滿記甜品 (已結業)

食完下午茶，直到夜晚九點幾都未想食晚飯，於是直接食甜品作為一日既完結。自從數個月之前王記消失左之後，同區基本上冇哂好食既甜品，唯有榴槤先可以滿足到我地。其實滿記都只係得以下兩樣野比較吸引：榴槤忘返 ($42)個人黎講比較鐘意食呢個，因為黑糯米飽肚又唔太甜，唔會搶左榴槤味。榴槤雪山 ($42)雪山可以揀vanilla或者芒果, 後者配搭比較怪, 下次應該會揀番vanilla。今晚榴槤好甜好大舊，所以好滿足。…查看更多

我晚見心情靚，食完飯行完街就想同男朋友食甜品就去左滿記食甜品。男朋友不嬲中意食芒果就點左個芒果pancake。滿記嗰芒果pancake真係無得頂😋😋😋嗰皮又滑，又軟熟又薄，啲cream加埋大大舊又甜到漏嘅芒果真係好好食😆我本身就中意食涼粉，加上天氣咁熱就嗌左個雪花涼粉+兩球雪糕😚雪糕好好味，尤其係雲呢拿味。而伴涼粉嘅嗰個奶同糖水好細滑，雖然係多冰左少少…查看更多

好耐無食滿記，通常滿記總係大排長龍，呢間卻例外，有一份悠閒舒適嘅感覺:)海底椰黑糯米係vanila汁底，其他甜品舖我未見過，唔太漏好中意！海底椰亦好林，唔會好似外面有啲好硬！價錢合理，廿幾，不過如果將其中一個黑糯米球轉左做榴槤肉，就40，貴好多…查看更多

之前試佢個士多啤梨限定豆腐花，仲有個糯米池，一啖就飽，個皮厚成3，4cm，都仲未食到個粒士多啤梨。試埋個豆花，真係得個雪糕好食，唔知d士多啤梨係唔係唔係當造，太酸，如果甜d既話應該幾好食既。…查看更多

撞正係北角呢邊做野，收左工行經呢間滿記，見好耐冇食過就入左去試一試。一坐低，見到佢有期間限定。係用草莓整既甜品，睇落好似幾吸引就叫左個士多啤梨西米露。一食落口就覺得味道唔錯，佢用既士多啤梨都幾新鮮，酸酸甜甜好好味。再配埋個士多啤梨雪糕就簡直係一流。而佢個底就全部都係西米露，一食落口，啖啖西米露，正丫。而且佢仲有D碎冰係入面，同西米露一齊食個口感真係好好。同平時食到既有分別。西米露加上雪糕一齊食都好好味，食落去又另一種感覺。今次個甜品真係唔錯，下次睇下有冇機會再試埋另外幾款。…查看更多

係6點幾既時侯, 見到本滿滿既Schedule, 一個又一個的deadline,OT是常識吧!成班同事都做到灰灰地, 所以決定去食甜野開心下!!咁岩知道滿記做士多啤梨既宣傳作為士多啤梨狂迷既我, 梗係Enroll d同事去滿記啦!!!!!!呢個草莓盛宴暫時得三個選擇, 分別係草莓糯米滋, 草莓西米露同草莓豆腐花我就揀左草莓豆腐花!!碗草莓豆腐花一黎到真係雙眼發光呀!!!聞到好香士多啤梨果種清新甜味, 口水分泌直線上升!個面仲有雪糕球, 非常別緻!!!!真心杯野個樣好靚好精緻!成個草莓豆腐花都層次分明面頭係個士多啤梨味雪糕同士多啤梨粒!雪糕既甜味加上士多啤梨粒小小既酸味, 兩者配合得岩岩好!而且食完好耐都keep到士多啤梨既味道!! 正中層係薄薄既冰塊加上士多啤梨汁!個汁有好香濃既奶味, 仲有好真實既果味!仲同d冰塊夾埋, 顏色變到好靚之外, 仲好似食梗士多啤梨刨冰咁…爽歪歪呢!食到落下層有豆腐花, 都幾新鮮同夠滑!最欣賞佢就係有好清新既豆香味唔似出面d糖水舖, 得個甜味!!總括黎講, 廿幾蚊都好抵食, 值得一試!!!去個間分店比較闊落, 坐得都ok舒服!當日只係6點幾7點, 未到食飯時間, 無乜人, 唔洗待位!d糖水等左10-15分鐘! 可能冇諗過咁早有人食糖水掛!!題外話, 見到個餐牌話遲d有草莓拿破侖, 勁吸引! 一定試!!…查看更多

食完飯想即刻食糖水坐底同朋友傾計, 懶得搵同試新糖水舖, 去滿記啦就。原來出左新野, 草莓盛宴!好似有5款可以揀咁, 其實就得3款長有, 另外兩款就要限定聖誕同情人節先有,我就撞唔中個兩個期間限定啦, 無得試草莓蛋糕同草莓拿破崙! 睇相其實個兩個吸引d!朋友叫左草莓豆腐花, 草莓酸酸地唔甜, 朋友話加豆腐花有d奇怪。我就叫左草莓西米露, 賣相都唔錯, 有好香草莓味, 不過食個時都係草莓好酸!個雪糕同西米露都係有水準既, 雪糕不太甜, 個味都唔會係出面好假個隻藥水味, 西米粒粒分明, 個汁甜甜地, 整體唔錯!食到落底, 原來個底係碎冰, 係一片片冰, 如果可以做到係草莓味沙冰咁就好好多! 係冬天食實在有點太凍!…查看更多

係北角見客完畢, 未想即刻返office所以就同同事一齊黎個high tea, 食下甜品開心下, 補充engry:)見到滿記新出左個節日限定既草莓盛宴個圖真係好靚呀!! 好粉紅~~唔想考慮咁多, 決定食!!!同事叫左個草莓糯米糍睇原圖, 原粒士多啤梨~~粉紅色既外層, 吸引!!但係黎到之後....oppsssssss.... 咩黎架?!個樣真係一d都唔討好, 有d嘔心同事話, 個皮係極厚...好難o趙...中間粒士多啤梨無咩問題, 但係...唔可以話係好食囉...我見到佢個個草莓糯米糍之後, 我叫左既草莓豆腐花仲未到, 個陣真係好驚會一齊中伏...原圖都一樣好靚架!!黎到之後...鬆左口氣~好彩買相都有9成相似~一食, 好味wor!!雪糕係有果肉既士多啤梨雪糕士多啤梨粒都係甜既,豆花雖然唔係好滑同無咩味但係加埋旁邊既士多啤梨汁個味道岩岩好黎緊情人節仲會再出個草莓拿破崙到時候要再同愛人去食多次!!…查看更多

點了個芒果pancake 外賣其實一直幫襯滿記甜品但都沒有時間寫一篇食評- 芒果pancake ($23) 首先芒果pancake 的皮很薄 沒有太大的面粉味而入面的忌廉又沒有很油膩 忌廉口感很滑芒果是整個芒果pancake 的重點所在芒果足料 又甜 和忌廉一起味道很合拍吃完了兩個芒果pancake 也不會太甜 恰到好處 …查看更多

團購瘋系列 – 在西貢起家、以榴槤班戟聞名的「滿記甜品」，近年分店愈開愈多，就連公司附近的商場也進駐了一間，不過由於時間不太配合，所以一直沒來光顧。早前從網站發現「滿記」竟然也推出團購優惠，見售價實在相宜，也特意買了 3 張券，決定拉老公來試試。由於之前有食友送贈了 Burgex Mix 的  coupon 給我，所以兩口子就決定先去炮台山吃漢堡，後再回北角吃糖水。可能由於當天是週末，加上時間尚早兼新正頭關係，店裡連一個食客也沒有，兩口子竟然可以包場吃甜品，實在太好了。入座後也細看一吓四周，店面以米黃和黑色作主調，地方頗寬敞，配合一列不規則卻又夠別緻的小圓凳，整個裝潢的感覺是既摩登又時尚，充滿時代感。點甜品前，先翻閱一吓店裡餐牌，款式的確不少，由冷熱糖水、湯丸、豆腐花、涼粉、燉品、糕點，以至榴槤特區都有。當中更發現一個甚麼『八姑娘勸喻』，寫著《黑糯米不可配湯丸；湯丸又不能配豆腐花；豆腐花亦不可以配黑糯米》，內容十分有趣。由於筆者這次是買了團購券，所以選擇上是有限制的，$10 優惠券那款其實只有 5 款甜品可供選擇，包括：黑糖桂圓夠薑熱飲、檸檬夠薑熱飲、芝麻糊、杏仁茶、紅豆沙。對紅豆向來情有獨鍾的筆者，自然是為了蓮子陳皮紅豆沙 (原價 $17) 而來，況且 $10 碗，比屋企樓下街口那車仔檔還要便宜，乎復何求？而味道方面，其實都算唔錯，雖然成品欠了點陳皮香氣，但吃起來略帶微沙，入口甜度適中，紅豆和蓮子有咬口之餘，分量亦夠多夠鬆化，$10 一碗，簡直是超值之選。至於 $15 優惠券嗰款，同樣有 5 款甜品可供選擇，當中包括：杏仁鮮奶樂、芒果鮮奶樂、夠薑鮮奶樂、湯丸配芝麻糊、湯丸配杏仁茶。由於筆者對奶類飲品及杏仁茶等興趣一般，所以還是請老公代選。其實個人對芝麻糊素來都唔識得欣賞，不過老公是芝麻糊粉絲，所以也一早估計到佢會揀湯丸配芝麻糊 (原價 $26)。據老公講，這裡的芝麻糊，水準還算不俗，起碼夠滑溜，不用吞就已從喉嚨跣下去，不過筆者就嫌個花生白芝麻湯丸，外皮有欠薄滑、餡芯亦做得唔夠流沙，吃起來有點涸喉，若換上黑芝麻餡芯，相信味道會更為討好。不過值得一提的，是這裡的服務，竟然好得讓我有點驚訝。由於筆者是持團購券來，所以初頭對服務一環，完全沒任何 expectation， 但點了糖水後，女店員竟還主動為我們送上暖水，說吃完糖水喝點暖開水最適合不過。此外，由於筆者要把另一碗糖水外賣帶回家給兒子品嚐，請女店員代勞，服務員竟提議我臨走前才通知佢，免得這碗外帶糖水因放涼了而影響食味，細心得讓人沒話可說，實在值得嘉許。…查看更多

吃過午餐後還覺不夠喉，路經滿記見四周都貼有「鮮奶樂」的宣傳品，雙腳又不期然走了進去。只是下午一時半左右，侍應竟說「鮮奶樂」系列已售罄，原來這裏的送貨時間是三點鐘，真失望！既然起了一股甜品癮，總不能就此作罷，只好另作他選。我們均點了湯丸系列，分別配芝麻糊和杏仁茶。前者色澤黝黑有光澤，用羹一舀已感到其濃度適中，絕不會出現水汪汪的狀態。入口一試，的確非常幼滑，芝麻味很重，甜度亦調得恰到好處。至於杏仁茶送上時已嗅到香氣撲鼻，相對芝麻糊而且，它當然沒有那麼厚身，味道亦是較為清香。若要二揀一的話，我還是選擇前者。很怕吃到太黏的湯圓，今次幸無此情況，它的外皮煙煙韌韌，亦不會過份厚身。它的餡料用花生和砂糖製成，吃的時候有嚼感，不過稍為過甜。相對坊間的糖水舖，這裏的出品水準較平均，難怪價錢亦相對高昂。…查看更多

食完晚飯, 行到附近的商場吃甜品... 忘記商場正在大翻新, 到達後吸入了高濃度的天拿水味才醒起, 差點窒息... 希望翻新工程可盡快完成...步入滿記後, 高濃度的天拿水味滲透每一個角落, 無奈找到最近行入路的座位坐下, 店員後來開啟冷氣, 天拿水味開始散去...這一間滿記的裝修很骨子...雪山楊枝甘露配綠茶雪糕 $35-- 綠茶雪糕顏色密綠, 入口幼滑, 奶味香濃, 可惜綠茶味弱到差不多啖不出, 有點失望... 雪糕不成, 唯有將寄望全放到楊枝甘露身上... 芒果香中帶酸, 甜度只屬輕微... 柚子沒有甜味, 亦沒有酸味, 只有苦味... 西米有點硬, 不煙韌...比起從前, 質數好像下降了, 又抑或是生果並非當造期?!! 這樣的味道, $35好像有點貴呢....…查看更多

話說o係食雞煲之前我地就o係附近閒逛左一陣 , 其中就係呢個小商場當時經過滿記 , 就諗如果一陣食得唔夠飽o既話 , 可以黎食甜品喎 如是者到食完雞煲喇 , 其實都真係飽o家喇 , 咁我地就諗住行下消化下沿路一直行到去電廠街 , 發現仲有好幾間甜品店都好似唔錯 , 仲排晒隊 ,不過o個陣又未想食住 , 又再一直行 , 到新光戲院o個頭 , 再到糖水道我地一心以為糖水道係好多糖水舖 , 點知行到過去淨係見到街市 , 一輪鄉下婆出城四圍行之後 , 都係還原基本步 , 返轉頭去滿記吧啦入座後好快就落好單 , 然後店員遞來兩杯溫水 , 很貼心 ~ 1. 楊枝甘露豆腐花加雲呢拿雪糕 楊枝甘露外表平平無奇 , 但內涵豐富 , 橙黃色的芒果汁當中浮現住粒粒新鮮芒果肉及西米粒 , 暗中見到一絲絲o既柚子肉一大片豆腐花放在旁邊 , 整碗楊枝甘露舖排整齊 , 外表美觀 芒果肉粒鮮甜配合微酸o既柚子肉，縱橫交錯o既味道 , 好清新 西米粒內夾著水晶珠，粒粒精瑩通透，西米軟線 , 有少少黏口一經細嚼下同時會咬到卜卜響o既爽口水晶珠 , 食感特別 , 打破傳統 豆腐花細膩之中浸出淡淡黃豆味，入口即溶 , 非常滑溜雲呢拿雪糕開始半溶後 , 混和o係芒果汁當中 , 令其更香滑而且更冰涼2. 榴蓮白雪涼粉~ 平時必點o既係榴蓮忘返 , 今次因為己經飽唔想再食黑糯米 ,所以試下叫呢個涼粉 , 無咁滯胃 , 而且餐牌注明白雪係雲呢拿味似乎相比起椰汁冰底會無咁膩 , 結果真係成碗感覺都較輕盈榴蓮球依舊甘香甜滑 , 當中除左榴蓮蓉之外 , 仲有少少爽口o既邊皮部份食起上黎有可以拌勻落涼粉度o既榴槤蓉 , 又有可以細意咀嚼o既榴槤肉愛榴蓮者 , 呢種雙重享受真係令人大飽口褔 , 滿記不愧為榴槤甜品鼻袓白雪o既雲呢拿味被濃濃榴槤味全面覆蓋 , 只能品嚐到佢細薄碎冰片o既食感呢種冰底又係滿記獨有 , 配合埋爽滑o既涼粉 , 整個又冰凍又香甜 , 好好味 !!## 人地話 , 食甜品可以有第二個胃 , 但如果o係飽o既情況下 , 遇上唔係幾好食o既甜品 , 相信第二個胃都會覺得難以容下 ,幸好我地最終都會回到本身對佢有信心o既滿記 , 食得超滿足 ! …查看更多

榴槤忘返 好大舊榴槤，個黑糯米幾好食，軟硬適中，另外個雲呢那冰底都好正，好冰凍，夏天食仲好。楊枝甘露涼粉加綠茶雪糕呢個都唔錯，不過當然無榴槤忘返 咁正啦，芒果夠甜，同個雪糕食幾好，不過無咩特別，只係楊枝甘露加舊雪糕:)紅豆涼粉加綠茶雪糕呢個最差，紅豆沙加左陳皮所以有少少苦，同個雪糕同涼粉好唔夾:(…查看更多

同朋友B食飯, 先食完韓國野之後因為唔想行, 所以就係附近食滿記算 (兩個懶鬼-,-)可能因為新舖既關係, 環境唔錯 (因為真係好新), 又唔多人 (明明9點租品時間但冇咩人LOL)諗左一陣就叫左兩個甜品, 結果都失望而回。芒果Pancake朋友都話ok, 但芒果食落唔太新鮮, 酸。而且個皮都幾硬淨-,-芝麻糊豆花, 芝麻糊好油, 豆花好百福feel, 完全唔好食, 好假-,-由以前食到依家, 滿記就係每況愈下, 愈來愈唔掂, 完全唔明點解會愈開愈多-,-…查看更多