無老鍋

营业中

休息中

呢間嘢乜都想賺到盡， 定位係高級台式火鍋，啲嘢食差過放題，湯底逐個位收已經唔合理， 鴛鴦鍋仲要加錢， 好明顯要賺到盡。座位坐唔滿，定位係高級火鍋但要限時， 我以為自己食緊放題，食品樣樣都貴，選擇又少， 仲要係交黎嗰啲普通貨， 完全冇手工嘢， 但碟碟收到貴一貴，最離譜係連擺盤都唔做， 用個豉油碟仔上菜，嘢已經難食， 賣相仲要差， 真係一肚火。 店員解釋點解要限時， 因為鴨血同豆腐都係無限加， 就係因爲呢兩樣cheap嘢要限時， 作為顧客我覺得不受尊重，大佬人哋真係任叫任食嗰啲先限時， 呢啲cheap嘢又要限時， 施捨咁款。最離譜係飲品竟然收過百蚊一 杯嘅普通嘢， 雖然我冇飲， 但竟然夠膽收呢個價錢， 真係好嘢。大家真係唔好做老襯， 講完。

鴛鴦鍋🥘冰淇淋豆腐鍋+無老辣香鍋冰淇淋豆腐鍋湯底好特別，其實系冇冰淇淋既😂，只系豆腐整到冰淇淋造型，冰淇淋豆腐用左花枝漿﹑魚漿同埋豆腐整成，要煮15分鐘，湯底白雪雪加左紅棗﹑杞子養生😝，無老辣香鍋唔會好辣，亦都唔系麻辣個種，可以放心🌶️，湯底濃唔洗點醬汁都得，入面有鴨血，紅棗，枝竹，豆腐同鴨血免費任加👍，火鍋配料選擇多，仲有台灣直送食材，打邊爐當然唔少得各款牛肉🔥，雪花紋理好靚.✨環境典雅，座位舒適，iPad自助下單，醬汁配料唔多，白飯任裝🍚，每枱都有壺茶，佢既茶帶有香味，仲會送水蜜桃沙冰🍧去油膩，火鍋食物高質不過香港始終唔抵食

無老鍋原來都係香港開左差不多兩年，終於醒起要去食下，拎返當年去台灣食果種感動。帶位果刻開始已經感受到服務既優質，內在環境舒服寬鬆，雖然兩人但都坐卡位，仲要窗口隔離，更加正。落單用iPad落，留意如果食鴛鴦湯底要額外加錢。我個人覺得食無老鍋係完全唔需要混醬汁，用醬汁浪費咗個湯底，侍應哥哥建議個湯底一到飲啖先，真係非常之好飲。材料我覺得未必同其他火鍋店比有太突出嘅地方，整體嚟講都正。呢度食嘢唔知點解可以儲埋K Dollars，加少少分。但有樣嘢真係唔係咁好，晚餐時段都淨係可以食90分鐘，實在唔夠同埋有啲急，希望可以改善。

無老鍋定位應該是鼎王的高貴版, 主打的是任食鴨血和豆腐, 以及其雪糕豆腐, 先說後者, 恕我直言外表似米田共多過雪糕呢, 哈哈! 口感比一般的豆腐更細滑, 但要多加十塊才有兩塊, 吃過就好! 麻辣湯底比鼎王的細緻, 特別是麻香和辣勁層次分明, 先麻後緩辣, 辣度也合適, 不太嚐辣的也可以接受. 至於另一邊是傳統的骨湯, 味道較為清淡, 至少喝起來沒有什麼人工味道, 還算可以.配菜的牛肉價格並不便宜, 水準可以, 牛小排肉質尚算嫩滑而雪花度也算可以. 比較有特色的是口感軟和帶實的切腸, 以及較大塊而爽脆的黃喉, 而且在吃到中途有沙冰提供, 味道也和台灣吃到的差不多. 除了價錢比台灣的貴外, 沒有太多為變而變的變化, 似從台灣原味也許就是其賣點, 但如果可以提供台灣的牛肉作打邊爐配料, 那就更有台灣風味.

香港無老鍋銅鑼灣分店裝修及食物都唔錯, 特別係個湯底😋可惜食嘢嘅時間只得個半小時太趕, 今次是平日星期三晚去, 舖頭不太多人, 仲有好多空位, 時間差不多夠鐘嘅時候, 店長2次催我哋走, 之後仲叫店員又催多次, 但係明明周圍仲有咁多空位, 駛唔駛催住走呀😒想坐多1分鐘都唔得, 服務真係不及台灣, 剛剛10月頭先至去完台北西門町分店, 他們雖然都係限時個半小時, 但係未有不太多客人所以佢哋都比我哋坐多半個鐘, 服務及禮貌真係好好多👍

这家台式火锅很适合不太能吃辣但又很喜欢吃火锅的朋友！环境很雅致，座位宽敞坐的很舒适😌🌟我们点了鸳鸯锅-🍲 面包豆腐冰淇淋豆腐锅+无老辣香锅豆腐锅汤底很好喝！！要不是肚子有限，我能喝一锅，奶呼呼的感觉，用来涮蔬菜、海鲜绝了！辣香锅放了很多孜然香料，难怪一进店闻到一股烧烤味 觉得和平时吃过的汤底味道有些不一样，很香但不会觉得太油，很有特色😊里面有足够份量的冻豆腐和鸭血，并且吃完了还可以续，超级划算了加了一份特色【冰淇淋豆腐】造型好可爱🤣🌟还点了一个午市双人套餐上选牛小排+黑豚猪腩安格斯牛小排，取自牛胸肋骨肉，肉质细嫩，油香均匀，牛肉上挂满这两个特色汤汁，是真的很配。黑猪腩油脂分布均匀，肉质很好，就连平时不怎么吃猪肉的朋友也吃了好几块。吃起来很香两款肉质品质都很好，非常好吃😋套餐还有包括一份特色响铃、手工虾滑和两瓶饮品超大一杯！响铃吸满了汤汁，吃完就饱了😂虾滑是手工制作的，非常q弹，建议可以放豆腐锅里煮，更能吃出虾滑的鲜甜！最后还会送上一杯柚子冰沙做甜品，好喝解腻！喜欢吃火锅，但又不太能吃辣的朋友们可以闭眼冲！

📍銅鑼灣-無老鍋 @wulao_hk今日同大家分享銅鑼灣嘅一間火鍋店🍲🌬️佢係喺過江龍 由台灣嚟到香港開分店~ 我覺得完全係叼口癮 就算喺香港都可以食到台灣無老鍋嘅味道🥺❤️🫕冰淇淋豆腐鍋 $78/位湯底方面佢有豆腐鍋同埋麻辣鍋選擇 亦都有鴛鴦鍋 但係我同朋友都唔係太食辣🌶️🥲所以就淨係選擇左冰淇淋豆腐鍋！♪( ´θ｀)ノ入邊嘅鴨血同埋百頁豆腐都可以任加！性價比都算高！而且呢一個湯底係濃到連醬汁都可以唔使點 鍾意食湯飯嘅朋友仔都可以喺出邊裝飯，然後倒落去煮一個湯飯！🍚🥩上選牛小排 $338牛肉方面我哋揀咗上選牛小排 我覺得食落去味道還好 不過呢一款牛肉比較厚身 啲湯熟晒落去都幾唔錯 不過我就覺得性價比偏低🐖日本黑豚手工丸 $58丸物方面我哋叫咗一個比較喺出邊唔太常見到嘅丸！入邊都幾Juicy 同埋好有豬肉味 可以一試🦀一品蟹滑膏 $118佢哋竟然有蟹滑😂😂喺火鍋店到好少會見到！不過食落去我覺得好似食緊燒賣😂我覺得就唔係太過特別 而且我覺得佢嘅滑都唔算做得特別出色 唔會同出邊火鍋店一樣有種張力 好鬆散嘅感覺！呢個我唔太建議大家叫😢🥬唐生菜 $68菜方面我哋叫咗生菜 好索湯 正！🫘濃香豆皮 $3

成日聽同事講無老鍋好食，今日終於有機會去試一試。餐廳位於食店林立嘅登龍街，上樓一出𨋢就覺得間餐廳好有格調，接待處以中藥櫃為設計, 貫徹餐廳養生嘅主題，好有巧思。一入座店員就送上一壼檸檬蜂蜜熱茶，淡淡嘅檸檬香味，非常清新。我哋揀咗個鴛鴦鍋，一邊係麵包豆腐鍋，一邊係無老辣香鍋。個豆腐鍋肉眼睇有薑、紅棗、蒜頭等配料，湯底呈濃濃嘅乳白色，有淡淡嘅藥材香味，相信用咗唔少食材去熬制。未落配菜前我哋先飲咗碗湯，味道非常濃郁，係商場吹咗陣冷氣凍凍地，一碗湯落肚真係成個身暖晒，冬天飲一定會更正。個辣香鍋唔會好辣亦唔油膩，陣陣麻香中藥材味，兩種湯底兩種享受，無得頂配菜方面我哋叫咗牛小排拼去骨雞髀肉同一碟鮮甜蔬菜盤。牛小排肥瘦均勻，不柴不膩，牛味十足，雞髀肉新鮮嫩滑無雪味。至於蔬菜盤就有生菜、粟米、木耳等，款款都鮮甜爽口，實為健康之選。原本以為三個人叫兩個配菜會唔夠食，但係由於鴨血豆腐係可以無限添加，店員亦都招呼周到加得好密，所以都食到好飽不過唔好以為無限添加就係一般貨色，其實兩樣食材都好高質，豆腐嫩滑，索晒啲湯既精華，超正！鴨血完全唔腥，滑溜彈牙，忍唔住食咗好多塊另外無飯不歡嘅朋友亦都唔需要擔心，呢度有免

今晚收工想同同事烚下烚下打個邊爐， 所以就揀左呢間係銅鑼灣既台式養生無老鍋，我地７點入座，一坐底就揀左個鴛鴦鍋，一邊係麵包豆腐白湯鍋，一邊係無老香辣鍋，有辣有唔辣大家都開心，白湯底以中藥為主， 有薑，紅棗蒜頭，仲有一啲藥材，店員提議先飲幾啖湯，味道濃郁，食得出真材實料。香辣鍋唔算好辣，有少少麻香味，正而且鴨血同埋冰豆腐都係無限添加，冰豆腐吸收湯底味之後，非常惹味，店員都非常殷勤，經常主動幫忙添加鴨血同豆腐，又會主動添加湯，所以湯底唔會越食越淡，值得一讚。配菜方面，我哋叫咗兩樣，分別係牛小扒拼去骨雞髀肉（$228），鮮甜蔬菜盤（$108），牛小扒同去骨雞髀肉嘅份量相當大方，而且肉質鮮嫩非常新鮮，配合湯底非常入味。蔬菜拼盤方面豐富，有木耳粟米蘿蔔，小棠菜同白菜，一次過可以滿足唔同嘅需求，非常滿足。另外店員仲送咗炸芋圓球同冰涼嘅水蜜桃沙冰，啱晒食完火鍋清一清喉嚨。雖然只係點咗兩樣主菜，但係由於有無限添加嘅鴨血同豆腐，已經食到三個人飽到上心口，絕對抵食

台灣過江龍無老鍋，響香港都開咗幾年，啱晒我呢啲鍾意食鴨血🦆嘅人，因為佢嗰啲鴨血🦆同埋麵包豆腐係無限任添，而除咗鴨血豆腐之外，佢仲有免費供應醬料白飯。湯底我哋選擇咗鴛鴦鍋🍲，一邊係麵包豆腐白湯鍋，而另一邊就係無老辣香鍋。而我哋都有加錢要個用花枝漿、魚漿、豆腐製成嘅冰淇淋豆腐。🐮牛小排拼去骨雞脾肉🐓🐮牛小排🐮肥瘦適中，牛味濃郁。🐓雞脾肉🐓切到一口size，食落好新鮮，唔似係冰鮮雞，好滑身。🥙鮮甜蔬菜盤 🥙蔬菜盤有雞脾菇、大塊厚身木耳、白蘿蔔片、粟米、粟米仔同埋幾款蔬菜，全部都好新鮮。入咗起計90分鐘用餐時間，店員除咗會不停幫你添加鴨血豆腐，其他方面服務都好殷勤👍🏻，會細心同你解釋每一個飲品或者食物嘅用料，我去咗幾次，咁啱都係同一個叔叔🤵🏻‍♂️serve我，佢每一次都唔會令我失望，完全感覺到佢係用心去服務每一位客人。👍🏻最後，買單嘅時候，會送個🍑水蜜桃🍑沙冰，食到個口㷫烚烚，飲番一杯沙冰，爽！

無老鍋係香港首間分店，雖然我冇喺台灣食過，不過我相信味道應該差唔多呱🙊十分欣賞佢哋提供熱茶，食完有少少雪葩解熱。服務一流，侍應好勤力，不停添湯添豆腐添鴨血。*鴛鴦鍋 (麵包豆腐鍋+無老辣香鍋) 每位$68鴛鴦鍋額外收費$88/每枱白湯用雞骨、豬大骨、洋蔥、青蔥、薑、蒜頭熬成濃厚嘅湯頭，後勁有好淡好淡嘅中藥材味。每人一粒冰淇淋豆腐，由花枝漿、魚漿、豆腐打成，口感軟綿微彈牙，真係似雪糕嘅感覺。紅湯香辣惹味，而且唔會過於油膩，辣度恰到好處，可以食到食材嘅原味，又可以食到中藥材嘅回甘。最重要係豆腐、鴨血任添，真係！真係！任添！蜂巢豆腐好索湯，鴨血嫩又唔腥，唔驚唔覺食咗好多。*牛小排拼去骨雞髀肉 $2288片牛小排帶油花，肉質嫩但肉味未夠濃。反而雞肉有驚喜，好軟好嫩又juicy，雖然雞味都係好淡🙈*濃香豆皮 $68台灣直送，外形似炸響鈴，一張豆皮捲埋成為一捲豆皮，煮2-3分鐘，一層層嘅口感，索晒湯底精華。*綜合丸 $128手工蝦丸、牛骨濃汁牛丸、手工花枝丸、豬骨濃汁貢丸，每款各兩粒。每一款都好好食，彈牙足料。

之前食過尖沙咀嗰間覺得好好食，銅鑼灣就第一次去 ，地點方便環境舒服❤️一定要叫鴛鴦湯底 麻辣湯底好好食 豆腐白湯鍋鴨血，豆腐任加☺️☺️鴨血真係同係台灣食一樣 🥹🥹鴨血加咗好多次😂😂都好樂意服務👍我哋2個人叫左半份牛 半份蠔 蔬菜籃 炸豆皮已經食到好飽 炸豆皮必叫👍呢日book 左4:00 ，5:30前買單 單點有8折👍👍我哋2個人食左$9xx 今次係慶祝生日 仲送咗杯特飲😍😍買單之後會同台灣一樣送水蜜桃沙冰比你解油膩❤️好貼心

經OpenRice訂座的，reception好快就搵到，電話確認後，即時入座，講明最低消費$250/人同90分鐘限時。其實我覺得既然俾得呢啲價錢就唔應該限時。雖然最後我哋都食咗120分鐘。湯底基本上得辣同唔辣，啱晒有選揮困難嘅我 😆 揀咗個辣，佢話唔係好辣，香味較多。湯底有少量藥材，豆腐、鴨血，後者都可以不停refill 🥰 我哋都加咗兩次。值得一提係，湯底係人頭收費，鴛鴦鍋成煲要加多$88 🤷🏿‍♀️叫咗好多嘢食，全部都好大碟。黑柏葉$88/8件，初頭以為得咁少，嚟到每一塊都好長，爭啲哽親 🙈 鱔片好食，好爽 👍🏿 封門柳好食，但唔重牛味😄 炸支竹卷必食 浸5分鐘 好好味 😋

同朋友行誠品見到一盒鴨血要70幾蚊仲要得三四件鴨血佢話想買🫠我即刻話咁不如食無老鍋啦可以任食豆腐鴨血喎 抵勁多喎 之後朋友聽完都好同意我哋就去咗食啦🤣我哋嗌咗鴛鴦湯底 一個辣一個唔辣咁就兩隻味都食到👍🏻黎到每邊湯已有唔少豆腐鴨血係入邊 我地加左每人一粒冰淇淋豆腐😗用iPad落單勁方便 可以自己慢慢睇 想幾時加嘢食都得又可以睇埋相 唔洗麻煩到店員 佢呢度嘅蟹滑係最好食 淡淡蟹肉絲口感好豐富又勁重蟹味🦀之後我兩位比較健康嘅朋友就叫咗一個蛋餃同埋萵筍☺️蛋餃好普通 唔係幾鍾意個口感 如果有得揀會寧願揀水餃雲吞嗰啲friend😂打邊爐當然唔少得牛肉啦 牛肉唔會話好肥 基本上碌十秒內已經熟 同埋都好有牛味 唔錯🤓睇落好似叫咗好少嘢😝但其實飽癲咗因為我哋瘋狂叫店員加鴨血同豆腐 雖然我哋唔叫佢哋都會主動每隔15分鐘左右問我哋需唔需要加😙我哋每次都會好唔客氣咁叫佢哋幫我哋加🤣🤣但每次佢哋都好好服務唔會嫌我哋煩🤪總結下次想食任食鴨血一定會再嚟😌

好多年前喺台灣就食過無老鍋，一直念念不忘。無去台灣幾年，終於等到佢喺香港開分店。一入店，瞬間感受到濃厚嘅台灣風情🏮，讓無數喜愛台灣火鍋嘅食客再次品嚐到地道嘅台灣風味。𝗕𝘂𝗯𝘂推介🔥👍 冰淇淋豆腐鍋招牌湯底係冰淇淋豆腐鍋🍨，無限添加鴨血同麵包豆腐，配上以墨魚滑及豆腐混合成嘅冰淇淋豆腐，獨特口感，令人難以忘懷。👍 綜合餃火鍋配料綜合餃包括極具台灣特色嘅燕餃、蛋餃同魚皮餃🥟，每一款餃子都有屬於自己嘅風味，搭配冰淇淋豆腐鍋，美妙絕倫。👍 排骨酥以台灣著名嘅炸排骨作火鍋配料，放進湯底煮5分鐘，酥香肉嫩，令人回味無窮🍖，再一次體驗台灣風味。📍無老鍋銅鑼灣登龍街18號V Point5樓全層