濠餐廳

早上發現濠餐廳係openrice 做緊優惠不用二百便可以食到lunch buffet 便馬上訂座真係有驚喜 冷盤有長腳蟹 、蝦 、青口、刺身壽司、沙律等等。熱盤 燒味、咖喱、牛尾 燒豬頸飯面意粉 一應俱全。 最吸引係戶外燒烤有羊架 扇貝， 味道不俗。甜品 蛋糕馬卡龍中式甜品都， 還有movenpick 雪糕6款口味。 非常超值。…查看更多

參加完富豪酒店“夏日香港深度遊”，參觀咗香港多個打卡景點，實地考察，重新認識自己土生土長的地方，之後就去到沙田麗豪酒店濠餐廳食咗一個豐富的自助午餐，今期主題係仲夏海鮮池㫠燒烤自助餐饗宴。自助餐分成幾大區域門口位置的左手邊，泳池隔離有池畔燒烤及烤肉專區，見到有男職員不停為客人燒香腸、沙嗲雞肉串燒、燒豬串燒、燒牛肉串燒，燒菠蘿、燒大蝦、豬鞍、燒三色椒等，香氣撲鼻，豬鞍仲燒得好出色，豬肉燒得好嫩滑多汁。走返去正門位置，首先見到松露金豬鵝肝多士和柚子脆蝦球配柚子汁，兩款比較中式的菜式。自助餐乳豬皮竟然相當脆口，面層有金箔，配合鵝肝多士食，配搭相當驚喜。柚子蝦球蘸上柚子汁，酸甜開胃。繼續前進，見到四款前菜，分別有煙三文魚帶子薯蓉卷、豌豆蓉蔬菜撻、翠玉瓜捲蛋刁草忌廉芝士、油甘魚漬物。每款一口大細，份量適中，味道都相當出色。然後一個大轉身，轉去沙律區位置，食客可以自製DIY口味的沙律菜，亦有酒店預備好的mixed salad 有凱薩沙律、香烤椰菜花配羽衣甘藍、松子及薄荷希臘乳酪醬、義大利雜錦凍肉腸拼盤、原種蕃茄配水牛芝士，味道口感豐富，各有特色，充滿意大利風情口味。沙律隔離仲有雜錦壽司，青瓜卷、黃蘿蔔卷、加州卷。熱食有大人小朋友都愛的美式食物，迷你漢堡包和炸薯條。另一令我相當驚喜的食物係有職員當場即製的芝士菠菜牛肝菌意大利雲吞，用上了大量黑松露牛油去煮的意大利雲吞，未食已聞到黑松露的香味，雲吞入口軟滑，滋味無窮。最後甜品有流沙荔枝球、生酮芝士蛋糕、芒果椰子奇亞籽甜品杯、無糖朱古力布朗尼、生酮紅蘿蔔蛋糕、雜莓鮮果撻、生果。食過咁多次濠餐廳的自助餐，甜品出色進步了很多，食得出全部自家製，用料優質，每款甜品都花過心思研製，味道沒有重複，每款細細件，試齊都不會太膩。雪糕有三款，分別是比利士朱古力雪糕，柚子檸檬馬卡龍雪糕和士多啤梨紅桑子馬卡龍雪糕，雪糕永遠是我最愛的甜品，有杯有筒可選擇。湯就有栗米周打魚湯配蒜香麵包粒，材料相當豐富，入口濃郁。飲品就有綠果仙蹤、冰果茶、蜜糖檸檬椰子水、西班牙凍湯，士多啤梨奶昔，消暑涼快。中場時間仲有生果工作坊，有職員教食客砌一個用生果做成的蛋糕。…查看更多

深度遊近年成為了旅遊模式的新趨勢，今年富豪酒店推出「夏日香港深度遊」活動，發掘香港歷史及文化。坐上開蓬巴士可以無遮無擋欣賞香港街景，零死角打卡，全程更有專業導遊講述有關香港歷史、文化和地標的有趣見聞。是日行程先在銅鑼灣的富豪香港酒店集合，沿路經過銅鑼灣、大坑、灣仔及金鐘。去完上環文武廟、中環蘇豪區和九龍寨城，深度遊最後一站就來到沙田麗豪酒店濠餐廳飽嚐一頓lunch buffet，酒店亦特意為深度遊賓客貼心預備了涼浸浸消暑套裝：包括寶礦力水特(240ml) 一罐、SOYJOY 大豆果滋棒一條、UL.OS 健膚試用套裝 一包、迷你電風扇、冰巾、消毒濕紙巾及精美環保袋乙個。趁著暑假，富豪集團旗下多間酒店推出主題住宿及夏日美饌優惠，例如富豪機場酒店「藝廊咖啡室」自助餐推出買一送一優惠，於富豪酒店旗下指定餐廳亦可享有75 折優惠，富豪薈會員同時可獲免費甜品乙客。景觀開揚，還可飽覽180度沙田城門河景。另一邊倚伴酒店泳池，波光粼粼，staycation 別忘了暢游一番。今次新主題為仲夏海鮮池畔燒烤自助餐饗宴，星期六至日晚餐時段成人每位$388。設於戶外的池畔燒烤區通風良好，可避免食客身上沾上陣陣燒烤味。食物都是現場即燒，廚師全程忙於燒烤以作添補，因此食物較易保持剛剛燒完的熱度。今次午餐供應的燒物包括串燒(雞、牛、豬)、豬鞍、大蝦、香腸、菠蘿和燒三色椒等。多款熱辣辣的燒烤美食，香氣四溢。芝士菠菜牛肝菌意大利雲吞即叫即煮，麵皮口感滑身帶煙韌，裹滿味濃柔嫩的餡料。中式熱葷有松露金豬鵝肝多士和柚子脆蝦球配柚子汁。西式熱盤有迷你漢堡包和炸薯條。前菜冷盤大多是一口一件，可以盡情淺嚐多個款式：煙三文魚帶子薯蓉卷、豌豆蓉蔬菜撻、翠玉瓜捲蛋刁草忌廉芝士、油甘魚漬物、雜錦壽司等。熱湯有粟米周打湯，入口濃滑又滿有甘甜的粟米味。另有西班牙凍湯和士多啤梨奶昔，天時暑熱更是透心涼。沙律吧有多款沙律菜，還有凱薩沙律、香烤椰菜花配羽衣甘藍、松子及薄荷希臘乳酪醬、義大利雜錦凍肉腸拼盤和原種蕃茄配水牛芝士，可隨個人喜好自行混搭沙律款式。甜品亦是以迷你小件為主，是日供應的款式有流沙荔枝球、生酮芝士蛋糕、芒果椰子奇亞籽甜品杯、無糖朱古力布朗尼、生酮紅蘿蔔蛋糕和雜莓鮮果撻。生酮芝士蛋糕口感濕潤綿密，芝味濃厚而不會過於甜膩。海量水果款式色彩繽紛，清爽又健康。中途有現場製作新鮮水果蛋糕，最適合小朋友。任食Häagen-Dazs雪糕總共有三款口味：比利時朱古力雪糕、柚子檸檬馬卡龍雪糕和士多啤梨紅桑子馬卡龍雪糕。飲品有綠果仙蹤、冰果茶、蜜糖檸檬椰子水無限量供應，可以隨時自斟自飲。…查看更多

新年太忙， 無留意到就黎14/2就近地方D 自助餐都full 晒最後比我搵到呢間未full入到場， 原來只要坐唔夠1/5 座位， 心知不妙。。。場內食物一般， 真係一般般， 刺身乾的， 沒有廚師在場剪， 應該是早早切定熟食一向少食， 都是望2眼， 有想吃的少夾一點點， 唔望猶自可，一望嚇死人， 成隻小強化身侍應幫我夾食物！！…查看更多

之前食過晚餐，牛扒好好食，諗住試吓午餐，原來午餐冇牛扒，只有火腿扒，但好嚡唔好食；生炒排骨大浸雪味。水杯同碗碟仍有水漬。客人唔多，但冇人收碟。尾段仲有兩位清潔阿姐喺度鬧交！唔會再去喇。…查看更多

牛扒勁正，鮮嫩有肉汁，食完馬上encore，仲要係厚切，真係我食過咁多間酒店中最好食嘅牛扒。可惜羊架太嫩，略嫌有啲生，不是我喜愛口感，但都可以嘅。其他食品一般，叉燒好硬、嚡，非戰之罪，現時的叉燒普遍都是用瘦肉來燒，沒有以前的口感。但生炒排骨真係好差，一陣雪藏味，入口即吐啃唔落呀！同場有火煱食，肥牛都好靚，係個湯底很淡口，我已揀麻辣湯，不麻好少辣味；另有雞湯，我冇試。有火焰雪山表演，我沒出去睇；以為會每人派一份(其他酒店做法)，原來不出去係冇得食嘅好在後來有女侍應推住車仔，一路行一路問有冇人食朱古力火鍋，即舉手話食，佢就拎個朱古力火鍋過嚟點火，想沾甚麼來食就自己出去取回來。想食麵包有烘機，搵勻全場冇牛油，問廚師取，等咗好耐，廚師係喺廚房用匙羹拎咗一羹仔牛油出嚟畀我。還有水杯同碗碟都有水漬，明顯係洗完沒弄乾，最離譜是取食物時，手指感覺很怪，提高食物碟發現碟底有食物殘渣，即時同廚師反映，但已很倒胃口。經OP有45折，係抵食嘅，希望衛生可改善啦！…查看更多

好嘢！麗豪我終於嚟到你嘅懷抱啦，一入到去見到成間餐廳閃閃發光，環境優雅得嚟又唔會太拘束，真係靚到彈晒啲眼珠⭐️。嚟到一家大細聚餐嘅好地方，一坐定定就開始捧住個menu研究起今晚嘅飯單，頭盤上嚟嘅響油泡菜勁正，香脆下口，啖啖都揭示緊我嘅胃口！主菜方面，叫咗個咖喱海鮮鍋，夠晒香、夠晒惹味，凍過水嘅龍蝦尾味道爽滑唔講得，而家講起都仲嚟晒口水。聽晒我講都知呢度嘅嘢食質素一流，飲品咁樣，厚厚嘅奶香同淡淡嘅茶味交織成一個溫柔襲人嘅完美配搭，啱晒啲享受生活嘅饕餮客。 簡直係一個美味嘅舊邂逅，成個晚上胃口大開，食完之後都仲想再嚟一次！大家如果想食得開心、食得滋味，記得留意麗豪呢個小小嘅驚喜噃🎉🍜💖。…查看更多

嘢食質素非常普通。同街邊茶餐廳完全無分別，選擇又少質素又差。如果唔係因為訂枱有四五折優惠都唔會嚟食，依家好後悔嚟之前無睇到呢間自助餐嘅評論。真心請我都唔會再去。…查看更多

之前在Open Rice 訂到買一送一自助午餐優惠二人同行套票， 餐廳佈置依舊，全餐廳藍色色調整潔順眼，令我想起仔女小時候我們一家人齊來吃自助餐的回憶，食物多選擇又美味，吃得飽飽家人非常滿意。…查看更多

本人在訂枱當天是一名左手打了石膏的人士，需要同行照顧者才可順利進餐。但當天約好的照顧者在途中出了意外，要在意外現場提供口供，不能到餐廳。本人在餐廳跟負責接待的女士說了原因，她就立即幫忙改了另一天，非常好的服務。本次用餐是經Open rice 購買的買一送一自助午餐，平均每人不到190圓。基本應有的食品種類都有，還有movenpick 杯裝雪糕。甜點和生果都算不錯，刺身魚類有3種，三文魚刺身最為可口，貝類海產都有供應，算是物有所值。…查看更多

麗豪酒店濠餐廳自助餐的食物種類繁多，價格便宜。從刺身、壽司、卷物開始，隨後火腿凍盤和凍海鮮盤帶來了更多的驚喜。火腿凍盤上的款式多，有火腿、salami、Parma ham等，配芝士、餅乾一起吃。凍海鮮盤上有蟹腳、蜆、螺、蝦、青口等。此外，麗豪酒店濠餐廳亦有多款熟食。燒味部分有叉燒、雞，充滿港式風味。另外仲有火鍋，多款配料。最後，麗豪酒店濠餐廳的甜品絕對不能被忽略。精緻的蛋糕、蛋撻、豆腐花、雪糕等。總括而言，麗豪酒店濠餐廳自助餐的食物多樣性。…查看更多

呢度嘅晚市自助餐價錢唔貴，而且地方夠大。最適合就係同家人或朋友嚟，慢慢坐、慢慢食。靠窗邊位置仲可以望到城門河景。呢度嘅自助餐食物種類比想像中豐富，有壽司、刺身。如果鍾意食凍海鮮仲有蟹腳、青口、蝦、螺🦀🐚🦐沙律款式亦都多選擇。凍肉拼盤有多款不同嘅火腿，仲有煙三文魚等等。可以配餅乾、芝士。 呢度仲有自助火鍋🍲，去自助區度揀選左湯底，侍應就會送到枱上，然後你可以喺自助區度拎唔同嘅火鍋配料慢慢打邊爐。我比較欣賞嘅係呢度嘅甜品區，估唔到都幾多款式。咁啱嗰日萬聖節仲有好多萬聖節造型嘅甜品🎃👻有好多唔同嘅蛋糕🍰🧁🥧仲有葡撻、豆腐花、雪糕🍨、糖果🍬等等。而且仲有朱古力火鍋🍫🍡🫕，每台都有一小爐，可以慢慢食。呢度夠晒休閒，係一個唔錯嘅用餐地方。…查看更多

假日又去食Buffet，上網見到介紹麗豪酒店Lunch Buffet幾抵食一於試下，係Openrice 訂座優惠成人每位$208，用餐時間12:00-2:30，2.5小時。準時去到，餐廳以Bodhi and Friends為主題，內堂面積頗大，裝潢簡約，坐的是膠椅看似有點Hea，出面係泳池加上自然光線感覺好寫意。即睇自助吧有咩食。海鮮冷盤。日式壽司、冷麵及各款漬物。刺身。BBQ區、燒味、炸物及中西式湯。熱盤。飲品。見到有鴛鴦。甜品。個架寫Mövenpick，但雪糕係雀巢牛奶公司，唔太吸引。包裝飲品。頭盤先來個刺身及熱咖啡。三文魚、鯛魚及吞拿魚，三文魚尚算新鮮，鯛魚及吞拿魚味道普通。三文魚腩，聽到人講可以要三文魚腩即要，比較新鮮肥美。藍青口及海蜆，味道普通，火腿及油雞正常水準，印度咖哩雞及青咖喱唔算太辣幾惹味。海蝦、沙律及牛角包，正常水準。玉桂卷，味道不俗但好飽，海蜇爽口。粟米羹，味道幾好。甜品，巴斯克有三個口味，芝士、朱古力及抹茶味，口感軟滑味道不俗，麵包布甸味道較淡，開心果慕絲幾好味。松露巴斯克，鹹鹹地松露勁，味道怪怪地。焦糖燉蛋，正常。西米露，正常水準。食物味道正常水準，選擇上唔太多但優惠價二百幾蚊先都算係咁，服務態度正常，都抵食之選呢。…查看更多

响openrice訂座,半價食到週六自助晚餐,真係超抵。酒店無可否認比較舊,但餐廳內環境尚算舒適。食物種類比想像中多,雖然冇龍蝦同鮑魚,但基本要有的都有,燒牛肉、羊架(熱盤)、刺身、長腳蟹、熟蝦、炒蜆(偏鹹)...。另外仲有火鍋,當然食材是基本果啲,有肥牛同紙包\罐裝飲品。另有豆腐花、焦糖蛋、movenpick雪糕、葡撻、紫米露、火焰雪糕蛋糕等,好多嘢都啱小朋友食,所以好適合一家大細同家庭聚會。職員態度也不錯,食物也不停refill。…查看更多

相信大家都認識富豪酒店集團，佢地旗下嘅麗豪酒店我個人系比較中意，好耐之前已經食過一次佢地既buffet，今次再訪質素依然不變😊最近做緊卡通主題，相信更能吸引吾少家庭前來👦🏻👧🏻✿ 刺身刺身我揀咗三文魚同拖羅，三文魚十分新鮮！🐟質感偏向軟稔，拖羅口感較實在。✿ 海鮮冷盤海鮮冷盤有青口、大蝦、蟹腳、蜆肉，其中大蝦、蟹腳、蜆肉同樣高質👍🏼大蝦啖啖肉，蟹腳新鮮🦀蜆肉意想不到地清甜😋✿ 冷麵冷麵我覺得亦值得一提，餐廳有菠菜麵同蕎麥麵，我個人偏好蕎麥麵🤎旁邊有專用冷麵汁可自行調節用量，冷麵有嚼勁，沾上冷麵汁好有日式風味🇯🇵✿ 火焰雪山到某個時候，職員就會推車仔出黎🛒原來系火焰雪山🔥跟住更會搖鈴發出聲響🔔提醒大家可以拎咯～成件事好觸目🤭黎吾切影火焰效果🫠蛋糕蛋白味突出🤍亦嚐到白蘭地味道🥂色香味俱全👍🏼✿ 南瓜湯南瓜湯🎃令人聯想到快將萬聖節了👻濃湯質感稠身，味道香甜濃郁，呢個真系必飲🧡✿ 熱盤熱盤方面就以多國菜為主題，比較適合本土嘅菜式有豉椒炒蜆、叉燒、香煎雞中翼，豉椒炒蜆味道香辣，還原大排檔風味😆叉燒口感偏瘦，食到佢最純粹嘅燒味風味🐷✿ 自選烏冬Buffet當中自選烏冬好深得我心😊吾洗選擇可以全都要🤭材料我揀咗鳴門卷、芝士腸、肥牛、牛丸，湯底可以選擇清雞湯或者藥膳湯，我就揀咗清雞湯🐔拎曬所有材料後職員就會幫自己用個小鍋加湯一路熱住個烏冬🔥好豐富飽肚🤰🏻✿ 甜品食咗咁多野終於出動第2個胃🤣中式糖水方面有豆腐花同芋頭紫米露💜紫米露甜度恰好。西式甜品款式頗多，其中令人印象深刻嘅有迷你葡撻同Brownie，迷你葡撻酥脆，牛油同蛋味濃郁🥚🧈Brownie朱古力味不俗🍫…查看更多