潮小館

呢間潮汕大排檔，感覺好隨意舒暢，坐低就有種街坊味。太古城中心算異類😄滷水鵝片翼拼雞翼，味道夠鹹香，啖啖滷味，好啱濃味very like。牛三寶有筋腩肚，口感唔同層次，食落幾過癮。仲有隱藏菜，要問先知——春菜排骨，味道濃，算正常潮汕特色風格。其他餐牌菜酥炸普寧豆腐，自家製蝦蟹棗，滷水三拼，蠔仔肉碎粥，胡椒鹹菜豬肚湯，潮州風味炒河. 沙茶牛肉芥蘭. 沙茶牛肉芥蘭，下次再試。飲品方面，粉紅白傻豹朱奶泡沫滿，甜甜滑滑，幾出奇地好飲。咖啡唔你強，徧淡。整體感覺係：冇花巧，夠地道，食完有種「返到屋企」嘅親切感。 …查看更多

前排終於去到太古城朝小館打卡，聽聞佢係正宗潮州菜，果然冇令我失望！一入到去，環境好舒服，燈光暖暖地。重點係員工服務質素好好門口收銀個靚女。今次試咗幾款經典潮州菜，首先一定係「鹵水拼盤」！佢嘅鹵水鵝片同鴨腎切得薄薄地，入味但唔會太鹹，鵝肝肥美得嚟又滑，咬落去即刻溶口！之後叫咗「蠔仔粥」，呢個係我嘅心頭好！粥底煮得夠綿綿，米香好濃，蠔仔粒粒都大大隻，新鮮得嚟仲好腥甜，唔似一啲平價版咁細粒同腥味重。個女職員話佢哋每日新鮮入貨，真係唔講笑，仲落咗好多蔥花同炸蒜蓉，一啲都唔會「孤寒」。仲有食過，川椒鴿脯同埋豉汁龍蝦脆麵，呢個都好推介！必試嘅「潮州凍蟹」都冇放過！蟹蓋打開，蟹膏滿到溢出來，金黃色又濃又香，蟹肉結實彈牙，蘸埋佢哋秘製醬油同鎮江醋，酸甜辣椒嘅配搭完美，雖然價錢唔算平，但真係值得，每一口都係幸福感！整體計出品真係好有水準，材料新鮮、調味正宗，唔會亂加味精，但以呢個質素同環境，絕對值得！想食正宗潮州菜又唔想去得太遠，太古城呢間真係好選擇。總結：潮州菜控必試，9/10！推介！🦆🦀…查看更多

星期一那天同4名朋友，去到太古城中心食飯，本人比較喜歡吃中餐的，在太古走了一回和朋友們看到1間潮洲菜名叫潮小館，門面看上來感覺新鲜和整潔，那天客人不算太多，可能是平日吧，入座後看過菜牌大致是潮州菜加海鮮，再看看價錢，哗好平!對比其他同區食店，平40%以上，再仔细看菜牌，發覺有久違了的潮州菜，非常傳統及難找到了。這餐共点了6道菜色，上菜後菜色的熱度和賣相非常精美和夠分量，真的飽餐一頓，餐廳的光度温度恰當，侍應生的呔度認真有礼，特別是有位黑衫的男部長，應該是中年人仕了，非常的專業和有礼，在現在營營役役的香港社會中以很難找到了，有熱情和港人的人情味了!整體在現在香港的餐廳中，百中無一，有時代活力的一間餐廳，我和朋友會再來的…查看更多

今日假期，同屋企人加埋細路仔諗住出去食飯，試吓呢間潮州菜，三百幾蚊有三個餸，仲可以用優惠價追加胡椒豬肚湯同埋蠔仔酪，上菜時間好快，最鍾意個特色牛三寶，牛筋好腍牛腩有咬口，啲汁仲好香濃，老人家鍾意胡椒豬肚湯冬天暖胃有驅寒,班小朋友好鍾意普寧豆漿雞中翼食到停唔到口，價錢適中，佢哋唔收+1服務費，服務效率都幾高，班姐姐都好快手😊，因為之前冇用過QR code落單，唔小心落錯咗個嘢食，佢哋都好快幫我跟返，下次都會再過嚟😊😊…查看更多

已經好耐好耐冇寫食評📝但今次真係不吐不快😡從來冇去過一間食肆，啲員工可以咁差勁❌戴眼鏡嘅叔叔員工同水吧後生仔，不知因何事爆粗互罵，嚇到有檯食客急急腳離開💨出餸出飲品又錯漏百出跟住我哋未食完，已經有另一個叔叔員工問我哋邊碟可以收走，話個洗碗同事趕住要走。如果咁唔想做，就唔好做晚市到八點幾九點。另外我哋未走，已經有個嬸嬸喺度拖地，啲洗地水好大陣味👃仲要成地濕晒，啲老人家行嗰陣好驚。食物價錢貴，服務又咁差真心唔會再去，亦建議大家唔好去！…查看更多

最近成日見到太古食肆出ad, 就嚟呢間新餐廳試下。見到餐單價錢都偏高，6 個人叫咗酥炸普寧豆腐~ 無豆味嘅豆腐，個汁係零味！唔知食緊d 咩。自家製蝦蟹棗~ 唔識形容嘅炸物，見到有蝦，但無蝦味。點嗰個abc醬，勁難食。滷水三拼滷水獅頭鵝片, 馳名滷水鵝肝, 滷水大墨魚~ 全餐算正常嘅一碟毫無記憶點，得d 滷水味。蠔仔肉碎粥 (窩)~ 唔係粥，佢係湯飯。一樣係無味。中午套餐B(胡椒鹹菜豬肚湯, (午餐)潮州風味炒河, 即磨咖啡(凍飲))~ 個湯似即食湯包。炒河有極少量魚片條，但都係無味。咖啡都係無味。餐廳職員都明顯不足。6 個人仲要逼埋喺張細圓檯。每個人食咗146 蚊， 好似食咗空氣咁。…查看更多

除左難食 我真係諗唔到有咩評語 同入餐廳叫碗白飯食係冇分別 蠔仔粥係湯飯 個普寧豆腐連豆味都冇 連個鹽水都冇味 蝦蟹棗又係唔知食緊咩 如果大家抱有失望既心情去試 我鼓勵大家去試一次完。…查看更多

最近好多大型食肆 因爲生意額下降 租金貴 成本高 相繼結業 相反新型精緻小店 開始興起 見到好多新名字的小店出現 先前試過幾間 都沒有失望 相信都是一班有經驗的師傅 集資小本經營 客源都是香港人 本地街坊 今晚試咗呢間潮州小館 啲食物質素不錯 鹵水鵝拼盤的鹵水豆腐超滑 很有水準 應該都是有相當經驗的師傅製作 鹵水汁味道非常出色 香濃不會太鹹 沙茶牛肉芥蘭味道相當不錯 夠鑊氣 今晚的入座率 都有八成以上 面對嚴峻經濟 已經有很好的成績 價錢方面合理 唔算貴 可接受 希望保持水準 穩定 繼續用心經營 新的營運模式 應該符合當前經濟 加油加油！下次會再來試其他菜式…查看更多

-潮小館 🥢位於太古城中心有間新開抵食潮州菜館 主打以親民價格同新派風格呈現正宗潮州菜館潮廳既經典味道— 包括馳名滷味、特色潮洲火鍋同各式各樣既熱葷佳餚 人均百零蚊就可以係商場食到正宗潮州風味✨潮州2人3餸 （$398-$498）$398同$498套餐分別在於係配搭埋潮州小炒定係海鮮套餐包括滷味同潮州小食 亦有2碗飯/粥、2杯功夫鳳凰單叢茶/冷泡鳳凰單叢茶🅰️滷水/牛腩 — 滷水腩肉腩肉肉質都算軟嫩 滷得好入味 吸晒滷水汁既精華濃郁香醇 底下其實仲有豆腐同鵝肉 成個拼盤咁 幾抵食🅱️潮州小食 — 香煎蠔仔酪有驚喜 蠔餅比想像中炸得香脆可口又足料有去左食元朗潮州大牌檔既即視感 勁惹味 （要趁熱食！➕海鮮 — 花雕蛋白蒸藍花蟹滑嫩既蒸蛋白帶有淡淡花雕香 同時吸晒蟹汁精華呢個花雕蛋白蒸既做法仲將2隻藍花蟹既鮮甜完美鎖住 而且清甜細緻既花蟹肉 整體黎講都好鮮香甘美呢✨估唔到呢個價錢都可以食到平時得高級食府先食到既菜式…查看更多

見這店新開張，試一試下午茶，從未食過咁難食的潮州菜。在大商場做茶餐廳格局，很難做得住，除非很好吃。吃了沙茶牛肉撈麵和札肉炒河，撈面無味，炒河無料，完全不合格。奶茶是白色的什麽特色奶茶，完全無茶味，仲要另加十元，檸茶要加 18元，搶錢！清茶和檸水就不用加，飲品用紙杯裝，好肉酸，毫無級數，令客人無食欲，比普通茶餐廳還低層次，一杯茶更錯了兩次。食品和茶飲肯定不合香港人口味，是太古城最差的一間食肆，不會再光顧！…查看更多

第一次還可以的。牛三寶（牛筋，牛坑腩，牛肚）。今之第二次食牛切到絲一般幼，冇口感！牛坑腩到可以柴皮，極品！肉冇肉味！所以用了極咸方法調味！用水洗後到咸，勁！（$198）勁伏…查看更多

潮小館真係唔敢相信 食潮洲嘢竟然潮到有咖啡飲 係拍得住Pokka嗰隻（可能好unpopular…)外賣左啲 牛筋魚蛋河 係雙拼！$88包普通餐飲（咖啡/茶）牛筋唔錯 魚蛋阿媽咪話唔錯 河粉非常好食 仲有條菜添^^午市套餐 薑蔥雞飯 包小食（有三款，揀左麻辣海蜇微辣only）同埋餐飲(same as above but of course you can 加錢買特飲）仲有一碗太鹹既豬肺湯 $158識計數都知應該黎啦 好好食 🤤 有嗰句講嗰句咋 🤷🏻‍♀️係囉咪就係貴左啲 （份量唔係特別大 但已足夠）堂食過粉絲雜菜煲 川椒雞 煎蛋角 白飯 好好食！！係貴左啲囉…查看更多

晚餐要排隊我仲以為好好食誰不知價錢偏貴，但食物質素普通不特止啲員工態度仲差過茶餐廳。座位排到密麻麻，今日有幾度有冇冷氣食到成身汗，又唔覺得佢啲嘢好好食一定唔會有下次囉不過未試過嘅朋友梗係要去試吓感覺好似俾人呃咗錢咁嘅感覺 然後就返出嚟囉。叫咗碗魚蛋河粉$58呢個叫做抵食啲，不過老實講魚蛋真係冇魚蛋味佢嗰隻窄身嘅Ho粉完全一啲都唔滑。嗰個韭菜豬紅，一啲都唔好食花生雞腳，隻隻雞腳都硬骨的。唯一可取就係滷水鵝翼。總之你食完唔會覺得好開心咁行出來係我眼中呢啲咪就係垃圾食肆囉。不知所謂…查看更多

週日晚上到此店晚飯，因爲八時才到達，所以只需等 10分鐘左右便可入座，入座後才發現二人套餐只在星期一至五適用。餐牌散叫價錢可媲美潮江春、潮庭，店內環境一般，服務員不足，食物份量又少，唯一可取之處就是味道不錯、沒有加一。坊間美味的潮州食店很多，也不用這麽貴。若然裝修就這麽一般，單靠味道就收偏貴價格，有點不值。…查看更多

兩個人叫了4款食物，滷水鵝肉拼掌翼，韭菜豬紅，花生炆雞腳，魚蛋粉。食物上菜，只影了兩張相，已經沒有興趣再影。侍應態度差服務惡劣，放低韭菜豬紅，叫佢比辣椒油，頭也不回走咗去，叫第二個，好似爛仔一樣離遠點個頭，第一個侍應突然間又拎碟辣椒醬放低，叫住佢話要辣椒油唔係辣椒醬，仍然係唔理你走咗去…..韭菜豬紅，豬紅嫵媚韭菜太腍，花生炆雞腳，雞腳太硬，魚蛋粉普通，滷水鵝肉拼掌翼，鵝肉鞋，掌翼還可以，但係佢嘅價錢同服務同食物質素不成正比。可能大家都係貪新鮮，想試新嘢，但係我相信都應該係一次之後都唔會再幫襯。…查看更多