燒肉LIKE (新達廣場)

营业中

休息中

性價比超高，下午茶加一後六十有找，有湯、有汽水、白飯及两set牛肉，份量夠，一D都唔hea，仲要白飯任裝，夠晒飽🍚一人食自己有爐唔使爭😍，而且無人趕你走🕐⏰️🕜牛五花牛味濃郁👍👍👍必試，牛舌有咬口，醬汁都有四款，有鹽味，蒜香醬油，原味BBQ醬，個人覺得蒜香醬油或就咁撤鹽最好食🫙🍴餐廳環境乾淨，全部一人位，多人黎都係面璧🤣🤣🤣但呢set野晚上食都要超過一百蚊，所以下午茶係超級抵👍👍

卒之試咗一人燒肉，原來真係咁好食，雖然限時1小時，但係我好快就食完個午餐，好多設備都係User friendly, 真係完全適合一個人去食，首先座位側邊有個小籃係俾你放手袋，火爐嘅開關掣就係你嘅右手邊，中間個櫃桶就係餐具，直接面對住個爐～手機落單，order完冇耐啱啱好一set餐就會放喺你面前，我叫咗牛舌套餐88,再加咗木魚紫菜蛋飯超級好食，本身個肉已經醃咗有味，再加埋佢嘅蒜真係超級好食，基本上唔使加任何調味料都已經好足夠，但係都仍有好多調味料俾你選擇，我會加少少鹽喺燒嘅時候落～一個餐嘅份量啱啱好，好滿足好好食！

二人去食，面對面講，個女職員自己話100g，但我個個係200g飯，佢自己行左去對面，然後原來個餐係我既，佢覺得又要行黎行去好唔鋸，就勁串話呢個係200g飯，黑面勁無禮貌。另外無帶眼鏡個個接待既男職員重衰，自己講野lur 利就覺得個客唔識答佢野，態度都勁差。唯獨帶眼鏡既男職員有禮貌。見到有其他人話佢，但點解佢仲可以咁樣繼續咁差既態度對客。拎一拎番個黎咁辛苦，咁唔鋸，其實呢份工岩唔岩你。

有日經過發現佢出左平日15:00-17:30下午茶餐又幾抵食wor!!!之前食有時唔想加錢要佢d 野飲問佢地拎杯水永遠都係比得半杯同埋唔比添水好慘情架🙃伊家個餐跟野飲，沙律，湯，溫泉蛋飯野飲有得簡熱茶包茶凍得汽水咁既價錢都無乜簡擇乜都照飲啦沙律有d 咸（？！） 係真係咸wor唔通佢落左鼓油？😂湯就普通唔好有期望。。。飲兩啖就夠牛係好味既😊不過食哂成個set 都會覺得有d 漏個溫泉蛋飯無我想像中咁好食，只係ok好似白飯仲好食😂😂不過下午茶價錢真係完勝

跟朋友去試下，過左籌號，佢都幫忙跟進。入座後，掃QR 落單，最後先知只能數碼支付，沒有現金。餐好快來，味道唔錯，飯夠大碗，多款汁料可用，個沙律菜最正。唔叫野飲，請服務員比水，都肯。再斟水都好笑容。平平地可以食燒肉，味道又好，呢間真的不錯，會試其他分店。

人黎左齊晒，有靚枱準備清潔執完店員叫後面張飛先入座，叫我哋等等呢女態度真係西黑面，係「狗眼看人低」派座位有number 飛排隊順序， 點解攞飛寫底野係後面個板再俾返客人拎住飛咁擺飛有咩用？咩道理唔俾我哋入去坐先跟住呢女黑面見學生哥都收哂碟同佢講一句後趕客叫餐黎左成碟牛肉濕濕水、啲肉擺亂哂我同店員B講換一碟，黑面女見到即刻跑捉住B問B做咩幫換碟，見到女係廚房嬲人呢個態度服務真係差到嘔血不會再去呢間分店啦

等位攞飛無論幾多個人都係A飛，現場吉位都係二人位，所以店員會順number叫飛。我係攞咗3人，店員叫到我張飛嘅時候，問我有冇小朋友，如有可以坐二人位，我答佢冇，全部大人。之後等到有一張4人枱食完，滿心歡喜應該到我，店員依個時候竟然叫比我遲嚟嘅number入座，我即刻問返佢點解我仲未可以入。店員竟答我：佢哋比我更早confirm齊人，我一頭問號？指出佢剛才問我係有冇小朋友，而冇問過我是否齊人，更何況我由一開始都已經齊人……店員先陰聲細氣表示下一張補返比我，下一張你係要比我啦，唔係補返比我….之後亦都冇任何道歉。未入得座嘅客人佢有mark低，但原來mark完都係廢嘅～🙂

每個員工個樣都好似唔想返工咁，西口西面冇笑容，見隔籬枱同佢講嘢，但係都冇反應我哋因為啲醬料唔啱食，所以食唔完想打包又唔比，話唔比帶生肉走，我買左個m記餐入黎for拎走，我都冇打開過個袋，分別兩個員工行過嚟同我講左兩次唔可以飲外來嘅嘢飲，其實我都冇掂過袋野調味醬全部都係甜味，完全冇鹹味想要啲鹽撳到手跛都未有出，同個店員講佢仲話有一句講晒，唔好怪香港人北上搵食，今時今日咁嘅西口西面服務態度真係唔會再嚟幫襯

店員極無理安排！！！我的籌未齊人差一位，接住我的下一個籌都係未齊人差一位。跟住下一枱的人話佢哋減一個位，店員竟然接受同佢哋先入座，我於是即刻話我都可以減一個人已經係齊人可以入座，但店員kit竟然不堅持讓下一籌的人先入座，於是我哋就冇枱了！如果燒肉 like 係接受排隊者隨時改人數嘅，咁其實兩個籌大家都已經齊人啦，但店員 竟然唔先問清楚前一個籌的等候者而安排下一個籌先入座，這是什麼道理？ 這位店員見人地人多就就人哋，完全違反規則，顛覆大家對排隊囉籌嘅認識，不尊重顧客感受！😡😡😡

入座安排差，後面號碼去問佢地就可以入座。我雖然未齊人，但點都應該順序禁號碼，再表示未齊人未能安排入座，而非邊個黎問到未就安排入座。同職員講就堅持已按號碼，但我全程企係佢個Gulu 前面。

嚟自東京嘅一人燒肉專門店「燒肉 LIKE」提供多款燒肉套餐，店內無煙烤爐採用先進除煙技術，用餐時唔會覺得好大陣油煙味，感覺好好！試咗最近推出嘅期間限定「日本產雞頸肉配炭燒汁套餐」，價錢好合理，一次過試晒雞、牛、豬三種肉，仲要人均百多元就食到，性價比非常高！最近喺大埔新達廣場同黃大仙中心都開咗分店，遲啲大圍圍方都會開，想食燒肉就更加方便。🔥日本產雞頸肉配炭燒汁套餐🔥$108/150g ; $150/300g套餐有齊雞頸肉、牛小排同豬五花腩！主角日本產雞頸肉肥瘦交織，肉質充滿彈性，鮮嫩彈牙，而且屬極為稀有嘅部位，每隻雞僅有一片嘅雞頸肉，非常珍貴。燒完再沾上特製炭燒汁，將雞肉味道昇華。牛小排油花均勻，鮮嫩多汁，牛味濃郁！豬五花腩肥瘦相間，口感軟嫩，燒到金黃帶點焦香，令人回味無窮！套餐跟配白飯、和風湯同泡菜或沙律，更可升級至木魚絲紫菜蛋飯 (+$22)，紫菜鋪滿飯，令成個飯味道更豐富！日本產雞頸肉配炭燒汁套餐去到 8 月 1 日都有得試~

第一次試燒肉LIKE 呢間一人燒肉專門店，之前已經知道有好多分店，但一直未有機會試，比我知道喺大埔新達廣場同黃大仙中心都開咗新分店，大埔店咁近我終於可以食到！嚟自東京嘅一人燒肉專門店，店內用咗無煙烤爐，採用先進除煙技術，咁就唔使擔心食完全身有油煙味啦！今次試咗全新期間限定嘅「日本產雞頸肉配炭燒汁套餐」雞頸肉係屬極為稀有嘅部位，因為每隻雞僅有一片嘅雞頸肉喺一般燒肉店較少見，所以我都係第一次食！日本產雞頸肉配炭燒汁套餐 有日本產雞頸肉.牛小排.豬五花腩 配白飯、和風湯及泡菜或迷你沙律，雞頸肉比其他雞肉部位更彈牙、肥瘦適中，燒過後香氣四溢，加上充滿日式風味嘅特製炭燒汁，既增添味道層次，亦令雞肉嘅鮮味更突出。我好鍾意呢個雞頸肉！配搭牛小排同豬五花腩，一次過可以品嚐到雞、牛、豬三種肉品，絕對滿足到我樣樣都想食嘅胃！我仲試咗個甜品天日鹽窩夫雪糕，店員非常細心幫我換過新網畀我燒窩夫雪糕，仲溫馨提示我每邊燒10秒，不過我燒耐咗，雪糕都溶咗好多，但想講窩夫表面燒到好脆，入口又熱又凍，雙重口感好鬼正，好好食！

呢間好岩自己一個人黎食，有自修室位，女仔如果唔大食，叫100g岩岩好飽，男士揀150-200g。今日叫左牛五花100g有9塊，附送海帶湯，泡菜/沙律🥗，飯可以揀少中大的份量，我今日叫左白飯200g(中），醬汁有好多款揀，可以自己mix, 牛五花幾嫩，即燒即食，好快就熟，價錢合理。

之前疫情期間喺上水食過一人燒肉，覺得好好味，一直覺得大埔好似冇呢方面嘅選擇，直至到燒肉like裝修已經好想去試。我哋係佢開張第二個禮拜先去試，點餐嘅時候用手機落單，店員招呼好好。食物未黎之前，嗰個爐係超級乾淨，你會見到就算發熱線下面個爐底都係好乾淨，即係證明佢夜晚收舖之後，真係會連個爐底都有洗👍🏻👍🏻👍🏻我哋叫咗五花肉300 g套餐，同埋五花肉牛舌150 g套餐。300 g嗰個餐好抵食，超多肉，食極都食唔晒，咁開頭驚嗌五花肉有啲肥，但係食落又OK，唔太肥，唔會太過油膩。反而牛脷即使薄切咗，都有少少靭。環境方面非常好👍🏻👍🏻👍🏻因為舖頭門面夠開揚，燒完都冇一大浸味，就算頭髮都冇燒肉味👍🏻👍🏻👍🏻見到店員清潔得好乾淨，所以會放心，下次再嚟食😋😋😋

員工服務態度極差！包括店長！全部愛理不理的態度！在門口看到Menu上有啤酒所以願意等35分鐘進去吃燒肉！進去後原來又沒有酒牌！沒有酒牌ok的！但不需要反白眼對待客人！可以說句不好意思罷！不會幫親！謝謝了！