潮觀城酒樓

潮观城以前座落长沙湾嘅传统潮州酒楼，搬去观塘间唔中都会食下，晚市有二人、四人、八人套餐，适合唔同人数欢乐畅聚今次同朋友一齐食4位用套餐＄808（另有小菜，茶芥，加一），坐得舒适，无限时限刻，又无一般酒楼咁嘈，同朋友坐定定倾计好FIT👍🏻不愧系传统潮州酒楼，一坐低就先送上功夫茶，叹一叹呢个唯一以饮茶习俗而列入嘅“国家级非物质文化遗产名录”🍵🪿 卤水鹅肉拼盘材料有豆腐、鸡蛋、红肠、猪腩肉，当然仲有主角鹅肉啦！每一样都好入味，又唔会死咸，特别钟意豆腐，豆香之余索哂汁，好味！鹅片无骨，肉质好嚼唔韧，皮同膏薄薄一层几易入口，不过说不上好甘香，虽然好似好招牌但感觉普通🐖 咸菜胡椒猪肚汤今餐MVP！咸菜够味无死咸，胡椒存在感有但唔会辣到好俗喉咙，味道到位又口感几清澈猪肚洗得好干净，无怪味，食落就系好食嘅猪肚，肉质柔软，唔会嚼到香口胶咁，大家争住饮！🐟 清蒸沙巴龙趸火候控制恰到好处，鱼肉滑溜，唔会嚡烚烚蒸鱼豉油好味，简直想叫碗白饭送😆🦪 家乡蚝烙唔系一般煲仔饭大排档嘅卜卜脆蚝饼，质感更加似蚵仔煎个粉饼软腍，油腻，蚝味普通，下次应该会叫其他菜式🦐 椒酱肉炒虾仁好惹味！甜甜辣辣咁！成兜野最多就系菜脯同豆腐干，值唔值见仁见智但几好味就真嘅虾仁细细粒，味道鲜美，但只有4,5粒左右🍜 鲍汁瑶柱炆伊面材料有菇丝，红萝卜，芽菜，葱，牌面上睇都几斋鲍汁味道不太突出，伊面烟韧尚算入味，整体普通整体份量好足够，水准就有点飘忽，好食嘅几好食，偶有失手都算系普通，未跌到落难食个level呢晚侍应姐姐服务态度不错，同我地呢枱有讲有笑，仲讲下呢间酒楼嘅历史添！…查看更多

朋友讲起想打麻雀，介绍我哋食呢间位于观塘的潮州菜酒家，有得玩又有得食1. **家乡蚝烙** 外脆内嫩，蚝肉鲜美，饼皮香脆，整体口感尚可，展现了潮州的家乡风味，适合喜爱海鲜的食客。👍2. **卤水鹅片** 鹅肉滑嫩，卤汁味道适中，搭配酱油不错，虽然不算特别惊艳，但仍能满足对潮州卤水的期待佢。👍3. **卤水墨鱼** 墨鱼鲜嫩，卤水酱香味道不错，口感弹牙。4. **油泡吊片** 油香味道适中，搭配酱料不错，不过煮得比较过火，靭咗少少5. **半煎煮䲝鱼** 鱼肉鲜美，外皮微脆，内里嫩滑，好食，可再叫😋😋👍6. **椒盐九肚鱼** 九肚鱼炸至金黄，椒盐香气适中，鱼肉质地同平时食嘅有少少唔同，几特别👍7. **芋蓉香酥鸭** 芋蓉口感尚可，搭配酱汁味道不错😆8. **沙茶牛肉炒面** 牛肉鲜嫩，沙茶酱味道适中，不会太咸，炒面口感香脆的，好食👍另外，仲叫左好多潮式甜品，水准几好架😋…查看更多

之前都帮衬过几次，午市晚市都食过。虾饺皮好薄都值得推荐。猪肺汤好清甜，猪肺洗得好干净。午市晚市都有送功夫茶都好饮。几样炸嘢都好出色，包括黄金茄柳，椒盐鲜鱿，椒盐九肚鱼，火候控制得好好。咁多样炸嘢，碟碟唔使垫油纸个碟底都冇油，今时今日真系唔常见。仲要有服务，好多时酒楼都系第一轮先会帮客人装汤，佢帮我地装足咁多碗咁多轮，服务超出我一般想去酒楼嘅期望。…查看更多

试了一家性价比高的潮州菜，味道不错价钱合理，而且装修也很好，坐得舒服。我哋一行三人叫咗个二人套餐再加多一个蚝饼，每人二百几蚊都几抵食。套餐包括呢一个卤水鹅肉拼盘，入面除咗有卤水鹅肉之外，仲有红肠、卤水蛋、鹅肾、猪耳仔同埋卤水豆腐垫底，个卤水唔算好香不过唔系一味死咸所以我都觉得ok，卤水鹅肉都唔系好韧。套餐嘅汤我哋拣咗咸菜胡椒猪肚汤，呢个汤做得几好，咸酸菜唔会太咸但系有唔会去到冇晒味，猪肚洗得好干净同埋煲得好淋，少少胡椒掉下味唔会太辣。可以拣一款𩠌，我哋就拣咗沙茶牛肉炒芥兰，个沙茶酱都唔错，有花生粒嘅，啲牛肉都几嫩。加咗个蚝饼，正确啲应该叫蚝烙，呢个做得都算正宗，起码入面有薯粉，啲蚝仔都几新鲜。最后我哋仲加咗两个糖水share，就系上面𠮶碗马蹄片绿豆爽同埋下面𠮶碗清心丸甜汤，呢两个都几好食。最后饮埋功夫茶。…查看更多

仲有一个星期就中秋🏮节喇，屋企人提早做节。潮观城📍九龙观塘协和街33号裕民坊(凯汇)2楼212舖怀旧潮州菜(六位用)🦀潮州冻花蟹🦀冻花蟹，是当晚最令人失望的菜式。原因好简单，没有砌碟+只蟹比较细，件头小，肉亦不算厚。🦆卤水鹅肉大拼盘🦆鹅肉软而不臊，配搭烚蛋和红肠片，颜色卖相不俗。🦐炸双枣🦀虾蟹枣好耐无食过，圆虾方蟹，味道正常发挥。🐔砂锅竹笙鸡丝烩鱼翅🦈砂锅令鱼翅羹温度保持热腾腾，真材实料确有鱼翅，没有欺场。 龙趸两吃：🐟芋头半煎煮龙趸球🐟芋头煮龙趸球，这一道菜显出了潮州菜的其中一种风格，淡而香，带出了鱼肉的纯正味道，龙趸烟韧可口，鱼汤也是一流之作。🐟蒜蓉粉丝蒸龙趸头腩🐟龙趸腩肉，头腩脂肪明显较多更显香滑，点一点豉油，已经很好味道。🦑川椒花枝大虾球🦐虾球嫩，花枝片炒得很爽口，川椒味道的菜式亦很配合，个人喜欢少辣的潮州菜。🐷黄豆凉瓜排骨煲🐷美味的咸猪骨，凉瓜吸满了汤味、肉味。🥦咸菜姜米炒饭🫚炒饭，份量也好大碟，好多料，咸菜，肉碎，姜米，蛋丝，炒到好干身，好好味。🔮鸳鸯水晶包🔮晶莹剔透，皮薄馅足，分别为莲蓉及豆沙，甜美！！🫛清心丸绿豆爽🥣我最爱的中式甜品之一。☕六杯潮州功夫茶☕最爱欣赏其苦香甜润后韵，兼有助大吃大喝后消滞。#香港 #美食 #观塘 #潮州菜 #foodie…查看更多