潮州邨

之前朋友同我來個這裡吃過一次晚飯，对糖醋麵念念不忘。今天同朋友再來，因我們多人有房坐。他們介紹的冷魚好味，肉質雖不及平時的大眼雞彈牙。。但也好吃。 鵝片拼盤品質佳，但份量略微少左少少。員工有提意加大例，但我們冇。(費事其中煩躁朋友又話人收得貴,好像上次新聞大學生事件甘)炸蝦粒彈牙足料，豪餅料略少但香口好味。豪仔粥卻足料味濃，正。估不到甜品也不錯，但略甜。( 因我keep fit)飯後功夫茶正好有個完美結局。最後找數時，連煩人朋友也讚抵。…查看更多

之前朋友生日吃過這店晚餐。今天同家人去完柴灣後，來試下下午茶。我們三人吃了不少点心。。。。不得了，竟吃得返以前香港有名的金x潮州酒家的点心。尤魚。香氣撲鼻。肉質彈牙。牛栢業。味道香港第一。份量十足。虾餃。皮佳內豐。吃足兩籠。燒賣。虾大。肉鮮。鵝片拼鵝腸。肉質係我吃過最好。味道不太濃，正合我意。鵝腸更要大讚，清洗得好乾淨之餘，連內部的肥膏也清走。好健康。特別提下大家吃魚干菜甫等前菜時，不忘叫個白粥。。。。直情是天地之合。這裡的甜品也中上水準。這店裝修好美，好特別。擺設好高貴。而且有2贵賓房，房好大。這裡星期1-5的下午茶更是不收茶$.....單據又清楚。一定再來。…查看更多

先講食物，螄蛤最味美，其他食物一般水準！另見相片簡評。埋單時卻發現，手法有蠱惑（見相片單據一）：1.部分食物我哋落單講明叫一個例牌，收銀出單變兩個例牌，如糖醋伊麵等等食物2. 我地落單只叫三支啤酒，收銀出單收六枝啤酒錢同店舖反映，有個男職員（說是其中一股東），企圖強辯：1.他說作為專業服務，他會視乎人客人數，自動增加食物的份量！（但他事前並未得人客同意，亦無視顧客落單只需一例牌的要求）2.至於啤酒數量，他說店內原枝裝啤酒賣晒，所以剛才上桌的是大支裝，故要收大枝裝價錢（但店內餐牌上只有原枝裝價錢，當時根本找不到大枝裝價錢！）雖然只係多幾百一千蚊，但覺得唔應該畀人屈！如果明碼實價，要我們再比貴D，亦食得心甘情願！所以同行友人拒絕付款！最後店長改返張單（見相片單據二）從來沒有想到，這等事情也會發生在我們本以為誠實的老店上！已擱筆多年，昨晚親歷不良手法，不吐不快！此店以前在銀幕街，半年前遷至此新店！慕名而來，失望而歸！以後網友幫襯，埋單前一定要check清楚！亦希望店舖真正老板睇到後，可以改善一下！…查看更多

今日同老友再到潮州邨晚膳, 一行五人人多可以叫多D餸,店員介紹了一個新菜式叫"脆香蠔爽". 有別於一般潮式蠔餅. 手功不錯外脆內軟非常可口野味, 我地叫完一碟再一碟好像停唔到口. 因為細細粒內裹蠔仔亦非常肥美不同出面所食炸蠔甘油脷,值得一讚另外試左碗"金牌紅燒潮州翅"用料十足翅又多,配埋醋和莞茜簡直一流.味道濃魚翅夠粗夠彈牙.真係好想再食多碗呀 …查看更多

呢間餐廳已經從小學食到宜家就嚟grad從佢天后第一次開搬去銅鑼灣廣場一期再搬翻去天后地鐵站附近 到宜家又搬翻去灣景樓樓下好感動 佢終於又開翻出嚟俾我食個人認為呢間嘅潮州菜好正宗啲滷水雖然喺油左啲啲但可見佢啲滷水喺真材實料味道濃郁一睇就咁多年都用緊同一煲滷水 越煲越香自然其他有關滷水嘅菜式都非常入味頭號推薦就喺滷水鵝肝 鵝肝入口即溶 鮮嫩同時吸收滷水精華可算喺人間享受另外鵝腸爽脆 豬大腸彈牙至於馬友都好正 魚肉嫩滑 咬落非常香而無腥味讃讃讃~~…查看更多

以前銀幕街有間潮州菜位於地庫，裝修簡陋，不過滷水嘢好好，又平，可惜執咗，好彩最近發現佢變身之後，在摩頓台開返。原班人馬加新投資者，所以身光頸靚，都多咗貴價食物，鮑參翅肚唔少得，不過普通潮州菜都仍然有，呢晚食咗好多。滷水一樣正豬耳，鵝片，個人推介個鵝紅，十分少有，而且質素高，件件實的的，必吃。胡椒豬肚湯，冇味精，又夠熱。凍蟹，＄988呢隻，正常水準，正常價格，唔過千算係咁。凍魚，唔記得咩𩶘，出色，夠大條，魚鮮味，肉質結實。蠔烙，個邊煎到脆一脆，蠔仔剛剛熟。沙爹牛肉炒芥蘭，好味，但細碟。川椒雞，啲雞切得好幼，似雞片多啲，味道其實幾好。最後，再整多窩方魚肉碎粥，包晒。雖然好飽，不過食甜品是另一回事，尤其是潮式甜品，原來有不少少粉絲，芋泥、反沙芋、清心丸綠荳爽，湯丸，叫到一枱都係。不過，除了芋頭系，其他甜品反應都是一般。埋單三千幾，9 個人，當然比以前，但都算合理，招呼好，冇死sell貴嘢，可以再去。…查看更多

朋友多次推介。。。今晚見佢生日,我們決定安排試下。真心話。。。正！！！鹅片。鹅肝真頭冠絕全港。鵝肉不肥，但軟淋。入口又易咬。鮮味。肝一點腥味也冇。質感不會鬆弛。正。豪餅香而不油，但豪仔不夠多，另有些位冇豪仔。煎膠魚甜中帶香。炸野也好正。但不適合吃太多。第日依然飽。價錢合理。每人200幾。值得～…查看更多

心形糖醋麵賣相吸引，出面潮州館多數都是圓形，今次朋友介紹笫一次到這間新䦕潮州邨晚膳，一嘗潮式最出名糖醋麵，一食入口非常香口鬆脆。麵身炸得夠乾而不油，再配上沙糖和醋非常配合可口。我一口氣食了三件，非常滿足好飽真的不錯，好抵食正呀！…查看更多

潮州菜都食得多，但甘多間潮州菜館令我最深刻滷水鵝片這間真是數一數二。賣相非常吸引肉質肥瘦均勻，鵝片的滷水汁非常入味。真的要推介給大家，下次一定會帶朋友再來食。另外龍蝦亦值得推介啖啖食份量又多又大件，有水準超好食☺️👍…查看更多

今天在銅鑼灣開會，來了這間潮州邨，我們人多坐房，裝修很雅致有品味，服務亦很好。烏頭魚我食魚一般，沒有特別評價葫椒豬肚湯我喝湯一般，沒有特別評價川椒雞雞很惹味，小小辣，正！推介！鮮蝦腸粉其實點心很多都好正，好似腸粉，這個蝦很彈，腸粉皮很滑，一流。滷鵝肝我本身唔鐘意食內臟，不過是推介，點都要試一點，不過這個鵝肝很好味，唔腥，值得推介！煎蠔仔餅無相的原因，因為一放低就給我們消滅了一碟，叫多一碟，一放低又唔見了幾件！所以沒有影相！蠔仔夠多，煎得好香，配合魚露完全係食唔停口。點心另外，這兒的點心出乎意料好味，特別係腸粉, 潮州粉果！其實我們點了很多點心，及加大的鵝肝，加多一個蠔仔餅，另加6人餐，埋單時大家都覺得很扺食，港島區絕對是值得推介！唯一美中不足，下午餐廳要落場，唔可以坐到5點。如果唔係很多時同客開會都可以選這兒！…查看更多