焱鍋堂 (已易手)

放逐美國一個月，剛落機當然立即飛去同公主嘆雞煲啦！室內竟然滿座？我唔想坐露天喎。好采四眼叔叔食客調張卡位比我地，唔洗坐門口坑渠邊，錫晒您！藍妹 Promotor 姐姐只賣藍妹及蝦已奔，但我唔想飲藍妹，勁苦囉。唯有要蝦已奔，已經賣晒？咁我真係幫您唔到喇，比支 Asahi 我啦。荃灣果然係公主既地盤，識得隔隣汀汀活魚，連焱鍋堂都係識既，失敬失敬。公主嚷著極度肚餓，快快點幾個前菜頂住先。等了很久的拍青瓜，姍姍來遲，催完再催終於送到。重慶拍青瓜，又關重慶咩事呢？明顯剛剛即做，青瓜帶澀味，無用鹽醃無味道，酸味完全在外完全唔入未，不酸不辣又乾爭爭，瓜皮又厚又韌，新鮮度極差劣，品質低於水平。涼拌雲耳，根本跟拍青瓜用同一款汁料，何解唔叫重慶拌雲耳呢？雲耳爽爽，味道都係差劣，起碼夠酸食到陳醋味，沒有菌類霉味，明顯又係剛剛撈架啦。鹽酥炸魚皮，估唔到即炸新鮮出爐熱騰騰，不過極咸喎 ﹗奇怪地公主話接受得到？那我都係浸湯食，可以減輕一下咸度，濕濕微脆微腍，吸盡辣湯汁更好味啦。雷式混醬，以前淨金銀蒜指天椒夠晒，近年加蔥，辛辣中散發青香。肉蟹雞煲，創意新煲梗係要試，索價 $300 蚊都合理既。菜牌寫住係煲，最後出現我面前係鑊唔係煲喎。最初其實想要老鴨鍋只需要 $100 蚊，5 分鐘後才發現有蟹雞鍋供應，吸引好多啦﹗竟然比我轉，心諗應該係價錢貴成 $200 蚊，所以老闆即刻答應轉鍋無問題啊。厚厚雞髀肉唔夠熟，還是非常生坳坳，其他部位較薄較細已經熟透，雞胸直頭過熟有點乾鞋添喇。廚師叔叔親自現身走過，話落點湯滾滾去快熟一點，無所謂您喜歡啦。公主不停話唔夠辣，甜味太強勁，最衰無得揀辣度呢。嬸嬸在廚房送上辣汁，耐心地兜炒加辣，落左半碗辣汁終於煉成中辣，香辣惹味多了，辛苦晒。公主慢慢息怒，終於露出有一絲微笑喇。炒過既雞件散發焦香，薄薄不肥雞皮滑嘟嘟，雞髀肉嫩嫩多汁，雞皮還有豉油芳香味道添。雞胸就唔多掂，乾乾鞋靯似柴皮。膏蟹爆晒膏，甘香硬膏填滿蟹蓋，挖得乾乾淨淨，好好食。煮既火喉太慢使到有點霉肉，幸好蟹肉非常新鮮，蟹甜味出眾。香料調配得宜，芫茜、辣椒乾、洋蔥、蔥頭、等等，不是什麼獨門秘方。辣而帶甜，香料味道不突出，整體合格。蟹雞都清得九九十十嚕，係時候加湯打邊爐，正呀。一品雞煲半隻少麻少辣，焱鍋提供三款辣雞，焱貴香、一品、水煮，公主不吃水煮菜色，先試一品雞。味道比重慶清新甜美，還有滑豆腐索汁，好野黎喎。雞肉嫩滑甜美無過火，醃味可口，比雞蟹鍋好得多。Gas 爐不停自動熄火，換左兩次氣都無補於事，原來漏氣喎，仲識噴火添，氣油彈咁樣，嚇死人咩 ﹗老闆即時連爐帶 gas 掉街，換過另一部，可以安心地食喇，舒服晒。牛白肉，又叫牛胸尖或牛心鼎，都係同一樣野。封門柳賣晒，又想食得特別一點，老闆推介牛白肉，雖然食過好多次，都好啦。灼一灼，縮一縮食得，爽爽勁有嚼勁的牛脂，油香處處，甜美濃厚，每一趙都滲出牛脂清甜味道，食到舔舔嘴。手切極級牛小排，想試多款牛，就您啦 ﹗一般平凡單調，牛味濃濃甜甜，屬彈彈結實類，質素蠻不錯，最好食始終只有牛頸脊。手切牛頸脊，顏色嬌嫩，微甜微棉微牛肉味有趙頭，灼到全熟都無話乾鞋，原汁原味食得過。當然始終自己去街市買就最好食最高質，太和街市及上水街市同樣有高質牛頸脊供應。無封門柳、無金錢腱，賣剩牛頸脊、牛白肉、牛小排乍陰功，好采高質無投訴，好好食。肥美白鱔片，還有一絲腥味，肥一點，脂肪多一點，會更甜一點。肉質爽嫩，泛著天然鱔香鱔甜味道，中檔貨不失禮。雪場蟹柳，什麼雪場？滑雪場？鱈場蟹柳？有鱈場蟹成份嗎？最討厭一烚散開既仿蟹柳。依款蟹棒一烚就散，都還未吸夠湯就死左喇，最好食都係北海道蟹柳及帝皇蟹柳。日本廣島蠔，腥味極致，嚇死朕咩 ﹗試一隻全部放棄，保存得不好或解凍又再雪的話，就會腥味非凡出眾。脆鯇腩，薄切真有趣，厚切會更甜更嫩更多汁。新鮮水潤閃令令。不要烚過火變得乾鞋硬，睇準時機，起菜 ﹗真心爽脆肥美，魚脂甜到極點，魚皮脆、魚肉脆，不腥不嗅，讚口不絕。鮮蝦滑，硬硬掘掘咁得意？醃味重手，濃濃咸香，鮮蝦味弱，試一次便夠。火雞子，無新鮮本地雞子都退而求其次頂住先。烚到微縮即起，先慢慢咬開脆脆試一試水溫，免得燙親嘴仔甩皮起水泡呢。爆開噴汁，膶味甘香，雖然有一絲腥味，蛋味薄弱到幾乎食不到，沾上辣汁都還是可口。鮮雞腸？烚過加工架喎，無味又乾爭爭，討厭。雜菌併盤，公主無菇不歡，非菇不愛。蟲草花、鮮冬菇、雞髀菇、本菇，不過最想食係金菇。菇味清甜，不霉不澀，吸收湯汁後脹卜卜滑嘟嘟，蠻不錯喎。辣湯火雞子烏冬，烏冬，只得半個好孤寒喎。手打烏冬幼細嚥韌彈滑，不過不失。淋上雷式混醬，蒜蓉指天椒豉油更香口刺激，烏冬已吸收辣湯及所有食材的精華，再跟火雞子齊齊食，滋味不絕，太幸福喇。…查看更多

等左咁耐，終於開始凍返啲，似返啲冬天，最近麻煩屋企人幫手攪屋企裝修，係時候要請返佢地食一餐慰勞下，佢地好中意食海鮮，一於食下熱辣辣既蒸氣海鮮鍋！_________________________海鮮鍋係要預先打去訂既，店家會因應人數而調整海鮮數量同層數，我地一行四人，店家建議食七層鍋，六層海鮮一層粥底。.而且店家會睇邊款海鮮新鮮或時令而更改菜式，所以晚晚都有可能唔一樣。.未講食咩之前，想投訴下先，明明都已經一早打左去留海鮮鍋，亦準時入座，但最後都等左成八個字先有得食！我自己等唔緊要，要長輩陪等咁耐挨肚餓，真係有啲唔好意思，仲要有一枱人遲過我地好多入，個海鮮鍋都同我地一齊上。😡😡😡.好，講左咁耐，睇下我果晚有咩食先！-------------------------🔹粥底海鮮海鮮塔 $330 / 位1⃣貴妃蚌 (每人兩隻)好大隻, 佢加左粉絲同XO醬黎調味.幾爽口, 略嫌唔夠鮮甜同唔係好新鮮, 不過配XO醬剛好.2⃣大扇貝 (每人一隻)呢隻再大隻少少, 粒帶子幾彈牙, 可惜又係粉絲+XO醬, 連續二層一樣調味, 少左啲驚喜.3⃣大花甲 (每人六隻)佢d海鮮都幾大隻, 連花甲都咁大, 真係幾有驚喜今次乜調味都無加, 真係食到鮮甜味, 就咁食或者點少少豉油都不錯.4⃣大蝦 (每人五隻)清蒸大蝦唔夠新鮮，味道就相對比較普通，勝在數量夠多同夠大隻，擺盤夠靚.5⃣蒜蓉龍蝦 (每人兩份半隻, 其實即係一隻😂😂😂)呢層非常驚喜, 龍蝦肉鮮甜彈牙唔在講, 再配上蒜蓉好非常香口.最利害係隻龍蝦超多肉, 連個頭位都勁多肉之餘, 每一隻腳嘅每一節都非常有肉, 絕唔會浪費, 殼又易拆, 呢隻我畀5分(幾時多左個評分系統...).6⃣果皮蒸鮑魚 (每人一隻)鮑魚係九孔鮑魚，一人有一隻，上面加左果皮去蒸，鮑魚都幾大隻同幾鮮味彈牙，雖然放最底果層一直蒸住，但亦唔會過老.7⃣雞粥底 (雞湯底免費, 粥要加$30)最後個粥底真係今晚既亮點，係上面咁多層海鮮蒸左一晚既海鮮精華滴滴滴晒去最底層既雞湯再加米飯煮成！可選擇加唔加芫茜，葱同菜。.湯底入面有不少雞件，吸收左海鮮日月精華嘅雞湯, 味道好鮮好甜雞+海鮮湯我真係第一次食, 估唔到咁夾!!!粥絕對推介要加, 比就咁飲湯更能享受個味道!!…查看更多

原本去Outback飲酒食晚飯, 五點鐘去到, 女接待要我哋六點半要交枱， 唯有離開行去三坡坊焱鍋堂， 去到門口問老闆冇訂枱有冇得食九層塔， 老闆話即刻安排。原來四位分量是六層塔，每位$330有6款海鮮， 最後是雞湯底泡飯。評語是“鮮”， 樣樣都新鮮，滿足的一餐，多謝亞囡。…查看更多

同朋友飯聚，因為中秋節將近定過好多間食肆都無位。好失望之際朋友建議想食海鮮， 兩年前曾經幫襯過焱鍋堂。當時要兩個星期前訂位。抱着失敗嘅心態係飯聚之前一日先打去訂位。又估唔到比我訂到十位。七點半嚟到即刻有位，人齊開餐，因為之前唔知有咩海鮮所以好期待。餐廳的工作人員非常友善主動幫我地影相。感覺像同家人在大排檔食飯咁開心。每一樣海鮮都好好食。下次一定會再嚟。…查看更多

一家五口去荃灣食海鮮，大熱天時 beerbeer佢la，食熱辣辣蒸氣鍋，配啤酒一流ah，不過我唔飲得飲一杯就紅曬ga 啦，龍蝦一人半隻 肉質彈牙，味道鮮甜，聽家姐話餐廳材料每日新鮮買，一試果然無令我失望a h，其他海鮮都一樣好味，配料都一樣唔錯！下次會再黎…查看更多

有食呢間打邊爐作為荃灣人喜歡打邊爐是常識吧今日我哋叫咗一個湯底係非常之好味嘅原條魚，加米粉，再加蛋絲湯底。淨係聽到個材料都覺得好健康，而且淨係食個湯底都覺得夠飽個湯又青又好味食得出有少少味精不過唔嚴重而且個魚啖啖肉以前我老婆都唔鍾意食響鈴但係唔知幾時開始就好鍾意尤其是自家製嗰啲呢隻牛非常靚每次都係點呢個首次小肉扒188元，兩個、至三個人食都夠食呢個語系非常好食我每次都會點呢個魚#其實荃灣好多打邊爐嘅地方但一般都係任叫任食本人就唔鍾意呢種放題式嘅飲食地方好野又點會俾你任叫任食呢反而呢間打邊爐嘅地方每次來都有一定嘅水準我想打邊爐定係食海鮮塔都令人回味無窮…查看更多

我老婆成日都鍾意打邊爐佢話覺得烚吓烚吓健康啲喎咁當然我都係24考老公所以佢話點就點啦每次去到呢間打邊爐職員都可以晴咁樣幫我揀嘢食今日我話想食魚同埋海鮮佢哋就即興幫我揀咗個海鮮湯底仲有一整條魚喺裏面大滿足呢度嘅肥牛不容忽視用料上乘而且價錢唔貴份量好多一件夠兩三個人食因為荃灣可能呢度跟住搞到街市所以每次食佢嘅魚片都非常新鮮× 100分呢度嘅響鈴唔知係自己炸定係點味道非常好大小不一不過冇油益味次次去到我都會點…查看更多

是晚六點幾黎到友人介紹 讚好既焱鍋堂店員推介九重塔我地二人驚份量太多無叫到反而叫左個 海鮮豬骨鍋一上台 好大個鍋啊滿滿既海鮮係上面其實主要係蝦 一隻蟹 同一堆大硯好豐富既畫面味道方面由於係有豬骨同雞腳一起熬煮 湯底好濃重胡椒味 好似飲緊胡椒豬肚湯 幾好味 即時有驅風既心理作用鍋內亦有唔少配料 配料方面 有豬肚 紅白羅白 栗米 菜等等食海鮮同配料 再飲埋湯好味 湯底越滾越濃 好飲店員好友善 不時問洗唔洗加湯執碟換碟亦頻密抵讚係豬骨唔係太食到 如果豬骨好味d就好啦下次人多d可以黎試下其他呢個鍋價錢係$599 p.s.隱藏菜單黎 要問店員…查看更多

來過幾次都係食海鮮塔呢幾日天氣涼涼想打邊爐當然要試吓今次要左台式倉魚湯底原本想食蕃茄大眼雞湯底，不過佢冇所以佢介紹左台式倉魚 點完賽之後等咗足足28分鐘先至嚟到個湯底原本都等到燥燥地但如果出聲又驚佢加料支那飲食業廚房部係最黑暗所以我都默默等待湯底嚟到皇天不負有心人老闆真係好好嘅介紹 條魚上面抱住一層蛋花下邊一條好大條嘅倉魚倉魚如圖我仲特登擺咗個匙羹係側邊俾大家睇到個大小側邊hold住啲米粉加埋個魚湯超級好味另外叫咗個牛腱肉翠玉玩同埋膳片黑色墨魚仲有午餐肉老實講，最好都係個湯底兩個人埋單＄620抵食好味物有所值…查看更多

每位HK$330另加一, 即每人HK$363. 食乜海鮮你唔知, 亦都無得選, 因係計人頭收費當晚共3人去食層層疊海鮮, 上檯共六層, 第1層2/3手掌size象拔蚌6隻, 每人2隻 第2層手掌size帶子3隻,  每人1隻 第3層2/3手掌size海蝦9隻,每人3隻第4層1/3手掌size鮑魚3隻, 每人1隻第5層下價蜆第6層1/2手掌size無肉又無膏奄仔蟹3隻, 每人1隻最後係粥全部食物無鮮味,  埋單多謝HK$1089哩間係我一生人出街食飯最搵笨食店, 之前有人post 有龍蝦、大花蟹及大聖子完全無影囉!…查看更多

原本打算隔離店。但睇多兩間依間就有想食嘅胡椒豬肚雞煲。。。點知。煲嘅賣相已唔討好。雞件過碎。滾熱試湯味。無胡椒味。唔辣。唔野味。加湯後。愈滾愈咸。已經好味精重感覺再叫咗相中幾個點。已預唔吸引豬膶。名為爽脆但唔覺新鮮雲吞。全肉無蝦九菜餃。炸魚皮。過硬唔脆冬瓜片。正常(唔應該有評語) 鮮魷片。味普通服務唯一可取。:)無下次…查看更多

四百幾蚊一位，兩位起每日都從街市直接買入新鮮海鮮海鮮種類冇得揀日日都有機會唔同有時有龍蝦無蟹、 有時有蟹冇龍蝦、有時兩樣都有⋯⋯但佢擺得出嚟全部都好新鮮佢另外係大角咀都有分店都試過不過都係荃灣嗰間好食好多＄400晚飯全海鮮，抵食…查看更多

又出動荃灣食飯，聽講呢間野都係呢頭幾出名，上網見圖都幾吸引。就book左位黎食。坐低侍應姐姐就話like佢地FB先有氣水送😐。之後等左十幾廿分鐘就開始上菜了。一行八人，就砌左九層出黎，包括有係鮮蝦：鮑魚龍蝦x2層蜆扇貝x2層聖子同最尾一層係雞粥全部分量都跟人頭數，蜆、蝦、聖子大概每人二，三隻咁啦，其他就無多了。整體黎講係新鮮嘅，臨尾個粥亦好甜，吸收晒啲海鮮精華👍但略嫌有啲單調，蒸嘅方法好大路。埋單三千幾蚊連酒錢，而呢個價錢絕對係可以下調的，話晒隔離係街市，而且海鮮分量同種類又唔係話多。仲要野飲都唔送。綜合黎講性價比一般。…查看更多

上次有人請食飯，因為大家都未試過食蒸氣鍋，一於去試下。地點有點難搵，好彩有的士代步。店鋪面積不大，但尚算坐得舒適。環境也算清潔。因只有4個人，所以無9層但都有7層。但之後我地食完覺得唔夠喉加多兩層，所以最後都係食左9層味道ok,始終重點係海鮮新唔新鮮。個粥底ok，但鹹左dd。…查看更多

用三百幾蚊食所謂海鮮塔完全唔抵。話就話有六層海鮮，但所提供的海鮮都是平價的青口，大花甲，每人有六隻海蝦，一隻扇貝，一隻鮑魚，最貴都係嗰半隻龍蝦，海鮮就係得咁多，完全唔飽。唯有寄望個海鮮粥底，嘩!完全無味，要問佢攞鹽，胡椒粉。真係失望之極。仲向朋友大力推薦去幫襯，真係中伏，3個人過千蚊埋單。😢😧😤…查看更多