等了23分鐘到8:23分，依然未入座，眼見其他2人的食客仍然在上菜，於是我們向一位年輕店員反映為什麼每次訂座仍然要等，誰知那位問題青年店員態度極差說「唔想等就唔好等，依家幫你取消Booking」，隨即他搶走了我們手上的點餐紙離去，我們突然被嚇呆了，幾秒後回過神後覺得很不憤，便入去質問為什麼要這種態度，這位問題店員繼續不斷極輕挑的態度來挑釁我們，「唔想等就唔好等，無人迫你」「等果廿分鐘就咁好彩我地唔係銅鑼灣」極之過分，令到我們很生氣，其間其他職員（他的家人）紛紛替他道歉，最後我們沒有再跟這位有問題的店員爭論而憤怒地離去！我們真的對這間店極度失望，我們一直以來都幫襯的小店突然變如此，即使是大排長龍的食店也不會如此惡劣態度對客人，我們作為食客不需要無端白事受氣，奉勸此人下次心情不好不要上班，更不要將情緒發洩在客人身上，他害了自己家人（這間小店是一家人在經營）現在食店如此多，此人如此服務態度如持續如此，這小店不會長久！即使他們抵食又好食，我們都不會再來支持它！…查看更多

We left the restaurant trying to explain to the chef how 'terrible' the food had been. He nodded and thanked us. I guess that's how well they understand what good is. Fugu soggy, asparagus chewy, Chilli sauce more msg sauce, corn at least a week old, scallops tasting of socks. $9 yakitori is a pull no doubt. It's not worth it. 7-eleven fishballs are better. …查看更多

$11燒雞肶菇, 一串有4件, 有蜜糖和鹹味, 食到有菇的苦澀味, 味道都免強配合到.$10 日式燒鱆魚餅, 我想他們應該是自己批發回來燒的, 並非自己親手做, 入面只有鱆魚粒, 肉餅是魚肉, 有很多蔥菜, 應該是用來蓋過魚味. 但$10一串, 2塊鱆魚餅, 又那會有全部鱆魚肉呢!$12應該是由生燒至熟, 因為是剛剛脆口, 而非煲熟加燒, 證明誠意燒製, 有少少鹹鹹地及蜜糖味!$18 八瓜鱆魚餅棒, 是由魚肉, 鱆魚粒, 蔥菜, 薯蓉加沙律醬, 可能自己不喜歡蔥, 個人感覺麻麻, 但仔仔食卻OK!$18 永遠蜜燒雞翼都是最好味的!$9 鹽燒雞軟骨, 鹹鹹地, 有雞味的軟骨.$20 鹽燒秋刀魚, 食秋刀魚, 最怕魚鯹和苦澀味, 今次秋刀魚醃過味. 所以魚鯹及苦澀味, 加上青檸汁,酸酸鹹鹹, 魚骨不算多.…查看更多

下午发现的店，当即就决定晚餐在这儿吃了。店面很小，狭长的走道后面却有一番洞天，我们一行三人就坐在最后一桌。菜单是四张单，烧肉类，海鲜类，蔬菜类和其他。点了大概十好几样，秋刀鱼，金针菇肥牛，烧牛肉，牛舌，茄子，玉米，很不错。鸡珍，四季豆，鸡脾菇，奶皇包也okay。芝士雪饼，烤鸡皮，鱿鱼就不太推荐了。秋刀鱼，烤的很酥脆，有些微鱼腥不影响，配上旁边的沙爹酱不错推荐金针菇肥牛，这两样东西组合到一起就很完美，味道也调配的咸甜刚好喜欢烧茄子，淡淡的蒜蓉味道，更象是蒸出来的，好吃牛舌，没拍照，肉质很嫩，推荐烤鸡皮，有点象膨化食品，没有肉感。鱿鱼偏咸，鲜也不够。不会再点。在学校附近发现这样一家烧物店，以后的夜宵算是有着落了，就是店里的食材有限，晚了大概有些就吃不着了。…查看更多

第二次幫襯呢間小店，決定幫佢寫食評支下！呢間店好細，只有6枱左右，全場坐到20人，無咩裝修，但店仔細細好企理又感覺良好。食物真係好有驚喜，佢係續樣咁上，所以全部都可以新鮮燒起即食，樣樣都燒得好好食，配埋個沙嗲醬真係無敵，而且價錢仲勁平添，以後我地食串燒都會揀呢度! …查看更多

燒COME都幫襯過好幾次，貪佢近屋企，貪佢有得訂位，貪佢燒得好味，貪佢平，貪佢服務好，但就坐得唔舒服迫dd雞肉腸$4～貪佢平夠飽肚，每人叫咗一串燒粟米$12～貪佢燒得夠香，粟米又甜又大粒燒鎗魚～貪佢夠新鮮，無腥味熱辣辣煙鴨胸$10～貪佢燒得甜甜地，香軟可口燒煙肉廣島蠔卷(3件)$43～貪佢配搭得好，蠔無腥味，仲熱辣辣燒八爪魚燒餅捧$18～第一次叫，燒餅棒裡面有細粒八爪魚、麵粉加椰菜，好爽口好味金菇肥牛卷$18～貪佢入口多汁，肥牛唔靱蜜燒雞肝$16～貪佢燒得香口唔乾，再配上沙律醬一流燒洋蔥～第一次叫，有木魚响面，貪佢燒得有技巧，但洋蔥最內層唔夠淋同香蜜絲甘薯$14～貪佢燒得香同淋，最緊要蕃薯夠甜汽水$8二人共消費：$242…查看更多