燉湯奶奶 (東達中心)

最近聽聞屋企附近嘅東達中心開咗一間以燉湯馳名嘅燉湯奶奶👵🏻。今日星期五放工懶洋洋，又唔想煮飯，於是去咗燉湯奶奶買外賣回家吃。燉湯奶奶嘅自選套餐（蒸飯+燉湯）有多款選擇，今日我選了3款。🥢 土魷蒸肉餅飯 + 羊肚菌響螺燉竹絲雞湯土魷蒸肉餅飯 👉🏻 肉餅口感軟糯鮮香，軟硬適中，剁得極細的土魷與肉碎融合，土魷嘅鮮味滲透到肉餅中，令肉餅嘅味道更加濃郁，鮮味十足。羊肚菌響螺燉竹絲雞湯 👉🏻 入秋後，開始要補補身子，羊肚菌帶有浓郁嘅菌香，配埋鮮甜嘅响螺，再加埋滋補嘅竹丝雞嚟燉汤，非常滋味。🥢 梅子排骨飯 + 三椰燉竹絲雞湯梅子排骨飯 👉🏻 排骨吸收咗梅子嘅酸甜味，酸甜度亦恰到好處，能令到整個飯提昇開胃嘅效果。三椰燉竹絲雞湯 👉🏻 椰子嘅清甜配合埋竹絲雞肉嘅鮮味，令到呢個湯夠晒濃郁醇厚，飲起來更覺清甜滋潤。🥢 滋補黃酒雞飯 + 姬松茸螺片淮山燉竹絲雞湯滋補黃酒雞飯 👉🏻 黃酒本身嘅甜醇充分融入雞肉中，吃起來帶有淡淡的甜味和酒的香氣。姬松茸螺片淮山燉竹絲雞湯 👉🏻 姬松茸本身帶有濃郁嘅獨特鮮香，竹絲雞經過燉煮後，雞肉嘅香味融入到湯中，加埋滋陰嘅螺片更令整個湯變得勁鮮甜。…查看更多

無意中發現東達中心開咗間只做外賣嘅燉湯蒸飯店，有好多款燉湯，而且價錢唔貴，蒸飯套餐$65，包咗$48燉湯一盅，如果叫貴啲嘅就要補返差價燉湯包裝全部都係密封，所以外賣送到黎屋企一打開仲係熱辣辣出晒煙，估唔到工廠小店都做得咁有誠意，幾加分先講蒸飯，試咗4款，蟲草花紅棗蒸雞飯係最出色，雞件超入味又無雪藏味，而且都算幾滑，仲有好多蟲草花，呢個飯如果單叫都係$38抵到爛，佢啲米都幾靚，幾白淨，煮嘅水份好夠；黃酒雞啲雞都幾滑，不過就無蟲草花咁入味豬肉就試咗鹹蛋蒸肉餅飯同梅子排骨飯，肉餅好厚身，肉質較為結實，唔霉，呢個價錢幾OK；至於排骨份量都比得好多，舊舊都好大舊，真材實料，但梅子味再入味啲就好燉湯都配咗四款～試咗兩款滋補嘅竹絲雞，有姫松茸螺片淮山同羊肚菌響螺，入面都有大大隻竹絲雞，好足料有大大塊螺片食，羊肚菌都出名貴同滋補，兩個湯顏色都好深，好濃味，燉得好夠時間另外兩款就係清潤啲嘅，海底椰蟲草花雪梨同老黃瓜章魚赤小豆燉排骨湯，前者清熱潤肺；後者解暑祛濕；兩款嘅排骨都大大嚿可以食埋見到佢都有幾間分店喺灣仔、荔枝角等等，附近返工嘅朋友認真可以試吓，有時一個人唔想煲湯，又想飲到湯可以考慮吓佢…查看更多

今日在太古行街順便買外賣回家食！ 附近有間連鎖的外賣小店出名平靚正，咁就要幫襯吓！燉湯奶奶在英皇道1065 號東達中心503D號舖，太古站A1出口行過來就到！一入門口見到有自選套餐的餐牌， 蒸飯連燉湯都係$65，又可以加錢升級更精美豐富的靚湯；仲抵食過兩餸飯，於是外賣美食回家同家人一齊分享！🥢南瓜肉片飯 肉片淋滑鬆軟，與南瓜同蒸的味道鮮美，非常之夾；配吃飯就最正！ 🥢豉汁蒸排骨飯份量不少，排骨嫩滑，充滿濃濃的豉汁味，是傳統蒸飯的口味！🥢魚肚蒸滑雞飯魚肚鮮味爽口，雞件的肉好嫩滑，有雞味！ 魚肚的香味和雞肉的鮮味很搭配，真的不錯！🥢土魷蒸肉餅飯肉餅好厚身， 有爽口的感覺！加入土魷的肉餅更有海產的鮮味，口感豐富！🥢蟲草花紅棗蒸雞飯材料超豐富， 鮮味嫰滑的雞肉仲加入蟲草花和紅棗同蒸！蟲草花的香氣和紅棗的甜味，口感層次豐富提升不少！🐷老黃瓜章魚赤小豆燉排骨湯新鮮的老黃瓜、章魚、赤小豆和排骨同燉！ 用料豐富，口感清新；夏日的最佳湯品！🥥海底椰蟲草花雪梨燉排骨湯海底椰和雪梨夠清潤，蟲草花和雪梨的甜味， 排骨的鮮味；令燉湯口感更清爽好飲！🐔姬松茸螺片淮山燉竹絲雞湯新鮮竹絲雞、姬松茸、螺片、淮山的燉湯，材料豐富！姬松茸有獨特香氣，淮山有益，配竹絲雞；令湯品鮮味無比！🐚羊肚菌響螺燉竹絲雞湯羊肚菌和響螺是貴價的食材！ 羊肚菌有濃郁香氣、響螺鮮味和竹絲雞又滋補，湯品味道鮮味又養生！🐖花旗蔘石斛瑤柱燉瘦肉湯花旗蔘和石斛是清熱的中藥材，加入瘦肉和瑤柱燉煮， 湯品口感豐富，味道清新溫潤！…查看更多

喺鰂魚涌呢啲商業區想食餐家常便飯 🏢，特別係飲啖靚湯 🥣，真係唔容易 🙏。呢間「燉湯奶奶」就主打燉湯同蒸飯，感覺好有屋企feel！🏡同同事叫左咸蛋蒸肉餅飯、土魷蒸肉餅飯、黃酒雞飯同蟲草花紅棗蒸雞飯 🍚，燉湯方面就叫左黑蒜蟲草花螺片湯、羊肚菌響螺燉竹絲雞湯、姬松茸螺片淮山燉竹絲雞湯、日月魚合掌瓜螺片燉竹絲雞湯 🍲。每一款湯都超級足料，而且湯頭好清澈，非常鮮甜！👍 我地最鐘意日月魚合掌瓜螺片燉竹絲雞湯 ❤️。合掌瓜嘅清甜味完全滲晒出嚟，令到成個湯好清新解渴。日月魚就負責提鮮，令到湯嘅甜味更有層次。呢款湯冇前幾款咁濃味，但勝在夠清潤，好適合夏天或者覺得好熱氣嗰陣飲 😌。飯方面都唔錯，肉餅肥瘦比例啱啱好，食落幾 juicy 唔會乾，送飯一流！😋個人比較喜歡蟲草花紅棗蒸雞飯 🙋‍♀️，比較家常同健康嘅選擇 🌱。雞件同樣蒸得好滑 🐔，食落有紅棗嘅天然甜味同蟲草花嘅清香，味道清清地，簡簡單-單，但就係嗰種好舒服嘅住家飯味道 🥰。相比下黃酒雞飯就比較甜，我自己麻麻地 😅 但同事就好鐘意！😂$65有湯又有飯其實真係冇得輸！💯 下次再試其他飯同燉湯先！🏃‍♀️…查看更多

找到一家價格親民又注重養生的外賣專門店，實在是難得的驚喜。店家專攻外賣服務，菜式以蒸飯和燉湯為主，最吸引人的是其超平價格：一個蒸飯只需三十幾蚊，燉湯則四十幾蚊起跳，性價比高到讓人懷疑是否真材實料。但試過之後，確實係高質。蟲草紅棗蒸雞飯飯粒吸收了蟲草和紅棗的精華，蒸得軟糯入味，雞肉鮮嫩多汁，帶有淡淡的藥材香氣，吃完感覺全身暖烘烘的，適合秋冬進補。魚肚蒸滑雞飯魚肚厚實彈牙，配上滑溜的雞肉和米飯，口感層次豐富，沒有油膩感，像是家常菜的升級版。鹹蛋肉餅飯，肉餅鬆軟多汁，鹹蛋的蛋黃香濃而不膩，蒸飯的熱氣讓整體風味融合得恰到好處，簡單卻滿足。燉湯方面，三椰雪梨燉竹絲雞湯清甜潤肺，三椰和雪梨的天然甜味中和了竹絲雞的鮮美，湯頭清澈不濁，喝起來解渴又養顏。羊肚菌響螺燉竹絲雞湯則偏向滋補，羊肚菌的菌香濃郁，響螺片脆嫩，配竹絲雞燉得湯汁濃郁，適合體虛人士。最後的海底椰蟲草花雪梨燉排骨湯，排骨燉得軟爛脫骨，海底椰和蟲草花增添了清新草本味，雪梨的甜潤讓湯不覺單調，整體平衡。總體來說，菜式健康不油膩，價格親民卻不失品質。無論是上班族還是養生一族，都值得一試。…查看更多

最近發現鰂魚涌一間專做蒸飯同燉湯嘅外賣店，試咗幾款招牌菜，絕對係高質之選！蒸飯方面，首推蟲草花紅棗蒸雞飯。雞肉蒸得恰到好處，嫩滑唔柴，蟲草花嘅清香同紅棗嘅微甜完全滲透咗入雞肉同飯粒之間，養生又美味。銀魚仔蒸肉餅飯就係經典嘅家常風味，銀魚仔鹹香鮮美，肉餅鬆化唔膩，撈飯食簡直一絕。至於燉湯，絕對係驚喜所在！羊肚菌響螺燉竹絲雞湯真係落足料，湯色清澈但味道極其濃郁，羊肚菌獨有嘅香氣同響螺嘅鮮味完美結合，飲完成個胃都好舒服。日月魚合掌瓜螺片燉竹絲雞就清甜滋潤，好適合呢排嘅天氣。總體而言，呢間店絕對係打工仔同養生人士嘅恩物，絕對物有所值，會encore！…查看更多

而家搬咗出黎住就冇得成日都飲媽咪煲嘅湯，日日出街食飯真係唔多健康，所以今日放假就去咗屋企附近買蒸飯同燉湯做晚餐☺️「燉湯奶奶」有多款蒸飯同足料燉湯，主打一個無添加、無味精健康食物，套餐包一個飯加燉湯只需$65起，而每一款燉湯都會用錫紙封好，咁就唔使擔心會倒瀉，非常貼心，攞到返屋企都仲係熱辣辣😉土魷蒸肉餅飯肉餅裏面加入咗土魷粒提鮮，口感豐富紮實，肉餅充滿汁水，咸香鮮嫩，絕對係下飯神器豉椒排骨飯大推豉汁排骨飯👍🏻將豆豉剁碎，每一粒排骨上面都裹滿豆豉，醃得夠晒入味，排骨肉質鬆軟，並帶有脆骨增添口感，份量足有成十幾件排骨，將豉汁排骨拌入米飯，鹹鮮嘅味道真係令我忍唔住食多咗飯蟲草花紅棗蒸雞飯啖啖肉嘅雞件加入滋補又養生嘅蟲草花同紅棗，除咗食到雞嘅鮮味仲食到紅棗甜甜地嘅味道，令雞肉更加鮮美滋補黃酒雞飯黃酒雞飯最啱女生食👍🏻可以軀寒補血又暖身，用糯米酒製成食落有淡淡嘅酒香，但酒味又不會好濃，裏面仲加入咗冬菇提升鮮味海底椰蟲草花雪梨燉排骨湯呢款湯水有助潤肺止咳滋陰潤燥，間唔中有兩聲咳嘅人最啱飲，海底椰加埋雪梨令湯底更加清甜，肉嘅鮮味更為突出，多款食材經常時間燉制已經不需要再加任何調味已經非常之濃味三椰燉竹絲雞湯用海底椰去燉竹絲雞可以達到補血滋潤嘅功效，秋天飲最適合不過，呢款湯水比較清淡，椰子肉嘅清甜加上竹絲雞嘅鮮味絕對係最佳配搭羊肚菌響螺燉竹絲雞湯呢款湯水嘅功效可以健脾益胃，增強抵抗力，啱晒成日捱夜嘅人飲用，菇菌類清爽嘅味道配上響螺吅竹絲雞嘅鮮甜味，飲落去順喉舒服，達致強身健體嘅功效日月魚合掌瓜螺片燉竹絲雞湯推介👍🏻個人最喜歡嘅湯水，裏面加入瑤柱同陳皮，入口鮮甜帶微甘，味道會較為濃郁，補肝而明目，最適合一家大細飲📍燉湯奶奶 (鰂魚涌)鰂魚涌英皇道1065號東達中心5樓503D室人均消費：$65-100食物：⭐️⭐️⭐️⭐️⭐️環境：N/A （外賣）服務：⭐️⭐️⭐️⭐️回頭率：⭐️⭐️⭐️⭐️⭐️…查看更多

燉湯奶奶的豉汁蒸排骨飯菜單讓我睇到眼花撩亂，最後點了燉湯奶奶的豉汁蒸排骨飯，因為排骨我愛吃，而且很少中伏，結果燉湯奶奶沒有讓人失望，成品就如照片般，沒有照騙的感覺。一取到手是熱騰騰的，香味撲鼻，沒有豬羶或臭腥味，很新鮮，絕對沒有因為天氣熱而變壞。豆豉味足但不過咸，有咬口，比想像中好，還以為會咸到要挑走。排骨質素好，肉多，並不是只有啃骨動作，筋位一撕便開，不會咬不斷，實際食到的肉真不少，性價比高，沒有被騙感覺。肉汁夠，而且沒有很多肥油，讓人吃得安心，感覺沒有很油膩，而是偏健康的。…查看更多