燒洒一族 (南昌薈街市)

這間人氣連鎖燒味外賣店其中一間分店位於深水埗的南昌薈街市，鄰近南昌站，主打正宗地道的港式廣東燒味，所有食物均堅持每日新鮮製作，嚴選優質新鮮食材，保證食物的質素。玻璃窗內放滿各式各樣的燒味任君選擇，價錢定價公道且份量十足，更有真空包裝的食物，可存放一段時間隨時食用。招牌豬手飯 - $38一片片燻蹄外皮爽脆，肉質軟滑富膠質，帶有煙燻的香氣鹹鮮微甜。醬燒豬肋骨飯 - $38外層微焦，燒烤醬汁濃郁並滲入肉中，充滿濃郁的醬香味，嫩滑多汁得輕易骨肉分離。黑椒鴨胸 +$20煙煙韌韌的鴨皮釋放出豐富的油香，鴨胸的油花雖小，但勝在軟腍多汁，帶有黑胡椒的辛香和煙燻的甘甜風味。桂花蜜餞叉燒 - $55/條嚴選優質的梅花肉，肥瘦比例良好而不膩，表面一層油亮的桂花蜜，帶著清新的花香，與叉燒的鹹香相互交織。自家製燒腩仔 - $98/兩條金黃酥脆的外皮鬆化而不膩，肥瘦得層層分明，瘦肉鬆軟沒渣，肥肉入口即化不油膩，豐富的肉汁吃起來有肉香和油香，可蘸上芥末醬提升風味。…查看更多

久仰大名好耐 終於都試到多數開喺啲街市度 一定要外賣樂富將軍澳大圍屯門大埔馬鞍山都有分店 勁多分店 門面相對較乾淨而且都幾平 住附近絕對可以成日買黎食😂招牌燒豬手飯 ($38)可以配蒜蓉汁/黑椒汁/蜜糖豉油揀左蜜糖豉油 撈飯幾夾整體份量正常 個豬手攞到番屋企個皮仲脆！味道岩岩好 唔會好咸半肥瘦 好送飯 比想像中好食👍🏻蜜餞焗叉燒飯 ($36)叉燒比較下就遜色d 多筋同埋燒得唔夠香 唔夠蜜糖味屬於超級普通個d叉燒 可以不試❌下次可以試下燒腩仔 但豬手係必食！…查看更多

今天在南昌街市發現左一個燒味隱世王者 ，各種燒味簡直亮瞎了眼！款款都想食，不知不覺就買左5款返去！【蜜餞叉燒飯】x 香茅雞扒 蜜餞焗叉燒飯的叉燒色澤誘人，掛滿琥珀色蜜汁，咬落飆汁，外焦里嫩，甜中帶咸，濃郁的肉香撲鼻而來。配埋大大塊香茅雞扒，清新同濃郁瘋狂切換，食到停唔到口啊～【惹味燒雞飯】x 蜜味+辣味雞髀 惹味燒雞真是好惹味，追加兩隻蜜味+辣味雞髀，蜜糖嘅甜同辣汁嘅後勁輪流攻陷味蕾，簡直係邪惡の享受～🍗💦 【辣味烤雞飯】x 德式腸德式香腸香氣四溢，肉質緊實！辣雞醃到入骨，米飯吸晒烤雞精華和辣味，食到鼻尖冒汗先叫過癮！🌶️ 【香茅烤雞扒飯】 雞皮烤到金黃微焦，香茅味直衝天靈蓋！米飯吸盡雞油精華，食完成個人都refresh咁～🍃【黑糖豬頸肉飯】 黑糖豬頸肉又香又脆嫩，黑糖的甜香與肉汁相互交融，黑糖焦香纏住脷頭，啖啖都香～…查看更多

每當媽咪諗到煮咩，就會去附近的燒洒一族買料加餸🤣今日就買咗新口味冷盤返嚟，原來佢地轉咗複合袋包裝，即開即食更方便~佢哋現時一共有3款口味, 包括：🍶酒醉系列/ 🌶️滷辣系列/ 🍋檸檬泡椒系列。📌100%香港製造📌全工場手工製作,安全衛生📌毋需解凍,即開即食,📌一人份量，送酒/宵夜小食剛剛好📌直立袋設計，放雪櫃最慳位見到有新口味，所以就買咗幾包返嚟加餸～🍋檸檬泡椒系列:檸檬泡椒味道清新，配上泡椒，微酸微辣，沒有油膩感，食多幾件都冇罪惡感。🔺檸檬泡椒豬手粒—豬皮爽脆的，豬手肉則充滿泡椒香🔺檸檬泡椒鳳爪— 媽咪至愛，超吃越入味🔺檸檬泡椒薰蹄— 薄切更入味，滋味滿分💯🍶酒醉系列🔺酒醉糖心蛋/ 酒醉海蜇一直都好鍾意佢地個酒醉系列，佢哋酒糟加入花雕及黃酒，所以既有花雕香又有酒味，無限回購佢地糖心蛋，入味又流心，同酒醉最夾，至於海蜇都好唔錯，爽口又入味😋🌶️滷辣系列🔺滷辣金錢肚— 全新改良配方，滷水味更香，金錢肚軟淋入味，濃味人士至愛😋…查看更多

唔知食咩好，好耐冇幫襯，突然醒起街市有平價燒肉飯，過黎睇睇，都冇咩點加價，叫左個燒腩仔飯，d肉多到我都食唔晒，真心質素同價錢都抵過好多舖頭，值得一推。眼見太多食肆執笠，希望呢間長做長有…查看更多

呢間係九龍新界多區街市都有分店，主打現烤現切嘅西式燒味斬料同特色燒味飯，仲有樽裝酒醉/麻辣冷盤小食🥢開蓋即食，食唔晒可以放雪櫃隨時食，啱晒懶人加餸或宵夜佐酒過口癮-👍🏻麻辣系列🔸腎片 $46｜金錢肚 $55｜牛𦟌 $55｜鴨舌 $88整體麻而不辣，辣度非常溫和，反而味道帶甜，平時食唔到辣嘅屋企人都食到當中最推薦牛𦟌，大大塊厚薄適中，軟嫩冇羶味，筋位入口即溶，鴨舌都唔錯，夠爽脆唔痴骨-👍🏻酒醉系列🔸溏心蛋 $30｜雞卷 $45｜燻蹄 $45｜鴨舌 $88整體酒味香醇濃郁，酒味同甜味balance，入味但唔會有酒苦味雞卷肉質雖然唔算嫩滑，但浸透醉酒汁，酒香最濃😌溏心蛋係個人最鍾意，一樽4隻，夠晒流心，而且入味到連蛋黃都有酒味🤤-味道：7/10性價比：7/10-📍#燒洒一族 @grillmanhk深水埗西邨路19號南昌薈街市地下5號舖樂富聯合道198號樂富廣場街市406號舖藍田啟田道50號啟田商場地下啟田市場藍田碧雲道223號德田廣埸街市地下M80號舖大圍車公廟路69號顯徑街市地下M30號舖將軍澳常寧路2號TKO Gateway 東翼地下EF15號舖馬鞍山恆錦街1號恆安商場地下恆安街市48號舖大埔汀角路10號大元街市地下403號舖…查看更多

最近見到好多朋友仔係🤩燒洒一族買啲冷盤小食好吸引😋款式仲要好多😆方便又快捷👌🏼用嚟做加餸都唔錯🙌🏻燒洒一族除左有各式麻辣同酒碎冷盤小食🥢仲有各款烤焗燒味😚即開即食👍🏻而且性價比都好高💯🌶️麻辣金錢肚，麻辣牛𦟌辣得過癮🥵🔥麻辣味調得好好✔️刺激得嚟仲帶點香😌配碗白飯🍚或者淥個麵一流🍜🍶酒醉鴨舌，酒碎豬手粒用酒同杞子等食材浸到好入味😱酒味香濃😚肉質香軟🤪絕對係褒劇me time好選擇🤭🐷德式燒豬手 燒到皮脆卜卜😋用上18種滷料浸泡24小時☺️啲肉入曬味😉真係一塊接一塊😍佢哋有好多分店☺️緊有間係你附近😉快啲去買嚟試下啦😋…查看更多

這家店一直是它們的顧客，上次就介紹過他們的燒豬手，燒豬肋骨及酒醉系列，從此就愛上了，不只我，迷上的還我的家人！平時都會買佢啲燒味或酒醉系列食，家人看到他們近期推出麻辣系列，二話不說就立即買了幾款返屋企了食🤣🤣， 真是太吸引了！ 現時做優惠，買任何2罐酒醉或麻辣系列，立即減5元，有優惠自然買多幾罐試吓～ 麻辣系列個麻辣味恰到好處，辣度適合大部分香港人，而且辣多於麻，啱我，而底味有少許甜味，所以整體來說不會太辣，但很惹味而且份量充足，夏天當冷盤食一流👍🏻。麻辣系列一共有8款(包括金錢肚、牛𦟌、雞翼尖、豬耳、腎片、鴨舌、薰蹄及雞軟骨)家人就買咗當中的5款，包括牛𦟌、豬耳、金錢肚、雞翼尖及腎片🥢金錢肚 金錢肚是當中最辣，軟腍唔韌，而且索晒D辣汁，好惹味，配冷撈麵一流😋🥢雞翼尖 媽味最愛的雞翼尖，話最鍾意佢越食越有味🥢腎片 我覺得腎片是當中最唔辣的，而且腎片爽脆，送酒一流👍🏻…查看更多

繼上次去樂富野餐買過燒洒一族之後 成日係其他分店行開行埋見到佢哋又出左新品 正正係熊熊姐妹最愛嘅麻辣系列🤭 今次趁機去買黎試下👍🏻 見到成雪櫃嘅野食真係搞到我地選擇困難症發作 不過今次就為大家pick左4款🤣 -🌟-▪️麻辣金錢肚 $55有無人同白熊一樣去食牛雜都一定會叫牛肚！金錢肚非常淋身 浸喺辣油入面非常入味 但辣油唔算太辣 所以唔食得辣既朋友都可以一試！▪️麻辣豬耳 $46有無人同啡熊一樣係豬耳fans🤭 呢個豬耳外軟內脆 加上索曬啲辣油 又麻又香 絕對係夏天嘅送酒良品🥹▪️酒醉溏心蛋 $30一盒蛋有4-5隻 隻隻都超巨型🤣 浸咗酒之後加埋溏心蛋黃撈返一流 因為雪過所以蛋皮比較挺身 蛋黃唔算太流心 保留返蛋黃應有既口感 白熊同媽媽都好喜歡 一餐啪左幾粒蛋😂▪️酒醉鴨舌 $96呢個鴨舌真係世一🥺 啡熊一直好少喺香港食鴨舌 因為多數又貴量又少🫠 但呢個酒味超濃郁 而且食極仲有 每一啖都超香脆 係完美的零食啊🥹-🌟-總括而言 我哋過咗咁耐再食過都覺得水準依然咁好😭 無論係加餸定係當零食 都絕對係個好選擇🥳…查看更多

♡ 燒味店之酒醉小食 ｜燒洒一族 ♡-最近，燒洒一族出左新品‼️之前屋企人試過，都話唔錯。於是今日就買咗幾罐返去 同朋友加餸🫶- ♡ 麻辣鴨舌 ♡ $88平時我最鍾意嘅就係食鴨舌～ 佢嘅辣味好夠，但唔會太過刺激，食落好香口。鴨舌又好嫩好滑，仲好爽口啱晒鍾意食辣嘅人。-♡ 酒醉雞卷 ♡ $45每片雞肉卷都好軟林，酒味好香濃，用嚟送飯食真係好開胃。-♡ 酒醉薰蹄 ♡ $45啲蹄筋啖落彈牙，但唔會太硬，而酒香味又好濃郁。-♡ 酒醉海蜇 ♡ $45好爽口同好滑嫩，朋友們都食得津津有味，真係令人回味無窮。❥#⇢店鋪資料：燒洒一族 (南昌薈) (深水埗)深水埗西邨路19號南昌薈街市地下5號舖…查看更多

一直好想試燒洒一族嘅燒味，但原來佢哋新出咗酒醉/麻辣小食，咁今次就試咗新嘢先啦！.酒醉/麻辣小食係罐頭開罐包裝，方便衛生。同埋全部Made in HK酒醉系列入味而食落唔會苦澀🍶唔送飯就咁食都好啱雞卷啖啖肉食落最滿足😆腎片質感爽脆，我哋一舊接一舊咁食，好快食哂成罐😂.麻辣系列都有驚喜！食落唔會好辣，係辣中帶少少甘甜味，好啱送飯～麻辣牛𦟌同金錢肚份量都好足，兩款食落口感剛好，都唔會太腍太韌😄唔錯！.燒洒一族喺各區街市都有分店，有機會都想試埋佢哋啲燒味！(馬鞍山恆安街市/藍田店啟田市場/大圍店顯徑街市/坑口店厚德TKO Gateway/大埔店大元街市/藍田2店德田街市/樂富街市)…查看更多

麻辣鴨舌🦆$96麻辣味都幾香😙同鴨舌幾夾🤪唔算好辣😆非常爽口😎我仲攞咗啲汁嚟涼拌其他菜😊都幾重蒜頭嘅香味😙整體又唔算好油麻辣豬耳🐷$46個汁同上邊鴨舌係一樣嘅😇同豬耳非常之夾😊又可以整涼麵食😉豬耳都好爽口酒醉腎片$45偏硬身但係都可以接受😌非常之重酒嘅香味😎就咁食或者配酒都好爽酒醉燻蹄 $45花雕酒味🥃香濃😙燻蹄醃得入味🤓外皮爽身脆口🤩肉質軟腍帶肉香😉依舊保持出色…查看更多

天氣火熱lalala， 我就同屋企人試吓這人氣小食店，佢地除咗燒肉之外，還有涼浸浸酒醉及麻辣系列小食，在戶外或喺屋企😍，加餸或宵夜都食得😋酒醉系列有薰鴨舌、薰蹄、豬手粒、雞軟骨、腎片、溏心蛋等，而麻辣系列，除咗鴨舌，仲有金錢肚、雞軟骨、豬耳、雞翼尖等🤩🤩🤩🤩 勁多款揀！我就一口氣入左酒醉薰鴨舌、酒醉雞卷、酒醉海蜇🪼、麻辣牛𦟌， 加餸一流，屋企人都好鍾意食😋 我自己最鍾意麻辣牛𦟌，香而不搶，好入味。牛𦟌亦軟嫩有口感…查看更多

前日放假出完街，就買下啲小食返外父外母度，一齊煲下劇 送下酒😬咁就諗起呢間之前已經幫襯過，味道都唔錯嘅「燒洒一族」麻辣牛𦟌 $55麻辣金錢肚 $55酒醉雞軟骨 $45酒醉薰蹄 $45酒醉雞卷 $45係呢5款入面，小編就最鍾意❤️酒醉雞卷😬啖啖肉而且好入味😋而屋企人就鍾意食麻辣金錢肚🤤麻辣味道岩岩好！啲金錢肚又夠哂爽口😋味道：😋😋😋😋 4/5環境：😋😋😋😋 4/5服務：😋😋😋😋 4/5價錢：😋😋😋😋 4/5翻食：😋😋😋😋 4/5…查看更多

✨酒醉雞卷酒味清香突出 雞卷啖啖肉皮爽 肉質軟腍 必食推介✨酒醉豬手粒豬手粒入味 外皮爽口彈牙 膠質滿滿✨酒醉薰蹄薰蹄份量足 有啲切片有啲切粒皮彈牙肉軟腍 切粒嘅口豐更豐富✨酒醉海蜇海蜇口感爽脆 多一份帶麻油✨酒醉腎片份量多 腎片口感相對較硬 好有咬口 總結：冷盤小食唔錯 有兩款系列包括有醉酒系列同麻辣系列選擇包裝唔錯 即開即食 夠晒方便 做宵夜一流另外除咗冷盤小食之外 仲有一系列西式燒味例如燒雞豬手同豬仔骨等食品供應 晚飯加餸都係個唔錯嘅選擇 價錢合理 下次再去都想買黎試下…查看更多