炑八韓烤 (黃大仙中心南館)

营业中

休息中

今次同朋友仔呢到這間韓國烤肉 食個午餐 之前都未嚟過 入到去環境唔錯 感覺都好舒服 午餐我哋嗌咗兩個set 加個 海鮮煎蔥餅 三個人食 講下佢啲泡菜先 食落去覺得佢幾新鮮 爽脆 味道唔錯 如果怕辣嘅朋友仔 佢呢個泡菜就比較適合你，因為佢係唔係太辣而我哋嗌咗兩個set嘅燒肉特級牛肋骨～ 賣相唔錯 但感覺比想像中韌 我朋友話其他分店冇咁韌 好味啲蔥爆五花腩～ 仲韌過特級牛肋骨 可能係我哋唔知應該燒幾耐喇 泡菜唔叫都唔畀我哋 但係眼見個男職員喺隔離檯服務非常之殷勤 幫佢哋燒埋剪埋有傾有講有笑 大細超得好緊要 感覺有啲不良海鮮煎蔥餅～ 剪得好薄側邊有微微燶 好香脆 整體嚟講好味嘅

受疫情影響，座位減少，食客亦相應減少，侍應安排等候座位混亂，叫食客在地下等候，沒有排隊沒有取號碼，食客胡亂企，侍應認不到客人，被人插隊亦沒有做出相應安排，帶位侍應態度散漫，步入座位前講了三次，叫侍應帶位才行動，亦對我惡言相向。到結帳時仍未有單，直到主動問侍應取帳單時，侍應態度惡劣，直接叫我記低枱號到收銀處，枱號又無標示於各座枱上。座位安排差，等候程序混亂如果你相熟情況尤如在此餐廳工作一樣，歡迎光顧。主要侍應態度惡劣，食物幾高質都無用。不會再光顧黃大仙分店。

驚喜一：正值疫情第三波，各社區勁爆唔係講玩。服務生帶位入座，便立馬奉上附有枱號及QR code的單據由食客自己操盤落單，操作簡易(新手上路如我也毫不困難)，免除人與人接觸化繁為簡。讚讚讚！驚喜二：只$28蚊便有包括冷飲嘅大大份茶餐。大大杯飲品 eg.凍奶茶、凍檸茶。主菜有1.雞扒蛋包飯、2.芝士泡菜拌飯、3.韓式素拌飯。另有$38蚊套餐可揀(附有配菜)，在此不作詳談。小的點了雞扒蛋包飯，真的超級無得彈！甫端上桌子色香味俱全又亮眼，包括了滑蛋滑溜溜顏色黃燦燦，但蛋中飯(珍珠米)卻包裹得恰到好處無穿無爛，真的廚藝精湛！四大塊厚切雞扒肉質嫩滑大啖大啖，黑椒調味風味十足吃得開顏，還有少許伴菜襯托着，出落大方，味道可口，用心經營，即使只是$28蚊平過茶餐廳開餐，依然能夠辦到質量如此不凡，吃完飽到今晚(慳返晚餐，順便intermittent fasting 囉)。再一次讚嘆！！在此當兒疫情瀰漫，愁看人類前途暗淡，能夠吃一客炑八 Meokbang 的靚麗茶餐，好像又重新得力希望在人間！這是我的加油站！香港人要加油能捱過去就是精英戰鬥力無限！p.s.1. 由手機入單至主菜上桌，中間等了廿分鐘，有點慢。

星期六夜晚，好有興致去食韓燒，一向食開炑八，覺得佢調教嘅味道好適中，依價錢亦都好friendly🤪 今晚叫咗王者牛肋骨，蔥蒜牛五花，厚切豬腩肉 🥰 當然仲有佢嘅任食芝士粟米，泡菜蛋，酸蘿蔔，泡菜，大豆芽，生菜，沙律（沙律只可叫一次）啦！食物故知然好食，佢哋嘅服務都非常之好佢哋嘅員工一叫就即刻攞俾你，嗰個都好有工作熱誠，我留意到其中有位員工叫阿Fung, 真係要讚一讚佢，佢好細心，有禮貌，有笑容，有耐性 😁 雖然工作匆忙但係佢都好細心，唔會敷衍你！讚我俾個like佢👍 如果如果香港每個食肆啲員工都好似佢咁，相信好啲食肆生意好快就會復甦！真係唔係誇張😆 今晚多謝佢嘅招呼😊🙏

今日午餐我叫左個特級芒士泡菜五花肉韓式拌飯餐（$58），我再加$4轉做粉絲。好抵食呀，套餐已經包左大荳芽湯同四款小碟配菜，有泡菜+芽菜+蘿蔔+海帶。個餐係用鐵板上，好熱，等得耐少少，大約等15分鐘。芝士味好濃，撈埋隻蛋拌落d粉絲度，實在係勁邪惡～份量好足，就算係男仔都食唔曬。整體來講，抵食！

這是一間韓國餐廳，他們六月份在做promotion，但下午茶也有很多選擇，我這麼證明，當然選擇左佢哋一個最便宜的下午茶，啲芝士雞蛋泡菜豬肉飯，只係$28 ，再送飲品，佢哋如果大家係大胃王，可以選擇另一個下午茶套餐，有飯，有韓式手卷或者炸雞，仲有前菜，前菜亦都可以再添加一次的，而且係完全唔使+1的，係唔使+1嘅，超級抵食，窮人因物。環境裝修好似置身於韓國一樣，而且服務員的態度很好，殷勤，而且食物，絕不馬虎，我已經介紹了給很多朋友去光顧，最重要是價廉物美，我本人極力推介。

閒時來炑八都是食韓燒，亦試過一次外賣，今日（1/6/2020），第一次來食午餐。午餐餐牌選擇不多，居然沒有喜愛的韓式燒炒粉絲，未點菜，湯及配菜已送上。是日選了石頭牛肉飯及牛肋骨配紫菜飯。牛肉飯麻麻，太乾，牛肉無肉汁。牛肋骨就好掂，有四大塊牛肋骨，骨煮得好入味及嫩滑，筷子一夾，肉同骨很易分離，湯好甜，配飯，一流。飲品選了甜米水，之前多選藍天使梳打，今日見收銀櫃位多了一個甜米水樽做裝飾，刻意留意餐牌，見有甜米水，就來試試。甜米水唔知係唔係在韓劇汗蒸幕成日見到的飲品？甜米水甜甜地，幾好飲，相比梳打，應該較健康掛。午市堂食重有八折，抵。

不分政見，只想推介好東西。全單外賣48折，抵食夾大件。值得推介是雞扒飯，4件大大舊雞扒，配合一碗酸酸甜甜的飯，很是開胃，而那個沙律更是起了一個中和作用🤟🏻😛相信未來也會成為我的晚飯天堂。

母親節當晚大約6時三十分左右到達，餐廳門口已有很多人在排隊，幸好我們早幾天經openrice訂了位，所以只是等了一會就可以入坐，因為是節日關係，平時用餐沒有限時，但這晚用餐時間只有90分鐘，由於餐廳當晚多人關係，由點餐到上食物都用了不少時間，燒起來感覺是有點趕的! 我們都覺得食物味道是不錯的，份量也不少，除了韓牛一碟只有6薄片，但價錢要二百多元有點貴外，其他都不錯，而且還可以任添爐邊蛋和芝士粟米，會再幫襯的。

炑八都做外賣自取優惠，睇下有幾優惠先😎外賣款式都算多，我就買左兩個飯兩個小食，睇下份量夠唔夠先。雞扒蛋包飯~嘩，有四件雞扒，茄汁飯，仲有蛋，好足料，味道👍特大牛骨清湯配飯~有三件牛骨連肉，粉絲湯，清清地，岩味道。紫菜牛肉包飯~我最 like 必嗌食品海鮮煎蔥餅~有少少失望，海鮮好少，蔥就真係好多😅，口感都ok。以上每樣食品都可以加前菜一客，選擇就有三款。我買左四樣食品，所以可以加四個前菜。但由於得三個選擇，所以我最後都係三份前菜各一就算喇，而前菜的份量都比係店內食的多👍

午餐時間食個韓式靚飯先————————————————去到店員會送上信封俾你裝口罩👍🏻之後就會送上兩碟韓式小碟泡菜同大豆芽仲有人蔘牛肉清湯俾你補氣😏今次我都係叫大醬湯唔知點解同第一次食果時唔同味🤔不過都唔錯湯料豐富雞排蛋包飯今次好吸引滑蛋下面係西炒飯唔中意食蕃茄嘅男友表示中伏但竟然食曬成碟🤣雞排煎得香脆男友表示好滿足堂食仲有85折👍🏻————————————————☬ 名品大醬湯配紫菜飯 $48☬ 雞排蛋包飯 $42

社交平台介紹外賣自取48折，今日（13/4/2020）即來試試，是晚只有幾個人等餐，七點二十五分落單一客雞扒蛋包飯及一客烤牛肉炒粉絲，收銀話八至十分鐘可取，後在七點四十五分至拎到，都算是合理時間。埋單因不足一百元，要付現金比較麻煩，炑八可考慮以電子貨幣，如八達通或支付寶等，就較方便。兩客外賣，回到家食還很熱，炒粉絲略油，牛肉還很入味，雞扒很滑，份量都足夠，很抵食，埋單只係六十四元，好過自己煮，如果可以可多些蔬菜少些肉，就更理想。

忽然好想食韓式炸雞！又打開手機應用程式揀賣韓國菜式嘅餐廳買外賣，見到炑八韓烤嘅炸雞，我哋未食過呢間餐廳嘅食物，一於試吓！外賣大概30分鐘送到，炸雞仲熱辣辣，飯同粉絲都暖暖地，外賣嚟講算唔錯！蜂蜜牛油炸雞$98- 相信係新鮮炸起嘅，因為都幾熱辣辣！不過我覺得份量有啲呃人，明明話有半隻雞，最尾得五舊炸雞，底下全部都係薯條！雖然蜂蜜牛油味幾香，但係得五件炸雞令我有啲傷心，唔係太想再幫襯。特級芝士泡菜五花肉韓式拌飯$73- 推介！呢個拌飯嘅香味一定會令人流口水！我以為拌飯會係有好多配菜嗰款，而呢個拌飯係一邊白飯一邊有泡菜芝士汁加五花肉同煎蛋。雖然同我想像中有少少出入，但係將醬汁撈埋飯再加埋韓式辣椒醬一齊食簡直無敵！泡菜好爽口，口味配合返香港人唔係太辣，正！韓式牛肉炒粉絲$89- 炒粉絲油膩感比較重，食完有啲濟濟地，牛肉片好大塊同醃得夠入味，仲有隻煎蛋撈嚟食，唔錯。整體粉絲好重口味同heavy，未必會再叫。

呢排起身個刻就已經覺得好凍，即刻好想搵啲超級熱嘅嘢食！又想食啲重口味！就食韓國嘢啦！睇一睇個餐牌，又update 左wo, 原來每隔幾個月佢哋個Menu就會變一次，我諗可能係大概三至四款左右la,有新鮮感！要讚！今日兩個人，又想食鐵板，又貪心想食多個牛肋骨！一於叫晒！一坐低， 就會自動送上兩款小食，今日係泡菜同埋芽菜，其實每次佢都有機會唔同！又有小驚喜！仲有紫菜湯！同埋要講嘅係，佢哋都凍檸茶好大杯！啱晒我呢啲水怪！熱辣辣嘅鐵板芝士泡菜五花肉粉絲，好快就送到我面前！仲有隻雞蛋，最鍾意撈埋一齊食！滿足！另一個牛肋骨都好正，燉得好入味同埋好入味！啲肉同啲骨，輕輕一咬就分離！正！配埋個紫菜飯簡直一流！午餐仲要唔使+1添！！

平、靚、正、快、大堆頭的韓式下午茶，巧吃！回味！🤩每天包括週日和公眾假期都有供應，下午茶時段為pm2:30-pm4:30，$38不用加一。平日客量不多，環境格外舒適怡人，0秒等位，但到假日場面則非常澎湃。😅前菜是細細碟的大荳芽菜涼拌和kimchee，可再柯打不另收費。芽菜又鮮又脆，叫人念念不忘。🥰清湯鹹香味，總之吃完不會喉乾舌燥，MSG測試完全pass。😍配菜可挑炸洋蔥圈(可惜不是原條洋蔥)、炸蝦肉餃子或其他，餃子大大隻，餡料堅有切成大丁方的蝦肉、雜菜和粉絲，工夫可不少 欵！😘主菜可選流心蛋咖哩飯、流心蛋牛肉飯或其他。咖哩汁是近似日式的甜咖哩，拌以雜菜，輕巧不膩。牛肉飯則大大塊，有喫口，沒有將貨就價，沒有欺場，有料到！😁飲品是免費供應的樽裝甜米水，少少甜，cool！若轉其他飲品則要另加$8。🤗只$38的下午茶，有菜有肉有飲品，吃完捧腹離場，夫復何求？😂