燒肉LIKE (德福廣場1期)

平平地想食燒肉套餐，就過左呢間試下餐廳環境同其他分店一樣，無乜特別，吧枱椅子之間就有D窄服務方面，員工都係統一無乜感情同表情落單都係用手機落單衛生程度就一般，唔知係咪燒肉好油，枱面同埋醬粙都總有一浸油係面咁大家食之前都係濕紙巾抹一抹比較好食物評價點左Premium既牛肉set 餐，可能我點既肉偏瘦個網又無油， 所以D 牛內好乾身，無乜好JUICY 既口感建議大家點一款牛五花既肉，燒完會有好多油係個網到再燒其他牛肉就會比較好味至於牛肉方面，整體都比較簿，加埋一，呢個一人餐講緊都要$150左右我呢個餐既性價比就一般了不過值得我都會推介，大家黎呢到食唔需要點貴價餐既牛肉，因為食落口差別不大…查看更多

經歷完半日風假收工，想對自己好啲，就嚟呢間餐廳享受一人之境，晚市等咗大約20分鐘順利入座。由帶位至埋枱，從咗嗌句口號之外，基本上冇服務可言，同以前唔同，事緣今次擺袋架被收起了，非常狼狽地要自行取出，成功方可使用從自助落單到出餐，等咗大約15分鐘先有嘢食，期間見到枱面同烤肉鉗有黑跡、櫃桶有飯粒，即時清潔工上身搵濕紙巾；但又發現包濕紙巾上圖案已甩晒色，似係被輪迴過好多似食物方面，以價錢量度烤肉肉質、味道正常，連醬汁同胡椒海鹽食一定餸到飯。蘿蔔牛肉湯搵唔到半點蘿蔔同牛肉應有特色同味道，沙律菜正常發揮。落單時冇為意，原來而家係食飽先俾錢，亦同時加收10%服務費。…查看更多

第一次食德福呢間燒肉like,6點去食 要排隊？定係冇想像中等咁耐，執枱時間都好快，等咗5分鐘左右就入到去，叫咗個套餐，啲肉特別好食 冇咩肥肉，又咁油，有啲分店啲肉好油，幾好食 唔錯！…查看更多

呢份牛五花與豬五花腩套餐，無疑係一道令人垂涎欲滴嘅美味選擇。所有肉都係自己燒，牛五花嘅肉質鮮嫩多汁，脂肪分佈均勻，燒烤後散發出誘人嘅香氣，搭配啲海鹽，簡單但令人驚艷。豬五花腩則係柔軟嘅口感同濃郁嘅豬肉香味，令人一口接一口，欲罷不能。和風湯清淡而鮮美，完美地平衡咗肉類嘅油膩感，湯底嘅鮮味令人感到一絲溫暖。迷你沙律則增添咗清新嘅口感，脆嫩嘅生菜同其他配料嘅搭配，令整體餐點更加豐富。白飯嘅份量適中，能夠吸收肉類嘅汁液，令每一口都充滿滿足感。整體而言，呢個套餐唔單止喺口味上達到咗極致嘅平衡，仲喺視覺上呈現出美觀嘅搭配。無論係聚餐定係獨享，呢道套餐都可以令人感受到幸福嘅滋味，係肉食愛好者唔容錯過嘅選擇。…查看更多

今次仲啱啱撞正星期一限定優惠，只係 $68 就有 200g 牛＋雞＋豬三款肉，真心超抵食！😍 最貼心嘅係，仲未入座已經可以先落單，坐低冇幾耐食物就即刻送到，完全唔洗餓肚等。牛肉油花分布平均，燒到微微焦香啖啖肉味；雞肉嫩滑又冇雪味；豬肉實淨帶油香，烤完香口又多汁,麻煩仲可以任添。💯 店員態度都好有禮貌，成個用餐體驗好舒服。店內設計每個座位都有獨立爐，空間感十足，就算一個人食都唔會尷尬。我見佢啲下午茶餐都會包多個飲品，價錢仲會平啲，下次嚟試吓先～…查看更多

今次再次去嘅時候就已經要加一，記得之前唔使加一，感覺上就好似冇咁抵，但係佢又可以任添飯，不過唔係飯桶嘅我，就享用唔到呢一個服務啦。叫咗牛五花同豬五花，都預咗佢會有啲肥，還可以啦，想燒下肉，平平地還可以。椰菜沙律鹹鹹地，幾好食。配埋唔同嘅醬料，可以食吓唔同嘅口味…查看更多

揾食肥華在社交平台睇到此店，在7月的每個星期一，中午和下午茶時段都推出一個衹售$68蚊，就有齊牛，豬，雞三款肉類的燒肉套餐，見到有咁抵食嘅嘢，所以肥華就和靚媽在。7月21日星期一，去德福商場呢個品牌嘅分店光顧，食呢個特價燒肉套餐，過唔食由自可一食就把幾火，事實此套餐内嘅三款肉，都好似係在雪櫃内急凍完就，攞出唻奉客，除咗全無應有嘅肉味，肉嘅質素亦差，如果唔喺靠枱上嘅，多款調味去補救肉類，味道嘅缺點，今餐呢三款牛，豬，雞，燒肉，可以講喺冇樣好食所以今餐，祇值。⭐️⭐️…查看更多

今日未夠六點諗住入去食、大把位唔使攞飛、兩位想坐另一邊、職員木無表情對我說這邊是三人座位喎，我哋不發一言就走了！三人座位又點？你有好多位置都係吉、就算到時有一位加入座我都冇問題、點解你要迫埋我哋兩人同其他人一齊坐？唔通三人一排嗰啲座位只可以三人一起先坐得？無語。！ 唔怪之得咁多香港人要上大陸食飯、香港餐飲業點解會搞成咁？你啲嘢幾好食我都冇心情食…查看更多

九龍灣德福lunch , 原本食對面果間🤣🤣🤣但太多人，所以改咗食燒肉like 試吓，但都大約等咗5分鐘先有得入到去，如果坐旁邊就個人獨立化燒烤，但我同我同事兩個人就一個爐兩份share ，如果趕時間最好一開始就校到第五度，咁之後先慢慢作調整，因為個火力初初好似唔係好熱，啲牛肉咁薄都未咁快燒得熟….我哋叫咗兩個餐share食, 　飯大中細就叫錯咗，應該叫大碗，中碗飯其實都好細碗…. 餐的牛肉份量份量唔多，但肉味ok 👍 如果女士們的食量都可能夠，但係一般男仕可能未必夠要加餸🤣…查看更多

眾樂樂不如獨樂樂？真正日本過江龍一人燒肉店「燒肉LIKE」一向都是肥妹心頭好，套餐CP值超高最近推出全新「南非和牛肩胛肉三重套餐」以高達M8/9等級和牛肩胛肉為主打還有甜品「班戟配牛油楓糖漿」，只需$12起✾ 南非和牛肩胛肉三重套餐 250g $148南非M8/9和牛肩胛肉｜牛舌｜牛五花選用以特調配方天然餵飼嘅M8/9 等級認證南非和牛肩胛肉油脂分布平均，富濃厚肉香肉質軟嫩細膩而多汁帶點油脂甘香牛舌彈牙，嫩中帶脆；牛五花略略燒香肉質柔軟！搭配升級嘅LIKE牛肉飯 每一啖都充滿牛肉香氣✾ 三部合奏套餐300g $118豬五花腩｜豬頸肉｜雞腿肉套餐啱晒唔食牛嘅朋友仔豬五花腩油脂喺網上面嗞嗞冒起，燒至微微焦脆入口油香四溢；豬頸肉爽口彈牙雞腿肉厚肉，肉質軟嫩而不乾柴搭配木魚絲紫菜飯和溫泉蛋，真係好滋味！✾ 班戟配牛油楓糖漿 $12當然要食埋甜品先滿足啦！班戟慢火燒至兩面金黃，記得要不停翻面再加上牛油同楓糖漿，望著牛油喺班戟上慢慢融化很療癒鬆軟富蛋香班戟與微鹹牛油和香甜楓糖漿完美結合每一口鹹甜滋味，幸福感爆滿！❤️…查看更多

最愛一人燒肉店，真正由🇯🇵日本東京嚟嘅一人燒肉專門店，美味、快捷、超值，抵食之餘又好味，無論係日本定香港都好受歡迎！最近推出咗全新期間限定「南非和牛肩胛肉三重套餐」及「班戟配牛油楓糖漿」～⚇ 南非和牛肩胛肉三重套餐 250g $148以高達 M8/9 等級和牛肩胛肉為主打，肉味非常香濃！配搭彈牙的牛舌及油脂豐富的牛五花，一次過就可以品嘗三款不同風味的牛肉部位，配搭多款醬汁，味道更出色😍⚇ 班戟配牛油楓糖漿 $12用慢火將班戟燒 30 秒至兩面金黃，配上牛油🧈及楓糖漿，口感鬆軟，帶有蛋香及淡淡的奶香~一人燒肉都可以食得好滿足🫶🏻新menu值得一試！…查看更多

來自東京人氣一人燒肉專門店「燒肉LIKE」，主打高性價比一人燒肉，無論一個人定一班人都享受到燒肉嘅樂趣，在日本同香港都人龍不絕期間限定🥩南非和牛肩胛肉一人套餐🥩以M8/9級和牛肩胛肉為主打，配搭牛舌及牛五花，一次食到三種不同風味配埋泡菜/沙律、湯同飯，最平嘅150g套餐都係講緊$98，CP値極高🔖［ 南非和牛肩胛肉套餐 ］🍖 和牛肩胛肉- 好有驚喜，油花細膩均勻，燒至金黃後仍然保留濃郁肉汁，牛肉味香濃，口感軟嫩有嚼勁，超正🍖薄切牛舌- 牛舌爽口軟嫩，肉汁滿滿，燒香後灑上鹽花已經超級好味🍖牛五花- 帶點油花食落充滿油脂香♨️ 以生菜、泡菜包住食，味道豐富得嚟唔會搶走油脂香🔖［ 三部合奏套餐 ］🥓雞腿肉-口感嫩滑，肉質細嫩juicy🥓豬五花腩- 燒嘅時候油脂慢慢融化，肉質柔軟細緻，同時有齊油香同肉香🥓豬頸肉- 肥瘦均勻，蘸上辣味噌醬，忍唔住食多幾啖飯🔖［ 班戟配牛油楓糖漿 ］大人小朋友都鍾意嘅飯後甜品慢火將班戟燒30秒至兩面金黃，搽上牛油🧈同楓糖漿，就享受到鬆軟香甜嘅班戟喇🥞…查看更多

最近成日心思思想食燒肉，但係約極都約唔到朋友，於是黎試下呢間主打一個人燒肉嘅 Yakiniku Like！ 一入到去，感覺好乾淨企理，座位設計得好貼心，每個位都有獨立嘅烤爐。用手機掃碼點餐好方便，等咗唔使5分鐘就有得食，速度超快！每款肉嘅質素都唔錯，油脂分布均勻，燒完之後入口即化，好正！另外，佢嘅醬汁都好出色，甜甜地好開胃，配埋白飯食一流！ 雖然價錢比一般快餐貴少少，但係可以一個人靜靜地享受燒肉，又唔使同人迫，我覺得好值得！下次再心思思想食燒肉，一定會再嚟！ …查看更多

//06 10 24 晴天🌞15:30 九龍灣 德福廣場@yakinikulikehk一人的盡興 ☺︎其實好多人都唔知，做化妝師真係好需要體力勞動🤦🏻‍♀️，淨係全程推住個比攝影師器材更重嘅化妝喼，就已經力不從心。搞到每次做完嘢都會好想、好想食肉嚟補充體力，尤其滿滿焦香嘅燒肉🔥，就更加不能抗拒，所以我最常去補給嘅地方，就係一人燒肉專門店嘅「燒肉𝗟𝗜𝗞𝗘👍🏻」~~近期，佢哋全線推出「鹽蔥牛舌三重套餐」，以鹽蔥醬提升牛舌鮮味，配搭極受歡迎嘅人氣牛板腱 & 牛五花，最平𝐇𝐊𝐃$𝟖𝟖起就可以食勻三款牛肉部位，𝘤𝘱値極高💫！另外，仲有兩款大人細路都鍾意嘅𝘉𝘉𝘘聖物 ——— 「牛油粟米」 & 「牛油芝士粟米」，以及甜品「𝒔‘𝒎𝒐𝒓𝒆」燒棉花糖，齋聽個名都已經覺得夠吸引，咁仲唔快啲去歎番個滿足心靈嘅𝘮𝘦 𝘵𝘪𝘮𝘦啦💕！🔻鹽蔥牛舌三重套餐 (𝟐𝟓𝟎𝐠) HKD$128 追加 + 生蛋 HKD$8ꕀ迷你沙律｜白飯｜日式湯｜生菜🔻鹽蔥牛舌 (主打)要認真講吓佢嘅燒法 因為一直以嚟我都係冇掌握到燒嘅重點正確做法；先將牛舌對摺 好似福袋咁包實由香蔥、鹽、洋蔥等調味製成嘅鹽蔥醬之後再將兩邊燒至金黃色 大約3-4分鐘務求喺翻轉嘅過程 確保鹽蔥醬能夠鎖緊於牛舌內只要做到以上幾點 保證你塊牛舌會有種爆汁嘅感覺而爽中帶嫩嘅質感 加上肉汁同鹽蔥醬後 食起嚟更加係超級惹味 整體配搭得完美 能夠𝘧𝘦𝘦𝘭到有多種層次喺口腔裡邊爆發 相當有驚喜🔻牛五花｜牛板腱配上新鮮生菜、泡菜及韓式辣醬燒牛五花嗰陣 就唔使驚太油膩 平衡得啱啱好 而且亦唔會奪走牛五花豐富嘅油香牛板腱較有嚼勁 肉味香濃🔻壽喜燒牛小排五花套餐 (𝟏𝟎𝟎𝐠) HKD$102ꕀ迷你沙律｜白飯｜生蛋用咗甜甜哋嘅壽喜燒汁調味牛小排入口軟腍 同時有齊油香同肉香再加埋油脂豐富嘅牛五花 蘸上蛋汁後真係會令人忍唔住食多幾碗飯🔻鹽蔥牛舌 (𝟏𝟎𝟎𝐠) HKD$78｜鹽蔥醬 HKD5ꕀ由於太好味嘅關係 所以單點多一碟🔻牛油芝士粟米 HKD$10ꕀ除咗經典嘅牛油粟米 今次仲加咗大量三色芝士碎分別：𝘮𝘰𝘻𝘻𝘢𝘳𝘦𝘭𝘭𝘢｜𝘤𝘩𝘦𝘥𝘥𝘢𝘳 𝘤𝘩𝘦𝘦𝘴𝘦｜𝘱𝘢𝘳𝘮𝘦𝘴𝘢𝘯 𝘤𝘩𝘦𝘦𝘴𝘦只需喺爐上大火加熱5分鐘 中途牛油 & 芝士 所融化嘅香氣 會不斷散發然後再將佢攪勻 望住啲拉絲 已經流晒口水原來牛油嘅香氣 + 芝士嘅鹹香 + 粟米嘅甜脆𝘮𝘪𝘹埋一齊係可以咁邪惡㗎🔻𝐒’𝐦𝐨𝐫𝐞 烤棉花糖配餅乾 & 朱古力醬 HKD$12ꕀ估唔到呢度竟然有得燒棉花糖 作為𝘉𝘉𝘘愛好者 梗係要立即試試燒至金黃色嘅棉花糖 外層焦香 內裏柔軟流心 之後蘸上絲滑嘅朱古力醬 再夾係餅乾嘅中間成為「棉花糖三文治」一咬落去 即時擁有多種口感而且鹹香嘅蔥味餅乾 更中和返棉花糖+朱古力醬嘅甜膩 食完個人零舍滿足 ꕀ…查看更多

夜晚八點去到都要排成半個鐘先食到⏳牛小排牛板腱套餐🐄牛小排味道都係正正常常 小小嘅牛味牛板腱就好多肥膏(如圖) 肥到冇肉食 食落口就好油和牛like套餐🐄感覺上呢個餐嘅牛味係香啲而且佢個牛舌牛肩係爽口 木魚絲紫菜蛋飯就同牛角飯一樣白飯神偷咁其實食呢啲燒肉最重要係落個汁🥫反而蒜香醬油係幾出色 蒜香味真係幾香鹽味醬唔會過死鹹 BBQ醬正常迷你沙律就係得菜 加埋芝麻醬會好味啲🥗麵鼓湯都係正正常常泡菜唔太辣唔太酸的確燒緊肉嘅時候係真係無咩煙嘅🚭…查看更多