漢年茶餐廳

营业中

休息中

五個同事去左大圍揾食 佢地話有間食鹽焗雞好正架 就係咁行入去 坐無虛席 靚姐問幾位 等左兩三分鐘 叫左一隻冰鮮鹽焗雞 無雪味夠鹹香 唔嚡有雞味 椒鹽豬扒 賣相吸引食落好野味 豬扒超厚身 食左兩舊已經好夠啦蒜蓉炒菜心 楊洲炒飯 好味夠熱 又多料 同埋乾燒叉燒河 個個都飽晒 足料兼份量大

自小喜歡茶餐廳的人情味也非常喜歡雞-- 這家可謂滿足了兩個願望主打鹽焗雞炒飯底可以走胸！非常重要！雞油滑落炒飯超好味凍奶茶一般，有點過甜和澀下次要凍檸茶另外常餐正常，茶走還可可以多來！

星期六午餐周圍都等位，老豆話要去漢年茶餐廳。我一向對茶餐廳無乜好感，而且漢年基本上係只有搭枱，無選擇下唯有屈就下。老豆話最出名鹽焗雞，所以我就叫左鹽焗雞湯河，要求要雞胸。雞好滑又有雞味，而且不會成口鹽。河粉比平時食嘅粗，吸左雞湯後好入味，份量又多。$43一碗其實不算貴，但飲品要散叫，無得加錢。

睇到食評話呢度啲鹽焗雞飯好食，為食豬就黎試下啦另外叫左椒鹽豬扒飯同加左杯凍檸賓 (13蚊)椒鹽豬扒非常惹味，啱晒重口味嘅為食豬雖然白飯加左豉油，但係啲飯比較硬身同份量超多，要靠啲豬扒黎送飯鹽焗雞飯反而比較失望，首先係啲雞有少少甩皮甩骨，同埋無咩鹽焗嘅感覺; 雖然啲飯有少少雞油，但係都係太乾身全靠有沙薑醬幫啲雞調味同撈飯有個餐牌寫住原隻鹽焗雞嘅價錢，原來係有新鮮雞(需預訂)同冰鮮雞，鹽焗雞飯啲雞應該係冰鮮啦

琴日落左去食漢年茶餐廳。又係呢間有人情味既茶餐廳。每次入去食員工都會同你吹兩嘴。叫左個涼瓜班腩飯。45蚊加埋野飲。雖然茶餐廳黎講價錢係一般，但佢既份量睇相就知。好大份！每次好肚餓都會諗起呢間茶餐廳。每次都落咁足料，仲要好多飯。鐘意呢個典型既碟頭飯，而且依家其他鋪頭都少有咁大碟既碟頭飯。一入口，個鍋氣都依然係度，涼瓜唔會太苦，而且煮得岩岩好。班腩都好新鮮，炸左既班腩再撈汁上去，真係好味。就係鐘意呢度既野食，環境同埋人情味。食完已經好飽好滿足，再飲杯熱菜蜜，咁就完左我滿足既午餐！

今日去大圍返工，係我短暫離開香港前最後一次去大圍，咁係要再食多次漢年茶餐廳喇！因為今次係中午去食飯，加埋夜晚返屋企已經執曬d野，唔方便煮野，所以諗住外賣一份飯分兩餐食其實真係好想食多次椒鹽豬扒飯，上次試過，但又驚拎番屋企凍左唔好食，所以叫左洋蔥豬扒飯，送熱檸水根據之前既經驗，佢地飯既份量真係好鬼多，我估食兩餐可能都食唔曬，所以落單時講左「少飯，少汁」，少汁可以健康d，唔洗咁肥。等左一陣，飯盒到，想加d豉油同埋辣椒醬，打開一睇，飯的確少左很多，少過堂食既「少飯」返去用左一個鐘，食既時候飯盒仲係熱辣辣，食之前將飯盒分開兩份，lunch一份，晚餐一份，豬扒真係唔少喔，雖然話少汁，但都有少少汁可以撈飯既，岩岩好，唔會太多，唔會覺得很罪惡，加上我自己加既辣醬，撈飯岩岩好，又唔會太清淡正式開始食，豬扒外面包裹著一層麵粉，唔厚，但係有一舊豬扒外面的麵粉黏係另外一舊豬扒，咁就等於兩層麵粉，就覺得有d厚喇😅但其他正常豬扒都算ok，醬汁好味（我自己加左豉油，否則可能太淡），豬扒又腍，非常好，洋蔥雖然有d少，但係好入味跟餐送既熱檸水都唔錯，檸檬加左半個，所以很濃既檸檬味，佢冇問我自動幫我加左糖，甜甜地，所以

尼排煲tvb火線下的江湖大佬，入邊咀雙雙既豆腐火腩飯讓我印象深刻，之前都未試過，每次電視特寫豆腐火腩飯時都覺得好正，直流口水，所以希望今次去澳洲之前可以試一次，又唔清楚真實香港邊一間茶餐廳既豆腐火腩飯勁出名，於是諗住簡一間之前有試過，覺得比較靠譜的茶餐廳漢年茶餐廳，期待左好耐，搞得我返工都無心機今日黃雨，唔多人，入邊坐低，「唔該寫野，一份豆腐火腩飯，少少飯」，都左一陣，的確豆腐火腩飯慢過其他招牌飯，好肚餓⋯終於有得食，熱辣辣，睇樣就覺得很正，迫不及待試下，豆腐很滑好腍，又很香，好味！火腩都很正，肥肉瘦肉相交，比例岩岩好，咬上去很有彈性，仲有一層脆脆既皮，炸得很香，唔知尼個係咪咀爽爽入邊講既美味落單時我講左「少少飯」，真係睇唔出「少少飯」，果然超大份係漢年茶餐廳既特色碟飯係多汁既，幾好味，就淡左小小，要自己加鼓油，同埋佢地既辣油都幾香，唔係勁辣既果d，岩曬香港人口味對於尼一間茶餐廳我好相信，所以我選擇尼一間吃豆腐火腩飯，因為火腩有d似五花肉，，豆腐係炸過（因為睇火線下的江湖大佬先知），係好高卡路里既，驚肥，所以可能只會試一次，所以希望可以簡一間最好味既茶餐廳嘗試，希望佢既味道同火線下的江

早餐來個沙爹牛肉米粉 ， 味道好濃，沙爹牛肉的分量都幾多，唔似得1d茶餐廳咁 通常都唔會俾好多沙嗲牛肉你 ，不過個人就覺得呢間d沙嗲牛肉鹹左少少 。如果唔洗咁濃就會好d 少少over左，另外再加一杯凍檸茶 爽哂！

鹽焗雞飯 ($59) 加炒飯底 ($10)呢間係大圍既茶餐廳唔係好大間，但係就好旺。
招牌既鹽焗雞首先用左鹽黎醃製，唔會太鹹但好入味。 雞肉質好滑嫩爽滑，雞味一般唔算太濃，沙薑汁好惹味，鹹香辣口，加埋鹽焗雞送飯一流。炒飯以蛋炒香，無咩特別，略為普通，加十蚊唔太抵。整體好大碟，自己無可能食得哂，雞既質素都唔錯，不過價錢略貴。

為食的老公又帶我周圍去神神秘秘話一定要去大圍食野去到發現係間茶餐廳😂不過都知一定唔會咁簡單架啦！馳明鹽焗雞！好少茶記有得食！仲要出名入到去 座無虛席 我地坐低之後無睇過餐牌上面其他野食 直接就~叫~雞！老公食鹽焗雞飯($46) 老公話雞夠入味夠咸，配埋沙薑醬仲好味美中不足係個飯未夠熱 可能太多人食了☺️我叫了鹽焗雞湯飯($43) 未食雞同飯 我已先飲雞湯 簡直精華所在啊！好濃好好味！仲要唔算太油！好正啊！俾老公試左啖 佢話湯幾好飲 但雞就冇佢果個咁濃味 因為話晒俾湯浸住 所以變相有點似切雞 而唔係鹽焗雞😆兩個飯都不連野飲，可樂要另加$10所以我地決定出去買野飲😆

今日去尼一間大圍好出名既茶餐廳，佢地招牌係鹽焗雞，不過我就麻麻鹽焗雞，叫左椒鹽豬扒飯，45蚊我入去果陣三點幾，都係超多人，出面要排隊，我想要少飯，唔想洗米飯，不過我講左兩次，d阿姐唔理我，咁就算了⋯佢地想洗d米飯我都無辦法阻止八嬲都覺得大圍茶餐廳dlunchc好貴，要50蚊咁上下，不過送上黎既豬扒飯解釋左原因，超級多飯，我估以我既小鳥胃可以食三餐，豬扒都幾多既，同埋很厚實，雖然係炸既，但係出面包裹既粉唔厚。豬扒小小辣，加左蒜蓉辣椒爆香，真係好好味，只不過因為尼味餸比較少汁，食到最尾無餸送飯，只係可以是白飯，好似連豉油都無，不過我好細食，點都食唔落咁多飯，所以咁次我剩低超過一半既白飯，好洗食物⋯⋯但係又唔好意思打包白飯⋯⋯總之！椒鹽豬扒飯就是正！下次有機會可以試其他lunch餐，見到隔離阿叔ge飯都唔錯！至少外觀好正

今日來漢年買外賣回家吃，又試下佢個金牌鹽焗雞飯！因為想慳番10蚊，所以今次要左白飯底～冇要到炒飯底～ 飯煮得唔錯，唔算太硬身又唔會太淋，雖然本身冇汁撈飯，但有d雞油流落d飯度，再加埋d 鹽焗味，都唔會乾爭爭冇味道！而好好彩佢比左雞肶位我（我冇加錢轉雞肶的），件件雞賣相都好靚，金黄色有光澤，食落口肉質幾夠滑，而且好夠雞味！皮下脂肪又唔會好厚 連埋雞皮食唔會覺得好肥～同埋夠入味，鹽味已經滲晒落雞骨和雞肉入面，但食落口又唔會覺得好鹹～ 不過價錢方面就略為貴了少少，就咁一碟飯未包飲品已經要＄47，但好彩份量都幾足，食完好飽飽～

到朋友家中下棋, 接著一起去吃飯 漢年茶餐廳是我們的選擇Menu ~香醋豬仔肉飯 $50許久沒有吃的一道菜, 還好沒失水準, 豬仔肉十分香脆, 肉質爽嫩, 放了長時間, 口感還是非常脆口, 糖醋的味道很平衡不搶喉, 好吃 ~本篇完 ~

一連三日假期, 適逢大地回春, 好o岩去下戶外運動, 呼吸新鮮空氣. 由於朋友食埋午飯先來, 所以我自己一個先到大圍搵食. 一出地鐵站行過馬路, 就租單車舖附近已經有相當多食肆. 行到漢年門口, 見到有幾個係門外, 入面近門口又有人等緊, 羊群效應下, 加上我朋友未到, 我又即管等埋一份. 當時係星期六下午一點半, 我等左大約五分鐘就可以坐底, 一個人有位就坐得, 係易D有位. 坐底望下餐牌, 見好多食客都食招牌鹽焗雞飯, 咁我都點個招牌菜試下, 由於無食早餐, 都幾餓, 所以就碟上加炒底. 先來凍檸茶, 有五片檸檬，夠檸檬香，茶味甜度都調較得恰好, 真正港式茶餐廳凍檸茶招牌鹽焗雞飯炒底，上菜約等約十分鐘，相信飯係即炒，飯粒內都是熱透，粒粒分明，加上蛋絲的蛋香，好好味，一匙接一匙不斷食，食到中段飯心依然熱. 雞滑不鞋, 沒有未熟及算血色, 有雞味, 夠入味，如想再香D及濃味，可點少少沙薑醬, 但唔點一樣夠味. 雞同飯份量夠，好到飽. 由於食客多及地方不大, 不宜久坐, 埋單$66走人.PS. 之後去租單車, 路經前一日才結業的楓林, 希望下次再來踩單車, 仲可以食到漢年.

一年一度既單車日就會見你一次係電話到同豬仔講 帶豬仔去食鹽焗雞炒飯佢問我今咪好咸 好食咩？ 睇到豬仔食完個樣就知佢都愛上佢啦炒飯粒粒分明 夠哂乾身雞哥又白又滑 又唔會過咸 雞汁流落炒飯 咸咸地又一番風味