煮打菜打冷小菜館 (已結業)

由煮打菜剛剛開冇耐食到而家，一聽到要結業即刻黎食最後的晚餐。6點已經需要排隊。鵝片雙拼$122鵝片拼大腸，下面是豆腐。鵝片和大腸很𣺉很入味。潮式爆花蠔餅 $98同平時見多的蠔餅有點不同，爆花蠔餅顧名思義就是炸粉比較多，咬落香脆，加上魚露可以令味道更出，但蠔比較少。土魷籠仔荷香蒸爆牙肉餅 $98肉餅可以選要什麼配料，我們選了土魷。肉餅沒有以前那麼彈牙，但都不錯，加豉油送飯一流。蜜汁吊燒骨 $98蜜汁吊燒骨相對上比較乾身，蜜汁都煮落肉身裏面。密椒薯仔牛柳片 $102今日牛仔粒賣完，轉了牛柳片。轉左牛柳牛味都出，但少了牛仔粒果種厚實感。金銀蛋浸時蔬 $88…查看更多

疫情之下間間餐廳都有外賣套餐，煮打菜都唔例外。見佢個抗疫套餐都只係$58，又好似好多野食，所以就試下。拎到番去，又真係幾靚既，有好多餸，又肉餅，蝦，滷水野，菜，個飯都好多。咁蝦都好大隻，食落都fresh,肉餅就好彈牙，同埋佢同出面既肉餅唔同，佢係好厚，但唔會好硬好實，咸蛋味都好夠。滷水方面都好入味，個滷水豆腐好大舊，好juicy,好好味。另外要讚既係佢西蘭花都有4，5舊，唔hea,好夠營養。依個飯盒幾正！下次要試下堂食！…查看更多

今次已經係第三次黎依到食打冷！真係次次黎都係咁好食！首先係個滷水拼盤，全部都好入味，滷水唔會太濃，直頭係岩岩好，去親出面既打冷都最驚個汁太濃會搞到食乜都一樣味，依到就真係完全唔洗擔心！個豬耳又夠哂爽口，所以食食下都要叫番枝asahi飲下先夠過癮！之後就係椒鹽九肚魚，脆得黎岩岩好，唔會好厚粉，食落仲有啲魚香，依個餸送酒又係一流！跟住仲叫左個啫啫菜煲，啲菜真係好好食，依個無油真係唔會整得好食，但最正係佢唔會好油，夾上黎唔係反哂光，食入口係好香！加埋啲肉碎真係無得頂！環境又係好夠大，又夠乾淨，坐得好舒服，伙記態度又好，真係一定會再番黎食！…查看更多

鵝片滷得入味亦唔喊。啫啫生菜炒得好有鑊氣，送飯一流。但枝竹牛腩煲喊味略重，我食開淡嘅就頂唔順了。舖頭坐得舒服闊落又乾淨，又有電視睇。廁所都好乾淨，飲多兩杯都唔怕 。1. 滷水鵝片 配 滷水豆腐 - HK$922. 啫啫生菜 - HK$883. 枝竹牛腩煲 - HK$96…查看更多

家住筲箕灣，卻很少食這一間，但有街坊朋友說不錯，就即管試試這店有點貪心，將潮州菜及廣東菜都放進 menu潮州菜當然要點滷水拼盤廣東嘅代表就點了生煏大白鱔煲及土魷蒸肉餅結果廣東大勝潮州菜，滷水是靈魂，但這間只只有死咸完全不香，更談不上醇香反而大鱔煲火候剛剛好，肉質恰到好處，薑蔥蒜爆得非常香蒸肉餅雖然是家常小菜，但要做到肥瘦均勻，土魷軟硬適中也有一定技巧👍…查看更多

呢間係我平时叫外賣or食小炒首選.  夠鑊氣. 以下係我覺得嚟到必食既餸:1. 炸蠔餅 2. 大蝦伊面3. 豬紅(小食) (當日賣哂所以影唔到相）4. 蜜椒吊燒骨 蜜椒吊燒骨 - 呢個正，個面比脆卜卜嘅焦糖包住食到停唔到口炸蠔餅 - 成個pizza咁.  睇到都開心. 個表極鬆化。小炒皇，ok既大蝦伊面，夠多汁，入味。…查看更多

爸爸忽然話好想食潮州打冷，見晚飯時間已過，就喺Openrice 搵到近近地呢間。點咗一窩蠔仔肉碎粥、鹵水拼盤(小)和帶子小炒皇。🦪蠔仔肉碎粥的蠔仔不算好新鮮，但粥的味道不錯👍鹵水拼盤唔係冷盤果種，鹵水汁係暖暖哋，味道免強可以👌帶子小炒皇係整頓飯的敗筆👎雖然知道帶子係急凍的，但都無諗到肉質不堪程度令人無法接受，最後成碟打包拎走，但一粒帶子都無食過，仲有係成碟餸味精太重，食完又係半夜起身狂飲水😏至於服務態度。。。☹️或者係做開街坊生意，不介懷啦😁經常好懷疑一間食肆服務態度不濟，理由係十分好生意唔憂做？🤔如果食物品質十分出色，受下氣都叫做鬼佢叫好食咩！但食物質素差勁喎👎係我唔識叫餸？！還是其他食客要求唔高？！🤷🏻‍♀️…查看更多

之前食過一次，形象十分差，環境又不是特別好。Walk in 好難食到，點都要book位。但係book位嗰個職員態度十分差，講嘢一嚿嚿，又串口。佢話要食就淨係得6:30pm/8:00pm兩個時間選擇，又限時90分鐘。同埋佢不停強調最低消費$700（另加一），好似好巴閉咁，總之係成個book位過程中都很不愉快。 我book左6:30pm，去到食個陣時，裏面人流不多，未去到多人到要book位。我同屋企人就即刻點餸，上菜速度又唔算好快，但又要我哋8:00pm交枱。叫六碟菜就送錯左兩碟，又唔道歉，職員的態度十分需要改善。菜式味道一般，未去到話好好食，唔一定要食呢間。成餐飯食得勁唔開心，好受氣，唔會再嚟。😡…查看更多

星期六lunch時段去到好好彩有位，唔使等位。 原來佢有午市套餐，可以叫佢好出名嘅肉餅飯。我叫左魷魚炒麵，其實係豉油王炒麵加魷魚鬚。 個面都乾身唔算太油，都ok。仲叫左蠔仔肉碎泡飯， 啲蠔仔脹卜卜，乾淨，生熟度剛剛好，冇沙，好食!最後叫左魚湯浸時蔬都幾出色，佢魚湯好清甜，蔬菜份量好多。…查看更多

前排同啲friend一齊去大潭行山行山之前去咗呢間好多人都like嘅煮打菜度食lunch。我哋叫咗銀魚爆牙肉餅。 面頭嗰d啲魚仔好出色， 襯埋個彈牙肉餅不得了， 同行友人都食到舐舐脷。呢個肉餅撈飯一流。我哋仲叫咗糯米釀雞翼， 由於我唔食得辣，唔係太鍾意雞翼裏面啲泡菜味嘅飯。…查看更多

平時少去東區呢頭，唔係朋友介紹都唔知筲箕灣有間好食既小菜館，於是就特登卜位過黎食啦八點去到門口已經見坐無虛席，卜左位都要等十五分鐘先有得入丫菜式選擇都幾多，凈係睇圖都覺得吸引上菜啦！首先呢，呢度菜既重點一定係帶子，炒得好香，食落又多汁；而蝦亦都好彈牙爽口架而吊燒骨真係俾到我地驚喜，外皮又薄又脆，一咬開就食到香甜既蜜糖味，但肉味同樣濃郁喎，令嗜甜既我不自覺地食左好多舊至於沙薑雞呢，味道就四平八穩啦，無太特別既地方最後係蠔餅，店家用西式薄餅既方式上菜，係幾新穎喎；炸粉一啲都唔厚，食落唔太油膩；裡面落左唔少蠔仔，用料十足，趁熱食就最好啦好耐未試過食得咁痛快了，講緊既係一邊食西一邊同好友吹水到打烊既感覺，爽丫🤤…查看更多

一直好想食打冷菜，經同事介紹後得知筲箕灣有味道出色既打冷小店，所以即刻去訂位了！店舖果然好多食客，幸好訂了位，所以好快就有位置坐。！入到去呢度有D裝修，唔似一般打冷咁成間大排檔feel，環境尚算大，有D卡位坐，都幾舒服，坐得吾會逼。揀咗鮮鵝片，鵝片夠入味，不會過鹹, 能突出鵝片為, 肉質軟糯, 鹵水汁輕輕滲入了鵝片中, 而且切得夠薄，不會太厚脂肪, 食落唔會太肥膩。豆腐又入味。揀咗潮式爆花蠔餅，佢用Pizza木盤，好似fusion菜，睇落好有氣勢~蠔餅炸到表面酥脆，切開脆卜卜，非常香口。蠔仔餅入面有鴨蛋，加蔥和芫䇴，蠔仔大隻，份量都多，加埋魚露食，香口，惹味，鮮味。揀咗香蝦啫啫唐山菜煲，聞到好香既味道, 好好味, 一陣就食晒啦。…查看更多

早兩日約朋友食飯，佢住喺筲箕灣，就帶我去食呢間有質素嘅隱世潮州打冷，由於店舖附近都喺住宅區，呢間小菜館的常客應該係附近的街坊，感覺超級隱世😆😆最岩同fd吹下水，食下小菜嘅好地方👍🏻🏡睇個門面，以為會好細間，但入到去原來都唔細，坐喺卡位同fd傾計，唔會聽到隔離位嘅對話🤣🤣食物方面，Menu上嘅款式種類多，基本嘅潮式菜式都有，而今次叫左幾款小菜黎配啤酒😋😋黃金炸蝦🍤🍤🍤$138外皮香脆，每一啖都有滿滿嘅鹹蛋黃，肉質新鮮，冇雪藏咗好耐嘅感覺🤤🤤椒鹽九肚魚🐟🐟🐟$94九肚魚肉質嫩滑，有口感，外皮夠脆，唔會食空氣咁，啲肉冇散開，有質素👍🏻蜜椒薯仔牛柳粒🐂🐂🐂$102食過好多唔同打冷嘅蜜糖薯仔牛柳粒，呢間好滿意😍好好食，🥔外面炸到微硬，一咬入面嘅薯仔軟綿綿🥔配搭牛柳粒真係好絕配，牛柳粒唔韌，唔硬，口感岩岩好🤤之後叫咗碟蒜蓉炒菜$70，唔會太咸🥬🥬🥬最後當然要叫支藍妹啤酒$32，配搭打冷菜式一流…查看更多

約左朋友一行四人去食晚餐想搵個地方麻麻甩甩咁飲下酒食下飯其中一個住係筲箕灣既朋友推薦左依一間係佢附近既潮州打冷菜館 — 煮打菜打冷小菜館門口見到餐廳都拎過獎又有雜誌同名人推薦過當然要陪朋友黎試一試佢啦望下餐牌點咩食好先樣樣都好吸引呀 決定一人點一道菜椒鹽九肚魚外皮炸得香脆 內裡九肚魚軟滑點上喼汁 好味道黑椒薯仔牛柳粒牛肉軟滑 牛味香濃 啖啖肉好味道最緊要係薯仔都好好味薯仔外皮炸得香脆 內裡軟綿而且加上蜜糖 味道濃郁 黃金蝦黃金蝦炸得好香配上鹹蛋黃 食落又香又鬆脆 豉椒炒蜆炒蜆大大隻加上豆豉同青紅椒一齊炒不禁食完一隻又一隻呀/四個女人飲左四支啤酒大家都好盡興呀最鍾意依種放鬆既感覺 忘卻煩惱只係食同飲同吹下水…查看更多

去到筲箕灣食野，熟呢頭既都知，呢度餐廳唔多，選擇偏少，行到內街，見到呢間打冷舖，就入左去試試。環境方面冷氣絕對充足！呢點係好多打冷/大排檔做得差既地方，但點好重要餐具座位枱面，睇落都算乾淨企理，而且多卡位，位置夠曬闊。食物方面鹵水拼盤，唔錯，夠曬入味，而且有大腸，正。蠔仔餅，炸得金黃色，睇得出唔係用萬年油炸出黎既，味道岩岩好（好多餐廳都會整到太咸）茄子燒肉煲，食落幾惹味，不過略嫌油份出左d，但味道都算okay，如果減肥既女士就建議剩係食茄子夠油香，送酒一流。椒鹽豬仔骨，炸得岩岩好，好脆，送上碟仲係好熱，岩岩炸起，無回油，而且外面有辣粉，夠曬香口惹味。總體黎講，食物質素屬於中上，價錢相宜，師傅調味合到好處，但可以店位略嫌遠，不過都值得去試下。…查看更多