焱丸水產

营业中

休息中

焱丸水產👻同朋友喺尖沙咀搵嘢食想食日本嘢都有好多選擇今日就揀咗食磯燒海鮮店員好有心機幫我哋燒店入邊個環境好有日式居酒屋嘅feel好似去咗日本咁😛.🔅自慢焱丸號 HKD 258呢個係焱丸嘅招牌菜啲魚生好似瀑布咁樣湧出嚟海膽同吞拿魚蓉最高質海膽都係入口即溶夠晒鮮味成個配搭真係睇得又好味😆🔅燒活鰻HKD 178🔅鮑魚殼燒HKD 136🔅蟹味噌甲羅燒HKD 78店員超級有心機幫我哋燒個鰻魚我哋揀咗鹽燒 另外仲有一款係汁燒啲鰻魚燒到金黃色又肥美好正鮑魚大大隻仲要燒之前keep住係咁郁一睇就知非常生猛😚🔅海膽帆立貝燒HKD 85🔅松葉蟹膏帆立貝燒HKD 80海膽同啲蟹膏燒溶咗落隻帆立貝度火候都控制得幾好可以話係鮮上加鮮🔅三文魚牛油果酢漬HKD 80呢個係一個沙律嘅頭盤沙律配埋三文魚牛油果幾fresh唔錯😌🔅紫菜魷魚鬚天婦羅HKD 78好邪惡但係好正嘅魷魚鬚加咗啲紫菜落去一齊炸熱辣辣咁脆卜卜好好味🔅洋梨燒酌 HKD 58🔅荔枝玉露茶 HKD 58食日本嘢一定要飲番杯燒酒嘅濃度唔會好高甜甜地易入口荔枝玉露都一樣可以加酒🤭.整體黎講:高質水產 飲下嘆下😚.🎈 焱丸水產 (尖沙咀)尖沙咀棉登徑23號華楓大

今日約咗幾個朋友喺尖沙咀食lunch，第一次嚟，感覺很不錯，座位寬敞舒適，佈置亦令人感覺置身日本居酒屋般。餐廳Menu嘅lunch set性價比好高，我哋叫咗焱丸特選寿司盛合和豊洲寿司刺身盛，另外又散叫咗燒鰻魚、三隻燒帆立貝和紫菜魷魚天婦羅等。基本上坐定定，唔使動手，就會有人幫你燒，仲要燒得好香口，我哋食嘅燒鰻魚好厚好肥美，店員邊燒邊加醬汁，燒到外面焦香，十分美味。另外，蟹味噌甲羅燒、燒海膽帆立貝和燒松葉蟹膏帆立貝都好出色。特別喜歡蟹味噌夾羅燒，係鵪鶉蛋、蟹膏同埋蟹籽溝埋，再配上青瓜絲一齊食，令人回味無窮。不得不讚佢嘅lunch set性價比真係好高，有湯、前菜、蒸蛋和沙律，再加上壽司刺身都係百幾蚊，欣賞佢嘅蒸蛋真係好滑，而且壽司啲魚生係食得出嘅新鮮。飲品方面，我叫咗菠蘿梳打，而朋友就叫咗梅子梳打。菠蘿梳打有原條菠蘿，有得食又有得飲，大推👍

最近我去咗一間尖沙咀好出名嘅日式餐廳，想記錄喺度分享吓。首先，我哋點咗鮭魚冷麵，估唔到原來冷麵就係切成條狀嘅三文魚，一望佢已經超級吸引，令人印象深刻，旁邊仲有啲Wasabi同埋醬油可以調味，另外仲有日本生雞蛋。🍜自慢焱丸號係一款非常特別嘅料理，一上枱嘅賣相已經好吸睛，就好似一團火咁，分別有三文魚、帶子、海膽、吞拿魚蓉、蟹柳，最頂仲有啲三文魚子，實在太豐富，吞拿魚蓉非常美味，帶子鮮甜，海膽新鮮。🔥芝士蟹肉甲羅燒亦都係必試之選。佢哋用咗新鮮嘅蟹肉同芝士一齊燒，職員會喺你面前即場製作，芝士嘅香味滲透咗蟹肉，每一口都係濃郁嘅芝士香同鮮甜嘅蟹肉味。🦀鮑魚殼燒嘅鮮味真係無得頂 佢哋用咗活鮑魚即燒，一開始嘅時候仲可以見到隻鮑魚郁郁下，鮑魚肉質彈牙，每一口都係濃郁嘅海洋味道。燒製嘅過程中，鮑魚嘅鮮味被完全鎖住，非常美味。🐚紫菜魷魚鬚天婦羅嘅酥脆口感非常吸引。魷魚鬚非常鮮嫩，再配埋紫菜，製作成香脆嘅天婦羅，每一口都係層次分明嘅味道享受。🦑吉列帆立貝嘅外層炸得金黃香脆，內裏嘅帆立貝非常嫩滑多汁。每一口都係香脆同鮮甜嘅完美結合。🍤大蝦鬼殼磯燒係一道非常豪華嘅料理。大蝦非常大隻，肉質鮮嫩，再用鬼殼磯燒嘅方式燒

周末對自己好啲，要食返餐好嘅，於是去左尖沙咀呢間焱丸水產，真係一個好好嘅決定本身唔飲酒，點左冰菠蘿梳打&白桃梳打，用啤酒杯，大大支冰菠蘿，夠哂凍，夏天飲一流本鮪（吞拿魚）盛合 有齊厚切薄切刺身、火炙壽司、海膽鮪肉壽司等，勁豐富。本鮪肉質鮮嫩，口感極佳，用嘅係高品質的食材，本鮪肉呈現出深紅色，色澤誘人左口魚刺身左口魚係新鮮切片，切片細膩均勻，好考刀工，味道清甜冇腥味蟹味噌甲羅燒充滿左蟹肉蟹膏蟹籽，可以話成隻蟹嘅精華係哂入面，烤製時香氣撲鼻，未食先興奮，烤好後夾埋青瓜一齊食，蟹味濃之餘，口感豐富，係必點嘅前菜松葉蟹膏帆立殼燒、三文魚籽帆立殼燒賣相精緻，用料足，估唔到帆立貝都可以有唔同口味。松葉蟹膏帆立殼燒除左蟹味，仲加入左青辣椒，引出左帆立貝嘅鮮味。三文魚籽帆立殼燒仲加入左金菇，令口感更豐富另外鮑魚殼燒大粒之餘，職員燒得勁靚，溫泉蛋天婦羅之前未食過，有驚喜

係香港第一間海鮮磯燒專門店，所有嘢都係即燒即食勁新鮮，你就知呢間嘢有幾把炮🤪蟹味噌甲羅燒🦀 $78一開始以為就咁食，好彩比職員阻止咗😂😂😂呢個都要燒咗先食得的，將所有嘢撈勻再放上去燒，每一啖都食到蟹膏蟹肉蟹籽，真係好幸福❤️鮑魚殼燒 $68好生猛，仲郁緊㗎🤓大隻飽滿又juicy醬油木魚帆立殼燒 $75入面落咗蕃茄，加埋燒熟之後扇貝流出嚟嘅汁會變咗做蕃茄湯汁🍅食之前飲一啖，個味鮮到呢🥰海膽帆立貝燒 $85呢個都好正！燒完變海膽湯🤣海膽新鮮冇腥味，可以同同扇貝一啖吞💯自慢焱丸號🚢 $258啲魚生超級澎湃！有蟹柳、蟹籽、三文魚子、海膽、吞拿魚蓉、帶子同三文魚😍種類非常豐富，全部嘢都好新鮮，食過返尋味😭鮭魚冷麵 $128將三文魚切做一條條，好似冷麵咁樣食，好清爽！紫菜魷魚鬚天婦羅🦑 $78炸衣夠薄，魷魚有嚼勁，可以一試🤓

《焱丸水產》一間極有日本居酒屋🏮風味嘅食店，磯燒海鮮其實都極巨風味先order兩杯清新口味嘅梳打飲品🍹🍹🍹白桃梳打，桃味好突出；🍹冰菠蘿梳打，呢個有沙冰感覺，更加消暑，而且仲有一支新鮮菠蘿，滿足口感。🥢紫菜魷魚🦑鬚天婦魷魚鬚占上薄薄一層天婦羅炸漿，不油不膩，口感酥脆，魷魚鬚口感軟嫩，越𡁻越香，紫菜增加味道上層次，非常可口嘅前菜。🥢三文魚牛油果🥑油酢漬沿住碟邊dum dum圈圍住新鮮沙律菜，迷你蕃茄，低部仲有海台，醋漬味道調配得剛剛好，不甜不酸，味道非常清新，中間三文魚蓉加上牛油果，兩者味道好夾，而且口感軟滑。🍣鐵火卷特意order呢個卷物，用以配搭蟹肉甲羅燒嘅😆。🥢芝士蟹肉甲羅燒將蟹肉、蟹膏、蟹子、鵪鶉蛋，芝士、蔥花混和，燒至差不多8-10分鐘，蟹殼開始有陣陣蕉香味道即成。夾埋青瓜🥒絲一併入口，又鮮味又爽脆；我就鍾意配卷物一齊食🤗。🥢焱丸活貝🦪🐚大盛最吸引眼球一定係活鮑魚，半隻手掌咁大隻，上枱仲不停蠕動，非常新鮮，鮑魚燒過後，味道鮮甜，口感軟糯；扇貝都好出色鮮甜；生蠔🦪蠔味出眾。呢度磯燒部分全部由店員代勞，佢地最熟悉每款海鮮嘅烹調時間，令每款海鮮發揮最好入口時機🤣，我地就乖乖地坐係度等

💴舖頭都充滿日本風味 周圍都掛滿旗同日本嘅圖畫🎌🌊焱丸活貝大盛好豐富 有大大隻跳舞嘅鮑魚、大大隻新鮮嘅生蠔、扇貝、同埋峴😗職員會幫你燒埋 要拿捏到海鮮最佳嘅食用時機😎一路睇住啲鮑魚郁吓郁吓好有動感食落口好彈牙 而且好靚🐬其他海鮮都好新鮮 🐳🦀芝士蟹肉甲羅燒 日本芝士蟹肉甲羅燒省掉拆蟹功夫，啖啖蟹肉連住芝士，實在太吸引啦一直喺熱爐上面滾下滾下 食落口好入味🦀🍣本鮪（吞拿魚）盛合 超豐富一共有六款唔同部位同食法既吞拿魚，兩款壽司、兩款刺身🍱另外仲有一吞拿魚粒伴芝麻 & 雞蛋黃調味醬油，等你同吞拿魚蓉海膽三文魚籽飯撈埋一齊嚟食😗🥗麻醬蕃茄豆腐沙律好新鮮 豆腐好滑溫泉蛋天婦羅🍤炸得好靚而且有驚喜，温泉蛋外皮炸得香脆，入面保持流心，又creamy洋梨梳打，本身係有燒酎嘅選擇，但我哋就走咗酒，都依然有風味嘢飲充滿水果味既，口感清爽，果味質地有磨碎既梨子口感梅乾梳打，口感醇厚濃鬱，好突出，亦有甜味，易於飲用～

超懷念日本嘅磯燒水產，上網搵到呢一間舖頭，裝修擺設同日本風格相似，就一於過嚟試吓，未去住日本旅行之前，都可以懷念日本風味呢度食物款式十分之多，主打刺身，壽司，海鮮，前菜，清酒等✨自慢焱丸號$258黎到非常之震撼，刺身堆積到好似個高山咁，刺身分別有海膽，三文魚，帶子，吞拿魚蓉，三文魚籽等等，中間仲有青瓜手卷，海膽嘅份量非常之澎湃，海膽濃稠感十足，味道甘甜，芳香四溢，吞拿魚蓉質感質幼滑，三文魚籽，入口晶瑩爽彈✨燒活鰻$178分別有兩種食法係醬油燒同埋鹽燒，我哋今日揀咗鹽燒可以食到鰻魚嘅原汁原味，鰻魚大大塊好厚肉，食得出鰻魚本身嘅鮮味，鰻魚肉質亦都比較重油脂感，細魚骨好少，店員裝鰻魚嘅邊位燒到焦脆✨蟹味噌甲羅燒$78餐廳職員會幫手燒，蟹膏，蟹子，鵪鶉蛋，蟹肉配搭加埋一齊食creamy，蟹膏味好濃好新鮮✨鮑魚殼燒 2隻$136黎到隻鮑魚仲係生猛，係南非鮑魚，見住餐廳職員即場喺魚缸捉上黎，口感非常爽口鮮味保證新鮮，口感非常爽口鮮味✨蟹雜炊$168蟹肉用咗長腳蟹，蟹肉同埋啲白飯，蟹籽，日本蛋一齊整成個蟹粥，蟹🦀️粥有蟹嘅鮮甜味，仲有滿滿嘅蟹籽香味，食完可以話一試難忘✨溫泉蛋天婦羅$70分別有兩隻溫泉

焱丸水產主打浜燒海鮮，和風裝潢，局酒屋嘅風格，有日藉大廚坐鎮。店鋪海鮮由日本空運到港，放係店中魚缸養著，食材新鮮即撈即燒。🔶鮭魚冷麵呢個上菜嗰陣真係有啲驚喜，將三文魚切成條狀，放係筷子上，做成同麵條一樣，勁有創意！配搭醬汁加蛋漿同Wasabi, 真係好似食緊冷麵咁，同平時食三文魚嘅感覺唔同。🔶自慢焱丸號呢個入邊有好多款刺身，有海膽、帆立貝、三文魚、吞拿魚蓉、蟹柳絲同埋三文魚子，勁豐富，全部都好新鮮！🔶蟹味噌甲羅燒以蟹殼作為器皿，裡面放滿了鮮美嘅松葉蟹肉，蟹膏，三文魚子，燒時先把鵪鶉蛋倒入拌勻。絲絲蟹肉肉質細嫩，蟹膏濃郁油滑，在口中絲絲緩緩化開，帶有一股微甜嘅海鮮香氣，味道濃郁醇厚，混合埋三文魚子，蟹肉、蟹膏和魚子交織在一起，口感豐富多元，層次分明。🔶鮑魚殼燒鮑魚十分新鮮彈牙，經過燒制後更加鎖住海鮮嘅鮮美多汁，每一口都充滿住海鮮嘅鮮甜和炭火嘅香氣。🔶醬油木魚帆立殼燒木魚的香氣清淡而悠長，同醬油相互融合，比人一種醇厚而不膩嘅感受。燒嘅過程，貝肉吸收了醬油嘅香氣，變得鮮嫩多汁。🔶三文魚籽帆立殼燒三文魚籽帆立殼燒，入口即可感受到貝肉的鮮甜滑嫩，與三文魚籽的Q彈口感形成了絕妙嘅對比。帆立貝鮮甜，

同朋友係尖東附近揾嘢食，諗起好耐冇食焱丸水產，就決定食佢啦。我哋兩個人唔係好肚餓，嗌咗四款嘢加兩杯野飲，份量啱啱好。蟹味噌甲羅燒一如既往咁好食，濃味得嚟唔會咸，配埋青瓜絲好好食。活貝大盛有好新鮮嘅蠔、扇貝、蜆同鮑魚。蠔好鮮甜，唔會太咸又唔腥。扇貝同蜆都好多汁。鮑魚要燒得耐啲，但係都好香同淋。三文魚冷麵之前係網上見過，但係一路都冇機會食，今次終於食到啦。店員教我哋將生蛋、Wasabi同醬汁撈埋一齊，再用嚟點三文魚麵，食落幾特別。焱丸號好啱打卡，有青瓜小卷係底，上面有滿瀉嘅海膽、三文魚子、蟹籽、帶子、三文魚、吞拿魚蓉同蟹柳。所有嘢都好夾好好食，食到停唔到口。嘢飲要咗柚子梳打，解渴得嚟同燒物好夾。

第一口食左三文魚冷麵︰即刻就被佢鮮嫩多汁嘅口感俘虜咗！細滑Q彈三文魚製成好似麵條配合滑滑嘅生蛋黃同微辣嘅芥末醬︑真係味道爆燈！每一口都好清新彈口︑感覺整個夏日都溶化咗我口中。後來我又試咗佢哋嘅招牌菜式特盛A4和牛壽司︰真係好正！生蛋黃配上火炙過嘅A4和牛︑肉質嫩滑多汁︑啖入口就即刻溶化︑真係極品！每一口都咁完美︑簡直令人難以置信。之後就輪到其他精品登場啦︰蟹味噌甲羅燒︑黑松露蟹肉甲羅燒︒每一碟都好用心即燒︑色香味俱佳︔燒鮑魚大大隻又新鮮，食到好香嘅鮮味；醬油木魚帆立殼燒︑三文魚籽帆立殼燒︑個個都好精緻︑令人恨不得馬上再嚟一次。不過要數最令我驚嘆嘅︑一定非蟹雜炊莫屬！充滿鮮味嘅蟹肉配埋爆鮮嘅蟹籽︑再加埋嫩滑嘅蛋黃︑真係絕絕對對嘅頂級之選︒最後就飲咗店鋪嘅特色飲品︰冰菠蘿梳打同青蘋果颱風乳酸。冰凍爽口嘅菠蘿冰簡直就係夏日必飲嘅清涼良品︑而青蘋果乳酸就帶住一陣酸甜爽口味︑為呢頓豪華海鮮大餐畫上完美句號。焱丸水產無疑為尖沙咀區食磯燒海鮮嘅天花板︰無論係精緻高雅嘅甲羅燒定係爽口清新嘅冷麵︑每一道菜式都好用心製作︑絕對大飽口福。仲有好多人喺度慶祝生日，充滿氣氛！

✨燒活鰻 $178由店員幫手燒，分開兩種燒法，一係鹽燒，二係汁燒。鰻魚皮脆肉嫩，表面微微焦香，內裏保持嫩滑🤤配合微甜燒汁，口感豐富，兩種方法都好食。個人就更鐘意鹽燒😎因為更特顯原汁原味✨鮭魚冷麵 $128我自己係未食過鮭魚冷麵，今次決定試試😹可以配上冷麵醬汁+蛋黃，味道清新爽口，切法唔同🤔麵條狀既鮭魚配上蛋黃醬汁更滑嫩，同平時蘸豉油又有d唔同，幾特別🤞🏻✨龍神壽司$158由5款刺身經成既壽司組合，白身魚，三文魚，吞拿魚，油甘魚，松葉蟹。擺盤好靚🤪味道不錯，尤其係松葉蟹好重蟹味，而壽司卷仔，係有海膽係入面，每一件壽司都有☺️當然唔會一大嚿，但味道係足夠，好特別！配埋刺身一齊食個感覺好match~✨蟹味噌甲羅燒$78甲羅盛滿蟹味噌，燒左一陣已經好香，味道超濃郁👍🏻蟹味噌滑嫩帶有蟹肉鮮甜味，配青瓜絲撈埋一齊食就一流，如果可以再加幾塊餅乾或者紫菜應該仲正🥹✨醬油木魚帆立殼燒$75帆立貝幾新鮮，加入醬油和木魚花，而木魚都充分吸收左醬油既鹹香，另外仲有椒仔同蕃茄點綴，帆立貝就唔算好大隻，但味道都係吸引的😛✨松葉蟹膏帆立殼燒$80個人認為3款中最好食✌🏻帆立貝殼內填滿松葉蟹膏，燒完之後，松葉蟹既膏味同

焱丸水產 📍尖沙咀棉登徑23號華楓大廈地下，港鐵站尖沙咀N1出口，行過去2-3分鐘。海產以磯燒烹煮，可以食到食材新鮮的原味道。🍹冰菠蘿燒酎 - 帶鮮果甜香，酒味唔重。🍺V24 Suntory - 味道細緻，配磯燒海產，非常捧。🥢鮭魚冷麵醬汁、蛋黃，芥末攪勻，拌入切成條的鮭魚，入口清爽，真的有點食冷麵條感覺。🥢紫菜魷魚鬚天婦羅紫菜、薄薄粉漿的天婦羅，外層入口酥脆，內裏魷魚鬚彈牙，美味的佐酒小食。🥢鮑魚、牡蠣鮑魚入口有啖啖炭燒香，口感軟彈。牡蠣，飽滿多汁，鮮味滿滿。🥢芝士蟹肉甲羅燒蟹膏、蟹籽，鵪鶉蛋，芝士，放入香蔥攪拌，放上火爐燒煮，燒煮過程中，已聞到陣陣燒香香味，蟹膏入口味香濃，又咬到粒粒脆脆蟹籽，加入青瓜絲拌食，更突出蟹膏鮮味。🥢燒活鰻新鮮活鰻，沒用任何調味，以炭火燒香，鰻魚肉質新鮮肉嫩、入口肉質肥美彈牙。燒烤全程，都有店員幫忙烹煮，所以食物熟成度，味道，口感都很有保證👍🥢蟹雜炊高湯、蟹肉、蟹籽、葱粒、蛋、米飯，店員把所有材料，以慢火慢慢攪拌，最後煮成似粥，入口綿綿軟滑，蟹味鮮甜。

返工壓力大，所以今日放工後就同朋友嚟鬆一鬆飲返杯🍻波波橙燒酎天時暑熱，一坐低就睇咗嘢飲Menu先。波波橙燒酎橙味十足，又fresh又解渴鮑魚殼燒原隻鮑魚上到嚟仲郁緊！超級新鮮！磯燒有店員幫手燒，唔使擔心自己燒會overcook🤣燒完嘅鮑魚肉質彈性，店員嘅調味適中，帶出到鮑魚嘅鮮味。芝士蟹肉/黑松露蟹肉甲羅燒濃郁嘅蟹膏加埋淡淡嘅芝士同黑松露襯托，各有特色，送酒一流！吉列帆立貝半熟嘅帆立貝用紫菜同薄薄嘅炸漿包住，食落有炸野嘅口感並同時保存咗帆立貝嘅鮮味，加埋三文魚子，絕對係encore之選！清酒煮白蛤一上到嚟第一個感覺就係份量十足，而且每隻白蛤都好大隻！食落亦都好新鮮，有清酒嘅味道得嚟又唔會太濃。大蝦鬼殼磯燒好放心將大蝦比店員磯燒，蝦肉新鮮彈牙啖啖肉，加埋炭火嘅香氣一流！