炯記餐室 (沙咀道) (已結業)

$28燒鴨瀨下午茶無得輸上個星期行過睇到poster話$28燒鴨瀨，因為已經食左，所以plan左今日食。味道(3分)燒鴨瀨 ($28)4分— 燒鴨分量都吾少，睇相都估到吾會鞋，系皮吾脆，味道都幾好— 瀨粉系超滑超爽，正— 雖然$28,都做足比兩條菜。雙拼三文治($28)3分— 麵包系老餅茶餐廳，比較薄，所以有雞蛋就整件麵包都濕曬扁曬。— 咸牛肉比較少環境(3分)— 無卡位，中間座位又比較密，可能咁影響左無乜客，亦絕大部分系一個人— 裝修比較舊服務(3分)正常衛生(3分)— 正常抵食 (5分)— 哩兩個餐真系性價比非常高。…查看更多

喺下午茶時段叫正餐，就係因為怕份量唔夠食，點知嚟到又係下午茶份量，收我$64，唔該檢討一下，食完呢次以後唔會再食正價。冇諗過會咁差囉，係呀你白飯係有好多，但係好少餸，唔怪得知而家越嚟越多人唔出街食嘢啦。…查看更多

去炯記吃下午茶，他們的燒味應該是不錯的，叫了煙燻燒鴨瀨升級鵝油撈麵加$4。粗麵用上荔枝柴煙燻燒鵝油及秘製豉油，這令整個麵也變得不一樣，爽口彈牙，面的質地和熟度也做到剛剛好。今日的燒鴨有脾啊，但係好似放得耐咗有點靭又不夠入味。另一個叫脆皮燒腩仔，雖然瘦了一點，但係皮脆肉香不錯。…查看更多

唔係因為燒鵝, 又邊有咁多鵝油去撈粗🤣? 佢地既燒鵝、叉燒我食過, 不過唔夠手撕雞吸引, 配鵝油撈粗啱晒。手撕雞: 有得揀鹽焗同麻辣。 麻辣唔太辣, 應該大部份人都食得到。 最正係無骨, 同夠滑, 就算係雞胸都唔骸。 今次叫海蜇手撕雞雙拼, 貴8蚊, 海蜇都撈得好味。 我就算下午茶時間去食, 都會叫正價, 因為份量多D。麵: 話鵝油, 食落唔覺肥膩。 店內牆上有篇文章, 話鵝油點有益, 仲話法國人又食鵝又飲紅酒, 所以心臟病少。 見顏色頗深, 似係用老抽多, 味唔太鹹, 如果可以撈埋麻辣汁落D麵道就更好食啦😋!如果唔係堂食, 外賣手撕雞其實仲抵食! 48蚊半隻, 88蚊全隻, 裝滿一個飯盒, 除咗兩隻雞中翼同雞翼尖有骨之外, 真係啖啖肉👍!…查看更多

諗住買鹽焗手撕雞～因為聽講過係好味～其實之前都睇到有評論話收銀呀姐態度差～估唔到真係咁差～店面又唔多客～落單講兩句都好無耐性咁～幫襯你仲要睇你面口～就算幾好味都唔會再幫襯…查看更多

叫網上外賣平台外賣, 由落單等候至來到用咗21分鐘, 比想像中快 叫外賣後打電話問可唔可以比啲辣椒油我, 阿姐唔係好聽得明廣東話都唔緊要但係重覆咗四次單號比佢知, 都仲問我單號係咩嘢 同埋問我叫咗咩嘢食 令我感到非常無奈最後佢告知我 佢地公司無收到網上外賣平台既訂單 然後就非常無禮貌收咗我線之後我再打去講話我用網上外賣平台落咗外賣 我見到App 都接咗單, 比多一次單號佢地然後再問可唔可以比啲辣椒油我, 佢話"咪講咗唔知你邊張訂單囉" 再收咗我線服務態度非常惡劣 食物送達後 發現少咗一盒麵(已搵App處理) 同埋個麵及麻辣雞腎好大陣油益味 燒肉及叉燒正常 不算特別好食但應該係新鮮既始終香港大部分人都"仲係"講緊廣東話為主, 建議店舖可以搵能夠流利用廣東話溝通既店員負責處理客服問題同埋培訓一下員工既EQ唔好太過低 作為消費者我都唔求你地既食物一定要好好食 但最起碼要有基本尊重…查看更多

經過呢間見到有個手撕雞腸粉，口痕想搵少少🤏嘢食，決定試吓呢個手撕雞腸粉😋平日時間約1點幾，午飯時間但鋪頭唔多人。我係嗌外賣的，唔算等咗好耐，5分鐘左右👌🏻拎到返公司食，都仲暖暖哋😉👍🏻芝麻都夠多，不過啲醬係已經加咗入去，如果分開上可以被客人自己按份量交會更加好。🙋🏻‍♀️係我見識少定其實其他鋪頭都係咁？手撕雞唔係全部都係肉嚟嘅咩？點解有隻雞翼尖？🫢雞同腸粉嘅份量係一比二，雞嘅份量略嫌太少，真係當tea食就可以。不過$39嚟講都算係咁☺️…查看更多

炯記餐室 (沙咀道) (荃灣)下午好餓行街經過見到有一間炯記手撕雞咁就唔洗等位入左去坐低😆店入面唔算多人 位置唔算太寬敞 不過都有一定空間 外觀都好乾淨🔸鹽焗手撕雞飯手撕雞啲肉份量適中，仲有啲酸菜同一兩棵生菜搭配🤣飯嘅份量都好多食落都幾有咬口，味道適中送飯OK😋🔸麻辣手撕雞飯其實差不多一樣，辣到適中可以接受 同埋幾好食😆地點：荃灣沙咀道209號地舖🔸味道：8/10🔸環境服務：7.5/10🔸推薦：8/10…查看更多

小朋友考試，唔出外食，咪叫爸爸幫手買外賣囉！見d食評好似好多人讚咁，食評d相個樣又好似見得下人咁，咪試下囉！點知..一試就出事，真係一次過，無下次😤😤😤我本身唔諗住寫食評嘅，所以無未食前嘅相，阿仔盒豬手拼燒鵝，骨多過肉；爸爸盒叉燒燒肉飯，叉燒被換燒鵝，竟然算係最有運果盒；我果盒叉燒拼麻辣雞就咁睇已經好唔掂，雞肉唔多，叉燒又乾到用膠匙都仆倒出聲，越食真係越嬲，尤其個叉燒，真係乾過豬肉乾，我平日都劣食開，唔想浪費嘅情況都會盡量硬吞，e次真係吞唔落，只吞了一肚怨氣。…查看更多

👨🏻‍🍳炯記餐室 (沙咀道) (荃灣)📍荃灣沙咀道209號地舖 「服務有待改善🥲是旦一間燒鴨瀨都好食過佢🥲🥲」 經過諗住買盒海蜇燻蹄，見到$28燒鴨瀨套餐，就坐低食。當日短髮收銀的女員工既服務態度，真的讓人止步。 坐低點餐，另一位較年長的女員工話等等，然後徘徊於備餐區，等左陣，收銀那位過來派墊枱紙、餐單，然後我話可以點餐了，但系佢走左去，之後又返黎，佢話 : 我以為你話要睇我 : 吾使睇拉佢即刻收哂D餐單，仲話 : 吾使睇咁我收起，食咩？我 : 燒鵝瀨 (一時口誤)佢 : 你肯定要燒鵝瀨？使吾使睇多次餐牌？比你睇多次拉 (show一眼)我 : 燒鴨瀨佢 : 飲咩？我只系思索幾秒，佢已經話 : 又諗？使吾使又比你睇多次？ 。。。 當刻已經無奈到無叫多盒海蜇燻蹄外賣，好彩無叫。。凈系🍽️燒鴨瀨同奶茶都好差😑 上枱時，側邊放住一包酸梅醬，無碟仔？🥲先試湯，系公仔麵既味精湯？🥲🥲有D似出前一丁味精粉 (有芝麻個包)！！瀨粉吾同平時食的有口感，燒鴨有煙熏味，正常。 ☕️奶茶不滑偏澀，茶>奶 中間有客人來電叫外賣，呢間餐廳好似？無人送外賣，要自取，收銀個位大大聲說 : 我地呢到無人送外賣架，邊有人手送外賣？比地址我做乜？無人送 真的，第一次遇到這樣😓只不過食個飯，為何要客人受氣？不了不了🙏🏻 p.s., 出面招牌寫住炯記燒味，但系Openrice寫炯記餐室，好似另有分店系荃灣，個間未食過，不予置評🫶🏻 #炯記燒味 #炯記餐室…查看更多

今日嚟到荃灣又要食炯記嚟到一定係嗌佢個燒鵝因為真係好好食佢個燒鵝啲皮係唔同出面除咗鬆化之外仲好香咬落去啲肉會散發荔枝柴嘅香味真係好好食好好食好好食我通常會下午茶嚟食，會嗌佢嗰個鵝油撈麵鵝油撈麵佢會撈好畀，但係重點就嚟喇你一定要再問佢拎燒味汁加咗燒味汁上個麵度係另一回事你一開頭食個麵可能會覺得夠味但係燒味汁係會加咗少少甜味落個麵度，會將成個撈麵提升上另一個層次所以一定一定要佢另外加一碟仔燒味汁畀你會好食好多…查看更多

今次撲入荃灣有名的炯記餐室，一試佢哋的二人餐，正！🍽️ 先講下個鹽焗手撕雞，啖啖肉咸香惹味，雞肉嫩滑得嚟又有勁，正宗滋味令人手停口唔停。郊外油菜真係清新怡人，啱晒我哋啲愛清口嘅港人；冬菇醬皇豬手肉質腍滑，冬菇又吸滿咗醬汁，入口即溶，滋味十足。再講下麻辣雞腎啦，適中嘅麻辣味覺，啖啖雞腎爽口脆卜卜，攪拌開嚟辣香四溢。酸辣雲耳就真係開胃王道，酸酸地嘅同時又點綴咗少許辣味，食落唔止解膩，仲令人胃口大開。太子鵝油撈麵，幼滑不膩，撈一撈吸滿咗鵝油香，口感一流。最後落嚟，當然缺少唔到嚟嘅絲苗白飯同埋是日靚湯，滿足到我哋想要嘅簡單而溫暖感覺。啲飲品都係滿足咁簡單，齋咖啡或者可樂，配咗碟碟香口美食，簡直係完美。炯記餐室，你話，點可以唔再嚟？😋🍲🍜…查看更多

下午茶餐: 煙燻燒鵝瀨, 都是可以的, 但燒鴨較好味好食.外賣:鹽焗手撕雞: 同以往一樣, 都是不差, 唔錯的.半隻燒鴨: 唔肥的,好好味.叉燒燒腩仔例牌: 厚切瘦叉燒, 脆皮燒腩仔, 皮真很脆, 唔錯的.…查看更多

炯記, 無論堂食, 外賣都唔錯的!之前外賣過燒鵝骴鵝油撈粗, 好好食的.也外賣過幾次手撕雞, 因為好食, 所以外賣左幾次.堂食當然好食, 所以會外賣走.今次經過, 食個下午茶, 真的是三好!下午茶特價:燒鴨湯瀨粉 $28燒鴨好! 肉好! 肉香皮香, 啖啖好味!濃湯好! 湯底夠晒味, 夠濃郁!瀨粉好! 爽呀!本來好食到唔夠喉, 想外賣多個走的, 再想想, 下次再來叫個大份主餐, 食到夠喉為止.…查看更多

炯記的太子鵝油撈麵真是值得再訪，茘枝柴燒鵝油再加上他們自家製豉油，令麵條爽口彈牙，無得輸。醬皇豬手撈麵，三大件，好大件，油潤鬆軟的外皮，入口即化，陣陣醬油香，好推薦。麻辣手撕雞撈麵也不錯，雞滑滑的有雞味，麻辣不會很辣但有麻香。…查看更多