炸理滷味

行左幾條街，諗唔到食乜，最後經過「炸理滷味」，見個名食字食得幾得意，就入去試試。裡面位置唔多，人手亦唔多，一個負責收銀落單，一個負責炸物。兩個人，將4樣皇牌叫左3樣來試。*炸理一口和牛配薯角和牛唔係炸到乾爭爭果種，相反好軟霖，炸得啱啱好。仲落咗啲椒鹽，食落相當惹味！真係好唔錯！*炸理一字翼五重奏相反，雞翼遜色左少少，雖然話有5款口味，不過食落分別唔太大。粉略厚，不過好脆口，最緊要係熱辣辣！*皇牌滷味雞髀最令我驚艷既係呢隻滷味雞髀！首先調味調得啱啱好，好juicy，非常juicy，甚至乎第一啖咬落去個雞皮會噴汁！雞脾好嫩，真係好值得推薦！最後提一提，覺得唔夠味既朋友，呢度可以再自行加粉或醬汁！我試左松露蛋黃醬同蜜糖芥末漿，由其係松露蛋黃醬同薯角perfect match! 同出面西餐配薯條既果隻醬一樣！滷物炸物望落簡單，實際要做得好食亦十分困難。難得見到小店用心經營，笑面迎人，臨走亦同每一位客人講多謝，讓每個人心中都多了一點溫馨！…查看更多

一聽呢間野個名，可能會被佢震懾到😱，但係唔好嚇親，因為呢到嘅雞好食到你會心甘情願被佢炸理滷味！🤗炸理滷味最出名嘅就係「炸雞🐔」，無論係雞脾雞扒雞翼，都享負盛名！今日就叫左「炸理雞扒飯」試試看！🍽因為雞扒係即叫即炸，所以要慢慢食，唔好辣親個嘴仔喔🥵～建議好似我咁配凍飲，就算你想心急咁食，都有杯凍野Cool Down下～❄️唔知老闆係咪星戰迷呢？呢到有好多黑武士同白兵擺設，就算你唔迷Star Wars，就咁打個卡都幾好睇吖 ～📸 …查看更多

淨係睇個店名已經覺得霸氣十足呢度最出名嘅就梗係炸雞比啦之前上網買咗個炸雞髀套餐今日終於有時間嚟食見到呢度嘅餐牌流心西多士都一樣好吸引不過由於炸雞髀已經好邪惡所以都係留返下一次先食啦嚟到嘅時候已經有好多人除咗遊客之外唔少香港人都會嚟幫襯呢個套餐有凍奶茶炸雞脾🍗所有嘢都係即叫即炸所以等候需時但係見到美食當前等耐少少都係值得嘅仲可以加自己鍾意嘅調味粉或醬料因為炸雞脾係即叫即炸所以真係好熱🔥食嘅時候要小心啲雞髀炸得外脆內軟食嘅時候仲好有肉汁唔會炸到乾晒而且雞髀本身已經醃過所以就算唔加任何調味都已經好好食 炸芝士魚棒棒反而覺得芝士魚棒棒唔係好食得出有芝士味相對於炸雞脾🍗呢個就冇咁出色啦凍奶茶奶多過茶，所以味道都係麻麻所以都係推薦大家食炸雞脾…查看更多

之前一直想去试试，周末去试试，说实话一般性，感觉和三多炸鸡一个套路，也不难吃，但是不需要特意去那种，薯条还可以，炸鸡腿里面肉有点干，杏鲍菇很一般，鸡脆骨还可以，份量倒是不少的…查看更多

今日出開旺角行街，見到依間食店叫炸理滷味，裝修得好懷舊，好特別，被食店的環境吸引了。於是入內光顧。店內冷氣一般。又不需要排隊叫食物。店員態度還算可以接受，看完餐牌，見到炸雞脾和油雞脾都好吸引。當然梗係叫咗來食啦。炸雞脾都尚算新鮮，熱熱地，外皮炸得幾脆，幾入味道。價錢约27多元。都算大眾化。至於油雞脾味道就一般般，不太濃味，個人認為颇為淡咗些味道，價錢都是约$27多元。個人認為炸雞脾是值得推介的。印象都算深刻。…查看更多

記得朋友仔成年半前推薦我黎食，但我懶，遲遲唔行動 (唔係住呢頭，所以一直無咩動力)今日有事出開油麻地一帶，諗起呢間鋪，下午先身體力行到店視察，大部分食物都有圖可參考，賣相非常吸引不過見人太多，朋友又未到，就無買野食住，去左做正經野先。行完街，拎住一大袋戰利品...好彩趕及關門前到達因為陪我shopping既朋友係第一次黎，所以佢花左d時間睇餐牌。最後我地叫左皇牌炸理雞肶set (+$10 叫左杯店員推介既青檸菠蘿梳打特飲) 同 炸理芝心雞揼 做飯後小吃幫忙點餐既姐姐好好人，我地諗左咁耐都無吹過我地，一路保持微笑，仲好耐心幫我地服務。點完野食，我地就正式坐定定欣賞下店內既擺設 點餐桌前既Star Wars公仔好吸引，我朋友同佢地黎左個大合照。由於係小店，店內空間唔算大，但感覺一d都唔焗束，有咁多咁可愛既飾品係度都唔會好佔空間杯透心涼菠蘿特飲好快就上檯，係30度高溫底下，呢杯野飲真係好消暑好快皇牌炸理雞肶就上檯啦，我地急不及待想試食。不過...因為係岩岩炸起既關係，隻雞肶真係熱到飛起，所以只好相機食先聽住溫拿既歌一路等，終於等到芝心雞槌出爐啦。個炸粉好薄，一咬就已經發現可以拉絲既芝士，超正$22/3件真係好抵食，炸得夠熱又夠乾身唔會油立立食完呢餐，我已經同朋友急不及待拎起個餐單商討下次黎食要試d咩 真係有種相逢恨晚既感覺食飽飽抖陣吹下水，臨走前朋友仔話我聽佢見到 '阿德'...千禧後未必識阿德，但我地呢d八九十後就肯定會認得 <<清潔龍與垃圾蟲>> 真係好難得可以見到舊版既佢地，真係充滿住滿滿既童年回憶呢間充滿懷舊情懷既小店已經比我mark左落 '必吃口袋名單'，我一定會推介比朋友仔黎食。炸理滷味，I will be back!!…查看更多

十年都無去旺角，今日去拿coupon,順便出去，上次老婆話個間炸理滷味話好食，今次就自己去試，本身打算食雞脾，但見佢有其他種類就試咗芝心雞搥，選擇多個長沙灣三x。奶茶就不過不失（早知就叫特飲），都係差五蚊，食完雞搥，都唔錯，值得再食，老婆打來，叫我買外賣俾佢，咁我買咗雞脾加雞翼（老婆指定話要雞翼）仲加埋迷你飯，唔貴喎，食完全部都係幾十蚊，外賣都快，店員都nice,仲有白兵😂😂😂😂會再幫襯！！…查看更多

身為雞髀發燒友，久聞此店多時，終給我在聖誕節前嘗味，但正所謂期望愈大，失望愈大。我對此店服務員失望；我對食物味道更失望。炸理滷味-位於九反之地的砵蘭街，以諧音命名，似講粗口而非也，玩食字得來帶點幽默，又帶點親切，絕對具地道感覺-香港特色。此店，實如其名，只賣炸理（料理）及滷味。我今日一次過品嚐-炸理雞肶及滷味雞肶飯。有數款本地手工啤賣有懷舊唱碟及收音機，感覺很復古又有地道特色購買時，收銀員的態度甚差，那黑口黑面的表情，趕客味甚濃，問她炸雞髀可否配飯上，忿氣的一句「無！」，再想多問一口都給她不耐煩的樣子而嚇怕了。然而，店內是沒有擺放椅子的，只能站著進食。不久，期待多時的畫面終出現在我眼前。滷味雞肶飯，嘩！雞肶好大隻。單看雞肶外皮色澤好好，感覺滷水味十足，可惜，虛有其表，食落去是淡而無味，連白飯也無味，一點飯香都沒有，是什麼厲害方法連香飯也不好食。店內所用的滷水膽是此店老闆自己調校出來的，因為他覺得傳統滷水五香味太重，並非人人都接受得到，所以就將滷水調校得比較甜，但我連甜也嘗不出，就算雞肶肉質是多滑，也很遜色不過，炸雞肶確實做得相當出眾。鬆脆的外皮包著嫩滑的雞肉，當咬下時，肉汁被湧出來，毫不乾身，而且味道不淡不鹹，相對於滷味雞肶，產生強烈對比。所以在此推介這菜式：總結來說，我希望此店服務及滷味膽可有所改善。…查看更多

脆。 炸巨脾好耐冇係街食炸雞脾，今次朋友好介紹，即行行快步，一入舖有位坐著等，好方便。平時小食就係因為唔想係街等。等等下同朋友order左脾之外，重叫左炸理十串，大腸。不過最好味既係炸脾，皮脆肉滑唔乾，好味道，雞脾調過味先炸，正~…查看更多

炸你鹵味，固名思義就係食炸野！Order左炸雞脾，好食又有肉汁，即叫即炸，熱到辣咀咁滯！仲有邪惡芝士海龍丸，同炸車打芝士，有強烈拉絲效果，芝士控必食！不過佢炸豬肉串就一般，唔係好夾炸野。最值得欣賞係個黑松露醬，大大兜，唔手軟，令到味道更上一層！…查看更多

有炸野有滷野叫左滷雞肶一隻滷拼3串（舌/腸/腎）話梅梳打雞肶...咬落第一感覺唔到有雪味.而且冇滷左好耐肉霉既口感.返而幾好味.👍🏻腎...尼個要讚一下...爽口彈牙（唯獨切細粒左）滷水汁個味...整體ok個人覺得唔夠厚味（可能我食得重）唔會咸過龍或太肥膩會濟住唔想食👍🏻尼到食完係要自家執手尾..讚😍裝修都幾有獨格💝…查看更多

步入燈紅酒綠的砵蘭街， 目光便不由自主地被懸掛在半空中的霓虹光管和招牌吸引過去，👀👀 而其中有間食店裝修耀眼奪目， 店名完全貼合剛下班，再加上受到一連串的委屈而想發洩情緒的我， 我的話句留在嘴邊，視線留在那裏－「炸理滷味」。👻👻👻 香港地真的無奇不有，有趣店名層出不窮， 以諧音粗口吸引食客目光， 幽人一默又非辱罵， 唔通我鬧你又要話你知？🤓 雖然舖位不大，但港味十足， 整家餐廳的內外裝修都以80年代懷舊為主題， 舊式電燈膽，唐樓和冰室專屬的綠白色地磚和牆壁， 加上牆上貼滿一張張許冠傑呀，譚詠麟的唱碟， 伴着懷舊粵語流行曲，來懷下舊也不錯～🤓 餐廳可以堂食或外賣， 不過座位不多，有機會要立食啊！😏🙈 實際上，店家並非純粹想為食字而食字， 而是「炸理滷味」確實主打炸物和滷味～ 餐牌有多款小食和少量麵飯， 熱辣辣的炸雞髀、炸串 、芝士、串燒和滷味等都有， 迎合不同食客所需。😏 滷味雞髀餐（$35） 滷味雞髀可以單點，$25一大隻， 還可以$38套餐價加配青檸梳打， 有話梅、柚子或荔枝三種口味可選擇。 雞髀肉嫩滑多汁， 微微散發着瑞士汁的甜、花椒八角的五香， 不錯吃！😋 飲品我選了青檸柚子梳打， 酸甜醒胃的青檸汁，香甜的柚子果肉和刺激口腔的梳打的配搭，Refreshing得很～ 炸理芝心海龍波波（細）（3粒）（$28） 乒乓波的大小，外皮炸得酥脆金黃， 肉丸咬落彈牙，滲透出蝦的鮮味， 更有香濃芝士湧出，還可拉絲，好邪惡呀！😍 😍😍 還可蘸少許黑松露蛋黃醬一齊食，但切記要小心芝心燙口。🙊 不愧是店家的主打，還每日限量供應， 不過小編比較幸運，是當天最後一份😎，想食就要趁早去啦！🙊🙈 炸串和牛粒（$15） 炸串墨魚汁香腸（$10） 小編本來不喜歡吃炸野， 但這裏的炸物將麵包糠打成粉末狀，令脆漿更薄身，不會食到成口粉，好貼心呀！😍 墨魚汁香腸咬落去卜卜脆，和台灣香腸差不多，不錯吃！😋 滷味大全（$25） 有鴨舌、大腸和雞腎，價錢都算合理～ 店內所用的滷水膽是自家調校出來， 滷水調校得比較甜，但又不失滷水香。😳 鴨舌雖然少肉，但入味得很！👍🏻 大腸肥美，口感軟腍，但不失嚼勁 肥膏的油脂香和微甜的滷水汁混和一起，正！😋 雞腎爽而不韌，好味喎！ 除了鴨舌、大腸和雞腎外，這裏亦有滷味雞翼尖、豬手和雞全翼。 值得一提的是， 店家除懷舊裝修外，還明撐本地貨！🇭🇰 店內有近20款本地手工啤和生啤， 當中的麥子、門神、獅子山啤是香港製造的呢！ 晚上8:30後還有優惠呢！😳 啤酒配搭香口炸物，一人一串，再啤啤佢，諗起都正！😎…查看更多

同朋友行去朗豪坊時路過呢間小食店見到個名即刻俾佢吸引左呢個名充滿地道特色同玩味十足經過見到都好難唔停低望多兩眼哈哈炸物好多款好多都想食但又怕熱氣原來都幾多嘢食喎估唔到有麵食仲要都幾吸引不過因為唔係太肚餓所以留返下次先食麵啦左諗右諗最後決定買炸雞髀食呢杯荔枝梳打真係見到有好大粒荔枝不過味道就酸左少少唔係個個可以飲得到滷水雞髀食落甜甜地不過唔算太入味炸雞脾炸得非常之香脆出面浸皮唔會好厚粉食落相當之滋味雞肉嘅肉質都幾嫩滑唔錯呢個蟹柳沙律真係令人覺得好驚喜呀因為個蟹柳係超級超級大份真係第一次見到咁大嘅蟹柳仲要味道係好好食喎感覺有少少似食緊天婦羅咁不過就啖啖蟹肉嘅味道呢個下次可再encore…查看更多

同朋友係旺角想食小食就入左間門面幾ok既舖頭仔個名幾搞笑 我地比佢吸引左入去朋友叫左豉油雞脾餐 $35豉油雞脾加荔枝梳打不過我冇影相豉油雞脾幾大隻但朋友話味道一般而野飲就食到係罐頭荔枝feel整體普通我要左芝士魚餅好似芝士片係魚餅入面咁冇乜特別 味道好一般同埋佢個魚餅好甜鹹少少好似正常d環境係ok既佢成間舖好懷舊feel但係餐牌同食物名就改得好新奇播既歌又係流行曲成件事同個裝修有d唔夾咁而個廚房係開放式我地去個陣好夜所以舖頭d人得閒d 係廚房望出黎傾計覺得都有d oddbtw佢係0服務既 除左收銀要自己食完自己執既總括而言 好似靠gimmick吸客 食物有待改善…查看更多

在旺角近油麻地，就有一間復古的小食店。那裡門牌是霓虹燈，閃亮奪目。正是香港80年代的一大特色。而在店內，環境都是復古的，例如地上的階磚、 枱櫈和墻上的掛畫唱碟，都是代表80年代的。 置身在後古的環境，聽著復古的流行音樂，彷彿就像時光倒流了。這間小食店的運作，都主要是自助形式。 落完order、拿食物後， 自己可以添加喜歡的醬料。然後吃完，便需自行清理。小食店都很細心， 會有紙巾提供給客人。我點了一個 炸理芝士海龍波波 (大) $42裡面有5粒， 形狀呈圓形，size不會很細粒。 一咬開， 流心芝士馬上溢出嚟。熱芝士波波炸得很脆，當中炸的粉不會很多，所以裏面的餡料相對會佔較多。很抵吃。滷味雞髀+青檸荔枝梳打 $35這是一個set，比較便宜。雞髀來到的時候，有一個很美的盒包著。而雞髀相當大隻，比起一隻手還大。看上去它的雞皮比較深色， 當初以為味道會偏鹹， 可是裏面的肉不會很鹹，反而更著重本身肉的鮮甜味， 鹵水汁不會把本身肉的味道遮蓋。而雞髀的肉質嫩滑，不會很鞋或者太乾。而我十分喜歡它的飲料， 這杯青檸荔枝梳打，份量很大杯。它的梳打很重，很夠汽。 在這個炎炎夏日，能夠馬上解暑解渴。 當中還有兩粒大荔枝! 超讚。荔枝的味道鮮甜中帶微果酸，並不會是很甜的糖水味，而是本身荔枝的自弓然甜度。若果大家經過附近，不妨拜訪這裏，感受一下80年代的氣氛。…查看更多