炑八韓烤 (黃大仙中心南館)

营业中

休息中

早前去左黃大仙新開既炑八韓烤食晚餐，之前聽過佢地既牛肉質素不錯，最多人推薦更係佢地既午餐set，聞說相當抵食！所以我再去黃大仙店食多次lunch。店內環境很闊落，坐位很多，由小樓梯連接著上下兩層，裝潢都走著年輕活力的感覺！還放有這裡用上的韓牛品種「短角金毛韓牛」的假·真身。坐下後先上幾碟韓式開胃前菜，泡菜、海帶、酸蘿蔔和大豆芽都可續加。仲有食落新鮮的芝麻醬雜菜沙律。最鍾意炑八既泡菜蛋同芝士粟米可以無限添加，岩晒我倆都係芝士控，可以食到飽，芝士粟米烤到個底脆脆地就最好食。

話說好耐冇食過韓燒，上網搵黎搵去都唔知邊間好，聽講呢度嘅味道最正宗，最似接近韓國味道，所以嚟咗試吓！雖然呢度好多套餐但係我都係鍾意散叫多啲，先來一杯草莓梳打解下渴！首先店員就送上柚子沙律同埋青菜仔仔勁鍾意嗰件哈哈笑紅蘿蔔🥕覺得好可愛😄點好烤肉之後店員就會開爐，而爐兩邊分別有泡菜蛋同埋芝士粟米，兩個仔仔都勁鍾意芝士粟米，最正係無限添加架😍仲有四款前菜，分別有泡菜、酸蘿蔔、海帶絲同埋大豆芽，個人最鍾意好似中華沙律既海帶絲😍必點既果汁牛肋骨，上面仲有兩隻大蝦同埋一片菠蘿🍍燒菠蘿好好味呀，用梨汁醃過嘅牛肋骨甜甜地又好重牛味，真心勁正😍大蝦都算大隻，蝦味濃郁韓式梨汁雞肉都好好味！雞肉好滑，小朋友好鍾意食😍厚切上等鹽烤牛舌好有咬口，味道唔錯！霜降牛小排，油花分布均勻，快烤食得！牛味超濃，入口即溶！冇得輸👍🏻豬五花肉，個人覺得呢個真係太厚，好難燒得熟....以後都不會再叫了整體來講都算好食，店員熱情，而且食完唔會成身一陣燒烤味！值得再去！

😏$48，有主茶有飲品有小吃同湯，重有前菜任食叫左：主菜牛飯，小吃炸雞著條，😅諗注見圖見實物細細碗，點知……😑食完前茶同個飯，飽到不行了，先發現個湯同飲品未飲😑炸雞重要有6粒大大粒，半籃薯條🙄飽到不行了，成籃炸雞打包🤣飲品同湯好難打包，為有飽注飲左佢#$48+$1膠盒+$0.5膠袋=食左$49.5#必定再來，因好好食

本來對炑八期望唔大，因為以前食過lunch 覺得一般，點知今次比我好大驚喜！點嘅兩樣野食都好滿意，以呢個價錢嚟講 炑八夜晚嘅韓燒質素我覺得比其他名氣高嘅韓燒店cp值仲要好！服務方面都唔錯，侍應有禮貌之餘仲會主動幫手嚟燒但係唯一要彈嘅我諗係枱面同凳嘅清潔度，係油到我坐完起身成個大脾都係油雖然明白做韓燒難免油煙勁 但都希望下次侍應們清潔枱面時都留意下啲凳，見油嘅都抹下之後諗起食韓燒，平價版嚟講炑八都會係一個唔錯嘅選擇！

其實我都同屋企人食過好多次炑八，其他分店又試過，黃大仙呢間分店都試過，之前黎嘅時候，啲侍應叫都無反應，態度又差，所以都有一段時間無再去。甘岩早幾晚媽咪話不如去黃大仙呢間啦，甘我就同媽咪同啊妹入左去，甘就安排左卡位比我地，當時果位四眼男侍應笑容好好(利申後尾先知係主任XD)而且非常細心，適當時候幫我地換飲用水，換果啲前菜，遞上濕紙巾，牙簽等等，成晚我地需要去叫人幫我地次數係好少，而且亦都有同我地傾下計，非常親切，我媽咪同佢傾開先知原來係新來的主任，係差吾多埋單果陣媽咪話比TIPS佢，佢話呢啲係佢應該做，果下我覺得現今餐廳好少有啲甘嘅人，所以今次特登寫呢個食評，希望你地可以KEEP住呢種服務態度，加油！

食過幾次炑八最差係呢間，幾次黎到都無鉸剪同燒烤夾都要問職員拎 連放題都會一早放定係度食物其實無問題 試過碗入面有污糟叫人換 職員就話換過晒定換碗 咁話換碗就好吾耐煩咁俾過隻碗 。今次仲離譜無鉸剪同燒烤夾 但黎左野食 想問係咪叫我用手燒，野食黎晒叫佢俾份生菜十分鐘都未黎到 再問第二個職員先俾到，仲要洗吾乾淨塊塊都有泥自己要開碗水黎洗。其實想食餐飯姐俾得錢消費都咁既服務，第一次食既時候都覺得可能因為忙先咩都無 點知幾次都係咁。真係無下次 仲要吾係點 次次都有禮貌 但咁既服務就差啲 （絕對吾係燒烤既污糟）

之前留意到炑八新出了一個王者牛肋骨好吸引，今晚專登來食的。鍾意黃大仙分店夠大，夠闊落。餐廳近排推出了新餐牌及提供半份新食法，客人可從四大燒烤種類，包括豬，牛，雞及海鮮，揀選半份/全份，所以識食更係半份半份地叫，可以食多種不同款式，價錢相當抵食。今晚除了點了主打王者牛肋骨，還有特選五花肉，鹽烤豬背肉及芝士生蠔，2 個人來說每樣半份真是剛好，不用浪費。下單完，立即會送上開胃柚子沙律，任加的小食(芽菜，泡菜，醃蘿白及醃青瓜)，還有任加的泡菜蛋及芝士粟米。主角王者牛肋骨上枱真係嘩一聲，長度有23-25cm，份量十足，牛肋骨以梨蓉，洋蔥及蒜蓉醃製，肉質鬆化，燒完都不用點任何醬汁都十分夠味。咁大支牛肋骨好彩有侍應代勞幫我們燒熟及細心地剪開一細舊方便食用。特選五花肉，肥瘦均勻，包著生菜食更好，又可中和油膩感。鹽烤豬背肉原來是豬頸肉，肉質爽口。而芝士同生蠔永遠是好朋友，所以它們燒起來更夾，生蠔燒完仍然十分肥美，沒有變了蠔豉。$58 有3隻,抵呀!食韓國野，邪惡炸雞少不了，忍不住叫了一籃，炸得香脆肉嫩，醬汁甜甜辣辣。食燒肉當然要叫返杯凍飲，藍色的梳打好吸睛，亦不太甜。

今日本身諗住同男朋友去食呢間的午市韓燒，因為之前食過覺得好好食，但今日見到個lunch set 有石頭蟹膏飯同原隻鰻魚泡菜炒飯，好似好吸引，就叫左黎試下。鰻魚泡菜炒飯好快就上枱，賣相好靚好大碟，不過真系得個樣，一食第一膽就好失望，炒飯得個辣字，食唔到其他味，但個炒飯唔算話好辣，我唔食開辣既都食到；而條鰻魚係碟飯既敗點，好難食，十分十分腥，條魚既口感都好差。到個石頭蟹膏飯，賣相都系好靚好大碟，不過我拌左飯先記得影返相。又系好睇唔好食，個飯無味的！一d蟹膏味都食唔到😢，蟹肉似系蟹柳代替的，完全無蟹味！平時黎呢間食韓燒我會好推介，但黎食飯就唔好了😓

得個油字，想食多兩份肉都食唔落，同個friend食完個胃都油到想嘔。。。。。。。啲肉油到狂食菜都清唔到個是陣油味，想嘔，牛胸肉又硬過阿婆啲筋，豬五花腩又油又乾，食煙肉都無咁嬲。。。。。。。。。。。。。。。。。。。。。。。。。。。。。。Lunch 平嘅可以食下嘅，晚市又貴又唔好食，個胃仲油到好唔舒服，未食過咁樣嘅燒肉，可一不可再！為左可以夠200字評分先打咁多字，一個字，差差差差差差差差差差差。

年初三的午餐，竟然冇加價，同平時一樣，實在太好，我地就唔係食韓燒，只不過係食平時的午餐我地兩個人叫左韓式牛肉拌麵同雞肉蛋包飯個餐會跟前菜同湯，前菜係大豆芽同泡菜。湯就普通，又唔會話好淡，大豆芽夠凍好爽口，泡菜就偏甜韓式牛肉拌麵，可以將佢分開一半，左邊係沙律菜墊底，右邊係拌邊，上面有一堆牛肉，再上面有溫泉蛋個拌麵已經預先落左醬，不過個醬唔會話好辣牛肉份量巨多，汁又多，肉又唔韌，好好味雞肉蛋包飯蛋好滑，好厚身好有份量，不過偏油雞肉大件唔韌入味，不過都係有少少偏油

新年前同朋友黎到黃大仙食午餐, 朋友話好耐無食韓國野, 我當然奉陪啦～12點半黎到剛好學生放飯時間, 見到好多學生一大堆一大堆入餐廳, 店員都開始忙起上黎。一坐低未點餐, 店員都會一人一碗熱湯同三碟前菜, 之前喺其他分店多數係海帶湯, 今次係好多肉既又幾好飲喎！我地三個人叫咗一個烤肉餐, 一個牛肋骨, 同烤五花腩流心蛋飯, 烤肉餐會包一碗🍚之餘, 仲可以無限任添邊爐蛋, 好抵食。🔸蔥蒜牛五花🔸點餐後店員會開定爐預熱, 可能開得太大火, 一開始烤肉時好快燶, 之後閂返中細火就好好多了。 加埋蔥蒜好好味, 牛五花係比較少少咬口的, 用生菜包埋飯同泡菜超正👍邊爐蛋一邊個淨蛋, 一邊係泡菜蛋, 叫一個餐都可以無限任添超正, 不過要留意返煮熟既時間。 其實仲可以加錢要邊爐芝士, 不過午餐有邊爐蛋都好滿足了。🔸烤五花腩流心蛋飯🔸流心蛋汁撈埋泡菜五花腩同大量生菜同紫菜, 唔辣仲好好味, 好容易就食咗一碗飯🔸牛肋骨煲🔸仍然係我最愛, 牛肋骨炆到好淋, 與其話係醬汁不如話係湯汁, 甜甜的醬油味, 加埋清甜蘿蔔, 送飯一流。

由於要清假嘅關係， 今日平日既中午終於可以嚟試下炑八嘅午餐， 但呢度既staff 服務真係要改善下， 我喺門口等咗好耐都冇人理我， 好多staff見到我都扮睇唔到....... 入到去 我叫咗個烤五花肉 流心蛋飯， 只係要48蚊， 另外加八蚊要咗杯柚子檸檬梳打， 呢餐總共係56蚊仲要唔使加一平時夜晚嚟食韓國燒烤就試得多啦， 平均一個人都要二百幾蚊， 今日lunch黎，56蚊搞掂，抵呀～一叫完嘢佢就嚟咗兩個前菜同一個湯， 前菜係大路嘅芽菜同大白菜， 而呢個牛肉清湯飲落有少少辣， 應該加咗好多黑胡椒五分鐘左右就嚟咗個主菜， 佢嘅烤五花肉幾好食， 有少少肥但係0係爽嘅肥， 飯既份量都好多， 唯一覺得唔好嘅係流心蛋唔夠流心我食咗個飯一大半。。佢都未嚟野飲..... 原來係漏咗單🙄🙄🙄 估佢唔到叫一個餐一杯嘢飲都可以 漏咗單柚子檸檬梳打都幾清新，加8蚊係幾抵既吾怪得平日lunch咁多人黎喇

之前係旺角同朋友食過好正 諗住近近地去黃大仙分店點知好失望 雪濃湯太淡，完全無肉味，撈埋飯，淨係食到飯啲“味素”味道。五花肉 - 唉，旺角分店好嫩好好食唔知點解呢間咁“鞋”以為自己燒嘅方法有問題咁就請侍應幫手燒但係無分別，一樣咁難咬同“鞋”同埋佢有個星期一/二特價餐牌原來要order兩份正價肉先可以揀一樣特價食物但餐牌上面無講到亦發覺附近幾枱都有呢個情況1. 客人係未知嘅情況下，點咗一份正價，一份特價2. 侍應落單後離開3. 之後先返回再同客人解釋Take Order 呢part真係可以做好啲或者入座嗰陣同客人解釋埋就算食 下次唔會再揀黃大仙分店

呢間嘢嘅好處就係方便黃大仙地鐵站一出就係 唔使揼雨。 地方亦都好大， 不過因為冇自己洗手間移商場個洗手間其實係幾遠嘅 仲要上樓上先至有。 佢哋個下午茶餐份量其實好大杯飲嘢亦都好大杯， 以韓式嘢嚟講味道唔錯。 比較欣賞佢哋識得運用芝士配合食物個效果好好。 芝士配飯同啲粟米mix出嚟真係好食， 另外有款貴啲嘅牛肉同啲湯啖啖肉味道 亦都合適 。 下午茶平均四十零蚊食得飽 味道亦算係ok 。不過老老實實係下午茶就抵食如果夜晚食睇見個menu都幾貴下， 如果係大食嘅話可能另外搵啲任食嘅會好啲，，，，， 佢耐不耐 有啲優惠 不過啲服務員好似都唔係好清楚咁可能始終都係後生仔女多。

平時晏晝夜晚有時都會黎下呢度食飯 但因為早排學生有discount 所以今次同朋友就食貴啲叫咗幾個燒肉套餐食我哋分別叫咗一個四人燒肉套餐同另一個套餐 因為呢度嘅配料同埋爐邊蛋芝士等等都係任食 所以我哋另外只係再叫咗幾個主餐 雖然肉嘅份量睇落去好少 但加埋其他配菜主食等等 我哋六七個人share食都夠飽 同埋佢呢度肉嘅質素都唔錯 同埋佢食物都擺得幾靚食之前梗係要影返幾張相打卡！不過我哋食咗佢嘅海鮮煎餅就覺得一般 下次你都未必會再叫🤔