燒肉時代

餐廳既店員有幾個都係講韓文，你同佢講簡單中文，佢都明明地既，但想問野就搵反個講廣東話會好D原本大醬鍋係冇辣， 但友人實在好想食辣野， 店員為有攞個辣粉俾佢自己慢慢加，點知友人直接就 倒哂落去， 好彩依隻辣粉唔係好辣姐， 如果係勁辣既話都唔知點食各份肉都兩塊，為左節省時間，各燒一塊好似快D,唔知係咪雪得太耐， 牛牛一路煎一路出水（仲要係勁多水， 好難煎得靚，可能係我技術問題拉） 個人覺得粒粒牛算係比較好食，其他就一般般第三碟黑色豆豆，雖然食哂都唔知係咩，但喊喊地又幾有口感…查看更多

同小朋友們去完昂坪360返到東涌，梗係食埋晚飯先返屋企啦！見到呢間燒肉時代好評不少，一於試下！起初都怕冇野岩小朋友食，幸好其實都有好多選擇。原本諗住同小朋友一齊唔燒野食啦，點知個個乖乖食完飯瞓既瞓，玩既玩，決定點個no.1既韓牛拼盤！咁先似食韓燒🤣🤣牛脷夠爽，牛柳粒香到仔見到燒果陣已經指住要食，牛排遍布雪花，牛味濃，比美國澳洲果啲更有肉味～部隊鍋 - 如果麵條係辛辣麵果種就完美～豚肉飯 - 味道不太濃，岩小朋友食蟹子蟹膏蟹肉拌飯 - 啖啖蟹膏！蟹肉！蟹子！撈埋紫菜！每一啖都要慢慢品嚐！唔捨得吞！韓式炒粉絲 - 平時食親都好油，呢個又唔係喎～炸雞 - 好鬆脆！粉唔厚！…查看更多

本人对韓國菜不錯今次去了這間東涌分店試了菜單感覺不太好因味道淡了人參雞（火喉未足夠）未能喝出人參和雞另底的糯米飯太少了炒的菜也冇味道希望日后能改善。。。。只可以講吃不到韓國味道的水準未開店時應該試下才能有進步空間！！…查看更多

午市好抵食!!平均60幾蚊就有了!果味牛肉石鍋飯🐮🐮食韓國野點可以唔食石鍋飯加左韓式辣醬後好惹味牛肉質素都幾高 唔係嗰D勁多肥膏嘅肥牛泡菜腩肉飯卷 腩肉腌得幾好配埋泡菜感覺清新 份量都唔少架 韓式炸豬扒🐷加左個小食，一黎到以為普普通通一食落去就正啊!!!!! 勁鬆軟又多汁好好食啊!!!原來韓式炸豬扒係咁正架!!!!!!!!!!!!!!!…查看更多

裝潢格局與韓國的燒肉店十分相似，好像去了韓國一樣。有四小碟前菜，當然有不能少的泡菜！下單後，店員提著水壺在爐邊倒入蛋汁和加入粟米。爐有三個坑位，只會使用兩個坑位，而剩下的是用來載著燒肉的油。牛肉炒粉絲 ($78)粉絲彈牙爽滑，口感煙韌有嚼口，味道帶甜，十分醒胃。大蔥蜜糖炸雞 ($69)外皮金黃酥脆，肉質柔軟，入口帶甜，吃起來不膩口。牛肋骨拼盤 ($328)醬醃牛助骨肉150g，調味牛護心肉100g，降霜一口和牛100g，頂級和牛舌80g牛舌爽彈、護心肉肉味濃郁，有嚼勁、一口和牛油脂豐富，十分香口、牛助骨肉肉質厚實，嚼勁十足。用生菜包入燒肉來品嘗，可以把油膩感消除，口感清爽。店內的抽風系統非常好，不會有煙霧彌漫的情況出現。而且冷氣充足，不會吃到汗流浹背。…查看更多

好耐無入東涌了，東涌出名多outlet，行到人都攰了，當然要搵下野食啦。比我地發現左東涌旁有間韓國燒肉當然要去一試啦。由於我地真係好餓，他們剛剛落完場我地已急不及待咁走入去了。環境闊絡，而且每一個爐上都加上了抽風系統，確保燒烤時能立即抽走燒出來的煙。食韓國野，當然是前菜先行。牛肋骨拼盤 - $328當中有醬醃牛肋骨肉、調味牛護心肉、降霜一口和牛、頂級和牛舌。牛肋骨一大塊，只需用剪刀把肉剪成一塊塊便可；而牛護心醃得好好味，且沒有蓋過牛本身的牛味味道細嫩，牛味濃郁。一口牛及牛舌油份十足，燒出來香氣撲鼻，口感十足。點餐後，店員會在爐邊加入蛋汁和栗米。蛋蛋真的要看著，唔係就會太老啦。包著菜食，感覺上口感更佳，更美味。大蔥蜜糖炸雞 - $69炸雞大大件，外皮炸得超脆，加以蜜糖汁作件，非常醒胃，而且肉汁超多。牛肉炒粉絲 - $78牛肉份量都幾多，而且粉絲彈牙，麻油味香濃，加上有蔬菜配口，口感更好。走時才發現，原來餐廳有超過60款韓國酒類可供下單，有機會要再來一試。…查看更多

泡菜腩肉飯卷 清新不膩，腩肉腌得剛剛好🤪不咸不淡🤓果味牛肉石鍋飯🐮🐮十分香口，加上韓式辣醬好惹味，不錯🤩而且幾足料，D肉食極都未食完🤣🤣韓式炸豬扒🐷就咁睇以為係普通茶記炸豬扒，不過食落去就不得了!!!!😯十分鬆軟，仍然有肉味，不是鬆肉粉做到嘅效果🤤值得一讚👍🏼👍🏼👍🏼…查看更多

係東涌我絕對會蕩失路🤣除咗去旅行撘機場巴士會經一經過之外，真係好小會去😩今次同朋友嚟食下燒肉🥩呢度嘅抽氣都幾大聲，傾計有小小困難🤣多數食韓國嘢都可以任添爐邊蛋同芝士粟米，不過呢度refill就要加錢😢#韓國五花腩 ($138)😋好味指數：(7/10)顏色望落去都唔錯，而且都有幾多油脂喺度。燒完之後幾甘香可口，偶然食下呢啲肥嘢都唔錯😆#雜錦拼盤 ($258)😋好味指數：(7/10)·醬醃豬梅扒肉·牛護心肉·扇貝·雞脾肉·多春魚呢個拼盤岩晒有選擇困難症嘅人，豬、牛、雞同海鮮都有😍份量都幾多，味道同肉質就不過不失，都係用啲醃料醃過🤔#人參雞湯飯 ($98)😋好味指數：(7/10)食完咁油膩嘅嘢，嗌返個清清地嘅人參雞湯飯就差唔多啦😆飲完啲湯感覺好舒服…查看更多

好少見到有間OpenRice 高分但零負皮既餐廳，所以雖然東涌有啲遠我地都殺入去食________________燒肉default會送一格鍋邊蛋同一格牛油粟米之後再要就要加錢.🔹雜錦拼盤 $258拼盤可以樣樣野都試少少，岩晒我呢啲眼闊肚窄既人🤣佢既拼盤款式有成9款，牛豬海鮮都有齊。我地揀呢個就包左1️⃣醬醃豬梅肉扒 x 2，2️⃣牛護心肉，3️⃣扇貝 x 24️⃣雞腿肉x N舊5️⃣多春魚 x 2.🔹韓國五花腩 $138腩肉係韓國直送既，有三大條，肉既顏色望落好靚仔。但唔算好厚切，而且油脂偏多，岩哂啲中意食肥豬膏既朋友仔.🔹人參雞湯飯 $98石頭鍋上夠晒熱，淡淡人參雞湯味，仲有啲紅棗同大葱，好滋補既感覺。.雞肉係連皮連骨，好原汁原味，食落都算多肉，配埋啲索晒味，煮到爛晒既糯米飯🍚.❗️果度既抽油煙機幾大聲下，傾計有少少辛苦…查看更多

風打唔成，好彩工總算收得成，鬱鬱不得志，搞到個人好火好躁，飲涼茶下唔到火，梗係啦！問題係個人冇乜火嘛，點都要食啲嘢著返團火先啦！去東涌探舊同事，諗住啲屋邨商場唔會有咩好食，點知有間韓燒，又唔算係連鎖式，就試吓啦檯面是是正正又闊落五種醬料可以蘸肉開頭唔知碟葉有咩用途，原來係用嚟包肉食唔好睇佢細細份，兩條友好夠燒喇用較剪剪成一塊塊，易燒又易熟原來個坑係用嚟晾住熟咗嘅肉另外兩個坑仲有蛋同粟米粒𠻹跟住仲有專人炒飯畀你食色水好吸引咁喎好似整緊奄列咁大功告成，好惹味呀，食完一碗又一碗後尾問吓樓面，原來仲有前菜嘅食完真係咩火都返晒嚟，繼續火爆，繼續燃燒…查看更多

成日怨係機場得連鎖餐廳冇啖好食，今次仲唔俾我係東涌搵到平價好西😆========================牛肉懷舊便當 $58好耐無見過韓式便當啦，之前細個睇韓劇成日見到主角掩上蓋搖兩搖將啲配料拌均一齊食😆將太陽蛋蛋黃打爛撈埋舖頭提供嘅韓式醬汁食真係好正🤘🏻========================牛肉石鍋飯 $60吱吱吱聲嘅石鍋飯真係冬天必食不過夏天都唔左我對佢嘅喜愛🤓用上各種豆芽、泡菜、牛肉等唔同嘅配料加上仲有石鍋飯底下脆卜卜嘅飯焦真係邪惡至極但又忍唔住食多幾啖🤩========================迷你總司令大醬鍋 $68平時食得多泡菜湯都厭，今次一改嘗試一下韓式味噌大醬煮成的大醬湯🤤雖然叫迷你但係一部隊鍋成日見到嘅配料包括煙煙人人嘅年糕、香腸都可以係入邊搵到😚========================鮮蜆蠔仔湯飯 $63呢個湯飯用咗辛辣湯底，開埋份量多多嘅蜆同蠔呢兩款少見啲嘅韓式海鮮配料又係一個惹味啲嘅配搭💕========================巧味道指數👅：👧🏻👧🏻👧🏻再食過指數🏃🏻‍♀️：👧🏻👧🏻👧🏻錫荷包指數💸：👧🏻👧🏻👧🏻服務正指數👩🏻‍🍳：👧🏻👧🏻👧🏻環境靚指數👀：👧🏻👧🏻👧🏻========================📍 燒肉時代 (東涌)東涌富東街6號富東廣場1樓110C號舖========================#hk #hkig #hkigfood #hkfood #food #couple #hkeat #eat #hkfood #hkfoodblogger #hkfoodporn #hkfoodie #hkfood #美食 …查看更多

平時真係無諗過入東涌食飯…因為真係好鬼隔涉…不過世事無絕對…自從朋友轉左係機場返工之後…因為有permit...我地都試過揸車我入梅窩食飯…今次又約左呢個朋友係東涌食飯…就揀左呢間燒肉時代…我地坐低左就奉上醬汁同餐前小食…有麻油…鹽…我食韓燒唔只係食五花腩…其他肉類我都鍾意咁點…仲有個酸汁同兩個醬小食有海帶…大豆牙…黑豆(第一次食韓國野見有呢種豆…不過試左唔太啱口味😂😂)和泡菜點野食先…今次點左個牛筋骨餐…當然主角有牛筋骨…護心肉…一口牛同牛舌。再加左個石鍋飯同迷你部隊鍋😍😍。之後員工就開爐…係爐邊加入蛋漿和栗米粒…之後石頭飯和迷你部隊鍋就到…石頭飯好足料…加埋甜辣醬伴混…味道唔錯…迷你部隊鍋…份量啱哂人少少既我地…雖然話迷你…不過份量都唔細…你湯幾好味…腸仔就差左少少之後就燒肉到…蛋漿都啱啱好可以食😍😍😍牛筋骨同護心肉…都醃得好好味👍…唔會太重口味…因為出面好多韓燒餐廳都醃到所有肉味都被蓋過哂…一口牛燒完後…因為夠油份…好鬼香😍😍…牛舌雖然薄切…不過依然口感十足…整體食物質素唔錯…服務都好好…換碟收野好加水都好勤力…不過地點對新界人有d隔涉…不過絕對係住係附近居民不錯既選擇🙂🙂…查看更多

今日去左機場睇Spider Man之後，就出返東涌搵野食。行下行下去左富東商場，呢邊無咁多人，但都有唔少餐廳選擇。睇左一陣，我地揀左呢間燒肉，食飯時間都八成滿架坐到。坐低之後，職員好快就上左四碟前菜，如果想可以refill架，都幾好食。我地揀左燒一口牛，學生綜合飯卷，海鮮韮菜煎餅同芝士部隊鍋配牛肉。個飯卷好快就上左，都好大份，又幾香口嘅。個一口牛之後就上左，職員會加蛋同粟米落去個爐邊度，咁食食下啲牛就食得到啲蛋同粟米la。個牛都有十幾粒，好快就熟，入面都好多汁，好香。之後煎餅就上埋，薄薄地身，加埋有唔少海鮮，又幾好食。最後就係重頭戲芝士部隊鍋配牛肉。佢仲有一個韓國即食麵配埋。個鍋都好足料，有餐肉，年糕，腐皮，菜等等，芝士就另外放一格，等我地自己包嚟食。蛋同粟米都係唔少得嘅，食飽好滿足！…查看更多

餐廳裝橫行懷舊韓風🇰🇷，牆上仲掛上多幅有特色既海報添。一進入餐廳 就會有韓籍侍應💁🏻‍♂️ 招待你，為你端上前菜、海鮮醬、燒烤汁、蒜等配料和生菜。Oppa真係好貼心服務呢。l[海軍隊長鮮貝鍋]l店員端上呢個鍋時🥘，我地都十分驚喜，因為份量十分多`貌相十分吸引`海鮮十分足料❤️。有扇貝、飽魚、青囗、蚵仔、八爪魚、蘿蔔、紫菜、魚糕等。蚵仔亦都非常鮮甜，海鮮整體來說都尚算新鮮。呢個鍋仲附送烏冬🍜，真係好彈牙`好煙韌。吸盡湯汁 真係好喜歡呢款烏冬呢。如果你都係一大班朋友聚會，呢個海鮮鍋🥘 我都非常推薦給你😋🥢。..整體來講，今次用餐既體驗都唔錯❤️。價錢亦算中等，係東涌都算係一個食飯好地方。有海鮮鍋🥘外，店內亦有燒肉可供選擇，下次有機會再介紹埋其他吧。..…查看更多

今次試咗呢間韓燒，佢嘅爐邊仲送埋蛋同埋牛油粟米，唔使加錢，非常抵讚。⁣👍🏻⁣⁣⁣⁣⁣⁣⁣加拿大有機自然豬柳 （$120） 【好味度：9/10】⁣⁣⁣⁣呢個豬柳係有機嘅，所以同平時食開嘅豬肉味道，有啲唔同。😳 而且豬扒真係好厚身，但係一啲都唔靭。😄 豬肉嘅味道真係難以筆墨形容，大概係更天然同埋重。🤨 而且單純用鐵板燒，只係點上少少嘅調味，保留到最確實嘅有機豬味，唔會畀其他味冚咗。😚 怕肥膩嘅仲有好爽脆嘅生菜可以包住食，做生菜包肉。🤫⁣⁣⁣⁣⁣⁣⁣韓國蟹膏蟹籽拌飯（$88） 【好味度：6.5/10】⁣⁣⁣⁣哩個大大碗飯上面鋪滿咗蟹子、蟹膏同埋紫菜。😯 食之前將佢撈埋，啖啖都有蟹子同蟹膏，非常滿足⁣。😋⁣⁣⁣⁣⁣⁣⁣舖頭有韓國人主理，的確係正宗嘅韓燒餐廳。🇰🇷⁣⁣⁣⁣⁣⁣其他評分⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣食物外觀（4/5）⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣性價比（4/5）⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣環境（4/5）⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣服務⁣⁣⁣⁣⁣⁣⁣⁣⁣⁣⁣⁣⁣⁣⁣（4/5）⁣⁣⁣⁣⁣⁣⁣⁣⁣⁣⁣⁣⁣⁣…查看更多