滿記甜品 (朗豪坊)

红豆沙黑芝麻汤圆🍡食饱饭梗系周围行下，但系行左几步，个肚开始肚空空就谂起食糖水，系朗豪坊即时谂起满记，好耐冇食过，就谂住试试质素保唔保持到水准。可能时间尚早，唔洗特别点等位就已经马上有位。座位虽然有d迫，但冇计香港铺租贵，系可以接受到。我哋叫咗红豆沙黑芝麻汤圆，等左一阵，个糖水都好快到，已经急不及待，先咬左一啖汤圆，咬口烟靭，红豆沙起沙都唔错。份量黎讲中规中矩，饭后甜品算系咁。唔会特别赶人走，可以慢慢食同倾计，但系始终系open area 讲野要大声少少，倾密计就唔推荐啦…查看更多

喺附近食完饭但又唔想行咁远就决定去朗豪坊入面间满记甜品食碗糖水先返屋企🙂‍↕️谂唔到叫咩就求其拣左碗芒果白雪黑糯米($47)-价钱唔平，味道好普通🤣成碗野就同佢张相入面一样样🤣芒果有少少酸，不过都俾左几多粒我既。白雪似系椰汁冰打碎，所以好多碎冰，但又唔系好碎好碎个种，肉眼可以见到一块块，要一边食一边咬🤔黑糯米有两球，都几大旧，同埋好实净，要dok好耐先可以同个白雪底mix埋一齐-满记依家做紧优惠，只要follow 社交平台就会送仙草/芋圆/雪糕，3拣1，都几抵玩🤔…查看更多

满记甜品位于朗豪坊，餐厅环境属于开放式设计，座位多且方便，有时都几多人，在隔壁排队食饭，排排吓突然想食糖水，放弃原先条龙走过嚟食糖水，真系好耐冇食满记，见佢甜品糖水选择都几多。冰糖炖雪梨，以爽甜的雪梨为主角，经过细火慢炖，将雪梨的鲜甜和冰糖的甘甜完美融合，味道清甜润肺，口感细腻。炖雪梨呈半透明状，雪梨肉质软嫩，吃得出雪梨的自然清香，带有淡淡的冰糖甘甜味，十分滋润。几润喉、又清热，好适合夏日或干燥天气食。…查看更多

系旺角行街，行到攰，就去咗朗豪坊嘅满记甜品食糖水，4点几，唔洗排队直入我地分别叫咗鲜奶麻糬 (原味)食落麻糬软绵绵，好香奶味，配搭芝麻椰丝好香口，好似食紧糖不甩开心满满 一来到，睇落配料好丰富，有芋圆、脆脆同开心果碎，食落好香开心果味，口感丰富，唔太甜，好食焗芋茸西米布甸布甸表面焗到金黄，少少焦化，食落芋头软滑，搭配西米，一粒粒嘅口感，几夹，但甜咗少许，味道唔错杏仁蛋白杏仁茶一来，就闻到好香嘅杏仁味，食落好幼细，甜到刚好，好食整体来讲，环境系开放式，坐得唔自在，服务亦一般，一放低匙羹，立刻走来收野，但系未食完啊，虽然味道唔错，但用外卖兜装，份量少咗，价钱亦唔平，Follow 佢社交平台有野送，感觉抵返啲…查看更多

同一班好姊妹喺朗豪坊行完街，想食甜品，就醒起满记。地点好就脚，唔洗排长龙，而且系由细食到大嘅甜品店，绝对系有信心嘅保证。1.) 芒果西米露芒果每一粒都好大粒，好甜，好新鲜，芒果汁都好浓，西米粒粒分明，好有咬口，系一碗好食嘅西米露。2.） 芒果白雪仙草清凉爽快，同芒果夹埋一齐简直系绝配。3.) 芝麻糊好大碗，非常浓稠，黑芝麻味突出，唔会好甜。而家仲要你follow 佢社交平台，佢就送仙草/ 芋圆/雪糕比你。…查看更多