炑八韓烤 (屯門市廣場2期)

同老友去炑八韩烤开个圣诞节烧肉party 🎉，祝大家Merry Christmas。拣咗餐牌上 “圣诞惊喜烧肉罐”，以精致圣诞节铁罐盛载，拍照打卡好正呀！打开就有薄切和牛前胸肉配月见牛肉汁、猪颈肉、梨汁鸡肉、葱盐牛舌、韩国鳗鱼、酱油牛肩肉、厚切五花肉、仲有益力多烧牛五花，牛肉味道浓郁，质素高，烧烤后带香滑。主食系铁板三重芝士无骨炸鸡，配搭有拉丝芝士，每一口炸鸡有浓郁芝士，且炸鸡外皮脆卜卜，惹味非常又邪恶！韩式前菜都好吸引，泡菜、大豆芽、莲藕、薯蓉、萝卜等等都系任添任食。玫瑰佛手柑梳打，加入香柑果肉同有气梳打，颜色夺目，味道清爽。手打鲜橙茶，加入粒粒鲜果肉，每一口都有水果味道，so refreshing! …查看更多

2025年10月12日 差不多一年冇嚟，谂唔到食咩之下，又试吓有冇退步资料！今次点咗烧牛胸爽、炑八厚切五花腩、梨汁鸡腿肉、牛骨清汤，同埋三杯饮品～🐮 烧牛胸爽牛胸爽始终都系打边炉先发挥到佢嘅油香，烧完反而有啲遮盖咗原本嘅香味，有啲可惜～🐷 炑八厚切五花腩（$138）同$118六件嘅五花肉比，我反而觉得六件好食啲！厚切版本，猪皮好有口感。🍐 梨汁鸡腿肉水准保持到！依然系我的最爱～不过加咗梨汁之后好易烧㶶，要睇火慢慢烧，冇得Hea。🍲 牛骨清汤稳阵之选，每次必点！🥤 饮品今次换咗两杯特饮，再加一杯原价饮品，满足！💡 小贴士原来而家买Coupon好抵！$500买到$600额度，一张即用，其他留下次～仲可以一次过用晒，计落平过八折，抵！…查看更多

边有可能𠮶个Title写住话手抓饭但系都冇手套比😂😂😂😂😂，系咪玩嘢，要加$1先有比😂，咁你一系本身个Title就唔好写住手抓饭，我真系落手食呀😂😅😅😅😅？五月黎过都仲有，仲有多一只碟俾你盛住。…查看更多

今日晏昼经过屯门市广场发现有间烧肉店好多人排队，于是决定入去试吓睇吓系咪真系咁好味！韩式牛腱辣拌冷面个冷面真系好Q弹🍜，牛腱片薄得嚟又唔韧，唔食得辣嘅朋友可能要叫少辣。蜂蜜牛油炸鸡炸鸡真系必点！🍗个皮脆到『咔嚓』声，蜂蜜牛油味超邪恶🤤，甜得嚟带啲蒜香，食完手指都啜埋！不过得四件有啲唔够喉，同埋要趁热食，冻咗会油腻啊～」炸薯条炸得金黄脆身，似美式快餐店𠮶种！但系冇特别调味，要自己点茄汁，如果洒啲芝士粉或者辣粉应该更正！葱蒜牛五花烧烤首选！🐮葱蒜腌得好入味，油脂分布靓，一烧就香到晕～夹生菜+蒜片食超正！不过自己烧要小心火候，过咗龙就会韧㗎🔥。牛腹肉呢个肉质嫩啲😋，似系薄切牛小排，唔使点酱都够味。韩牛前胸肉韩牛油脂香超浓，入口即化～排队真系有道理！😍 整体质素高过连锁店，尤其系炸鸡同烧肉。炑八韩烤 (屯门)屯门屯隆街3号屯门市广场2期1楼12&15-17A号舖…查看更多

之前喺脆度睇，唔少人都觉得人生嘅难关好难过，唔知可以点做，甚至揾唔到生存嘅意义，其实我每个月嚟M之前都会有呢一种谂法，就系会谂生命嘅意义到底系乜嘢，当我连打边炉都平衡唔到心情，珍珠奶茶🧋都覆盖唔到… 呢个时候就要揾返老朋友出场，就系烧肉！好耐冇食烧肉，原来而家嘅烧肉店已经有埋炸鸡薯条呢一类型嘅选择，我觉得变成咗比较全面多样化嘅韩式餐厅，蜂蜜牛油味炸鸡出色到我觉得佢可以成为其中一款主打，个炸皮唔会太厚粉，肉质鲜嫩多汁，蜂麦牛油味冇得输，太出色了吧🤩我唔知道炸鸡下面系薯条，于是又叫咗薯条，导致成枱都系薯条而家午市套餐性价比好高，几乎full House，lunch set仲可以叹下小菜都真系算系咁，值得一赞嘅系饮品，多咗橙绿（即系手摇店入边𠮶一款），咁样咪几好啰🥰食得舒服又饮得开心🥳石头锅饭真系热辣辣，唔怕热气嘅朋友，一定要趁热食！我好钟意佢呢一个焦糖雪糕甜品，令到呢一餐嘅感觉更加圆满…查看更多