火玲瓏

download個App黎評論…今晚話特登一家人黎試下新店，真係好難食，難食之餘仲係貴嘅…雞湯係未食就已經聞到雞騷味嘅，乾鍋裡面嘅豬大腸都係好重豬騷味，燒鴨嘅肉係霉嘅，孜然羊肉係食唔出羊肉味嘅，但比起前面已經係最好食。食左六百蚊，唔知自己食左乜嘢，俾完錢仲係肚餓😇😇希望可以改善下，擺盤靚冇用架，擺落口食嘅嘢最好唔好有騷味la……查看更多

回到香港的家的第一餐，就在附近的大本營吃中菜，畢竟在北歐不易找，也不會故意去吃。這家本新川滬菜餐廳在之前吃的午餐碟頭飯，感覺一般，來到晚飯就覺得比較出色，不知道是因為思港情切還是真的水準更多好就是。酥炸黃魚外表夠脆，內裡魚肉軟溶，肉香直接而且夠乾爽；醉雞和水煮牛肉也夠入味，沒有奇怪的味道和口感，後者辣勁和麻勁也夠，這裡不是油塘唯一能吃水煮式的地方，但餐廳夠乾淨，吃起來更放心。For my first meal back home in Hong Kong, I visited a nearby Shanghai/Sichuan restaurant in Domain. While a previous lunch experience was average, dinner was far more impressive—perhaps it was nostalgia, or a genuine improvement in quality. The deep-fried yellow croaker was perfectly crispy with tender meat. Both the drunken chicken and poached beef in chili oil were well-seasoned, with the latter delivering a satisfying spicy and numbing kick. Though not the only option for this dish in Yau Tong, the restaurant’s cleanliness is reassuring.…查看更多

晏晝陪爸爸去油塘買嘢同佢食埋個lunch先歸家揀咗間京川滬菜館食午市仲包埋餐湯ღ四喜烤麩 $68烤麩鬆軟有彈性好有咬口，索滿醬汁，味道鹹中帶甜，每啖都滿足味蕾ღ 三盃雞飯三盃即係醬油、米酒同麻油三種調味，雞肉慢火燉煮至入味，肉質嫩滑多汁，帶點微辣同酒香，飯粒分明吸飽醬汁，一啖咬落去層次豐富，暖胃又滿足-追加小食雞絲粉皮，粉皮晶瑩Q彈，雞絲細膩鮮嫩，拌埋醬汁，爽口解膩ღ 鳳梨甜酸魚塊 色澤鮮艷誘人，魚塊新鮮彈牙，外層裹粉炸得金脆，內裡鮮甜，配上鳳梨塊嘅酸甜汁，味道酸甜開胃ღ椰汁紅豆冰｜凍檸茶…查看更多

聽朋友說呢間川菜館嘅烤鴨巨絕，身為食肉獸嘅我點可以錯過！即刻沖過來打卡，果然冇令我失望～🦆北京烤鴨（半隻）呢份烤鴨真係食肉獸福音！肉量俾得超足，每一舊都厚實入味。鴨皮烤到酥脆酥脆嘅，咬落去仲帶住焦香，單食或者卷餅都好好味。搭配嘅面皮、蔥絲、青瓜條同甜麵醬，一卷就係一口滿足，半隻落肚幸福感拉滿💥🥟紅油抄手（8粒）抄手個頭飽滿，一口咬開全係肉，肉餡鮮嫩多汁。紅油嘅辣度微辣適中，唔會好嗆，芝麻同紅油嘅香氣裹滿每一個抄手，食起嚟啖啖肉，太過癮了！🥬手撕包菜爽脆嘅包菜搭配乾辣椒爆炒，鑊氣十足，鹹香入味，好解膩嘅一道菜。仲有凍咖啡同凍檸茶，解辣又解膩，搭配川菜絕配～呢間店真係被朋友介紹對了，烤鴨性價比超高，食肉獸一定要沖！下次仲要來試試其他川菜～…查看更多

火玲瓏餐廳剛剛進駐九龍油塘高超道38號大本型3樓,餐廳裝修簡約以橙色和白色為主調,座位寬敞用餐舒適,餐廳主打粵京川滬菜,餐廳提供午市套餐和下午茶餐供客人選擇,食物份量大性價比高。小食拼盤拼盤有鎮江餚肉,四喜烤麩,蒜拍青瓜和話梅醉雞,最喜歡食鎮江餚肉,有層次口感。牛肉香鍋香鍋材料有蓮藕,薯仔,萵筍,芫茜,香蔥辣椒乾,椰菜花和芝麻,材料豐富,牛肉微辣,口感嫩滑有牛味,配有白飯,飲品有熱情果蘇打和柑桔檸檬蘇打。五香牛筋腩麵配有豬肉包和蒜拍青瓜,五香牛筋腩厚身大大件,口感淋滑,油香肉嫩,麵身軟硬適中,每條麵條都掛滿五香牛肉汁,飲品有熱奶茶,甜品有椰汁紅豆冰粉。…查看更多

今日放假去左油塘大本型買野跟手食埋飯. 見到呢間京川滬菜好似幾吸引去試下啦. 餐廳好大, 座位都好寬敞. 有卡位.我地兩個人店員都安排4人卡位俾我地真係讚. 朋友話想食魚. 咁我地揀左味手工菜. 試下廚師功夫啦. 松子桂花魚 (原條)   $188賣相好得， 條魚都好大條。 真係原條去炸， 勁香脆特別係魚頭魚尾好似食緊薯片咁， 魚身魚肉好嫩外皮就爽脆，  個醬汁偏酸好開胃配飯一流。 個醬汁勁多蝦仁， 菠蘿粒，好好味。 佢地廚師功夫真不錯. 清炒蒿筍絲   $68新鮮爽甜， 個魚重味， 配番個清淡D嘅菜。爆汁好糖糍粑   $58外皮酥脆， 內裡香甜煙韌好味。 佢地不用加一, 真心OK !  下次會試佢地嘅炸子雞.   火玲瓏地址: 香港油塘高超道38號大本型3樓310號舖 …查看更多

上次同朋友到油塘有間特色京川滬菜餐廳：火玲瓏剛有窗邊卡位，我們坐下來慢慢品嚐美食，更可以望出去海景及商場打卡位，餐廳環境舒適午市時間到可選午市套餐價錢親民，不用加一，味道不錯👍脆皮炸子雞(半隻）宮保雞丁飯酸梅湯鮮肉馬蹄雲吞湯拉麵配小籠包手工上海小籠包 （4粒）加＄18就有兩隻，一口食落滿有湯汁，蘸醋同薑絲一齊吃更滋味呢！埋單各自比錢分開兩張單， 下次都會再幫襯火玲瓏 地址: 香港油塘高超道38號大本型3樓310號舖…查看更多

今日試咗呢間開張不久的火玲瓏，食京川滬菜嘅。餐廳仲有窗邊卡位，可以望到海景同埋商場嘅打卡位，環境舒適。午市有午市套餐價錢親民，不用加一 ，口味都幾正宗，性價比唔錯。我哋兩個人叫了兩個午市套餐，套餐包飲品或者湯，再追加了一些小食，份量相當滿足。招牌酸菜魚片飯份量相當慷慨，好多魚片，大大塊，魚肉白滑，完全冇骨，不會有魚腥味。金黃色嘅酸菜湯底好鮮味，酸辣味道適中。配菜有萵筍，大豆芽菜雲耳仲有冬粉。呢個酸菜魚仲包埋白飯，一定飽肚。手工上海小籠包（4粒）我哋呢個套餐追加了兩份小籠包，加$18就有兩隻。小籠包質素不錯，個皮好薄，而且大少少煙靭，不容易穿。入邊勁多湯汁，蘸啲醋同薑絲一齊吃，相當好味。麻婆豆腐飯麻婆豆腐味道相當惹味，豆腐粒不易爛而且有豆香，加埋啲肉碎，送飯一流。雞絲粉皮呢個套餐我哋追加咗雞絲粉皮，同樣加$18，好抵食，粉皮爽滑，撈埋青瓜絲同雞絲配合麻醬一齊食，相當清爽。最後飲埋跟餐嘅熱咖啡同埋熱檸水，再慢慢睇吓靚海景，很滿足。…查看更多

火玲瓏 (油塘大本型)。2025/Sept/Wed/18:00。2人共HK$280 免加一。⭐️⭐️⭐️⭐️晚餐也不錯，起碼不是預制菜。..............⭐️⭐️⭐️位置近地鐵，易揾。⭐️⭐️⭐️空間大，坐得舒服，感覺乾淨。⭐️⭐️招呼有禮，但出餐有點亂。................⭐️⭐️⭐️全日2人餐$280。⭐️⭐️⭐️冷盤1款涼拌青瓜海蜇，爽。⭐️⭐️小菜1款蜜桃咕嚕肉，味道好，個人覺得量少。⭐️⭐️⭐️⭐️主菜1款酸菜魚，小辣，酸辣味很出，配菜多，份量足。⭐️⭐️小食1款小籠包2件，皮較厚。⭐️凍檸荣，較淡。⭐️凍駌鴦，較淡，奶太多，無啡味。⭐️⭐️白飯2碗，夠乾身。..............油塘 大本型3樓 310號舖港鐵油塘站 A1出口.............…查看更多

火玲瓏 (油塘大本型)。2025/May/Tue/15:00。3人共HK$133 免加一。⭐️⭐️⭐️新開張下午茶抵食。..............⭐️⭐️⭐️位置近地鐵。⭐️⭐️⭐️感覺乾淨。⭐️⭐️⭐️坐得舒服。⭐️⭐️⭐️招呼有禮。................⭐️⭐️下午茶醉雞飯$38，量小，入味，肉比較鞋。⭐️⭐️熱鴛鴦跟餐送。⭐️⭐️⭐️下午茶酸菜飯$42，量多，好味。⭐️⭐️凍檸茶跟餐+$5。⭐️⭐️下午茶大盤花菜飯$38，無味，太水。⭐️⭐️熱情果梳打跟餐另+$10，偏淡。..............油塘 大本型3樓310號舖油塘地鐵站A出口.............…查看更多

樓下大本型開咗間火玲瓏川菜餐廳，咁耐都未試過，便去試吓分別叫咗以下野食楊州炒飯食落味道正常，份量都足魚香茄子食落香辣野味，味道唔錯，送飯一流，可惜偏油鮑魚雞煲雞肉食落香辣軟腍，醬汁好濃郁，份量都足，鮑魚食落偏韌，有點難咬，味道唔錯松子桂花魚一上枱，覺得賣相有點怪，原來魚尾唔見了，食落魚塊香脆，但偏硬，而且醬汁偏酸，味道唔差嘅招牌冷盤(四喜烤歡 、話梅醉雞、鎮江肴肉、蒜拍青瓜)四喜烤歡，食落味道正常話梅醉雞，食落好冰凍，好似未解凍咁，食唔到話梅味，普通凍雞鎮江肴肉，食落味道正常蒜拍青瓜，食落爽脆，滿滿蒜香味，幾好食整體來講：食物味道普通，唔算難食，未去到想再食果種，環境似國內嘅裝修，但都坐得舒適，服務還可以，價錢可接受…查看更多

午市套餐蔥爆牛肉配飯 $66午市套餐酸菜魚配飯$66每個餐加$18可以有小籠包兩隻套餐的例湯嘢食係ok正常嘅不過佢同商場出面係無間格咁濟就算有冷氣都好似無冷氣咁…枱枱櫈櫈傢俬都有好廉價嘅感覺裝修風格好奇怪 再加埋個工業風天花板😵明明依啲嘢都唔洗洗好多錢就可以整靚啲…睇得出老細啲品味… 仲要一路配住啲唔知乜嘅普通話歌耐唔耐仲有個Spotify嘅廣告😲廚房又有師傅開歌一齊mix埋坐低食飯體驗真係低無可低…查看更多

今日同朋友食飯，第一次食油塘火玲瓏，地方舒適，食物質素ok，重要係冇加一服務費，侍應姐姐態度好，送食物速度又快，我哋食4人餐，乾鍋ok，甜酸魚塊ok，只顧食，冇影相😆，最後侍應姐姐還送給我哋4碗飯後甜品😁大滿足。…查看更多

睇到咁多差評，我又唔覺得係咁差喎，可能差評之後有改善？之前剛開業可能差啲，堂食食過兩次，外賣酸菜魚起碼有四次。必食酸菜魚佢個酸菜魚係我食過咁多間之中最好食，湯金黃色又多料，之前係寬粉而家變咗薯粉，之前外賣，我話要多啲寬頻佢真係畀好多我寬粉我，湯必定攞嚟撈飯，食完冇口渴。咕嚕肉ok咬落林身juicy, 睇唔到有肥但感覺有油脂感，但個罐頭桃唔好食。食二人晚餐$280, 四樣野加飲品,我覺得都算抵食，小籠包食過不過不失，人少食得唔多，其他嘢未試，有待再評！員工方便我覺得個個都唔錯喎，都好nic2執枱抹枱都好快手，又唔求其抹，好認真抹乾淨張枱畀我哋坐，又細心，知我想點餐，特登喺枱嘅另一邊第個qr code畀我。冷氣剛剛開業時間係唔夠，可能今日入黑先就坐冷氣夠凍。…查看更多

警世文北京填鴨根本就唔係咩片皮鴨，鞋到傻咗，根本就普通燒味鴨切片擺上黎。配菜唔新鮮。韭黃鱔魚韭黃又老又多渣，啲魚唔新鮮，仲要食得出唔係鱔，份量好少$128 蜜桃咕嚕肉全部都係筋，韌都食唔到，一係就全部都係肥肉，肥到食唔到，配菜顏色核突，切到一岩一忽。環境唔太乾淨，冇冷氣好熱，員工服務態度勁差 上菜時間勁耐白飯都等咗四個幾五個字 唔吹都唔上嚟 個員工仲要送菜嗰陣要踩咗兩腳都冇講對唔住 返去食兩餸飯都冇咁嬲 劣劣劣…查看更多