燒

值得推介下石塘咀山道間日本🇯🇵燒餐廳 「燒」， 蔡老闆一個人打理間鋪，預訂海鮮，每朝去買最新鮮既食材，用心燒好每一碟，食得到鮮味！ 琴晚叫既每一碟都好好食！ 第二次去幫襯，兩次都同每張枱既客人打成一片， 老闆都一齊吹水， 大家組成咗個「燒之友」！ 食物質素重要，但食得開心，氣氛都好重要❗️大家可以試吓去幫襯去支持下💪🏻💪🏻💪🏻樣樣都正！值得推介@燒 （石塘咀）燒蟶子燒北寄貝燒汁鮑魚燒汁洋蔥極上雪花牛仔骨燒牛舌燒汁紫菜飯團🍙牛油香蔥酥餅燒雞軟骨燒和牛粒燒秋刀魚燒日本🇯🇵白粟米🌽燒雞中翼燒日本🇯🇵年糕焗雜菜燒菠蘿🍍冰菠蘿🍍燒脆皮香蕉🍌糕（好好食）…查看更多

朋友介紹之下, 前晚終於去試左呢間隱世串燒店…🤩忍唔住出post係因為佢同一般串燒店唔同, 由於當晚食得太多野, 例如有雞軟骨, 雞皮, 豚肉露筍卷, 牛舌, 雞泡魚乾等等呢D一般串燒店有既食物.真係影唔到太多….好多店鋪既串燒都會落孜然粉, 變左每樣野食都係同一個味…但呢間老闆堅持用港式燒法, 每樣食物都食返本身果種鮮味😋👏🏻佢果個多春魚真係不得了, 連我平時唔太食魚既都忍唔住再encore😋😋因為老闆燒到好香口, 完全冇腥味….但講到當晚最出色既係燒海鮮, 有聖子, 北寄貝，元貝等….完全係勁鮮甜, 爽口☺️不過當然海鮮要預早一日落單, 老闆堅持當日早上先去買貨保持新鮮.😃仲有就係酒水都相當平, 一杯550ML既Sapporo生啤🍺先係$48….. 雖然呢間鋪地點有D隱蔽, 但地鐵站行去都只係2分鐘既路程都好方便😉最重要係食物同服務都一流, 性價比好高. 會返轉頭幫襯既小店🥳 …查看更多

上星期同朋友去咗西環呢間叫「燒」嘅串燒店，真係好正！老闆好有型，一個人喺度專心燒串燒，原來佢做咗多年，難怪啲串燒咁好食！我最鍾意佢哋嘅燒蜆，大大隻又鮮甜，仲有蒜蓉香味。朋友就叫咗燒帶子，睇住師傅燒到金黃色，食落好嫩滑！驚喜發現佢哋嘅燒魚好出色，魚皮燒到脆卜卜，魚肉仲好juicy！我哋仲試咗墨魚丸同牛舌，墨魚丸外脆內彈牙，牛舌就燒得啱啱好，唔會太乾。飲品方面，有冰凍嘅日本啤酒同清酒選擇。最搞笑係見到隔離枱幾個哥哥仔自帶Tequila，一路飲一路食串燒，好開心嘅氣氛！價錢都幾合理，兩個人食到飽都係$400左右。絕對會再嚟！…查看更多

今日突然想食串燒， 就搵咗呢一間， 一入舖頭見到老細個樣好熟面口，原來係以前 和石街果間 燒.com 搬咗過嚟， 我仲以為執咗 ，正呀今次冇白行。串燒同以前一樣咁好食， 燒牛舌，蘆筍， 金菇牛肉卷， 燒海螺， 安康魚肝燒豆腐， 正到爆， 再加多支 sake, 完全可以令我relax， 阿女仲一次過食咗三串牛舌， 好誇張未見過佢食咁多🤣我見隔離枱食緊海鮮，隻帶子殼仲大過我隻手板， 中間隻帶子勁大隻， 好似好正咁， 佢哋仲不停話好鮮呀，好好食，引到我都想食， 但原來海鮮要預訂架， 老細話因為海鮮一定要新鮮， 當日買當日整， 所以最少要一日前預訂， 咁我下次book枱的時候我知點樣做喇😎…查看更多

服務態度差， 今時今日小店還有min charge 難以接受. 嘢食非常一般, 自己煮還好食. 牛肉有臊味, 雞翼翅超級冰硬肉質欠佳. 所有食材不新鮮，似係急凍貨.$28 3粒翠玉瓜, $38和牛 但係超硬超難食. 都係鄭重呼籲不要過來. 不符合價錢. 400hkd 兩個人都唔知食咗啲咩.本來以為小店可以彼此機會去試吓. 但發現其實應該要睇食評不用給這些機會. 職員態度麻麻, 將上一個食評說法他們自己會大大聲一齊講嘢一齊食煙，超級影響隔離食客的胃口 …查看更多

夜晚九點幾諗住去幫襯下小店當時剩係得一枱自己人/熟客，仲要係店內食煙, 煙霧彌漫服務一般, 自己同熟客就大大聲喺度傾偈兩個人食咗十幾串串燒，賣單時話我哋meet唔到Min Charge (要每人$150 wor)，即係要你好肚餓先好幫襯或者叫你食貴野，真係近年少見有Min Charge既餐廳食物味道一般啦, 普通BBQ，同你自己去郊野公園燒冇乜分別價錢貴仲要冇埋轉手前既秘製沙爹醬唔會再有下次啦…查看更多

有氣氛，食品又好1！燒烤有水準，食物新鮮，算多文元化，又有啤酒，黑啤白啤，清酒，真的好enjoy! 難得見到個廚師好用心，令得燒烤與別不同。三五知己，生日慶祝，晚飯不想太隨便，有要求，這個價錢選合理，近乎超值。…查看更多

I'm really excited about 燒! I recently had an amazing time at this Japanese skewer restaurant near HKU station exit B2. The atmosphere was warm and welcoming, and the staff treated me like a dear friend. Now, let's talk about the skewers—oh boy, they were incredible! The yakitori was juicy and flavorful, the beef skewers were tender and savory, and the seafood skewers were a seafood lover's dream. The presentation was impressive, and the prices were reasonable. I can't wait to go back and enjoy another fantastic meal with my friends!…查看更多

今日午餐同同事一起去試食這間日本餐廳，餐廳食物款式不算多。一進入餐廳差不多全部位置都full。幸好的還可以搭枱，才不需要等太久。大部分客人進入此店都是品嘗他們的湯麵類。所以我同同事分別點選了他們湯烏冬及蕎麥麵。很少日本餐廳會有魷魚做餐主菜，所以我就選了，而同事則選了雞排。真的估不到，他們的雞排及魷魚可以如此美味，焦香但不失食物肉汁，而魷魚內裏軟軟的，不會過份焦及因烹調過熟。雖然價格比較中等，但都值得一試再試。…查看更多

一開始見到有燒烤、於是諗住試下食、估唔到出奇好食、店裏環境好乾淨、座位好舒服、唔會好迫、服務態度好好👍🏼、最後到野食啦、真係好好食🤤唔會太乾、、燒魚🐟好好食😋加上有我最愛的生啤、依家仲做緊優惠、買二送一、夠凍、好正😊所以值得大家一試😆😆😋仲有一樣值得一提、外賣自取、拎返屋企都好好味同熱啦啦🤩🤩…查看更多

值得推薦嘅小店(燒),被街外香味吸引,於是一試!驚喜嘅係原來店內所有食物都係即叫即生燒~難得!小店地方不太大約有二十個位,不過坐得好舒服唔會迫!食物質素更加唔洗講嘢!即叫即做味道啱啱好,仲有清酒有5款選擇,啤酒有3款罐裝啤,再加1款日本生啤(生啤仲買2送1,大約30幾蚊杯咋)地點又方便地鐵香港大學站B2出口對面行幾十秒就係,下次約埋老友再食老闆仲話如果想食海鮮最好訂定抬同埋想食乜嘢海鮮,佢會係嗰朝早先去揀!確保新鮮推介推介…查看更多

之前和合舊舖已經幫襯開, 而家搬咗新舖仲就腳👍🏼, 香港大學站B2出口斜對面就係老細有傾有講打成一片, 仲有海鮮, 不過最好打電話去留咗先就比較穩陣🤣啤酒選擇就比較少, 不過可以試吓問吓老細能否安排…查看更多