燒肉武田

第一次嚟武田燒肉，一入門就聞到淡淡炭香，環境以木系設計為主，日式簡約但唔侷促。枱距適中，抽風系統做得好，燒肉時冇油煙味，坐得舒服。肉質方面真係出色。🐮 牛肉新鮮度高，油花分布平均，輕輕一燒就滲出香氣。無論係厚切牛舌、牛肩脊定上等牛肋眼，每啖都嫩滑多汁、肉味濃郁。海鹽、燒汁同檸檬汁三款配搭各有風味，我自己最鍾意簡單灑鹽，最能食出肉嘅原香。🍤 海鮮部分同樣新鮮，蝦肉爽甜、帶微焦香。甜品區同飲品選擇都幾齊全，最驚喜係有雪糕同水果自助吧。服務員態度親切，上菜快，換網勤快。整體感覺係一間「認真對待食材」嘅店，誠意感十足。外面的自助吧有好多好味的甜品，有雪糕、唔同款式甜品，因為臨近中秋仲有中秋月餅，真係好應節!…查看更多

前日一行四個大男人慶祝生日，老友一早訂位交定訂金，此做法相當合理，避免客人no show 又冇通知，傍晚6pm入去receptionist已好有禮貌地詢問朋友是否已訂枱及早點入席等待友人泊車後才起計，此通滆大量細位方法方向正確。待4位大男人入席後，分別有兩位女server主動徨推介優質套餐，其中一位叫Tracy及另一位身型略胖少少(別介意)兩位都好有禮貌及殷勤協助燒烤，服務員與客人互動在聚餐中佔三份一非常重要，食物環境也佔其中，及後有位女經理亦有前來打招呼有傾有講，非常全面，重頭戲揀選$598套餐，先來棘身，溫度存放及質感鮮味交足貨，再有2大片A5肉眼(250g)左右及海鮮拼盤(鮑魚、生猛海蝦、花螺等等)，仲有隻超巨大和牛船，打卡一流，一定要再叫最好食和牛座浦團呢part ，三筋肉，辣椒肉，肉香油香奶香，日本豬，牛內臟， 配撘釜飯盡在不言中，飲埋🍺坐足三粒鐘，印象中服務員有描述過298-398餐就2hrs 498-598就3hrs好似自備酒又得及免切餅費，甜品環節唔好放過全部自家制夠誠意 整體氣氛好好，聚會一流，本人亦是第一次寫食評，不是什麽打手，敬希尊重，此次朋友請小弟生日其餘3位朋友破費後想表達當晚好開心及表揚一下香港餐廳服務員加油及別看小自己角色，因為冇你哋用把口去演譯及推介，客人看圖及AI喺取代唔到，因客人嚟食飯喺有期望，要物有所值，所以由前台至服務員直至埋單都係不可鬆懈，我們做客人也要尊重食物別浪費及什麼比咗錢大曬嘅去心態去用餐，好嘅就贊，唔好嘅提出意見待改善，下次再去都冇改善咪唔好再去，都想香港保留住美食天堂之地…查看更多

純粹路過見到新開，行去門口睇吓，職員態度非常好，有禮親切，見價錢尚可接受便一試。職員告知，暫時未有位，因為我哋五大兩細，幫我哋預留，叫我哋行一陣，有位會打俾我哋通知我哋。入座後，地方唔錯，先嚟頭盤三碟，有支豆中華沙律。我哋揀咗398套餐，食A四和牛，職員先嚟一個豬牛拼盤，上面有齊各類肉類嘅名。肉類紋路好靚，同埋都好味。另外我哋加$30就可以享用甜品吧同任飲汽水。甜品出奇地比我想像中好，雪糕係機唧出嚟，都幾好味。…查看更多

【沙田燒肉控必試｜燒肉武田$398套餐超值體驗｜肉質對得起價錢的日式燒肉盛宴】今日同老公慶祝小紀念日，專登book咗沙田呢間人氣燒肉店「燒肉武田」試吓佢哋嘅$398套餐（每位），結果完全超出預期！話明係「武田」果然有武士道精神，份量同質素都誠意十足～🔥 套餐內容超豐富：· 前菜三點（和風沙拉、泡菜、醃製青瓜）· 特選牛肉盛合（牛小排、牛肋肉、牛舌、角切牛肉）· 豚肉盛合（黑毛豚腩肉、醬燒豚五花）· 雞肉盛合（清雞腿肉、味噌雞頸肉）· 海鮮盛合（虎蝦、帆立貝）· 野菜拼盤（香菇、玉米、青椒）· 主食（白飯/冷麵二選一）· 甜品（抹茶雪糕/柚子雪葩）🥩 肉質評測： 牛小排雪花分布均勻，輕輕一燒已經油香四溢，入口即化！牛舌厚度切得剛剛好，爽脆有嚼勁，簡單灑點鹽已經好正。角切牛肉建議燒到外焦內嫩，肉汁鎖得好好，點少少wasabi更提鮮。🐷 黑毛豚腩肉絕對係驚喜！油脂甘香得來唔會膩，燒到脆邊最好食。醬燒豚五花預先醃得好入味，唔使點醬已經好夠味。🍤 虎蝦超大隻！新鮮彈牙，燒到剛好轉色就食最正。帆立貝用牛油蒜蓉燒，鮮甜到不得了～🍚 主食揀咗冷麵】，清清地正好中和燒肉嘅濃味。老公要咗白飯】話燒肉汁撈飯無得頂！🍨 甜品**抹茶雪糕】茶味濃郁，完美作結。💡 燒肉小貼士：1. 店員會幫忙燒第一round教學，新手都唔驚2. 爐火火力夠猛，記得勤力翻肉3. 建議加$38升級自家製檸檬汁，解膩一流👨‍🍳 服務環境： 日式居酒屋風格，抽風系統做得幾好，食完身上冇乜油煙味。服務員態度親切，換網好勤力。💰 性價比： $398呢個質素絕對合理！平時出去單點一碟靚牛小排都過百，呢度有成個set仲要海鮮野菜齊全，兩個人食到捧住個肚走。整體評分： 肉質：★★★★☆ 服務：★★★★★ 環境：★★★★☆ 性價比：★★★★★已經同老公講定下次生日要再encore！推薦俾想食高質燒肉又唔想傷荷包嘅朋友～📍 燒肉武田 地址：沙田新城市廣場1期5樓507舖 訂座電話：XXXX-XXXX（週末勁爆滿，一定要book位！） 備註：套餐最少要點兩位，限時90分鐘…查看更多

食物賣相大部份都好好但食落去完全冇味冇雞 冇牛 冇豬味 真係搞唔掂全部都要用燒肉汁嚟掩飾佢無味有啲汽水都出事 好似飲緊水咁 啲肉質都算係正常 但全部都冇味 勁奇怪啲日本米好硬 食到胃痛 個烏冬似係一蚊一包嗰啲 甜品方面就中規中矩全晚最好食，就係個雪糕 勁似富豪雪糕…查看更多

呢間燒肉放題每次黎都係令人開開心心，滿意住走。不論食物質素定係員工服務都係超出題質素。每次去都係full晒勁爆場店家安排陸續入座時選定然後可以用qr code落單未落單前，店家已經會安排和牛拼盤同埋海鮮拼盤食物方面和牛就算再落單嗌都一樣咁靚，勁雪花牛海鮮拼盤更加係一流，鮑魚貴妃蚌全部仲郁緊而且呢度仲有啲罕有部位內臟俾客人燒，例如雞子，雞尾，試過真係會成日想心絲絲再黎至於上菜黎講又齊又快，完全冇因為係放題而唔想俾你食咁，完全係單點既高質燒肉之上服務方面店入面所有員工都好有禮貌，而且好細心會成日望下我地個網會唔會好黑，會主動話幫我地換左先再燒，完全唔會厭我地煩。而且因為加左任飲酒精，侍應們一見飲晒就會主動問仲想飲咩，會幫我地斟酒，冇話慳住慳住咁。呢間一定係同朋友聚會燒肉最好既地方 👍👍👍…查看更多

平時去食個散叫燒肉平均都600-800個頭，今日試左呢間燒肉放題有4款放題set，每位298、398就食2個鐘，498、598就食3個鐘。我地4個食左個498set，一開始有2盆和牛拼盤同1盤海膽拼盤，個盤已經份量十足，之後和牛可以再叫，另外仲有好多牛豬雞唔同內臟食，仲要有雞尾燒，正。我哋8點到食到11點3都無吹我哋走最終4個飽到爭d走唔到我覺得呢間燒肉放題食物品質仲要好過出面散叫果d，服務又好，老婆話下個月週年再食過。…查看更多

環境：通風超好，冷氣又夠座位舒服，環境乾淨！自助區好光猛乾淨，職員經常保持清理，睇得出對整潔度係有要求既，好難得。食物：和牛真材實料靚貨，完全高於一般放題既質量！其他肉類都好得，雞腎、雞軟骨、牛舌都係爽嫩。海鮮新鮮，蝦爽、蠔甜、推薦花甲！甜品推薦楊枝甘露布甸！服務：坐低後職員即刻問我哋係唔係第一次食，主動介紹自助區、醬料餐具及頭盤。之後掃碼點餐，上菜速度極快😳消費：星期日晚六點食，最平好似係$2xx/位，但推薦食$398/位嘅餐…查看更多

行過去時俾門口便服男職員不友善上下打量，而另一位女職員sell人揀貴啲既放題套餐，我同朋友各揀平啲嘅套餐就即刻西面，玩野話要等兩個鐘先有位喎！而上1秒嘅客人揀咗貴套餐，所以即刻入去！極過分同離奇。各位無錢唔好幫襯‼️😊…查看更多

今日去沙田新城市廣場三期搵食，試咗  武田和牛食堂 嘅 自選Mix Set B  ，真係超值！$169可以揀  2款和牛、1款安格斯牛、1款日豚或西班牙豚，我揀咗：- A4和牛三筋肉（油脂均勻，肉質軟嫩）- A4和牛前胸（油香濃郁，入口即溶）- 安格斯牛內橫膈膜（肉味濃厚，帶少少咬口）- 日本豚肩胛肉（燒到微焦，香口唔韌）加$30就有飲品甜品生果自助吧，真係抵到爆！甜品區款式勁多，有 泡芙、芝士蛋糕、雪糕等等，仲有 朱古力噴泉 同 新鮮生果。飲品方面，有 汽水、咖啡、茶、果汁 任飲，仲有 雪糕 做結尾，真係食到飽晒！埋單連加一$219和牛套餐嚟講，CP值真係超高！環境乾淨，座位闊落，服務態度亦唔錯，會再encore！📍 武田和牛食堂沙田沙田正街2-8號新城市廣場三期3樓A325號舖#沙田美食 #和牛放題 #高CP值 #武田和牛食堂 #Openrice食評…查看更多

年年母親節食飯都去啲酒樓阿妹今年話想食燒肉呢間見好多YouTuber都介紹就趁母親節去試吓Book咗8:00可能嗰日比較繁忙去到嘅時候都要等咗10分鐘先入到去難得母親節就食過貴試吓我哋一行五個人就叫咗大將$498由於我唔知咩肉最好食所以就全部和牛全部都叫咗一款第一次上碟色水好靚仔有部份嘅肉係麻麻哋唔記得叫咩名不過我覺得最好食有兩款一款叫做三荕肉另一款叫牛前胸呢兩款都係油花比較平均同埋嫩滑另外都叫咗牛舌，不過佢比較厚切所以如果燒得太熟嘅話就會好韌另外呢隻蝦都可以試吓不過都要睇彩數嗌咗三次，有兩次都係生猛識郁所以啲肉好有彈牙總括嚟講呢間啲牛肉係高質店員服務都唔錯，有求必應同埋好快清咗枱上邊嘅空碟不過連埋加一同加嘢飲埋單都$600一個感覺上牛角性價比會高啲…查看更多

已經在這裡和家人們慶生日聚餐數次了，因為十多人所以每次都有安排房間。入房間雖要脫鞋子，拿甜品飲品時可穿店舖提供的拖鞋出去大廳，房間清潔好坐。食物方面：自助手機電子下單比較方便，出菜時間都快不用等，店員會幫忙現場煮焗兩小窩白飯，有飯焦香好好吃；至於肉類方便也新鮮，也有不少種類可供選擇，家人們比較愛吃燒牛，有牛舌及牛內臟等可供選擇；甜品及飲品方便就可以在出面位置自己攞，小朋友比較愛吃造型糖果及朱古力噴泉；總括依然用餐愉快下次和再來。…查看更多

同朋友食平日晚餐放題。入內餐廳環境乾淨光猛，鋪入沒有油煙味。店員有禮，上菜和執碟速度快👍🏻。選擇左中價plan$398價錢，食120分鐘。都能夠食到日本和牛和豬，牛肉油花清晰可見。豬肉有驚喜，亦沒有騷味，燒耐左少少都唔會韌到入唔到口😋。亦有內臟，雞，海鮮，蔬菜，飲和湯品order。食物選擇種類多，店家用心。讚！加左$30食出面甜品沙津飲品Bar，甜品都多選擇，有軟雪糕食。過左一個愉快一晚🥳…查看更多

本身可以休閒食lunch變左要趕頭趕命仲要激氣😑Lunch set落咗單25分鐘都冇嘢食催佢，我哋就坐得近出餐位嘅，同咗店員A講，佢態度都幾好。不過睇住店員A同店員B (疑似經理 /senior少少既後生仔）講，店員B話「叫佢等吓啦 催咩姐」再過多10分鐘，都超過半個鐘啦，完全唔合理燒肉係生嘅又唔使你煮，咁我哋再催佢，個經理先望到我哋，望住佢即刻同廚房講要出餐，唔使幾分鐘即刻出到啦⋯⋯ 不過啲肉一係就結晒冰，硬掘掘。牛舌就又薄又靭⋯⋯真係無下次可能真係唔催得…查看更多

本人聲明，以下為真實食評，自費。呢間燒烤放題，是朋友聚會時，朋友介紹。訂位時，要收$500訂，我即時打個突，心諗酒店都唔需要俾訂金，呢間嘢真係有啲串。睇見其他網頁嘅食評，亦都評價唔高。原本唔打算落訂。，不過太太想食，唯有一試。約咗星期六5:00，我哋早到分鐘，餐廳都俾我哋入座，即時開餐，我哋叫咗個大將餐，頭盤好多嘢食，有又唔同嘅牛肉，亦都有海鮮和刺身。肉類嘅質素都好高。跟住就開始自己叫和牛食，亦有叫刺身，整體嘅種類都算多。員工嘅服務都好好，好殷勤，當中有一個員工，主動走過來，教授點樣燒海鮮，建議我哋海鮮燒幾多分鐘同埋點樣燒，值得一讚。另外落咗達嘅食物，亦都好快送上嚟。整體覺得呢間餐廳，食物同服務質素都非常好。三個鐘頭嘅時間好快就過咗唯一嘅挑剔嘅係我對海鮮麻麻哋，一心淨係想食和牛，不過太太就覺得海鮮都好新鮮，店員亦都有主動講解點樣燒海鮮。我欣賞店員的講解。應該會着去光顧…查看更多