澳門茶餐廳

营业中

休息中

今天去了澳门茶餐厅吃下午茶，我一直以为只有地面那一家,原来对面还有一间地库，下去以后，收银姐姐问我几位，她的笑容很亲切，很有礼貌，进去以后原来里面很大，很光亮，坐下来以后，问了一下服务员有没有下午茶，他还介绍了我吃沙甸鱼意粉，真的非常好吃，那个服务员人很好，态度也很好,不过那些葡挞就不太好吃，没有味道。

今天Lunch Time從尖沙嘴寫字樓，一共六人去「澳門茶餐廳」食中午飯，真的很激氣！我們六人比安排坐一張本應坐四人的卡位。坐位的確很擠迫，但隔離剛好有一張圓枱可以坐6個人的！，所以就問吓可唔可以轉枱。點知比個金毛女waiter好勞氣、好大聲、木起個嚼、咁叫我們班女生做"阿嬸"（我們都是20多歳女生來的），張枱的確很細坐唔到嘛。個金毛女Waiter不停叫我們一班後生仔女做「阿嬸」實在很不禮貌、很激氣。我們也不想再留在這裡食飯很受氣😤😤。所以決定離開。此時這個金毛Waiter不停地大聲自言自語説"這𥚃是茶餐廳又不是大酒店，D坐就系咁迫㗎啦（但有位又唔比人坐喎！），你地唔入來食咪去酒店食囉！個金毛女Waiter真的很串和不禮貌！我們問她叫咩名？她話"做咩要講個名你知😝！服務態度真的很差。我們找到經理出來投訴，但他😑也似理不理一直都唔願意講比我們知她的員工名，到最後才把這個員工名給我們。這樣的服務態度太惡劣😨了！大家要小心D去這間態度惡劣「澳門茶餐廳」呀！

完全港式，仲叫乜澳門茶餐廳？下午茶居然係乾炒牛柳絲意粉、瓜粒湯飯？！免強搵到似係澳門野嘅茶餐，2個葡撻1杯熱飲收$35，偏貴。重點係超難食！又凍又硬！KFC 都好食過佢百倍！

以前去尖沙咀nee邊都係街隨便穩D野食，有時覺得性價比唔高。Weekend自己行街，有D時間，就搵到nee間澳門餐廳。下午茶，唔使排隊。系負一層，不過好光猛下。叫做個菠蘿包，問個靚女話好新鮮，就叫咗呢個。不過仲系有D熱噶，五錯，D酥皮好脆。好鬆軟。葡撻，五大咯，好細一隻，叫咗兩只。2啖食完。D撻皮都算脆，都系幾鬆軟下。唔系好甜，唔會好膩，我一個人都系可以食幾個嘅。唯一缺點就系唔夠大。最後一個凍奶茶，都算幾滑，不過有小小苦。雖然好凍，但係唔知點解都系鐘意飲凍奶茶。Have a good time here.

這條是何生四太的街, 沒有講錯, 一條短街內, 有四間澳門茶餐廳. 我認為這是尖沙咀區的唯一的”兩三間”尚算好食的茶記, 但….閣下要留要, 第一, 千企唔好去錯咗地面鋪, 雖然地面鋪與樓上鋪也是同一樣老闆, 但服務與食物是天與地的分別. 第二, 就係食物, 你識揀, 就梗係食到好嘢, 但如果唔識揀, 未就 食親都負評囉…哈哈…今日早餐都未食, 來一個特餐最合適. 蕃茄牛腩粒通粉. 湯底夠濃夠味, 牛腩粒就唔多合格, 一個字: ”肥”. 通粉, 尚算彈牙, 帶實實的口感. 蕃茄和紅蘿蔔粒放得多, 唔姑寒, 讚呀!所謂忌廉炒蛋, 望落面頭, 濕濕的表面, 以為滑蛋, 誰知原來只是油份, 义開裡面, 炒得過火過時, 口感全乾, 真係…加咩嘢落去炒都唔方好食啦. 豬仔包, 底面皆脆, 麵包身略為乾水, 牛油足, 鹹度夠, 尚算好味.少甜凍咖啡….., 一啖, 好耐 好耐… 無飲過咁好味既”少甜凍啡”, 面頭還洒了些”咖啡粉”以顯示誠意. 咖啡味足, 奶味厚, 冰適量中, 最重要係；沒有因為少甜而味淡…..好感動….服務水準, 其中兩位員工, 扮忙 扮得好洒家, 扮見唔到你, 扮趕住去外賣,

after workout I was too hungry and need to look for midnight snack, It was 11pm and most restaurants were closed, so I didn't get picky and just went into the restaurant I saw which was still open. Once I arrived at the restaurant and I realized that there were NO CUSTOMERS at all so I knew I was screwed, but the fun had just begun:1. They refused to turn on the air conditioner and there's no window so you can imagine the heat inside a underground restaurant.2. The manager was reluctant to offer

吃完牛肉粥，在隔鄰的澳門茶餐廳買了個葡撻，$9。要求姨姨給一個較焦的給我。不過，看來不符合我的要求。這個葡撻，咬下去是夠鬆化和夠熱的，但真的不夠甜，還有，吃起來感覺在吃蛋白撻。夠熱，是它的唯一優點，就這樣。

一家人行街買家俬行到肚餓，就去食野。本來想去地面果間而唔系地庫呢間，原因系因為地面果間太多人排隊，所以就來呢間，點知就賴野啦。鐵板肥牛炒烏冬 (HK$45)個烏冬系幾大疊ge，而且鐵板亦都好有氣勢，但食落去就令人發火。我從來未食過D肥牛烏冬系錦油同埋錦甜。食完之後，我仲覺得我有小小反胃tim。我唔知距D肥牛用左幾多糖去醃距。凍檸茶(加HK$2)同樣都系同一個問題，偏甜。距比我個感覺唔系飲錦檸檬茶，而系飲緊糖水。我媽咪叫左個鑊仔牛柳絲炒飯(HK$45)我媽咪一樣都系食得好激氣，我試左幾條所謂牛柳絲ge野，但食到ge好似系豬柳絲一樣。甜到飛起，而且無牛肉味。而老豆就叫左個排骨炒麵，同樣都系甜。(不過無影相)呢間野唯一一個好ge地方就系D服務比較好。我地一家人都食到成口油tim，一定無下次。因為呢D野食得多都無益啊！

肚餓到爆但又唔熟尖沙嘴之餘仲到處都爆晒, 最後搵到呢度唔貴又有位坐的茶餐廳.點了雞粥和豬潤湯, 先講雞粥, 份量多夠熱之餘味道甜甜的不錯, 有一點味精味和雞太多骨扣了一點分.豬潤湯很好喝, 煲了很久豬潤味很真實很濃, 姜多闢了腥, 豬潤粒很少. 豬扒包外脆脆的裡面鬆軟, 不錯.服務一般, 係個經理特別醒目, 其他慢條斯理的. 而且衛生方面一般, 可能人流太多吧.

過程：我叫雙併粉麵，講完碗麵佢又唔寫嘢淨係望住我！我再講多次佢都不動聲色(注意！我前後有講唔該)！跟住我兩對望幾秒佢就好很寸咁問我「牛！腩！雲！吞！麵！要！唔！要！咖！哩！汁！呀!!!!!」（佢真係一粒粒字咁寸出嚟）你叫我比錢食飯要受服務員氣,點解仲要食呢？所以我答完佢一陣，就去同似高級d嘅職員講「我頭先d嘢唔要喇，你個員工態度太差」點知佢話你唔係同我講㗎喎，仲想叫我同返其他職員講取消！天啊！佢仲有咁多人去真係覺得d非集團式有態度食店被貴租迫消失唔低！-完-

**事發於12月28日晚上20:45左右, 個場50%FULL ONLY**我同我同事行經佢地門口, 見到有好耐都無食過的葡撻。 就一心去食晚飯, 順便試下啦。點知惡夢就此發生....一落到去, 有個啊姐問我地幾位。答左佢, 佢就求其咁叫我地入埋面卡位啦。(OK 你唔帶位都FINE, 我地自己行都無問題)點知一入到去, 係就係有好多無人的卡位呀, 不過張張都放左個"留座"牌係度。 我同我同事想問下有邊張可以坐啦。 點知叫3個侍應, 3個都當我地透明咁, 掂行掂過.... OK! 你地唔理, 我地都唔想企係路中心阻頂。求其搵張就近的, 拎走個"留坐"牌就坐啦。想睇下食咩啦, 點知叫佢地拎個餐牌黎, 都要問3個人先可以拎到..... ANYWAY, 之後, 我地就叫左2個CURRY RICE MEAL + 2個葡撻啦。 點知佢地先上個葡撻... OK 先到更係親熱食左先啦。 點知一拎上手..... 哇!頂你! 凍GEI !?(我知今日天氣都有21-22度左右, 都預左個TART唔會話新鮮熱個隻。 不過明明個撻放個HEAT櫃入面, 唔暖都唔會係凍掛!?)咁岩有個啊姐行過, 就同個啊姐講我們:

**事發於晚上20:45左右, 個場50%FULL ONLY**我同我同事行經佢地門口, 見到有好耐都無食過的葡撻。 就一心去食晚飯, 順便試下啦。點知惡夢就此發生....一落到去, 有個啊姐問我地幾位。答左佢, 佢就求其咁叫我地入埋面卡位啦。(OK 你唔帶位都FINE, 我地自己行都無問題)點知一入到去, 係就係有好多無人的卡位呀, 不過張張都放左個"留座"牌係度。 我同我同事想問下有邊張可以坐啦。 點知叫3個侍應, 3個都當我地透明咁, 掂行掂過.... OK! 你地唔理, 我地都唔想企係路中心阻頂。求其搵張就近的, 拎走個"留坐"牌就坐啦。想睇下食咩啦, 點知叫佢地拎個餐牌黎, 都要問3個人先可以拎到..... ANYWAY, 之後, 我地就叫左2個CURRY RICE MEAL + 2個葡撻啦。 點知佢地先上個葡撻... OK 先到更係親熱食左先啦。 點知一拎上手..... 哇! 凍GEI !?(我知今日天氣都有21-22度左右, 都預左個TART唔會話新先熱個隻。 不過明明個撁放個HEAT櫃入面, 唔暖都唔會係凍掛!?)咁岩有個啊姐行過, 就同個啊姐講我們: 靚姐, 妳地個

黑色熱狗@澳門茶餐廳尖沙咀樂道40-46號華源大廈地庫就係佢啦€~~個麵包是黑色架~味道其實同普通hot dog 一樣啦不過佢無ketchup wor!~又無芥末醬真係一條腸被麵包包著gimmick~~個炒蛋也不夠滑, 最好味的炒蛋是要8成熟仍有少少蛋汁!!!!當時加些花奶會更香又滑........個麵唔夠胞wor~~好快就軟了而個汁都有點油.....所以味道一般

全條街有四間澳門茶餐廳，由地牢至二樓各樣一間， 多數去一樓個間，少人，可以慢慢食，最怕地面個間，十分大的壓力，食完要速走，蕃茄通向煎蛋豬仔，收$38, 這區而言，算可以啦，茄膏落得足，味濃，材料也多，牛肉粒，蘿蔔粒，洋葱，薯仔粒，通粉唔算淋但有些少粉狀，湯夠熱但料唔太熱，豬仔包夾鮮牛油，夠脆，夠熱，鮮牛油香，好味，另太陽蛋，一看便知新鮮否，微微卜起的蛋黃，煎得唔太過生，非常好，此店的員工面孔特別冷，放低餐牌便企在旁等你落單，嘩 .. 咁急，未睇喎，便好唔滿意地行開，服務態度不友善呀

小C經常懷念澳門美食，到尖沙咀剪髮前醫肚，因記得樓上理髮店附近有澳門茶餐廳於是決定與男友試試。order了兩個葡撻，一豬扒包及一辣魚包，豬扒包味道一般，辣魚包質感略乾，葡撻等了許久，要三催四請般才有店員理睬，令人不耐煩。總結來說，我是因其服務態度才決定要登記做會員出食評，完。