火五越式牛肉粉專門店 (其昌樓)

营业中

休息中

我好鍾意食越南河粉，朋友介紹呢間火五越式牛肉粉專門店相當唔錯，抵食又大碗，而且牛丸仲好彈牙，講到咁吸引，咁就要試吓喇😎▪️🍲火五火車頭牛肉粉 $62生牛肉，熟牛肉，和牛丸，扎肉之前朋友已經叮囑我係好大碗，我已經叫要少河粉，點知一上枱都嚇親，真係超級大碗，湯頭唔錯，幾甜，有我鍾意嘅大量洋蔥同埋葱，牛丸真係好好食好彈牙，生熟牛肉厚薄肥瘦適中，扎肉就係越南傳統，幾唔錯，但當然我係唔會食得晒😂😂▪️🐷香矛美國黑毛豬扒 $42有香茅嘅嘢都係我心頭好，呢個豬扒香茅味濃郁，豬扒肥瘦適中，加上葱油一齊，幾惹味▪️🍤蒜蓉牛油蝦球 $48呢個蝦球香到不得了，好濃牛油和蒜頭味，炸槳厚薄適中，主角蝦非常彈牙，鍾意食熱氣野嘅朋友唔好錯過▪️🥤凍荔枝茶 $19荔枝茶幾清甜，鍾意佢冇冰夠凍唔甜，食咗咁多嘢梗係要解解渴

今日放工經過佐敦，行左陣突然好想食越南野，咁啱就搵到呢間餐廳，喺正澳牛隔離，地方唔大，野食唔貴，所以決定比個機會佢！炸軟殼蟹撈檬（$68)呢個價可以食到原隻炸軟殼蟹真係好抵！軟殼蟹炸得好脆唔油膩，size都唔細架！有一隻手板咁大！撈檬就不過不失，但份量超大，兩個人食都唔係問題😂黃金蝦球 五件（$48)呢個黃金蝦球我超級推薦👍🏽首先佢比嘅鹹蛋黃醬非常之多，點極都仲有咁，而且好濃味😋蝦球都炸得好香，裏面都有原隻蝦，好食😋凍越式香滑濃咖啡（$19)咖啡味道好濃，都好大杯，但齋啡咁上會更有越式風味評分：8/10 味道份量各方面都滿意，嗌兩樣野都夠兩人食，越南野黎講價格算經濟

👗今日出開佐敦shopping，所以順便喺佐敦搵間餐廳食午餐，見到呢間越南粉個火車頭粉好吸引❤️所以就入咗去試吓喇。..餐廳雖然唔係好大，大概得20個位，但係佢安排座位唔會迫夾👍令客卡坐得好舒服😌今日又排隊、叫嘢食、落餐🥣服務員服務態度非常之好✍🏻抵讚！..🍴火五火車頭牛肉粉 $62 👑❤整體味道非常之好，個湯唔肥膩👍特別推介佢粒牛丸，唔係一般嘅牛丸，佢咬落去係好多汁好香，超好食😋另外佢個牛筋好彈牙👍👍值得推介😍..🍴火五生熟牛肉粉 $58❤雖然冇乜話好特別，但係都係有水準，同出邊唔同就係佢個湯都係唔肥膩嘅👍..🥣小食：蠔油唐生菜 $19❤都幾大碟，唐生菜夠新鮮👍好脆口👍..🥣小食:手作扎肉米紙卷 $32 👑❤呢個一定要試👍呢間好好食😋又夠大件，係我暫時食過最好食嘅👍👍..☕️熱檸水$16 + 西洋菜蜜$16☕️❤其實佢有好多特色嘅飲品🥤🥤但係今日天氣比較凍😌加上又有少少鼻敏感🤣所以下次先至會試吓佢嗰啲特色飲品😋😋..服務：🌟🌟🌟🌟🌟位置：🌟🌟🌟🌟🌟食物：🌟🌟🌟🌟🌟..💰$203 / 2人 (午餐)..📍佐敦白加士街55號其昌樓地下

之前已經食過一次，今日嚟開佐敦決定再支持下🙌🏼🔖火五火車頭牛肉粉💰62呢個牛肉粉材料非常豐富🤩有熟牛肉、生牛肉、和牛牛丸、扎肉、牛筋同牛肋條😍大大碗，性價比好高💃🏼牛肉肉味香濃，最滿意係個和牛牛丸🤤juicy又彈牙🤓超正！💫推薦指數: 9/10​🔖火五熟牛肉粉💰58呢碗熟牛肉粉除咗牛肉片之外同樣都係有牛筋同牛肋條😆湯頭夠哂濃郁，食嘅時候仲可以加少少青檸汁，有啲清新嘅味道😇💫推薦指數: 8.5/10​🔖手作扎肉米紙卷💰32米紙卷一共有4件，外層煙韌，入面包住木瓜絲、紅蘿蔔、生菜、粉絲同扎肉😌每一啖口感都好滿足！係一個健康嘅小食選擇🙌🏼💫推薦指數: 8/10​🔖越式炸蝦春卷💰28雖然個春卷嘅賣相唔太吸引，不過味道相當唔錯😝金黃香脆，入面無其他嘅餡料，只有滿滿嘅蝦膠啊🍤💫推薦指數: 8/10​🔖凍白桃茶💰19茶味清香，杯底仲有啖啖嘅白桃果肉添㗎🍑令到成杯茶仲多咗一份清甜嘅味道😋💫推薦指數: 9/10​

想食呢間位於佐敦嘅越式餐廳好耐啦！事關火五越式牛肉粉專門店出名平價又大碗，超級抵食😋今次就試試佢最出名嘅牛肉粉，仲有唔係間間都有得食嘅米紙卷，充滿越南風味！😝既然係牛肉粉專門店，點可以唔叫返碗牛肉粉！湯底好鮮甜，而且真係好足料好大碗，配料包括和牛牛丸、扎肉、生牛肉、熟牛肉，大大份真材實料😍和牛牛丸好爆汁彈牙，嚇親😂👍🏻米紙卷唔係間間都有得食，米紙卷唔太厚，感覺幾特別。煙三文魚嘅鹹香，配搭清新嘅青瓜、生菜等，中和鹹味，加埋甜甜酸酸嘅汁，更加開胃～😌味道比一般連鎖店濃味，甜酸汁食落酸啲。炸蝦春卷炸到好脆，撈埋蘿蔔絲、青瓜絲同檬粉，一啲都唔會覺得好油膩，係咁食都唔會滯🤪荔枝梳打甜度適中，啱晒鍾意飲甜嘢嘅我😆而鹹檸雪碧好啱熱天解渴，即刻涼浸浸🤓

餐廳主打越南菜式同小食，食物選擇非常多而且菜式份量十足，性價比高，食物高質又美味，一定可以吃到飽又滿足咁享受一餐越南美食食品方面:火車頭牛肉河粉 : 有生熟牛肉、和牛牛丸、扎肉、牛筋及牛坑腩材料美味高質，濃郁鮮甜牛骨湯底帶少計胡椒味，再加上份量十足的滑溜河粉，非常豐富炸軟殼蟹撈檬 : 原隻炸軟殼蟹炸得外脆肉軟有蟹味，配上青瓜絲、甘荀絲及份量十足的檬粉，抵食又惹味手作扎肉米紙卷 : 米紙卷皮薄唔太厚，餡料有好多青瓜絲、甘荀絲、生菜及扎肉，口感清新黃金蝦球 : 外皮炸得鬆脆，蝦球爽滑彈牙，再加上極邪惡咸蛋黃醬做醬料，極邪惡極惹味，必點小食之選

禾要食平啲🤑1. 火五生牛肉粉 $42牛肉幾薄 有五塊左右 湯底濃郁 份量超級多 河粉都幾滑嘅2. 香茅豬頸肉撈檬 $58豬頸肉都有五至六塊 燒得幾靚 未算好易咬開 檬粉超多 枱上面都有個汁任你倒 食到你飽3. 手作大蝦米紙卷 $38有四大舊 米香足 個皮幾煙韌 偏厚 入面有足料嘅菜同瓜 仲有隻蝦 口味偏淡 健康啲………………………………Overall 推介指數：4/5🌝 平夾抵食 上菜都幾快 嘢飲好大枝 🌚 味道唔算好濃 ………………………………

同朋友喺佐敦行街，見啱啱好有位，而朋友都鍾意食越式嘢，就入去食啦！呢度好多唔同嘅選擇，有好多唔同嘅越式食物！為咗唔好諗食乜，叫咗個招牌小食拼盤一齊share，而我就叫咗個火五火車頭牛肉檬。飲品就叫咗凍越南三色冰。火五火車頭牛肉檬✨勁大碗！份量好多！配料有生熟牛肉、扎肉同和牛牛丸！和牛牛丸極大驚喜！ 口感彈牙，而且勁Juicy，牛肉味濃，真係好好食！佢個湯底牛味濃郁，有好香嘅香料味，最重要係食完唔會口乾！真係好正！♥️♥️另外再叫嘅招牌小食拼盤✨份量實在真係好多，入面有6種唔同嘅小食，唔洗苦惱要食咩，一次過滿足曬！極度鍾意佢個黃金脆魚皮！魚皮脆卜卜，加埋鹹蛋黃嘅鹹香，完全係一嚿接一嚿咁食曬！佢兩款扎肉米紙卷同大蝦米春卷都唔錯！用料充足，每個米春卷卷都有蝦同每個米紙卷都有扎肉！兩款食落都好開胃！飲品係杯凍越南三式冰，唔算太甜，椰汁味濃，而且冰冰凍凍，好飲！

親民越南菜，更加有多款日式小食🥳Sunday dinner time同屋企人嚟食飯，都想食得開心啲~叫咗四款唔同嘅嘢食，都好好味！佢哋嘅鰻魚飯燒汁好香濃，而且鰻魚嘅厚度夠口，食落去非常之野味，好有口感❤另外佢哋嘅豬頸肉撈檬都好唔錯，好鍾意泰式嘅醬汁，🌶酸辣得來真係好開胃，撈埋落彈牙嘅檬粉入邊，豬頸肉烤得好香，🐷所以好正。另外一個我哋試咗佢哋嘅胡椒豬肚雞湯飯，湯飯浸泡胡椒嘅香味，🥢足料豬肚好好食！

🏠 火五越式牛肉粉專門店 (佐敦店) 佐敦白加士街55號其昌樓地舖1️⃣香茅豬頸肉撈檬$58超大碗撈檬，份量好足夠，豬頸肉有7,8片，片片都好大塊，而配菜色彩好豐富，感覺清新又健康。撈蒙的甜酸汁，味道適中，吾怕重手左救吾返，可以慢慢調整。2️⃣花膠老火雞湯河$56老火湯飲落去清甜既，岩晒想食得清淡既你。至於銀芽分開裝，可以隨個人喜好。雖然花膠吾多，但雞都有5,6塊架！3️⃣黑醋汁蒜頭牛油雞翼$38$38有5件雞翼，件件都好大隻，而蒜頭配黑醋汁，令到雞翼無咁單調，不過食就要襯熱！4️⃣鳳爪青木瓜沙律$48青木瓜好爽脆，越食越開胃，仲有鳳爪都一樣咁爽脆彈牙，夠晒清新。5️⃣越式香滑濃咖啡//凍咸檸梳打越式咖啡讚！小編怕甜，吾記得左叫走甜，但黎到無令人失望，甜度應該是頗少量，小編既焦點放左係咖啡的濃郁味相都吾記得影。。。

之前喺呢度返學成日見到呢間野lunch time要排長龍🥺🥺 今日專登提早12點過到去~好好彩等一陣間就得啦🥳🥳呢度嘅價錢真係好平民🥰🥰 而且選擇極多👍🏻火五火車頭牛肉湯粉 $62 呢個真係超級大大碗😍😍 一碗有齊生牛肉、熟牛肉、扎肉及和牛牛丸🍜首先要讚下佢個湯底！！ 真係好濃郁~ d粉索晒啲湯汁！真心極抵讚啊 😍😍香茅美國黑毛豬扒撈檬 $56天氣熱辣辣 又無胃口呢個就真係啱晒啦~一大塊切件既香茅黑毛豬扒炸得香脆好味😋而且仲有大量青瓜絲同紅蘿蔔做配菜👍🏻👍🏻感覺上真係又健康又好味🤩火五特色鳳爪 $22呢個簡直係酸辣開胃的小食😍😍平時食越式嘅野真係必叫架❤️配埋碗越南河一齊食！真係正到不要不要的~hehehe 黃金脆魚皮$32電腦隔離枱嗌咗呢碟嘢即刻流晒口水要加單！！呢個用鹹蛋炸到脆卜卜嘅魚皮😍真係超級無敵好味~ 而且份量真係好大下🥳鍾意食魚皮真係要試吓呢過啦！絕對推介~越式香濃凍咖啡☕️ $19 +港式熱奶茶 🥤$16凡係嗌套餐都可以以半價換購飲品！！餐廳好貼身緊用咗呢款杯去裝住啲嘢飲🥰飲唔晒都唔好嘥嘛， 可以拎走飲👍🏻👍🏻👍🏻

佐敦火五越式牛肉粉專門店呢間位於佐敦嘅火五越式牛肉粉專門店喺唔同地方都有分店，如果想以比較貼地嘅價位去一嚐越南菜，呢間都算價廉物美。我哋叫咗兩個主菜兩個小食，都幾飽幾滿足。泰式魚翅花膠雞湯檬雞肉都幾大舊，肉地唔老，有返咁上下份量。檬粉軟硬適中，而湯底幾濃郁，鮮甜啱曬送麵咁食。話說可以揀多麵多飯，包保一定夠食。手作大蝦米紙卷紙卷嘅外皮黏糯，裡面嘅生菜爽口，加埋都算大隻嘅鮮蝦，成舊小食充滿層次感。食落一流。意大利黑醋汁蒜蓉牛油雞翼雞翼外皮好香脆，黑醋汁酸酸甜甜，令到炸雞翼冇乜油膩感，雞肉食落嫩滑，唔錯。法式咖哩牛肋油香飯油香飯幾正，啲飯金黃色，粒粒分明，外觀同味道都值得一試。咖哩汁幾香濃。牛筋好淋易咬，牛肋嘅肉質都唔硬，又飽肚又好食

放工想食下啲開胃嘢，越南野酸酸辣辣就最啱啦。見佐敦呢間越南菜都幾多好評，一於試試！😛🍽鳳爪沙律鳳爪已經去晒所有硬根，鳳爪中心位也劏咗一下，好易入口，方便食！沙律落埋枱頭支酸辣汁，開胃也！🤗🍽大蝦米紙卷生菜新鮮脆口，清清淡淡咁，幾舒服😌🍽火車頭湯河個湯清澈見底，香甜而不油膩，正呀！麵底夠多，餸頭足料，個牛丸尤其彈牙，又唔會攝牙罅，大愛！🥰🍽法式咖哩牛腩飯大大碗，食完勁勁勁滿足呀！😃🍽三色冰 ＆ 咸檸水夠凍得嚟唔會太多冰，而且唔會太甜，十分適合食完濃味嘢解渴呀！😁最後就係要讚下呢支秘製酸辣汁，加咗所有食物都提升一個層次🆙🆙🆙

即叫即炸 原隻軟殼蟹🦀好少過嚟佐敦，今次就黎食越南野🥰雖然個鋪面細細，六七點嘅時間都幾多客人～炸軟殼蟹撈檬 $68原隻軟殼蟹上😨勁誇張好大隻！即叫即炸，熱辣辣同好香脆 軟殼蟹都算大份，唔係淨係食到炸粉嗰種！成碟個份量勁多，撈檬配埋啲汁酸酸辣辣，好開胃☺️豬頸肉油香飯 $58咖喱都幾濃郁，偏向重口味嗰種，上枱已經聞到好大浸咖喱味🤣豬頸肉都勁多份量 呢個價錢非常抵食👍🏻越式炸蝦春卷 $28有三條，都係即叫即炸，相對等嘅時間耐少少，好脆口 好食😃星洲黃金蝦球 $38雖然我唔係好鍾意鹹蛋黃，但係佢呢個都真係做得幾好食，亦都係熱辣辣😆鹹蛋黃醬味做好出，但係唔算太鹹 蝦球都幾彈口，唔係淨係食到炸粉嗰種😋🧐店舖仲有個位係俾人自助浸水，都幾貼心，衛生👍🏻總括嚟講，呢間喎抵食又大份，非常足料！味道都唔錯，但係可能琴日食咗好多都係炸嘢，比較偏油膩🥲會有種負擔感！同埋啲嘢都比較重口味 食完可能要食下菜飲多啲水啦😂

-🚄火五火車頭牛肉粉$62本舖熱賣既火車頭牛肉粉，配料方面有有粉嫩叹嘅生牛肉🥩、肥瘦得宜嘅牛腩、扎肉、彈牙嘅爆汁牛丸⋯好牛嘅朋友有口福啦，最中意嘅係呢到既牛丸彈牙多肉汁，真材實料，品質保證！牛味香濃，湯底慢慢牛骨味。🐷法式咖喱豬頸肉油香飯$58超級大碗咖喱油香，配以特色惹味充滿香料嘅法式咖喱🍛，配以香烤到焦香脆口嘅juicy豬頸肉，真係好邪惡！面頭蔥油更為惹味👍🏻mix埋一齊口感味蕾衝擊👅🦐招牌小食拼盤$138最後更加要講下呢個CP值超高既大雜燴拼盤。崇尚健康healthy style既朋友可以試下叫呢個，拼盤主要用青木瓜製作，有fresh爆沙律🥗、餡料豐富嘅米紙卷、彈牙蝦肉棒🦐，仲有少少香脆烤雞。鍾意青木瓜既朋友不妨試下🐔火五特色鳳爪$22酸辣開胃！呢個價錢非常值得！爽口彈牙，最適合夏天熱辣辣叫黎涼一下🔥🧊凍越南三色冰$19椰汁味香濃🥥三色jelly啜落口感豐富👍🏻消暑解渴必點！-🍋凍鹹檸梳打$19重口味濃味嘅鹹檸檬mix落梳打水好fresh好有煥然一新嘅感覺😎