滿記甜品 (朗豪坊)

紅豆沙黑芝麻湯圓🍡食飽飯梗係周圍行下，但係行左幾步，個肚開始肚空空就諗起食糖水，係朗豪坊即時諗起滿記，好耐冇食過，就諗住試試質素保唔保持到水準。可能時間尚早，唔洗特別點等位就已經馬上有位。座位雖然有d迫，但冇計香港鋪租貴，係可以接受到。我哋叫咗紅豆沙黑芝麻湯圓，等左一陣，個糖水都好快到，已經急不及待，先咬左一啖湯圓，咬口煙靭，紅豆沙起沙都唔錯。份量黎講中規中矩，飯後甜品算係咁。唔會特別趕人走，可以慢慢食同傾計，但係始終係open area 講野要大聲少少，傾密計就唔推薦啦…查看更多

喺附近食完飯但又唔想行咁遠就決定去朗豪坊入面間滿記甜品食碗糖水先返屋企🙂‍↕️諗唔到叫咩就求其揀左碗芒果白雪黑糯米($47)-價錢唔平，味道好普通🤣成碗野就同佢張相入面一樣樣🤣芒果有少少酸，不過都俾左幾多粒我既。白雪似係椰汁冰打碎，所以好多碎冰，但又唔係好碎好碎個種，肉眼可以見到一塊塊，要一邊食一邊咬🤔黑糯米有兩球，都幾大舊，同埋好實淨，要dok好耐先可以同個白雪底mix埋一齊-滿記依家做緊優惠，只要follow 社交平台就會送仙草/芋圓/雪糕，3揀1，都幾抵玩🤔…查看更多

滿記甜品位於朗豪坊，餐廳環境屬於開放式設計，座位多且方便，有時都幾多人，在隔壁排隊食飯，排排吓突然想食糖水，放棄原先條龍走過嚟食糖水，真係好耐冇食滿記，見佢甜品糖水選擇都幾多。冰糖燉雪梨，以爽甜的雪梨為主角，經過細火慢燉，將雪梨的鮮甜和冰糖的甘甜完美融合，味道清甜潤肺，口感細膩。燉雪梨呈半透明狀，雪梨肉質軟嫩，吃得出雪梨的自然清香，帶有淡淡的冰糖甘甜味，十分滋潤。幾潤喉、又清熱，好適合夏日或乾燥天氣食。…查看更多

係旺角行街，行到攰，就去咗朗豪坊嘅滿記甜品食糖水，4點幾，唔洗排隊直入我地分別叫咗鮮奶麻糬 (原味)食落麻糬軟綿綿，好香奶味，配搭芝麻椰絲好香口，好似食緊糖不甩開心滿滿 一來到，睇落配料好豐富，有芋圓、脆脆同開心果碎，食落好香開心果味，口感豐富，唔太甜，好食焗芋茸西米布甸布甸表面焗到金黃，少少焦化，食落芋頭軟滑，搭配西米，一粒粒嘅口感，幾夾，但甜咗少許，味道唔錯杏仁蛋白杏仁茶一來，就聞到好香嘅杏仁味，食落好幼細，甜到剛好，好食整體來講，環境係開放式，坐得唔自在，服務亦一般，一放低匙羹，立刻走來收野，但係未食完啊，雖然味道唔錯，但用外賣兜裝，份量少咗，價錢亦唔平，Follow 佢社交平台有野送，感覺抵返啲…查看更多

同一班好姊妹喺朗豪坊行完街，想食甜品，就醒起滿記。地點好就腳，唔洗排長龍，而且係由細食到大嘅甜品店，絕對係有信心嘅保證。1.) 芒果西米露芒果每一粒都好大粒，好甜，好新鮮，芒果汁都好濃，西米粒粒分明，好有咬口，係一碗好食嘅西米露。2.） 芒果白雪仙草清涼爽快，同芒果夾埋一齊簡直係絕配。3.) 芝麻糊好大碗，非常濃稠，黑芝麻味突出，唔會好甜。而家仲要你follow 佢社交平台，佢就送仙草/ 芋圓/雪糕比你。…查看更多

剛在朗豪坊店買完「海底椰西米露」外賣，接過手的時候沒檢查過，袋子一直都垂直拿著，回家五分鐘的路程，直到坐電梯才看到蓋子開了，倒瀉了1/3碗，平時他們家的外賣盒蓋子都很緊的，明顯是店員沒把蓋子蓋好就拿出來給我了⋯⋯只能怪自己沒注意😅大家拿外賣的時候，自己要留意一下，希望店員裝外賣的時候蓋緊一下蓋子，不然客人旅途遠的，最後只剩下空碗了。…查看更多

今日我去咗滿記甜品，試咗佢哋嘅西米芋頭茸焗布甸，整體體驗相當唔錯！焗布甸表面金黃誘人，稍微焦化嘅部分散發出迷人香氣，一口咬下去，柔滑嘅芋頭香搭配西米嘅彈牙口感，令人唔自禁想再嚐多幾口。不過，呢個甜品都有一啲可以改善嘅地方。首先，焗布甸嘅甜度對我來講有少少偏高，可能對於唔太鐘意食太甜嘅朋友來講，食落會覺得有啲膩。建議可以試下調整糖嘅用量，令整體味道更加平衡，咁就可以吸引更多唔同口味嘅客人。另外，底部嘅布甸有少少厚，可能可以改良配方，使其更加輕盈，咁樣同上面綿滑嘅口感搭配會更加和諧。總體而言，滿記甜品提供咗一個唔錯嘅甜品選擇，環境舒適又有熱情嘅服務。我期待下次再嚐試佢哋其他款式嘅甜品，希望可以見到改善之後嘅西米芋頭茸焗布甸！…查看更多

德國男友每次黎香港都必去「滿記」，作為糯米甜品fans的我地，除了糯米糯、麻糬，最鍾意就係去滿記食黑糯米甜品。它的黑糯米真的非常美味，粘粘QQ的口感😋我地點了2碗甜品雪山黑糯米 - 2個圓圓的黑糯米球，配上雲呢拿味雪糕，碗底還有棉花冰，再淋上花奶。脆脆的棉花冰配上粘粘QQ的黑糯米，又脆又Q又甜，而且黑糯米內有果仁，幾重口感，非常香😋 芒果白雪黑糯米 - 2個圓圓的黑糯米球，配上勁多的新鮮芒果肉，再淋上花奶。粘粘QQ的黑糯米配上酸甜的芒果肉，非常清新，夏天必食之選👍…查看更多

試咗佢哋嘅招牌「雪山榴槤」，又幾唔錯！🤤 一啖落去，榴槤味超級濃郁，完全冇令人失望！榴槤肉香甜軟滑，同底下嘅冰沙完美結合，冰沙口感綿密，唔會太甜，食落好清爽，完全中和咗榴槤嘅濃郁感，真係啱晒夏天食！😍 而且份量都幾足，兩個人share都夠晒。 …查看更多

12月27號聖誕節前後，就約左朋友嚟滿記甜品試下，諗著食啲甜品開心啲，點知換來一肚氣。首先入座時，職員已經好無心機，就咁比餐牌我地睇，而且嚟呢度唔好諗著坐多陣，我同朋友食完坐左5分鐘已經被催，職員好趕客朋友話楊枝甘露（$44）一般，似系煮左好耐，唔夠冰，酸甜度的平衡一般，仲衰過尚品現成野另外，我就點左經典招牌芋圓（$42），芋圓形狀不規則，咬起來偏硬，硬得嚟又唔似平時個啲芋圓咁煙煙韌韌。仙草更加系切到好大舊，難以入口，懷疑切都無切過就咁比你，珍珠亦好硬，感滿記甜品系名過其實，無花心思落甜品到。（餐廳用即棄紙碗同紙餐具裝甜品，但匙是刮口的，完全唔得！）呢個價錢唔算平唔算貴，但體驗同食品極差，唔會再去，寧願$10包個啲即食甜品都唔使受氣。…查看更多

食物賣相，味道可以，但職員態度睇落有冇生意都無所謂咁。落單時態度冷淡，賣單時問佢嘢十問九唔應，由入去食到走人都無聽過職員講多謝之類嘅客氣説話，絕對無下次。。。。。…查看更多

旺角食完飯，覺得未夠喉又想食啲嘢，心諗不如食個糖水啦叫咗兩個糖水，第一個係榴槤白雪仙草，一嚟就見到大大嚿榴槤肉喺上面，已經心心眼😍食落口好滑好香，仙草亦都好好，唔會有種怪味，而墊底就係白雪，即係碎冰，天口㷫嘅日子食絕對會透心涼，整體好清新亦好消暑。另一個就係雪山芒果西米露小丸子，我諗雪山就係芒果雪糕😂呢個糖水食落比較平平無奇，芒果雪糕味道唔太出，西米露加咗芒果汁都好清涼好舒服，小丸子好好咬口好煙韌，但整體比較普通。兩款糖水我比較鐘意榴槤白雪仙草，食完有種「榴槤」意返嘅感覺，齒頰留香。…查看更多

有兩位STAFF胡亂答覆我所問的商場電子優惠券問題，令客人有所損失。後來知道其中一位眼鏡的不是長時間在此間分店，佢唔清楚我可以理解。但是另一位短髮造型的女STAFF，既然是長期STAY HERE就不應該要了解清楚嗎？點解會咁亂答客人。付款時候我已經向另一位STAFF亦再次表示責任完全不在客人，結果上其實也不是很滿意，只是她一直處理的態度我覺得可以才接受。回去後還是認為此店舖經理應該要對該STAFF進行培訓，免得日後令其他客人有機會蒙受損失。…查看更多

我第一轉落完單，當時未坐滿客，而又無客出面排隊，員工只喺企喺度，我諗住再加單，結果俾個好惡既阿玉店員同我講，埋單攞張單喺出面埋咪得囉，連隔離啲客人都望住阿玉店員，我係加單唔係埋單，我同佢落咗order，之後又怕落錯order要搵另外一個同事同我覆單，服務員真係要咁工作？無禮貌又唔專業…查看更多

朋友來香港旅行，在朗豪坊我們找到了滿記甜品。雖然滿記甜品的分店越來越少，價格也大幅上升，但它在遊客眼中仍然是香港旅遊必試之一。當天我們在朗豪坊的分店品嚐了他們的兩抹甜品焗荔茸西米布甸這款甜品結合了荔茸和布甸的美味。荔茸的甜度適中，與布甸完美搭配。西米的口感柔軟糯潤，增添了豐富的飽滿感。芒果糖水我們還點了一碗芒果糖水，但具體的名稱已經不記得了。這碗糖水以芒果為主要成分，但口感和味道並沒有給我們留下深刻的印象。小總結❤️📌價錢略貴📌位置十分迫…查看更多