澳門茶餐廳

叉燒湯意粉, 叉燒冷的肥的, 意粉糊的, 湯淡的, 難食. 豬柳意粉, 好韌的豬扒, 意粉糊的, 難食.焗魚柳飯, 飯好硬, 魚柳少而無味. 鮮茄牛腩湯餐肉粒通粉, 牛腩硬, 通粉糊, 難食.葡撻撻皮不鬆化, 沒油香, 蛋也沒有香, 難食. 豬仔包好脆, 不過太硬. 最重要的是服務很差, 個服務員樣黑又串串貢, 衛生也一般, 地下很油膩.…查看更多

係OPENRICE劣評多過好評既澳門茶餐廳,到底劣係邊?實在好想知,今日終於有機會黎食個晚餐MENU入面食物選擇真係幾多,但係見到葡式免治牛肉飯$68,就決定食呢個,因為去澳門時成日都見到呢款,但係從來無試過呢個係朋友叫既炒飯,佢話太重口味,食左大半太咸放棄了.但係呢個飯我覺得味道也不算差,起馬真係一個炒飯,飯粒乾身我呢個葡式免治牛肉飯,同圖片分別不大,免治牛肉就係用醬油炒過,味道就只有咸字,很單調,雖然有薯仔粒增加了口感,但係無補於事.呢個味道,有點屋企HEA煮FEEL,我唔能夠話係難食,但絕不是美食.份量不少,都算抵食既.順帶一提都有落左葡國腸,但係都係得過咸字.呢個質素,不是劣,但只係平平無奇…查看更多

雖然一入去已經唔洗等位  但啲服務真係好差   一入到去就有個女侍應講（坐喇！ 有位就坐）未食野本來已經想走  。。之後朋友就話是但食完就算喇  。。我地睇完menu 就諗住叫野食  叫左差不多3分鐘都無人理我地  之後就有個似男又似女既人走埋黎大大聲聲講（講喇 要咩呀！）當場呆左。。都算喇   我叫左個常餐 係叉燒湯意粉配炒旦多士 熱奶茶    叉燒係冰凍既  意粉係斷 要用匙羹食  炒旦唔洗講喇  都唔係炒旦  似奄列多d囉    而杯熱奶茶  一d茶味都無  。。。試過一次 無野食都唔會再黎！…查看更多

小時候大人就常說這家店是賭王開的，最好吃的是豬扒包，今天終於吃到啦^_^「1」菜單：套餐好抵食，西式，港式，還有中西合璧樣樣都有。「2」豬扒包套餐：腸仔不似超市裡賣的那麼咸，味道剛好。豬扒包的麵包烤得剛好，十分香脆，豬扒很好食，同樣不咸不淡，又鮮又嫩。「3」蛋撻：來到澳門茶餐廳，肯定要嚐嚐葡撻啦。我對甜食沒什麼愛好，不過參考表妹這個蛋撻大王的意見，這裡的葡撻原料下得足，尤其是黃油，所以味道香濃，稍稍有點膩，但是好過別家一般的蛋撻(☆_☆)「4」沙爹牛肉面：牛肉味道很足，但是麵條一般般咯「5」服務，環境和其他：服務員都ok，桌子台面比較寬，下回想試試烤乳鴿，店裡海報好誘人咯+_+…查看更多

九月十五日(星期日)，正午時份，約了舊同學A小姐於太古城行街 shopping，商店開始大減價，我倆也有不少的戰利品呢  。大約下午二時，開始肚子打鼓，係時候搵地方歇歇腳，食吓嘢叉叉電。附近人流一向暢旺，連鎖快餐店或其他食肆一早已迫得水洩不通，一心想待至二時半後的下午茶時段，不過實在太餓啦，唯有再看其他地方.....  哎呀，突然目光被某些東西吸引過去，餐廳的外牆上，鋪上典型葡國色彩的藍白馬賽克磁磚及葡撻照片，是澳茶呢，於門外剛好見有一張四人卡座位，我倆二話不說便坐下。由於再過數天便是中秋佳節，餐廳內掛上傳統的紙燈籠，蠻有氣氛的。都係望吓D餐牌有什麼選擇先? .....最後我決定點選 - 優惠午市經典常餐 ($44)，舊同學A小姐則點選 - 澳門精選午餐(D餐) ($47)。 首先是我的至愛: 經典常餐 (包括火煺配炒旦, 牛油厚多, 叉燒意粉及熱奶茶)火煺配炒旦，油份極少但不乾身，絕不油膩，好好味。牛油厚多烘得出色 - 外脆內軟，配以已溶的香滑牛油，好好味。叉燒意粉盛於一隻狀似大匙羹的湯碗上，造形特別。叉燒不乾身，並不像其他食肆般凍冰冰的放於意粉上。意粉烚煮時間火侯適宜，不太腍，有少許咬勁，正。舊同學A小姐的澳門精選午餐(D餐) - 白汁薯燴豬頸肉意粉也接著上桌。以下是A小姐的食後感: (估不到白汁薯燴豬頸肉跟意粉是分開碟盛上的，份量十分之多呢。意粉同樣軟硬得宜，有少許咬勁，沒有多餘水份於碟內，但因夠熱，乾身之餘卻不會變硬)。(白汁薯燴豬頸肉份量勁多，內有四至五塊薯仔，豬頸肉切成粗條狀，不會碎濕濕的，很有口感。白汁不會過稀，卻不糊口，伴意粉一流，yummy)。最後當然是來一杯香濃幼滑的熱奶茶作結，良朋知己加上美食，真的不亦樂乎也。…查看更多

三月下旬•晴一天在外的工作完成，總想吃點東西才回家。來這裡吃個奶油脆豬當宵夜，剛好。賣相一般，看來火氣不足。不過吃起來夠脆，奶油同牛油不太多，幾香甜也好吃。始終是這裡名物之一，有水準。也在這裡巧遇附近幾間星店的話事人在吃東西，傾了好一會。…查看更多

唉公司日日有得請食ＴＥＡ。差唔多試過哂全部喇＝＝見佢Ｄ食評唔係咁好，但對我依個唔鐘意食茶記既人黎講佢又唔差喎第一個正既ＳＥＴ一定係炸雞脾啦大人細路都鐘意其實我就鐘意佢既沙律多Ｄ好足料，雖然係罐頭，但加左沙律醬之後真係好好食冇益既野都係特別正的＞＜佢既炸雞脾都唔馬虎架好大隻下炸得岩岩好，油就一定架喇但唔會乾又ＫＥＥＰ到肉嫩最正係Ｄ軟骨位真係好咸香另一個好多人叫既係豬扒包個人覺得好普通，真係一塊乾旱既豬扒加Ｄ洋蔥咁唯一欣賞係佢用粗身既薯條如果要食包就不如食佢既豬仔包我好少食，食過先知咁正佢既豬仔包有果醬，蛋，芝士同火腿你想像下全部熱辣辣溶溶地既狀態係個包入面好豐富好有口感有甜有咸但出奇地好食咁多料食完勁滿足！一定要試下叫得澳門茶餐廳有葡撻雖然係酥油皮但佢做到我鐘意既曲奇皮口感唔知係咪因為放得耐凍左哈哈佢個皮都幾硬幾厚下但反而岩我鐘意食曲奇皮既人同時佢上面焦黑既面層又幾好味唔太甜，入面Ｄ蛋槳又夠滑，唔錯唔錯仲有冇影相既蕃茄餐肉通都係正既好似羅宋湯加左通粉一樣咁多料最重要既係通粉係好有心用有螺旋紋既但西多就個個都話唔好食…查看更多

下午入去食個Tea，點一份下午茶餐，乾煎雞扒湯意粉，蟹籽炒蛋厚多士，加餐飲。雞扒煎得幾香，外皮仲有少少脆，湯意粉好滑好爽口，炒蛋多士都冇乜好挑剔。整體而言是港式茶餐廳的一般水準，不過不失，但說好的澳式呢？…查看更多

很少到澳門茶餐廳吃東西, 因為多年前第一次去食下午茶時, 搭枱的男士將飛劍插在我的腳旁1cm左右位置, 場面驚心動魄, 沒齒難忘...之後有1次與朋友找東西吃, 因已過10點, 附近都食店都已關門, 唯獨澳門茶餐廳仍營業, 再去吃, 蟹粥很鹹不太好吃... 自此很少再來, 不明白為何門外經常要排隊, 可能是因為繁忙時間大家沒有選擇吧...今天匆忙間路過, 見沒有太多客人, 又趕著吃點東西, 儘管再來一試吧...以茶餐廳來說, 裝修是相當不錯, 假天花, 吊燈, 紅紅白白的花形牆身, 很落本...下午茶時間至6時, 還有15分鐘, 快手點咗1個下午茶餐先...鮮茄雞扒焗飯 ($38) -- 以下午茶餐來說, 份量很大, 飯底以雞蛋炒香再焗, 很認真... 醬汁特多, 以茄膏制成, 酸酸的, 很醒胃... 鮮茄不多, 雞扒切成雞柳狀, 有點雪味, 慶幸茄醬夠多, 可以掩蓋其雪味, 惜肉質偏嚡, 但以$38包1杯餐飲來說, 已很超值...檸檬茶 -- 苦澀的紅茶, 茶味不香濃, 檸檬很酸... 不太好喝... 潮式墨魚丸河 ($30) -- 墨魚丸色澤潔白, 彈牙爽口, 吃不到太多的墨魚肉(粉比較多), 墨魚味很淡... 很久沒有吃到冬菜, 沒有芳香氣味, 亦沒有甜味, 少少鹹, 卻很多沙... 生菜不錯, 很新鮮... 湯底味道淡淡的, 還可以...河粉有粗有幼, 應該不是機器做的, 入口滑溜, 唔錯... 葡式蛋撻 ($9) -- 其實夠飽, 只想過一過口癮, 所以只叫了一個... 用雞公碟盛上, 焦香的表層, 外表很吸引... 酥皮太薄, 層數不多, 不夠酥脆, 有點馬虎... 蛋汁香甜, 口感幼滑, 加上焦香的表層, 吃得很滋味...以茶餐廳來說, 非繁忙時間都坐得幾舒服, 味道中規中矩... …查看更多

果日行完家樂徑, 去到太古又時值十二點幾, 諗住搵間特別 d ge 食肆. 去到太古地鐵站附近, 見到呢間澳門茶餐廳. 見唔識等位, 同埋又係打正澳門招牌, 就一行三人入去坐低食個晏仔.打開餐牌, 見到午飯時段係有午餐叫. 睇晒成個餐牌都無咩特別想食, 所以我地都叫左午餐.妹妹叫左午餐 A - 豬柳意粉; 媽媽叫左午餐 B - 焗魚柳飯; 我叫左厚多士餐.豬柳意粉 ($41) : 其實唔可以叫豬柳, 應該叫豬扒, 但好韌, 見妹妹都鋸得好出力. 配菜則無味焗魚柳飯 ($42) : 有 d 雜果係入面, 但 d 飯係好硬, 魚柳好少又無味, 好彩餐飲杯奶茶仲有 d 茶味厚多士餐 ($41) : 有一塊厚多士, 一撮炒旦, 一片火腿, 一碗叉燒意粉.........味道係............普通過普通, 牛奶公司好味好多!!!!!!!!!我地結諭係呢間野下次唔駛再幫襯...............我地白白浪費左當天午飯的 quota..................…查看更多

約了人去太古新店睇睇情況，來早了，便到附近的茶餐廳吃點東西，打發下時間。來到澳門茶餐廳，很自然的想食葡撻。不過，這裡的出品撻皮不鬆化，死實實的，又欠缺牛油香，蛋漿同樣唔香，幾難食的，寧願去肯德基食無咁嬲。凍奶茶無厘茶味，是近期喝到的小數差劣出品。呢間野，下次唔好搞我。…查看更多

星期日早上去吃早餐，預左多人，亦預左要搭檯。輪到我們的時候，有個四人卡位，我們三個人，很自然就想坐四人卡位舒服D. 點知個高級D嘅waitress黑口黑面話：三個人，搭圓檯啦。個度俾四個人坐。搭檯本來冇問題，點知後來有兩個人，同waitress有講有笑，就被安排到個張四人檯。之後就算其他卡位要搭檯都好，有朋友嘅，係唔會被request搭檯lor. 後來新搭檯嘅request坐卡位，個waitress要佢地坐埋一邊，方便其他人搭檯。個兩個人吵佢幾句，之後佢就冇理佢地。感覺麻麻地，講真，星期日一朝早就要同人吵先可以舒舒服服吃早餐，同埋要識人先可以坐得舒服，未免太過文明現代化。D食物一般般，同普通不特別好吃的茶餐廳差不多。鮮茄牛腩湯餐肉粒通粉 - 通粉有D num，同返工買大快樂/大家活外買冇分別個豬仔包好脆，但有D硬，吃完後兩邊嘴角都有D痛，牙肉也有少少刮損. 個古古力有D甜，後尾叫多個餐嘅時候叫佢唔好落糖，佢話：我地冇落糖ga wor. 個豬扒包 ... 大家嘅comments都係大快樂見. 所以... 加加買買，都係冇下次。多人排隊，係因為佢一批批咁入客，並非裡面常滿啊！…查看更多

是次同呀媽食晚餐,平時見餐廳外面大排長龍,好奇心之下就入去飽餐一頓.環境-佈置尚算精美,牆上佈滿紅,白立體花的裝飾並表有一幅大三巴畫像.充滿澳門風情態度-員工落單速度快,送餐時間神速.只係有部份員工唔夠親切感.食物方面叫左澳門蟹粥,白焯生菜,鮑魚雞肉炒飯&葡撻.(食物份量相當大,建議2人份量只叫2樣菜)澳門蟹粥-味道清甜,蟹的份量亦相當多.完全係澳門風味.白焯生菜-普普通通,惟蠔油份量較一般多鮑魚雞肉炒飯-鮑魚好林,炒飯做得唔錯,極力推介葡撻-尚算ok,本人認為係澳門食更好…查看更多

We went in there for their tea set. I had fried rice with abalone and cha siu. It was yummy but I think they put quite a lot of salt or msg. Nevermind, I don't go there often. I enjoyed what I had. We also had egg tarts. They are definitely better than what you get at KFC.The size is much bigger. Very yummy! The service was OK. I will go there again for their tea set. …查看更多

太古作為東區一個較有規模的購物集中地，不時也會在這裡度周末，但是日要務在身，只有約半小時午膳，就快快到茶記解決。招牌雖大，多次過門而不入，這次一行三人到門口向店員示意，才得悉原來客人要自行排隊等侯入座，幸好流量快，沒有大影響。最後三人獲安排寬敞的卡座。兩位大男孩在周日午餐數款精選當中選了個最快手的雜扒餐之類的東西，而小比卻堅持要吃點澳門風的食品，就要了個最普通的鮮茄牛腩湯餐肉粒通粉。大比和好友點的”雜扒飯餐”果然快手，有蒜蓉汁雞扒、薄牛扒、火腿、腸仔等，雞扒至少帶點肉感，但牛扒韌如橡膠，刀切已經有難度，最後大家互相對望，嚼至口軟才肯”放口”。火腿如腸仔仿如無煎過一樣，小比望見已怕怕，不再著他們分享。小比的鮮茄牛腩湯餐肉粒通粉等了十數分鐘才來，熱辣辣，小比望著他們的飯餐，頓時覺得自已點澳門風的東西起碼有點保障，哈哈。餐牌上有幾款不同配料的鮮茄湯通粉，只點了最便宜、最基本的一款，但見碗中的配料相當豐富，牛腩餐肉粒份量不少，還以為理應點貴些少的款式才會有，通粉帶坑紋，索起湯汁有優勢，另外也有不少蘿蔔和薯仔。一邊望著手錶，一邊暗問自已如何在短時間完成到這個熱辣辣的通粉，兩位男孩已經將近吃完了!幸好最後都順利超額完成，評價不錯。兩位大男孩再次發揮長不大的精神，督見餐牌上有「兒童鴛鴦」一詞，點餐時大聲指出要喝，真想扮唔同檯呢，「兒童鴛鴦」乃好立克加阿華田，兩者平時皆為甜而濃的麥芽類飲品，拍起來就更甜，另外茶記的凍飲上凍下熱，加上中層的好立克和底層的華田味，小比試過後斷然問這杯「鴛鴦」會否肚痛架? 兩位男孩帶著好奇的心，一口一口就喝光了，坦言初喝是有點不習慣兩種味道夾在一起，但混和後也算是不錯，結果成了這星期的熱門話題。總括而言，個人覺得此店在地點之上絕對佔優，而內裡的裝修也是意想不到的頗為新穎而富色彩，職員態度就與一般茶記無異，食物質素就好壞參半，見不少街坊吃的是一小缽的焗葡式菜式，有空再一試。執筆之時才發覺評價如此一面倒，但都不是近期的，如此一來，個人覺得在無甚選擇的時候，這裡也可作為填肚之地，但要學懂選擇。…查看更多