漁之部屋

今日同事帶我去左間隱世日本餐廳食野，如果唔係有人帶我黎，我自己都未必識黎呀～我同事仲笑我孤陋寡聞，原來呢間野係將軍澳都好多人識架~ 黎到門口，已經見到十幾人排隊，真係噤嚇左一嚇呀！好在佢一開門，Ｄ人都好快入曬去餐牌非常之長，好在可以用 app 落單，有圖可以睇黎揀，但佢Ｄ圖都真係好濛，完全低清。都係聽同事講，試下佢個燒油甘魚餐喇~少女第一次食到咁香脆嘅油甘魚，佢炸或炸嘅時間剛剛好，魚皮超脆口，而肉質仍然鮮嫩！每一啖都能夠嚐到魚肉嘅鮮甜味道，真係令人欲罷不能！而且唔孤寒，可以食魚肉食到飽，巧滿足喔～同事叫左一碗溏心蛋牛舌便當配三文魚刺身～溏心蛋嘅蛋黃流出黎，好香濃呀！可惜得半粒蛋，如果可以全粒蛋就好喇~牛舌肉嘅軟稔，醬汁香甜，如果個醬汁鹹度低少少就更好喇~加埋三文魚刺身，真係巧巧食！除咗主菜之外，我地仲試咗佢哋嘅小龍蝦沙律壽司！呢個就太少龍蝦肉喇，一食入口已感到非常薄，希望可以之後加返厚喇～…查看更多

相信一講到日式放題大家一定會諗起大字頭嗰啲大集團😂史努比搵到原來將軍澳都有間質素幾好嘅可以try try😎-♡ 晚市放題 特價時段 $288/person(18:30前入座/ 21:00後入座)另外生日月份仲可以減$50史努比上個月去食所以有呢個discount😆由於款式實在太多 所以史努比都試唔晒 加上逐樣講嘅話IG一定話我caption too long唯有每個type做個整體評分啦🙈👎🏿沙律&前菜 4/10沙律有蟹籽沙律同芒果大蝦沙律 正正常常啦另外仲有一款哈密瓜配Parma ham 呢個combination好難唔好食嘅😂不過啲芝麻醬同佢唔太match 有種畫蛇添足嘅感覺😗芝麻八爪魚同川風螺肉質素麻麻地 偏韌同埋有沙最差應該系泡菜 有陣怪味 總之就好難食😅至於佢所謂嘅特色果盤就只有橙同西瓜 質素麻麻地🙌🏿唔叫都冇損失👍🏿刺身 8/10刺身水準好睇當日嘅來貨 而史努比今次去食都幾唔錯😆款式好多 稍為貴少少嘅都有喺度😎拖羅雖然有筋 但好彩唔系傳説中放題最常見嘅「西瓜魚」魚油都算充足 以放題質素嚟講絕對唔差😚帶子鮮甜 不過切得比較薄 稍為影響咗口感🤏🏿油甘魚肥美油潤 好彩嘅話仲會有腩位添🤪阿根廷紅蝦彈牙鮮甜 仲有膏添劍魚腩、北寄貝、鮑魚仔同花螺呢啲就正正常常比較特別嘅系佢有仿鮑片 甜甜鹹鹹都幾過癮😂平時最大路亦系史努比至愛嘅三文魚就真系大失所望 魚腩位史努比冇食到唔知 但普通嗰啲就完全冇三文魚味🫠唔知食緊啲乜 唔推薦嘅仲有赤貝、八爪魚、凍海蝦、青口同泰式生蝦佢哋全部都冇乜味強烈建議想食蝦嘅揀阿根廷紅蝦 因為食完佢其他蝦都唔好食🤣整體刺身質素其實唔錯😆❓壽司 史努比好少會喺放題度食壽司 因為個胃唔夠大😂佢有好多軍艦創作卷物等等細佬通常都會食翻幾舊唔系玩大舊飯嗰啲但唔太建議揀啲創作卷物 尤其寫有海膽拖羅蓉嗰啲全部都系比鼻屎咁大粒你 真系咪比佢個名呃咗🥺👍🏿天婦羅&揚物 7.5/10款式好多😳全部都系即叫即炸 嚟到嘅時候都熱辣辣👍🏿當中最推薦一定系榴槤忘返 佢就好似炸榴槤糯米糍咁 中間嘅榴槤系流心架😍而且好香榴槤味 榴槤控必試🤪另外魷魚鬚煙韌彈牙 都值得一試 吉列蠔同椒鹽軟殻蟹一樣炸粉好厚 雖然蠔唔腥唔臭 但唔系好食到隻蠔 太細隻😂軟殼蟹嘅情況一樣 唔講都唔知食緊😳比較特別嘅有白茶芋球、流心西米球同炸紅豆雙皮奶 白茶芋球內餡系流沙奶黃咁嘅樣 仲有少少紫薯 味道唔錯 但會好易飽肚 淺嚐就好🤭另外兩款就不過不失 當然都有最大路嘅炸芝士年糕、芝麻雞翼等等嘅揚物 但史努比就冇食到啦😝天婦羅嘅質素麻麻地 畢竟佢唔會攞啲靚油同你炸 可以接受啦 但史努比就會留返啲quota食其他嘢😎👍🏿爐端燒 8/10燒物嘅質素同樣唔錯 雞軟骨燒到脆脆地好香口 媽媽👩🏻大推菠蘿好甜好juicy😋牛舌軟腍但稍為重味咗啲另外仲有燒扇貝、鰻魚、多春魚等等 質素正常唔推介嘅有串燒一口牛 偏韌🙌🏿👍🏿一品料理 8/10我哋淨系試咗幾款 幾款都唔錯清酒煮蜆系我哋最鐘意嘅一款 蜆肉大隻又有甜味 而且唔會好飽好膩😎溏心蛋同金菇牛肉卷都唔錯羊架就稍為羶咗啲 但可接受👌🏿👍🏿限量供應 9/10仲有仲有史努比最推薦嘅終於壓軸出場😛有燒三文魚頭、鰭、腩等等嘅部位調味適中 燒得好香 魚油豐富🤤尤其是魚頭 真系超級滑😆不過話明系限量供應記住要第一時間嗌咗先 如果唔系好快會比人嗌晒🥺同埋問過店員 佢話唔係次次都有貨 大家可能就要碰碰運氣 或者book位之前問一下就最安全😎👎🏿甜品 4/10甜品呢方面真系比較弱 一嚟款式少 二嚟有嘅款式都麻麻地好食雪糕只有4款 蜜瓜/西瓜雪條 香蕉船同雪米糯 千祈唔好試西瓜味 超級藥水😰馬卡龍要睇你好唔好彩 有啲顏色特別伏 整體都系偏甜🥺其餘嘅cake同布甸都唔建議大家試 水準真心唔太掂😅👍🏿飲品 7.5/10選擇非常多 連清酒、紅酒、啤酒同白酒呢啲都可以任飲😛另外除咗好大路嘅罐裝飲品仲有佢哋自己調配嘅 好似P.4嗰杯咁叫「藍色夢幻」屋企人話幾好飲架😆同埋佢連芝士奶蓋奶茶都有🤣唔想飲甜野可以好似史努比咁揀無糖茶😚如果同老人家嚟都唔怕唔啱食因為佢仲有拉麵同烏冬 啱晒一家大細嚟食🤭最後仲可以每一揀一配雪糕攞走 當然住得遠嘅朋友都可以即場食😂有幾配指定口味嘅Haagen Dazs同Movenpick、森永mow嘅白桃味雪糕仲有一款韓國乳酪雪糕 亦系史努比嘅favorite🤣-整體嚟講以放題質素算幾好種類唔少 雖然冇鵝肝海膽嗰啲 但有嘅食物大部分都唔錯呢個價錢都系合理嘅🙌🏿食厭咗大字頭嗰啲不妨嚟呢間漁之部屋試下🤪整體評分：味道: 7/10環境: 7/10服務: 6/10衛生: 6.5/10抵食: 6.5/10回頭率: 7/10-…查看更多

唔知以為自己係步兵幫佢地送外賣，完全冇招呼，入到去冇人理，跟著終於有人問我做咩，我都有禮貌同佢講唔該拎外賣，佢叫我自己入去水吧位睇下果袋係未🙄係未因為買外賣覺得錢少就可以基本對待人客既招呼都冇，我都有幫襯過堂食先會幫襯買外賣囉…查看更多

每次食完都唔多滿足，啲嘢食唔多種類。成日漏單。 老闆娘態度一般，可能因為冇join到會員? 因為燒菠蘿一開始就叫要嚟消滯， 但最後只係催咗一次老闆娘就黑面。 嘢食一般還算ok。…查看更多

今次第n次黎漁之部屋食放題，同幾個老人家一齊慶祝母親節，book咗5:30pm,去到時話無book，嚇親我，因為餐廳都full了，好在whatsapp book位，有record, 餐廳都好盡力安排位置，借埋圓台，等我哋可以有位坐，最後都順利慶祝到母親節，老人家都好滿意！雖然full booking,但上菜都快嘅，小朋友老人家都食得好開心，咁就過咗一個特別嘅母親節😊亦提醒我，下次重要日子，記得打俾餐廳confirm booking, make sure everything under control …查看更多

漁之部屋 (將軍澳)📍將軍澳唐俊街12號天晉匯1樓101號舖曾幾何時寶琳都有間分店大間好多但都做唔住而家都覺得呢間野會隨時執係咁叫人做會員買套票認真 真係會好擔心買完就拜拜生酮好啱食放題但唔會經常食 始終貴嘛一大班人食 都係食個氣氛講返野食刺身肉食都係基本野唔係太差 但唔會嘩一聲無乜野係impressive值得一讚係收碟速度都幾快可能係舖仔細細果日係星期五 都淨係坐八成人如果有食開放題呢間可選擇種類又唔算多觀塘大乜屋 大得黎出面仲有野自己夾自己揀 甜品任拎呢間連甜品都係你主動話要先人頭一杯雪糕飲品種類都係唔多想要支茶都無乜野選擇呢個價錢 俾多幾十蚊 出觀塘搵食算了…查看更多

今次唔知第幾次食，因為買咗套票，抵食，食物中等，仲要包埋酒精飲品，所以係抵食嘅. 雖然壽司種類唔多，環境比較細，但上食物時間都正常，service 都ok,相對比呢個價錢，佢係抵食嘅！如果生日仲會為你熄燈及播生日歌，仲送上一個蛋糕定係唔知咩拼盤我都唔記得，都幾sweet😂😂我鍾意食佢嘅燒波羅，超甜超好味😋 食完仲可以行吓附近嘅海邊長廊，真係好寫意，另外服務員阿碧都好nice, 有咩需要佢都盡可能幫手安排😊…查看更多

漁之部屋食物種類都算多。我覺得依間房睇嘅刺身係比其他放題店好味同新鮮😋😋😋而且甜品同飲品種類非常之多🫶🏻❤️‍🔥👍而且座位同埋位置都十分寬敞，食得舒服坐得又舒服😌📍 漁之部屋 (將軍澳)將軍澳唐俊街12號天晉匯1樓101號舖❤️‍🔥價錢：7/10❤️‍🔥味道：8/10❤️‍🔥服務：7.5/10#日式放題 #將軍澳美食 #hkig #hkfoodie…查看更多

早幾年的漁之部屋是在寶琳站對面的。那時候因為它市區內第一間的日式放題，而且尚算價廉物美，所以吸引到很多街坊排隊進食。不過，久而久之，他在將軍澳站開了分店後，寶琳站的生意及質素便有所下降。之後，在寶琳的店關閉了，但仍有位將軍澳站的這一間分店，所以打算再拜訪一下，尋回從前與朋友相聚的美好時光。不過，經過了疫情的洗禮，由進入餐廳的那一刻開始，有種說不出的「伏」味，侍應沒有像從前的那般親切及專業，而且眼見餐廳的衛生環境不太好，故此只抱着嘗一嘗的心態。魚生還是可以的，不過，有很多食物落了order也遲遲不上菜，到最後一次過上菜，感覺一般。不過，飲料的款式亦算不少，如只是想過一過日本放題癮，在將軍澳這好像是暫時唯一的一間。…查看更多

晚市個經理大聲到全場聽到，由頭鬧啲員工到尾，啲員工又扮傻仔慢條斯理，第一次出單會比中拖你，第2次就變西瓜魚，第2次落單野食等半粒鐘以上先黎，焗你飲野等到飽，呢排無左埋單先比既雪糕紙，埋完單經理先同你講要手機落返單，但埋左單已經無得再落單，要叫員工即場落單，舉左5分鐘手都無人會理你，員工行過叫佢都會忽視你，又係焗你唔要雪糕走，隔離枱有人埋左單，追左半粒鐘以上，經理先死死氣入去拎間野係有套票，最貴買1萬送5000=66折呢個係正常岩食價位，但成日會用西瓜魚扮中拖呢排連鵝肝都無埋，買左套票都唔會想成日食，食左3次已經想放棄，真係要三思總結：成間野好唔老實，平賣你套票但會搵位節省成本，第一轉刺身新鮮，第二轉後就貨尾，一啖沙糖一啖x,幾平都無用…查看更多

恢復堂食之後同朋友去幫襯，餐廳推儲值卡。好啦支持下，買了五仟價值。可以用在放題,散餐,堂食,外賣。有一晚(平日)去，當時仲有枱未full，我哋話堂食散叫。職員回答：今晚做放題，唔做散叫。同佢埋論先放張枱俾我地。有一日(假期)落單叫外賣，知道數量多所以要求一個半鐘頭後取。職員同我反白眼，話好忙,唔想落單，又同佢理論, 再俾多D時間佢哋準備。支持你哋換來受氣。餐廳無能力做orders就不要賣儲值卡，賣得就要提供食物，一係就退款。…查看更多

屋企人買左啲套票，除返開一個人$150抵食啦！不過好逼..一大pat芝士好流😂..雞翼都正.一口和牛..生蝦 食完無肚痛🤣.放題嚟講算係咁.估唔到有奶蓋飲👍🏻不過上野飲好慢.個炸芝士好正🤩.榴連甜品🤤可惜食到後尾太飽食唔到幾多🥹.…查看更多

最近好常幫襯貴店，因將軍澳區嚟講，貴店食物質素一向穩定，好食，價格合理。但今日唔知做乜事，杯咖啡未打開已隱約見到好細杯，一打開真係嚇親，有1/3 無咗😡😡😡 …查看更多

之前無疫情嘅時候，fat boy 都幾鍾意同女朋友去漁之部屋食放題，雖然價錢唔平，但勝在係屋企附近，同埋食物質素都唔差嘅…….係有漏單，同等得耐少少嘅情況出現，不過尚可接受啦……今次我見到外賣app有漁之部屋，價錢都算公道，咁咪試試佢囉😅😅80幾蚊有沙律，有湯，有個日式熟飯，有杯凍飲，重有個泡芙，都算ok嘅食物質素嚟講都不過不失，唔錯嘅，女朋友無投訴，咁算唔算好？😂不過d魚生飯就貴咗d，我一定唔會叫…查看更多

一個字 over expectation❤️誠意推介 值得再試刺身新鮮 竟然放題有長腳蟹壽司有心機 比美D壽司小店串燒唔會柴皮overcook 一口牛超正蝦蟹粥好味必嗌飲品真係要讚 無伏仲要好飲…查看更多