点寿司 (大鴻輝(荃灣)中心) (已結業)

日本岡山縣白桃芭菲（3.5分/5)白桃是岡山縣的白桃，而且大件，可惜還沒有完全解凍，內裏還是有不少雪的！下面的脆片較少，所以雪糕和白桃是比壽司郎的多一些。希望下次吃的時候有所改進！厚切一貫油甘魚(3.75分/5)又厚又長，明顯吃到魚的質感，這個不錯。炸軟殼蟹手卷（2.9分/5）夠熱的炸軟殼蟹，不過粉厚，蟹比較少。小貝柱軍艦(3分/5)椒鹽避風塘鮑魚(3.1分/5）夠熱，質地也可以，不過沒有甚麼特別。炸水牛芝士條(3.5分/5）很燙熱，外脆內有拉絲的芝士，拉得很長呢，隨著溫度下降，拉絲也短了。。。總結。。性價比一般，但有些食物也可以一試的。…查看更多

位於荃灣核心地帶的壽司店「點壽司」，讓我留下深刻的印象。之前在星期日去時碰到沒有午市套餐的情況，但今天星期三終於有時間前去一嚐。我發現他們的午市套餐選擇豐富，而且價格實惠。$58 的套餐包括一碗三文魚湯、兩塊炸雞、炸蝦卷和迷你小柱魚生丼。先不說價格，單是這樣的組合已經讓我感到滿足。炸雞外皮酥脆，內裡多汁，每一口都帶來滿滿的味道。炸蝦卷則是外層酥脆，內裡的蝦肉鮮嫩多汁，讓我回味無窮。迷你小柱魚生丼則是一道美味的亮點，新鮮的魚生搭配上飯和特製的醬汁，口感絕佳。除了美食，我也要讚揚店員的服務態度。他們非常友善和親切，始終保持微笑並樂於回答我的問題。…查看更多

MT Sushi位於荃灣大鴻輝中心，感覺就幾似壽司郎，不過價錢相對平啲，而且唔使等位。當等唔到壽司郎又好想食壽司嘅時候，就啱晒啦😂😂😂之前同女朋友嚟過一次，佢推薦我食佢哋嘅蟹柳青瓜沙律，又真係估唔到佢咁好食。味道清新，配料新鮮，真係好好味，搞到而家每次嚟食都要叫一碟，好鬼上癮🥵✨壽司方面，質素都唔錯，不過如果你對於魚生有高要求，可能就會覺得佢哋嘅質素稍微有啲普通🍣🥗…查看更多

下午茶 性價比極高唔係平野就無好野，呢間壽司店係本人覺得非常抵食，大部分食物都做得好好，仲多數都有卡位坐。服務態度都唔錯，職員有禮亦都會經常巡有無吉碟收。下午茶 必點 推介三文魚壽司$18三件，魚生大大塊一定厚過爭鮮同元氣，超抵食又新鮮！牛乳雪糕，每啖都有超香濃牛乳味（唔記得影相）巴斯克蛋糕，好好味芝士蛋糕惹味雞翼，應該係即叫即烤，每次食都係熱辣辣，超正仲有火炙壽司都唔錯！蛋蛋壽司都ok，下午茶有三件，抵啦！呢間真心抵食而且好味差唔多每個星期都黎一次用餐時間有限時70分鐘…查看更多

口罩令取消之後，條街人多左，連大鴻輝條無限人龍都返嚟啦﹗樓上有好多間打邊爐、燒肉、任食，懶得排隊搭LIFT/唔記得BOOK，扶手梯上都有好嘢食﹗小朋友呢幾個月愛上食壽司飯，有得玩，就當然更開心，呢間点寿司平平地都有火車送壽司，小朋友見到夠晒開心﹗大部分嘢都係自助，拎碗餐具斟水，IPAD自助點餐，仲會有小遊戲玩﹗打螃蟹遊戲，仲送一罐汽水添食物方面價錢好相宜，刺身盛好鮮甜，三文魚厚切油脂均勻，炸軟殼蟹唔會太油，有少少椒鹽非常惹味﹗小朋友至愛食蛋壽司、茶碗蒸，仲有叉燒烏冬，如果烏冬無咁油會更好﹗…查看更多

荃灣大鴻輝除咗邊爐同雞煲舖頭，發現一樓開咗間点壽司。一貫壽司店做法，卡位為主 有車送食物，食物好快送達:)旁邊放了綠茶茶包，自己斟熱水，好方便!!☁️豐之盛 $64厚切三文魚：肥美 好食!!帶子：夾住青瓜好清新 新鮮鮮味十足~好厚切!!!甜蝦：好甜☁️椒鹽避風塘鮑魚 $40幾特別 未試過咁煮鮑魚 炸得香口好軟 唔難咬 炸蒜好香~☁️香蔥汁燒日本和牛壽司: 牛肉嫩 ☁️燒牛肉卷：七味粉辣辣哋 幾特別玉子牛肉椰菜 口感豐富☁️焦糖三文魚: 甜焦糖 一食就化 口感特別☁️極鮮蟹天丼 $68炸得好香口 卜卜脆軟殼蟹有膏，好大隻!!!好香!!蟹籽蟹肉蟹膏味道好濃郁適合撈埋一齊食!!☁️中拖羅壽司 $15拖羅 望上去色澤幾靚厚切油脂分布均勻，唔腥!!☁️ 惹味烤雞全翼雞翼燒得惹味嫩口☁️日本富士蘋果生芝士蛋糕 $25日本直送!! 芝士味易入口 酸酸地有啲似yogurt 富士蘋果味香 無咁heavy質地清爽、柔滑、入口即化…查看更多

🌸親民抵食壽司🌸点寿司🍽想品嚐抵食壽司？今天相約好友到「点寿司」品嚐抵食壽司作是日晚餐❗餐廳裝修簡約精緻，環境寬敞，店員服務周到！我們一行2人惠顧了以下菜點：1️⃣🌟貝之盛$56貝之盛是一款含有三款刺身的刺身盛，當中包括爽口北寄貝、赤貝及香滑鮮甜的帆立貝。2️⃣🌟鹽燒三文魚鰭 $12@以香鹽燒制的三文魚鰭，三文魚魚肉香滑鮮甜，帶淡𣶷咸香。3️⃣🌟椒鹽避風塘鮑魚 $40以椒鹽港式避風塘形式烹製的鮑魚，鮑魚肉質鮮甜彈牙，帶香濃避風塘風味。4️⃣🌟汁燒三文魚腩散壽司 $22@以香濃燒汁製成的三文魚腩散壽司，三文魚腩肥美鮮香，配搭鮮香美味。5️⃣🌟飛魚籽軟殼蟹卷 $52@以粒粒飛魚籽配搭黃金香酥的軟殼蟹製成的創意卷物，卷物份量十足，配料豐盛滋味。6️⃣🌟松葉蟹肉四鮮丼 $70@以新鮮松葉蟹肉、濃郁海膽、濃滑鮮香蟹膏及鮮嫩帆立貝製成的四色海鮮丼飯，丼飯採用粒粒香濃日本米，配搭豐富惹味。7️⃣🌟北海道牛乳雪糕 $10@以北海道牛乳製成都的軟雪糕，雪糕香滑清甜。總括而言，此壽司店的菜式價錢親民，食材新鮮❗️餐廳鄰近荃灣站，交通方便，絕對是荃灣一帶的抵食壽司之選❗ …查看更多

食壽司成日怕越食得多就越貴搞到食壽司變得奢侈🥲好彩今次機緣巧合下搵到呢間🤩價錢唔貴而且質素都唔錯😚✨🐮 香辣日本和牛卷 $36和牛卷本身加左七味粉所以食落真係辣辣地幾惹味而且和牛食落偏嫩肉質飽滿油脂分布平均唔覺得肥😼🍚 五色海鮮丼定食 $62整體嚟講海鮮都算新鮮😋特別三文魚嘅味道比較出😍帆立貝肉質比較鮮嫩可口😆性價比嚟嚟講係唔錯✨🍣 豐之盛 $64食物同個名一樣咁豐盛😆海鮮刺身肉質肥美鮮甜而且配上清爽青瓜肥而不膩鮮蝦肉質清爽彈牙😚✨😋 海膽三文魚籽手卷 $46海膽份量唔少而且有海洋嘅味道😆三文魚籽粒粒晶凝通透😚咸咸地嘅三文魚籽配合淡味海膽✨味道清新又夾😼✨當然仲有叫其他野食😚油甘魚壽司蒜蓉烤青口帆立貝壽司炸軟殼蟹🦀甜品仲有焦糖卡達拉娜🥹喺度唔逐一為大家介紹大家自己去試啦🤩食物豐富而且價錢又合理…查看更多

貝之盛🍣三文魚橙紅肉色，肉質細嫩鮮美，食落肉質非常純淨嫩滑，味道清新，帶子厚身鮮美，質感都好新鮮！🍤海膽三文魚籽鹽炙日本和牛🐮肥美三文魚腩入口即融，脆口三文魚籽非常特別。飛魚籽軟殼蟹卷🦀香脆軟殼蟹，爆肚滿足。椒鹽避風塘鮑魚🔥鹹香可口，鮑魚爽口。鹽燒三文魚鰭🐟肥美焦香，油脂芳香。松葉蟹肉四鮮丼，好足料！🍚而且蟹肉絲非常有口感。北海道牛乳雪糕，🍦夠香滑，好唔錯👍#tsuenwan #壽司 …查看更多

呢間野位於大鴻輝既１樓，燒肉舖隔離。個日我諗唔到食咩好，就叫左個三文魚小柱丼入面有一份炸雞，卷同湯。首先，先講個三文魚丼飯，入面有好多三文魚碎😍😍三文魚都好新鮮魚生上面亦佈滿了蟹籽同小柱貝食落有脆脆既口感同鮮味，再配青瓜同蛋碎粒，整體黎講十分清新🥗🥗卷入面係包有原隻炸蝦🍤🍤外面係配有蟹籽既飯加上鬆脆既炸蝦，食落好滿足！最後，就係個炸雞同湯，炸雞不過不失，係一份中規中距既傳統唐揚炸雞，食得出係即叫即炸！ 而個湯就十分抵讚，裹面十分足料飲落有好多既魚碎同豆腐，係一邊飲既同時又可以食到魚肉，將味噌同魚既鮮味混合左一齊🍲🍲飲落鮮而不膩。總括而言，呢間壽司舖的確唔錯，定食既性價比都好高👍🏻👍🏻仲要有飯有湯又有炸野同卷物，我一個女人仔都食得飽，如果諗唔到食咩又想食日本野大家都可以考慮下呢間🙈🙈…查看更多

之前有朋友介紹呢間無咩名氣既壽司鋪自己都唔係好中意食生野，偏向中意食熟食多咁岩發現呢間壽司店熟食既選擇都好多😍😍⭐️火灸帝皇蟹柳 個醬似係沙律醬溝左其他野， 食落去有少少七味粉既味道。 面頭個個醬應該係柚子醬黎， 個醬令到件壽司味道顯得有層次。⭐️火灸芝士蟹棒 雖然大家都係蟹柳， 但用料上都有d 分別， 呢個係面頭放左芝士同沙律醬， 口味上較適合小朋友。⭐️火灸芝士三文魚腩 味道用料同上面既幾乎一模一樣， 只係蟹柳轉左做三交魚腩。⭐️焦糖三文魚腩 陣陣焦糖香味， 食落去面頭有一層脆面， 同埋有火槍燒完既風味。 魚腩上面有， 半熔既沙律醬而檸檬減少左油膩。 ✨日式炸豆腐 個汁食落去酸酸地幾開胃， 外皮係天婦羅既炸皮。✨蒜蓉烤青口、蒜蓉烤扇貝 價錢好平，二十零三十蚊就有青口同扇貝。 個醬係沙律醬、飛魚籽、蒜蓉撈埋一齊， 食落去好重蒜味，飛魚籽食落去扑扑脆。💥熟食個方面仲叫左鹽燒三文魚鰭 同炸軟殼蟹， 所有食品送到黎個陣都係熱辣辣， 間鋪標榜即叫即做果然係真既👍🏻👍🏻👍🏻除左呢d 之外，仲有好多款熟食同火灸壽司，有機會下次再同大家推薦🥰🥰 …查看更多

今日同朋友出荃灣行街，大家都諗唔到食咩，於是就走去大鴻輝望望👀我地都唔知食咩好，於是今次唔搭Lift 就改搭電梯。估唔到，搭電梯上去有間壽司舖叫點壽司，咁岩撞正下午茶時段見佢有優惠就同朋友試試😋😋一入到去就會有職員同你防疫三寶，D職員都好有禮貌會巡例講返聲23131，佢間舖雖然唔大，但都叫光猛同乾淨。咁我就叫左幾款下午茶，三文魚壽司、丼飯、軍艦同埋一d熟食，例如牛舌、雞翼、蟹肉餅佢D三文魚都新鮮，而且有三舊，十分抵食😙😙佢地既軍艦比起外面壽司舖更加落足料，食落更加滿足呀😋😋三個人食，計埋加一先二百零蚊咋🙈…查看更多

🎯人人都去食壽司郎，唔通個個都鍾意排隊攞飛食壽司郎咩～👷🏻‍♀️細孖之前去過佐敦壽司郎分店，覺得質素不過不失，印象比較深係限時一個鐘🕑食得好鬼趕🌚其實除咗壽司郎以外都仲有其他更好選擇💬👷🏻‍♀️細孖好記得上次黎Magic Touch係香港世一🤺張家朗攞奧運金牌🥇當日👭🏻事隔一年再到訪🧜🏻‍♀️ 🥢厚切三文魚刺身 💰46💭三文魚好厚身，肉質鮮甜新鮮💭一共4️⃣塊，魚油味重冇雪味👭🏻評分：🌕🌕🌕🌘🌑🥢芝味櫻花原隻雙蝦卷 💰28💭雙蝦卷上淋上芝士醬同櫻花蝦，芝士醬🧀非常濃郁，有d似Ritz芝士餅餡，帶來味覺上既衝擊🤪 💭櫻花蝦同吉列蝦🍤炸得鬆脆唔油膩，口感豐富有層次🔝👭🏻評分：🌕🌕🌕🌕🌖🥢炸蝦烏冬 🍜💰50💭👷🏻‍♀️細孖本身冇好大期望，一上菜o哂嘴，炸蝦超❗️巨❗️型❗️有圖有真相😌一d都唔hea，食完飽哂🙆🏻‍♀️💭有2️⃣大隻👭🏻1人1隻唔洗爭，溫泉蛋🥚粟米🌽筍等配料💭湯底係鏗魚湯，清清地幾好飲👭🏻評分：🌕🌕🌕🌕🌘🥢小柱軍艦壽司🍣 💰16💭帶子切左一粒粒，正常發輝🤓💭👷🏻‍♀️細孖本來想食帆立貝壽司，當日啱啱好賣哂，呢款都可以止下口癮先🤫👭🏻評分：🌕🌕🌕🌗🌑🥢醬燒蒜蓉牛肉反卷 💰32💭本月新品屬期間限定💭薄切燒牛肉有油香🥓雖然牛肉冇特別調味，但加左蔥花粒反而突出左牛肉既味道💭蒜蓉🧄係重點❗️好重蒜味，個卷即刻昇華左🤭成家人encore多左幾碟😆💭卷物由玉子🥚·青瓜·🥒蟹柳組成，係加州卷既經典配搭，清新夠輕型👼🏻👭🏻評分：🌕🌕🌕🌕🌕🔸🔹🔸🔹🔸🔹🔸🔹🔸🔹🔸🔹🔸🔹🔸🔹✍🏻總評：👭🏻推薦指數：⭐️⭐️⭐️⭐️🌟✨點餐係用pad落單🖥✨每次點餐只限落4款，滿1️⃣0️⃣0️⃣蚊有一次玩遊戲抽獎機會🤘🏻👩🏻‍💼大孖好叻🙈成功過關，免費🆓送左支果汁先生牌- 馬蹄竹蓆汁🧃真係又食又拎又有得玩🎊✨抹茶無限供應，仲要係茶包🍵乾淨衛生✔️✨設加一服務費🔟✨天水圍/將軍澳都有分店，新界既朋友仔有多1個選擇🉐🔸🔹🔸🔹🔸🔹🔸🔹🔸🔹🔸🔹🔸🔹🔸🔹💰人均消費：$ 100 - $200…查看更多

荃灣出名多嘢食，今日同朋友喺荃灣行完街，諗住過大鴻輝睇吓，見到一樓新開左間壽司店，壽司、刺身款式好多，就一於決定入去試吓餐廳以卡位做主打，以新幹線列車將美食送到顧客面前，可以係枱面上嘅平板電腦點餐，係一個新奇點餐體驗，餐廳推出秋冬系列，以九洲產A4和牛做主題，暫時未去到日本嘅朋友可以嚟試吓✨豐之盛$64有帶子，三文魚，甜蝦，呢個價錢食到三款刺身CP值超高，甜蝦好creamy，三文魚非常肥美，油脂感爆發，帶子新鮮，鮮甜，晶瑩剔透✨貝之盛$56有赤背，北寄貝，帶子，用船仔裝住，切合海洋主題，赤背和北寄貝都非常爽口，帶子大大粒✨海膽三文魚籽鹽炙日本和牛$26呢三個配搭非常新穎，海膽濃稠感十足，和牛炙燒到五成熟，入口即溶✨香蔥汁燒日本和牛壽司$20蔥絲炸到好香口，和牛經過炙燒，油脂感爆發，霜降油花，打造入口即化的美妙口感✨飛魚籽軟殼蟹卷$52頭尾都有超足料的軟殻蟹，飯裡面滿佈飛魚籽，食落索索聲，裡面除咗軟殼蟹，仲有生菜和紫菜，非常足料✨中拖羅壽司$20口感軟滑，筋少而脂肪多，魚味極濃✨焦糖三文魚🍣$22三文魚呈橙紅色，肉質鮮美，油份濃郁，加上焦糖同用火槍炙燒過，口感豐富✨汁燒三文魚腩散壽司$22賣相非常吸引，魚腩部份是魚的油分最重，油香最濃郁的位置，紫菜上碟嘅時候仲好脆，黎到要記得即刻食✨椒鹽避風塘鮑魚$40一碟有三粒，上面佈滿炸蒜，整得非常香口，鮑魚都非常彈牙✨鹽燒三文魚鰭$12非常抵食，三文魚鰭燒到兩邊金黃色，魚皮燒到好脆✨松葉蟹肉四鮮丼 $70有松葉蟹肉，蟹膏，蟹籽，帶子，面頭仲有海膽，非常足料，蟹膏淡淡鮮味，蟹肉超鮮甜，海膽好creamy，可以一次過食到咁多款食材，超滿足✨日本富士蘋果芝士蛋糕🍰$25日本嘅芝士蛋糕忌廉芝士味特濃，但食完唔會好膩嘅感覺，可能因為裡面加咗蘋果，蘋果嘅酸酸甜甜，可以中和芝士嘅油膩感，簡直係絕配…查看更多

呢間壽司店之前叫Magic Touch，最近改佐名叫点壽司，有啲唔慣，我都係鍾意Magic Touch呢個名多啲😓😓雖然都係爭鮮同一個集團，但我夠膽講同爭鮮完全唔係同一個Level👍🏻👍🏻佢啲壽司全部都好厚切、好新鮮、價錢又唔貴👍🏻我認為性價比係非常之高！高峰期一星期會去食四次🤣可想而知我有幾喜歡佢🥰佢咁多分店我凈係食過天水圍同荃灣大鴻輝，兩間無論係外賣定堂食都保持到水準，味道都咁好食👍🏻天水圍嗰間門口有個雪櫃凈放外賣壽司盒，價錢仲要再平啲👍🏻計落真係抵過食爭鮮，超多人買👍🏻真係好方便👍🏻但當然最好係佢啱啱整出黎嗰時買係最新鮮好食，始終壽司放太耐都唔太好。堂食既話用ipad落單，每滿一百蚊就有得玩遊戲，羸佐就會有小獎品😍多數都係飲品或者泡芙👍🏻落完單就會用新幹線列車送過黎，一拎完碟壽司佢就會自動走，唔需要禁制👍🏻如果下午茶時段黎食既話仲抵，有啲壽司平時係兩件，一到下午茶時段就會有三件👍🏻真係好正👍🏻我每次必叫既都一定係焦糖三文魚壽司👍🏻佢係我食過最好食既三文魚壽司😍仲會叫豐之盛刺身，有厚切三文魚、甜蝦、帶子、丼飯👍🏻仲有蒲燒鰻魚定食都好足料，好味兼飽肚。同埋要講下佢個湯，無論係跟餐既湯定係單叫既湯，都會有滿滿既三文魚係入邊，真係好甜好好飲👍🏻其他都隨心咁叫，基本上次次都冇失望過，成日食嗰幾款有時都會覺得悶，好彩佢周不時會推出新款😍除佐我必食嗰幾款外，每次都好期待就係試新款式，希望佢可以一直保持水準啦，我先可以經常幫襯啊嘛😚😚…查看更多