燒洒一族

营业中

休息中

今日放工經過v city，諗住買外賣番去食，見到呢間舖頭咁得意，啲燒味放到好似西餅店咁，不如買黎試下。醬燒豬肋骨飯，豬肋骨顏色同醬汁有啲似叉燒，食落又似西式BBQ風味，但價錢一啲都貴，40蚊咋！惹味燒春雞飯，雞件份量好多，仲要啖啖肉，雞香又滑，加埋隻酒醉溏心蛋，迫爆飯盒。岩鹽烤鯖魚柳，烤得好好，保留到魚香肉汁，唔算多骨。蜜糖黑椒鴨胸，肉質有彈性，食落微甜蜜汁，黑椒提味，好好食！酒醉雞卷，好濃郁既酒味，雞肉雞皮好嫩滑入味，正！樽裝方便衞生，食唔晒又可以直接放入雪櫃。麻辣豬耳，好夠麻香，辣度十足，送飯一流，最重要係香港製造添！

屯門Vcity開咗間西式新派燒味店款款西式燒味都好吸引！有德式燒豬手、燒豬頸肉、蜜糖雞髀、豬肋條、燒春雞、蜜糖腸等真係加餸好選擇啊！冷盤小食，酒醉雞軟骨同糖心蛋都好出色！德式燒豬手大大隻，都只係$88師傅即席切好，切個次啲皮已經卜卜脆豬手肉嫩滑唔鞋口，沾蜜糖芥末醬好滋味😛西式燒味飯，價錢貼地抵食自家製燒腩仔飯 $33 加辣味雞脾$18淋上黑椒汁，拌匀更滋味唔單調燒腩仔半肥瘦，肉質爽口雞脾啖啖肉夠Juicy!!沖繩黑糖焗叉燒飯 $33 加蜜味雞脾都係$18推介蜜糖豉油汁！同叉燒最夾叉燒半肥瘦，甜甜地好食德式烤香腸分別有辣味同芝士味香腸🧀當小食或自己送大啤酒食，唔錯啊！

Vcity最近新開左呢間叫燒洒一族，眼見舖頭啲燒味都燒得好靚，一於試一試買番屋企做餸 。蒜香南乳春雞好濃蒜香味，雞肉醃得入味，但唔會好咸👍桂花蜜棧叉燒好香，唔會好多肥膏，食落肉質鬆軟，最緊要有燶邊😍德式燒鹹豬手皮非常酥脆，肉質好淋，再沾上店舖提供既醬一齊食，絕配😋黑糖烤豬頸肉入口有甜甜既黑糖味，豬頸肉肉質嫩滑，唔會烤到好乾，保留到豬頸肉油份，非常好味整體嚟講係V city嚟講，價錢唔貴，性價比高，晚餐唸唔到食咩既話，又可以有多一個選擇😆而且佢嘅份量都偏大，如果多人一齊食飯，例如開Party 都好岩，可以試好多唔同款一齊食😛

聖誕佳節多聚會，去朋友屋企點可以兩手空空？最近V city開咗一間西式燒味店，趁着聚會人多，可以試多啲唔同嘢食。新張期內所有熱食仲有八折添。德國鹹豬手 （大）$108:鹹豬手有大同特大兩個size，我地呢隻係大嘅。鹹豬手用左18種滷料浸泡24小時再燒，啲肉非常入味，鹹香得嚟又唔會太膩，有輕輕煙燻嘅香味，肥瘦均勻，個皮燒到金黃色，脆卜卜，咬落好鬆化，配埋芥末醬，令人一塊接一塊咁食。香草法式燒春雞 $68:春雞有好幾隻味，古法，蒜香南乳同香草。價錢由＄68至＄75不等。我地試左香草，春雞皮薄肉多，雞皮都好脆身，雞肉嫩滑，帶輕輕香草味，咬落去仲有好多肉汁流出黎，十分juicy，簡直係無得頂呀。黑糖烤豬頸肉 （細）$55:豬頸肉有細同大兩個size，呢份係細嘅。加入黑糖烤過嘅豬頸肉香噴噴，賣相好有光澤，肉質軟滑，黑糖嘅甜味滲透咗入肉裡面，食落甜中帶點鹹香，非常特別。麻辣豬耳 $46:聽聞佢地嘅麻辣系列都好出名，所以想試佢地嘅豬耳。豬耳整得夠淋，入口爽口彈牙，配埋香濃嘅麻辣汁，不論送飯定係做佐酒小食都簡直一流呀。店員好細心地問我地啲燒味幾時會食，知我地唔係即食，仲派左張卡仔教我地點翻熱，真係細心

今日去了屯門同朋友開party🎉今次去買新派燒味，送酒小食正呀！！德式燒豬手 （大）$88卜卜脆見師父切的時候口水都流🤤🤤拿到忍唔住食左兩件，回到家食一樣好味。店員好細心講解如何番熱。特色黒椒烤豬手（大）$88香香的黑椒味，煙韌有咬口，滿滿的膠原。🤣😂😋😋😋自家制燒腩仔$48外皮脆脆，腩仔肥瘦剛好！🥰麻辣牛𦟌$55🫙密封包裝乾淨又衛生 ,打開好香麻辣味，味道剛好不會太辣，牛𦟌好足料！食完D 汁可以用來撈麵。🍜

放假走到屯門，經過 V City 時見到西式燒味外賣店「燒洒一族」開設了新分店，決定買回家跟男友享用；新張期內熱食八折，冷盤買三送一-🔹慢煮醬烤豬肋骨 (珍寶) $88選用較瘦的豬肋骨，肉質緊實有嚼勁，啖啖鹹甜平衡的 BBQ 醬濃香入味，齒頰留香-🔹自家制燒腩仔 $65/條燒腩仔外皮細薄且香脆鬆化；腩肉肥瘦相間而鹹度適中，配上芥末醬突顯豬肉鮮香，膩感不重-🔹酒醉燻蹄 $45燻蹄皮爽嫩 Q 彈，肉質緊實細緻，吃到陣陣甘香醇厚的花雕味道-🔹蜜味雞髀、香辣雞髀 $22/隻，$40/2隻雞髀大隻肉厚，肉嫩緊緻有彈性，蜜味跟香辣各具風味，調味適中，同樣入味-🔹傳統德式香腸 $45/3條長長的香腸烤得皮脆肉彈，肉汁豐富，香味濃郁而鹹香適中，蘸上芥末醬夠匹配

V City一田最低個層翻新完終於開番，惟幾間食肆仲未開，重點發現之後會有南記，正！暫時淨係得呢間西式燒味外賣店開左，之前係南昌分店幫襯過佢哋，佢哋分店通常喺街市，估唔到升呢入埋商場，都幾勁，不過客路就唔知啱唔啱。嘢食就中規中矩，燒豬手都做到內軟外脆，可以選擇飯汁，甜豉油有好香嘅滷水味，$30幾蚊個飯真係無投訴。反而酒醉冷盤有驚喜，酒味好香，豬手粒非常入味，下次試埋其他款式。對於我呢啲係V city返工嘅，性價比相當高

一向V city餐廳感覺價格都會稍高，一田cut細咗新開咗幾間店舖，新開新派燒味店做緊熟食8折 ，西鐵返屋企就一於試吓，估唔到性價比咁高😌店舖新派裝修簡潔明亮，仲有幾個立食位置👍全部食品都係店舖即做即售仲有好多款冷盤添～特大德式燒鹹豬手 好細心配上角式醬料，表皮炸得非常鬆脆肉質保持嫩滑，而且非常入味口味係鹹豬手嗰隻，配上啤酒一流🥰~黑糖烤豬頸肉有驚喜！肥而不漏，用上黑糖多咗一份甜香～自家製燒腩仔飯份量很足，有幾款醬汁可選擇，洋蔥🧅黑椒、甜豉油用上五花腩，肥瘦相間～醬燒豬肋骨飯佢哋signature菜式，葉得非常入味濃郁，完全唔會柴冷盤 揀咗 麻辣豬耳喜歡佢嘅packing乾淨企理又衛生，麻麻辣辣，屬於小辣程度，食唔晒擺番雪櫃都非常方便全部店內製作，保持新鮮，呢方面值得一讚👍👍這間算是V city性價比嘅選擇🥳

Lunchtime喺OpenRice叫外賣自取，見到呢間新店就試下，去到攞時先知原來只開咗兩日。落單時見豬手飯只係$3X以為份量會好少，就用$2X買多咗隻雞脾。一攞上手咁墜手就知份量唔少😅一打開盒飯好有驚喜，顏色好增進食慾，呢個價錢簡直超值！彈嘅就係啲飯有啲實，同埋食完會幾口渴。