煌苑

噚日（8-11-2025 Sat）係表妹LCY,結婚嘅大喜日子，佢喺呢喥擺酒，菜弍都係嗰啲：1. 密月鴻運乳豬全體皮唔算好脆，中規中矩。3分2. 翡翠帶子蝦球翡翠係甜豆，蝦球係中size，成個餸口感啱啱好，又唔太鹹。5分3. 百花釀蟹拑大大個，炸得靚，熱騰騰，口感彈牙。5分4. 翡翠玉環瑤柱甫正常冇問題。3分5. 紅燒海皇竹笙燴生翅一碗滿滿有好多料，味道較淡，要加醋食。3分6. 蠔皇原隻鮑魚西蘭花同鮑魚嘅口感都正常，鹹淡適中。3分7. 清蒸大海沙巴龍躉都蒸得啱啱好。3分8. 當紅一品燒雞已經夠味，唔使蘸汁食，但皮都已經唔太脆。4分9. 幸福炆伊麵呢個都幾鹹。2.5分10 . 美滿炒飯同伊麵相反，味道好淡，而且飯偏乾。2分11. 百年好合係紅豆百合蓮子糖水，唔太甜都唔杰食，但味道好唔同，老公話食到酸味，可能有材料酸咗而令糖水變酸。1.5分12. 美點雙輝有紅棗糕同杞子桂花糕，先食前者，因為一凍咗就唔好食，佢唔太甜，口感彈，但都幾膩。4分杞子桂花糕正常冇問題。5分服務：唔錯嘅。上次食評係2024年2月27日提交嘅呢篇：https://www.openrice.com/zh/hongkong/review/%E9%96%8B%E5%B9%B4%E9%A3%AF-e5322127…Read More

今天星期六晚，一行三人到石門煌苑酒樓吃晚飯。酒樓以十大優惠菜式作招徠，我們點了上湯生猛龍蝦伊麵、蒜子火腩大鱔煲和蒜蓉開邊蒸海蝦。龍蝦非常不新鮮，食落只有雪櫃味，完全沒有龍蝦應有的鮮味！海蝦同樣不新鮮，唯一可取是墊底的粉絲。火腩大鱔煲中的燒肉和大鱔也不新鮮，令人失望。吃完這餐後，我們已決定，以後吃晚飯，都不會再光顧這間酒樓！…Read More

這間酒樓本身做開婚宴生意，個場都幾大，但平時就做打邊爐晚市，所以空間感都大，打邊邊時唔會覺好焗悶湯底都係常見類別，揀左沙嗲&醉雞味，醉雞一開始同湯底分開擺放，又幾細心，而且我地聞落都覺有幾濃嘅醉酒香味，當然我地all in倒哂落去滾😂食物方面，估唔到又真係好似圖片咁有啲儀式感～成個空心圓盤上陣時，我同同事們都真係wow左聲😮吊龍、牛胸爽、匙柄都意外地味道不錯，放落湯底真滾8秒就食得👌🏼對我嚟講，有牛味、唔韌已達標☺️除左之前預約左嘅海鮮拼盆冇得續叫（PS 喜愛食鮑魚嘅我表示👌🏼），其他都可以再續碟；飲品櫃亦都比我想像中多款式👌🏼旁邊仲有小食區，可拎啲綠豆糖水、咖喱豬皮魚蛋、碗仔翅、爆谷，但⋯這些真不要太高期望，我試左一口⋯就專心打邊邊🙂‍↔️much better…Read More

真心伏，$268龍蝦伊麵竟然會是預製菜，龍蝦是熟的，但龍蝦心是冷的，找經理來問一下，這個龍蝦伊麵是預製菜嗎？他說不是，只是廚房的廚師下午5點多時製作，他可以幫我拿回廚房幫我再加熱一下，這樣不是預製菜:(:(:(？把客人當傻瓜，真的傻眼了！難怪現在的石門煌苑這麼少人來吃晚飯。不要經常說巿道不好，食物質素才是關鍵吧！侍應生把再次加熱後的龍蝦送來，這次的龍蝦是熱的，可惜我的心卻冷了，如有興趣吃種內冷外熱的預製龍蝦，就別忙記去石門皇苑品嚐了，可惜我沒有興趣吃預製龍蝦🦞🦞🦞…Read More

煌苑最近有任食打邊爐，而且仲係掛深水埗牛苑個朵，難得石門有得食，終於唔洗去深水埗咁遠…我一早訂左枱，一入場唔洗等就有枱（唔多人嘅，得八枱打邊爐），然後我地第一時間當然就係寫湯底同落牛肉啦，之後我地一家就墮入左無限輪迴嘅等待打邊爐最緊要係個爐，所以除咗個爐以外，我地乜都無不足一：無湯底齋坐咗半小時，係足足半小時！連！湯！底！都！無！不足二：無牛揾侍應幫手，佢話寫錯枱號，我都幾肯定佢講大話，因為我自己有寫枱號同人數嘅習慣，我都好肯定寫啱。但之後侍應好有心，親自入廚房拎個湯底同牛肉俾我地。不足三：無牛x2以我地一家食牛嘅速度，我一如既往在上湯底時寫多round牛，不過除左湯底同第一round牛，就再無上過任何嘢。漏單不時會有，我都預左，因此我決定再寫多一round牛，但結果都仲係無牛食，向侍應查問時佢：師傅無收到你張單喎我：我分開兩次落單，係咪兩次都收唔到佢：總之師傅無收到你張單，所以無出牛俾你What?!連續三張單（連湯底果round)都漏左，我開始懷疑呢個係騙局，入場後只有一round牛可以食，最後我再三請侍應務必將我第四次落嘅單交到師傅手上，結果都係由侍應直接入廚房攞牛俾我哋。不足四：無海鮮拼盤枱枱都有海鮮拼盤，當然我哋被遺棄嘅一枱又無！我哋同侍應反映，佢都好意外，但亦有打冷場話：等我入去砌靚啲比你哋，聽落係舒服嘅。不足五：埋完單當無俾錢我老公去收銀處埋單，我哋其實仲未食完，亦未夠鐘數走人/last order，但侍應就走黎催單！我哋黎食飯，並唔係聚餐黎吹水，而且仲有未足一歲嘅小朋友在場，食完就走，唔知係咪先前一直無食物磋陀左啲時間，俾侍應覺得我哋坐左好耐都唔走，所以我哋被遺棄嘅一枱就變成漆黑中嘅螢火蟲。侍應催單，我哋表示已經埋咗單，佢唔信，叫我哋俾錢，我真係嬲嬲地，叫返佢去收銀處度check下，佢真係去收銀處check 。我feel到佢真心覺得我哋一家食霸王飯，可惜最終佢要失望。因為我老公真係成功俾錢，有！單！有！據！成餐飯其實都有可取之處可取一：有個男部長EQ高，好欣賞佢話砌靚碟海鮮拼盤先拎比我哋，亦有一名女侍應同情我哋一家無牛/湯底，親自入廚房攞食物，真係加分可取二：牛肉質素好可取三：飲品選擇多，連紅白餐酒都任飲（不過本人覺得唔好飲🤪）…Read More

不經不覺，真的是不經不覺。父母又到了結婚週年的大日子了。上一次，是金婚，50年的紀念，在2014年，我帶領大家回到他們在60年代辦婚宴的地點重新擺多一次酒。到2024年，眾多親戚朋友年事已經很高，那就選一個方便西貢及九龍親友的地方。最後我們決定在沙田石門設宴，地點是京瑞廣場的《煌苑》。那天，我們擺了四圍，包了一個小房間。而整間酒樓，也只有我們這一邊最熱鬧。那天，已經是一個週六的晚上，在我們的包房外，只有零星的幾檯客人。婚禮的主禮堂也沒有開燈。可見得，香港既飲食業，真係難做。在普通的一間酒樓擺宴會，一般的酒席套餐就是最大路，最實惠，最啱所有人既口味的了。要好好睇睇的話，以鴻運乳豬全體做第一道菜的席宴就是最好的了。而是日的乳豬，夠香脆，肉夠厚也夠嫩。也許，那一晚只有我們四圍宴席，乳豬燒得特別好。第二道席珍，上湯焗海虎蝦伊麵。不用龍蝦，但用上滿頭都是蝦膏的虎蝦。賣相雖然一般，但味道上是勝過所謂的本地龍蝦的。至少，味道美得很的蝦膏旱已經漏出並與上湯混合，直接令到此東西鮮味十足。茹素的太太點了一個紅燒豆腐。豆腐外層帶脆，內心就非常嫩滑。而那紅燒汁更加可以說是這碟素菜的主角。有味，有香口，也有可口的味道。回到一般的席珍，有牛肝菌醬帶子螺片。因為用了牛肝菌醬，這看似清清淡淡的菜式，味道其實非常之香濃。而且，這一個牛肝菌的味道，比蝦醬更加之濃郁。之後來的，是人人見到都會開心笑的黃金炸釀蟹拑。這一份蟹拑，端上來時是100%熱辣辣的。吃入口，又香又脆又鮮味，再加上，彈牙感也是 100% 的。加少少大紅浙醋一起吃，更突顯鮮味同香口感覺。宴席的湯羹是紅燒竹笙海皇燕窩。說真，吃這些燕窩羹，在味道上同魚翅沒有分別。再加上整得好的燕窩羹，都是爽爽口的那個感覺。本身，個套餐是包翅的，但，現在大部份人對食魚翅有意見 (包括我)，所以，我改燕窩。席宴的魚是蔥花巧蒸沙巴龍躉。也就是一條勁多豉油的魚。食蒸魚，豉油夠甜夠香就固然地好食。而肉質爽口的海魚，更加是人人歡喜。蠔王五頭鮑魚伴翡翠，主角雖然是人人都有一隻的鮑魚。但沾了鮑汁及蠔油的西籣花才是大家的最愛。濃濃香香，吃入口時味覺亦感受到一份清新，很不錯。一見到雞，就是席宴的尾聲了。他們做的招牌醬燒脆皮雞，肉嫩而香滑，皮脆而充滿雞油，即場吃及拿回家焗熱再吃，都依然皮脆可口。可能是當晚只有我們四圍席宴吧。所以，所有食品的味道，質素，份量都越越我們的預期。也超越了我們對連鎖式酒樓，只有行貨式宴席的認知。…Read More

話說有一次去朋友婚宴，當晚佢哋個餐有好多嘢食，又讓蟹鉗，乳豬，瑤柱冬菇，鮑魚都好大隻，佢哋每一道餸都好大碟，一台12人都食唔晒，魚都好大條，又鮮味，整體真係唔錯，因為試過其他唔同嘅酒樓質素好差，睇過佢哋餐牌價錢，擺酒都唔算好貴一圍，中間價錢都係八千多啲，不過就算幾平都好，最緊要啲嘢好食，煌苑真係唔錯嘅選擇👍🏻…Read More

石門咁多酒樓選擇，平時去開彩福都覺得質素唔錯，又穩定又好味環境又OK今次想試吓新嘢挑戰吓見呢間咁靚，今日去試吓，喺OpenRice見到好多劣評 試吓係咪真係先？因為打電話黎問過又龍蝦，問侍應拎Menu但係佢哋烚吓烚吓話冇然後喺張紙度搵。。。仲要搞左勁耐，叫佢問經理㗎啦🤣🤣不過態度友善嘅佢哋.. ID點心先，鹹菜豬肚 好大碟，但係竟然係凍冰冰的…豬肚粉量好多，但係唔識形容，睇落其實好豐富，但係食落去就覺得唔知點評價，又唔想踩佢咁大碟 睇落又OK但係硬係就係唔新鮮同埋好似千面鹹菜咁….. 炸雲吞就好新鮮，因為即炸極脆 。紅豆沙懷疑佢落咗料，見隔籬枱冇咁水。 冇陳皮味非常非常水，湯圓就腍啤啤有啲仲唔熟 不懂形容又是然後食到鮮蝦腸就覺得好感動因為剛才講嗰兩樣都係凍冰冰的 然後要求已經降低 鮮蝦腸熱辣辣披晶瑩剔透 蝦都幾大隻幾新鮮特價12個八一個嘅平價版灌湯餃正常啦 金錢肚的怪怪的感覺 底下墊好細粒嘅方形豆卜鯪魚球好彈牙有陳皮味可以棉花雞雜都唔錯啲嘢食好似好平咁，但係其實唔係，認真一諗，原來佢嗰啲只係孖寶 海港仲加抵食。不過呢個特別在1:30就開始下午茶。搞咗一輪先落到單嘅龍蝦同埋鮑魚。 唔識形容，價錢非常貴食得出材料其實係優質的，但係就係佢嘅配搭同醬汁好古怪，難以形容 又唔可以話佢壞 或者唔新鮮，但係就只係合格雖然食到呢一排都好想食嘅龍蝦，但係就只有交咗功課俾自己嘅感覺整體而言環境可以吧 服務就爭啲因為佢佢哋雖然有禮貌但係好似全部都唔係好知做緊咩咁😂😂好似問親佢哋嘢都唔識答下次可能都係唔會嚟 去彩福好啲…Read More

午市四寶飯$53 就係因為我地冇落單喺午市張點心紙 就收我正價 佢地話價錢跟張點心紙 唔肯收番午市價 其實只係爭果幾蚊 唔係錢問題 係態度問題 你地咁嘅經營和服務態度 以後不會再幫襯 更何況食物又唔係出息 普普通通 不了之前有一次 叫個雪山叉燒飽 點心紙上面個圖都係雪山叉燒包 但嚟咗個普通焗叉燒包 個經理話係呢個㗎啦 佢完全唔覺得係有問題 …Read More

今日放假，約左朋友食lunch。朋友想飲茶，我地都有實驗精神，就揀間未試過嘅酒樓黎試下。因為係婚宴酒樓，所以地方很大，樓低都算高，不焗束。lunch有燒味餐及點心餐，但我哋就散叫咗點心，款式可以試多d嘛。蝦餃-幾好喎。蝦爽，皮唔算厚鼓汁鳳爪-一般啦～感覺唔夠淋薄罉-質地唔夠煙韌，味道還好叉燒包-餡偏甜粉果-味道ok,不過皮略厚尖椒釀鯪魚-唔錯喎，3隻都帶辣叉燒腸-好多芫荽呀😭我唔食的。灌湯餃-又貴又唔好食。大家可以慳返。早知叫多籠燒賣好過。離開後，覺得口渴。。。下次都係去樓下富臨。…Read More

好耐冇去石門飲茶食粥，呢間下午茶啲孖寶係抵食。雖然呢間唔係出名食粥，但係心癮到都嗌一碗試吓啦。係有啲失望嘅，不過其他嘢挽回返唔少分數。尤其是嗰個特價灌湯餃真係好足料， 十幾蚊一碗絕對係超值。虎皮尖椒都夠辣，但係啲魚肉就薄咗少少，口感爭啲。雖然下午茶都會嗌吓炒粉麵，乾炒牛河都幾夠鑊氣，牛肉都好多又唔韌又夠厚。另外個陳村粉同埋個叉燒腸都好滑，抵唔住頸都係清晒佢。最後食返黑椰汁紅豆糕，清一清個味蕾，又唔會太甜。另外，呢度啲乳鴿好食，但就比之前貴咗啲，所以就冇嗌啦。…Read More

部門老闆約19-2-2024（Mon）年初十，嚟上年喺喥食冬至飯嘅呢間食開年飯，我哋一行28人分兩圍枱，女同事F點晒兩張枱嘅餐，有:1. 套餐中嘅彩絲腐皮卷每件都剪開一半，但有啲未剪晒，呢個皮脆同鹹淡適中。4分2. 唔個咩鳳爪我冇食到。3. 套餐中嘅巧蒸菜肉包其實上到嚟時冇講咩包，我睇佢嘅顏色就知唔係叉燒包，應該係雞包仔，我夾嚟食啦，果然係雞包仔，薑味好重。但食到近尾聲，F至俾張點餐紙我哋睇，原來唔係雞包仔，係茶肉包，我覺得唔係，如果當佢係菜肉就0分。4. 叉燒腸我冇食到。5. 燒腩仔皮脆，唔算好膩，但我覺得鹹咗啲。4分6. 套餐中嘅蝦餃皇大大粒，成個只有大隻爽口蝦仁，口感正常。4分7. 炸兩油炸鬼開始有啲油饐，一般。2分8. 上湯浸時蔬係生菜，幾清甜。5分9. 蝦腸我未食，隔離枱同事叫我哋唔好食，凍嘅。女同事D食咗一件，我問佢係咪凍?佢答暖暖地。侍應問使唔使換返?我哋答要，咁佢哋就收走換。好耐之後就補返俾我哋，大家食落都係暖暖地，不過大粒蝦仁都係爽口。3分7. 套餐中嘅燒賣正常冇問題。3分8. 鯪魚球落齊胡椒粉同豉油，味道唔錯，口感又有啲彈牙。4分9. 燒腩卷兩籠我冇食到。10. 套餐中嘅芝士焗蝦球伊麵唔太鹹但水汪汪咁，伊麵稍腍，蝦球正常冇問題。3.5分11. 黑椒牛仔骨兩個好耐冇食過喇，食返啲先，黑椒味香而唔太辣，牛仔骨腍晒又易咬，好味。4分12. 套餐中嘅濃湯瑤柱泡時蔬時蔬係小棠菜，呢個OK正常冇問題。4分13. 套餐中嘅頭抽豉油雞開頭食覺得豉油甜，雞胸肉亦唔嚡，之後再食就覺得鹹。2.5分14. 套餐中嘅瑤柱蛋白炒飯正常發揮唔太油，飯粒都乾身，唔錯。5分15. 套餐中嘅香甜特色糕上到嚟係杞子桂花糕，杞子大粒，成個唔太甜，口感正常，但冇乜桂花味。1分服務:今次好啲，可能新年多人出街食開年飯，增加人手啩。環境:俾嘅兩張枱位置唔算太差。上次食評係2023年12月28日刊登o既呢篇: https://www.openrice.com/zh/hongkong/review/%E5%81%9A%E5%86%AC-e5210281…Read More

今次的百日晚宴，合共有5圍，食品方面整體其實不錯，唯獨炆伊麵過咸，有啲可惜。場地環境都算滿意，雖然空間並唔算太大，但勝在擺到5圍後仲放到6枱麻雀。服務整體不過不失，負責的幾位職員都算有禮。不過，我地本身係每圍額外加多1人份量，但到第三度菜發覺並無加到份量，即時向職員反映後，廚房亦即刻改番。另一方面，我地有啲特別要求 (例如要一張放蛋糕枱 / 想安排開席前切蛋糕)，回應或行動就較為慢。整體如果以晚宴的評分，我認為係合格。…Read More

部門老闆約20-12-2023（Wed）食晏做冬，佢揀咗呢間，我哋分幾圍坐自己嗌嘢食，就叫咗:1. 好似係$178.00嘅燒鵝套餐半隻燒鵝我唔客氣地先夾個髀食，皮肥肉嫩又夠味，唔錯。湯米粉，我冇食到，同事嘅評價係麻麻。筍，我食一小粒，係有少少辣嘅。2. 瑤柱蛋白炒飯鹹淡適中OK嘅。3. 肉絲雙麵黃呢喥做得比彩福好少少，夠汁同夠味。4. 櫻花蝦脆海鮮腸好普通。5. 蒜蓉浸菜心正常冇問題 6. 手工釀雞翼一客三隻，細細隻，一食就食到芝士味，原來係釀芝士喺入面。7. 淮山棉花雞呢個唔錯，幾好食。8. XO醬炒腸粉唔辣，但腸粉太腍。9. 春卷一食係脆口，亦食到滿口蒜味。10. 乳鴿皮唔脆又鹹，麻麻。11. 燒賣一食就食到大舊肥豬肉，好差。12. 牛肉球比正常差少少，好似唔夠味。13. 冰心香芒糯米糍一客三件唔大件，佢係冰心，糯米糍口感OK ，不過冇芒果味。14. 椰汁糕一客四件，其實係桂花椰汁糕，正常冇問題。我冇食到:蘿蔔千絲酥，同事讚好味。香煎腐皮卷,叉燒包，蝦腸。鵪鶉蛋燒賣，同事話鵪鶉蛋太熟，熟到韌咗，同埋係肥豬肉。欖角炒四季豆芒果布甸，同事話好嚡。薑汁糕，好熱，同事話好食。服務:冇人執嘢同斟水。我哋只剔一碟淮山棉花雞，但嚟三碟，同上菜嘅講我哋只要一碟，佢都係咁坳話三碟，我俾埋張單佢睇，都係咁坳，離譜。我哋係剔叉燒腸冇剔蝦腸，但俾咗蝦腸。加單要燒腩仔，迫客人剔紙仔，但都係冇入到單。1.5分上次食評係2019年9月27日刊登嘅呢篇: https://www.openrice.com/zh/hongkong/review/%E5%94%94%E5%A4%A0%E9%91%8A%E6%B0%A3-e3552515…Read More

之前食過婚宴，第一次去食晚餐。原來每晚有唔同主題，各有一款特價菜式，差唔多半價。今日係特選日子，可以一次試足幾款。- 白灼海生蝦 (半斤)數量唔多，不過肉質結實，都算新鮮。- 京式片皮鴨 (半隻)片皮鴨都唔少，有十幾塊，夾埋配料，醬汁，都好好食。唯一不足係塊薄餅只好暖暖地，唔夠熱。- 金菇蒜茸雲耳蒸龍躉件蒸龍躉件係平時食開既，味道足，配金菇雲耳，好夾。- 豉汁蒸白鱔件依個比較失望，白鱔件比較細。- 濃湯海味什菜煲依個係正價，好大煲，海味份量足，有鮮味。…Read More