炑八韓烤 (屯門市廣場2期)

之前喺脆度睇，唔少人都覺得人生嘅難關好難過，唔知可以點做，甚至搵唔到生存嘅意義，其實我每個月嚟M之前都會有呢一種諗法，就係會諗生命嘅意義到底係乜嘢，當我連打邊爐都平衡唔到心情，珍珠奶茶🧋都覆蓋唔到… 呢個時候就要搵返老朋友出場，就係燒肉！

好耐冇食燒肉，原來而家嘅燒肉店已經有埋炸雞薯條呢一類型嘅選擇，我覺得變成咗比較全面多樣化嘅韓式餐廳，蜂蜜牛油味炸雞出色到我覺得佢可以成為其中一款主打，個炸皮唔會太厚粉，肉質鮮嫩多汁，蜂麥牛油味冇得輸，太出色了吧🤩

我唔知道炸雞下面係薯條，於是又叫咗薯條，導致成枱都係薯條
而家午市套餐性價比好高，幾乎full House，lunch set仲可以嘆下小菜都真係算係咁，值得一讚嘅係飲品，多咗橙綠（即係手搖店入邊嗰一款），咁樣咪幾好囉🥰

食得舒服又飲得開心🥳

石頭鍋飯真係熱辣辣，唔怕熱氣嘅朋友，一定要趁熱食！

我好鍾意佢呢一個焦糖雪糕甜品，令到呢一餐嘅感覺更加圓滿

1