滿記甜品 (西港城) (已結業)

平時返工，經常經過上環西港城；最近，睇到 social media post 先知即將要翻新兩年，為配合翻新工程，這裡的商舖餐廳紛紛相繼被迫結業！真可惜！所以，趁星期六早上返工前，便幫襯 <Cafe Cool 膠園> 食早餐；放工後，自己走去西港城影相！順便幫襯 <滿記甜品> 作臨別的支持吧！:) 上環區，已經缺乏甜品店，即將又少一間嘞！:(今時今日，店方的甜品已經變得多元化嘞！Menu一走入去，見到有開心果甜品，可惜已售罄！只好另作他選，問靚女店員熱食甜品有什麼推介？ 暖薑滋味系列：薑汁鮮奶桃膠芋圓及薑汁桃膠銀耳芋圓店方的付款處註明：盡量使用電子支付付款後，靚女店員隨即給予電子儀器，等待閃亮，自行領取食物！堂食竟然用上紙器皿盛載， 慶幸不是給予看似船槳的扁身木匙，否則！唔知食到幾時呀！熱薑汁鮮奶桃膠芋圓 $49港式甜品配搭台式甜品的口味新嚐試，也是暖胃之選！其實不平宜，勝在配料豐富！薑汁的辛辣度，對於不食得辣的我都接受得到，相對，其口味突出是整體甜品最霸道的！鮮奶熱度適中，隨時可飲用！透明晶瑩的桃膠，有軟身的亦有爽口的！芋圓、地瓜圓、紫薯圓，口感煙韌！芋圓的芋頭味輕滲，地瓜圓味道最輕微，完全被薑味掩蓋了！:(恰巧！店內最盡頭，有位靚女食客正在向女友人哭訴失戀！或多或少都會影響全場氣氛，她朋友拿著電子儀器出去準備領取食物時，怎料到，男店員拿整盤甜品給她們，實在窩心的服務！值得一讚！就算有長者食客，都是自己領取食物㗎！…查看更多

放假來到港島區行街買海味，行到累想搵個地方坐底食糖水傾計，估吾到西港城搵到間糖水店😂👍環境夠大寬敞，重點係夠清靜☺️原本想pancake, 但滿記出名既榴槤pancake 已經無做啦啦🥲🥲🥲唯有叫其他啦。。⭐️蛋白杏仁茶糖水中我比較中意食中式糖水，杏仁茶好濃，食得出吾係沖粉真係磨出來既杏仁味👍☺️加上蛋白的滑嘟嘟的口感，正😋⭐️薑汁湯圓薑汁湯圓比較甜，芝麻口味，但真係好甜，薑糖水不夠薑味。。…查看更多

NO NEXT TIME. 👎🏻👎🏻👎🏻收銀個中年吖姐態度唔洗咁差嘅。已經唔洗佢送餐架啦，只係負責簡單對話，入機，同埋喺雪櫃/存貨度攞貨出黎櫃檯，都仲要畀佢鬧。作為客人無理由要畀佢當發洩對象啫：「無喎⋯唔會喎⋯咁係凍架嘛⋯加錢喎⋯」入黎滿心歡喜食個甜品啫，句句回應都好似欠咗佢咁。唔係睇到其他留言見到佢有前科，都會以為佢玩針對本地客，原來係清一色公平地對任何人都咁差。要食芒果班戟、或者係想食得舒服嘅人，可以去其他甜品舖，呢度兩樣都無。…查看更多

公司間中會請同事食下午茶/甜品，所以也試過不少滿記的產品。記得小時候《榴槤忘返》非常出名，也是我的最愛。近年雖然一直推出新品，感覺卻沒有把一直的王牌水準保持，甚至被一些新店超越，有點可惜。這次難得堂食，可是他們仍然是用外賣碗 ，感覺有點奇怪，而且有出現漏放配料的情況。 當時不是繁忙時段，只有3位客人，我點了兩份甜品，卻竟然還是漏了芋圓，感覺很冒失。 其實味道還是不錯，榴槤濃郁，雲呢拿冰底也很香，但已經不如以往般驚艷了。如果真的想吃榴槤甜品，還是去聰X吧。…查看更多

Very bad service. I was the only customer, ordered food, but then all staffs working on other things. After waiting for 10 minutes i checked with the staff, they started to make my food ( and use phone in the meanwhile), without apologies at all.…查看更多

諗住食下糖水，就會諗起滿記嘅榴槤忘返同榴槤／芒果班戟。等左好耐，差不多成年，以為過左疫情會好啲，但都唔見個餐牌出番班戟，惟有食榴槤忘返。太可惜了，如果唔再有得食佢個班戟，我會少啲幫襯。…查看更多

今晚滿懷希望食外國回港的親戚食香港出名的滿記糖水。上環果間。 外賣叫左2個楊枝甘露， 杏仁蛋白，白雪芒果布丁和鮮奶麻糬。 其他ok. 杏仁蛋白好ok. 有驚喜。 比like 但對楊枝甘露好失望；芒果冇芒果味。西米又硬grack grack, 冇芒果味的楊枝甘露，亦不見了原有的芒果榕。好失望。以為是滿記的經典，做咩攪成咁？第一次寫食評，想滿記改善下，又或者唔想人中復。希望日後有所改善，食番香港滿記最好好好味的楊枝甘露。 …查看更多

甜點。日常。西港城呢間滿記非常好～ 人又唔係太多，可以坐低輕輕鬆鬆傾下計💛同友人坐底，甘就望下有咩好食，見到甘多款😳經過一輪掙扎後，最後揀咗芋泥芋圓綠豆冰💛估唔到都幾大碗，同幾多餸，有仙草，有紅豆，仲有薏米👍🏻👍🏻👍🏻食完當食左晚餐💛邊且當自己去咗台灣🥲友人就叫咗楊枝甘露，都好足料！（等下一次食）最後就係今日嘅主角 - 鮮奶麻糬😯（仲有Oreo味架）鮮奶麻糬煙煙韌韌，自己用筷子將麻薯分開細細嚿，之後再撈花生，食落去真係OK喎，不過偏甜，如果冇咁甜會好啲🤫食完後，再傾多陣計，果然生活中需要一點甜😊圓滿的一個晚上🤭…查看更多

好耐冇去既甜品店滿記甜品呢間甜品店，自從灣仔果間執左之後已經差唔多八年冇幫襯過。😑事緣係上環食完飯之後口痕想食個甜品，就上Google搵下附近有咩甜品店🤔一search 就見到 滿記甜品就係我附近，既然8年無黎過，就黎睇下食物質素有冇改變喇 😆。呢間滿記位置係西寶城入面，坐係入面會望到電車經過 😂，甜品店入面啲位唔算多，比較細。（見下圖） 我同友人分別叫佐椰汁紫米露小丸子（$59) 同埋 雪山芒果西米露小丸子($41) 。一碗甜品入面既小丸子有成六七粒，咬落好煙韌好有口感，😝 紫米露既椰汁好清甜，配上紫米既清香，呢碗甜品果然無令我失望！ 至於芒果西米露，你地一望啲相就知道入面既芒果好多，差唔多啖啖都係芒果肉，鐘意食芒果既你黎到一定要叫黎個甜品！ …查看更多

去開西營盤搵食，食飽晚餐就行下行下去到上環西港城，女友話有滿記，懷舊食下呢間回憶中嘅糖水舖，疫情下放慢步伐，苦中作樂，享受一下寧靜嘅香港都係一點甜。🔹椰汁海底椰黑糯米：本來以為係熱嘅糖水，但原來係碎冰椰汁底。錯有錯著，香濃嘅椰汁配上冰碎口感，令到味蕾無咁濟無咁膩，食落喉嚨仲爽快！配埋海底椰肉，肉地比較林身，一口爽脆碎冰一口林身椰肉，令到寧靜嘅晚上帶來細緻嘅起伏👍🏾黑糯米夠軟熟煙韌，滿足𡁻野嘅慾望，食到中間仲有粒芋頭粒，帶來意外嘅驚喜，可能係因為食到果份手工嘅心思👏🏽㊙️呢間西港城嘅滿記最「甜」嘅糖水就係樓上婚宴嘅歌曲同賓客喜樂聲，包你夠哂甜去開西營盤搵食，食飽晚餐就行下行下去到上環西港城，女友話有滿記，懷舊食下呢間回憶中嘅糖水舖，疫情下放慢步伐，苦中作樂，享受一下寧靜嘅香港都係一點甜。🔹椰汁海底椰黑糯米：本來以為係熱嘅糖水，但原來係碎冰椰汁底。錯有錯著，香濃嘅椰汁配上冰碎口感，令到味蕾無咁濟無咁膩，食落喉嚨仲爽快！配埋海底椰肉，肉地比較林身，一口爽脆碎冰一口林身椰肉，令到寧靜嘅晚上帶來細緻嘅起伏👍🏾黑糯米夠軟熟煙韌，滿足𡁻野嘅慾望，食到中間仲有粒芋頭粒，帶來意外嘅驚喜，可能係因為食到果份手工嘅心思👏🏽㊙️呢間西港城嘅滿記最「甜」嘅糖水就係樓上婚宴嘅歌曲同賓客喜樂聲，包你夠哂甜…查看更多

喺上環食完個early dinner，唔想咁早散band，食糖水就最好啦！只可惜上環真係冇乜甜品舖，所以係冇乜選擇嘅情況下就揀滿記啦。我哋係一個叫咗蛋白杏仁，一個就帶咗芝麻糊配花生糊，另外再加三粒湯圓。味道尚可，蛋白杏仁唔算好甜，坐得都幾舒服，價錢亦都唔貴，係一個食完飯想再坐低傾偈嘅好選擇！…查看更多

好耐冇食滿記甜品啦以前冇咁多糖水舖嘅時候，成日會食滿記同許留山，而家許留山都執埋，希望滿記做得住。滿記最出名應該係榴槤嘅甜品，不過嗰日朋友唔食得榴槤，為咗就佢，我哋就叫咗楊枝甘露加芒果雪糕，綠豆沙同埋白雪凉粉芋圓冰沙，三樣嘢share食。楊枝甘露嘅重點就係d芒果甜唔甜，滿記果然冇另我哋失望，芒果好甜好新鮮🥰配上芒果雪糕，真係好好味。綠豆沙就正正常常，都好味嘅，不過滿足感一定冇芒果咁大。而芋圓嗰份甜品叫咗綠茶味雪糕，個雪糕都好夠綠茶味，不過d芋圓硬咗少少，尤其係d雪糕溶咗之後，唔知點解，佢更加硬。但係其他配料就都好好味，薏米同紅豆都好有咬口，牛奶冰沙底都整得好好味。又係好滿足嘅一餐🥰…查看更多

Desserts after dinner! There is a wide range of desserts in this restaurant. It really took time for us to choose which desserts to taste. Cashew Nut and Peanut Soup + Black Glutinous Rice $35- As a big fan of Chinese traditional dessert, I ordered cashew nut soup with no doubt.  The flavour was rich and the fragrance of peanuts was strong.  I love the chewy texture of black glutinous rice.:)+ Taro Balls $10- A bit disappointed that there was little fresh taro flavour.  Cashew nut and peanut soup did not match with taro balls, better not order additional taro balls the next time.…查看更多

I’ve always seen milk mochi on social media but I never thought that this big chain had it too! Ordered it the moment I saw it and with the classic favourite of oreo. The order came very fast and filled with oreo bits but I felt that the milk flavour of the mochi was abit too dull and so it was just a stretchy oreo that I was eating. I also ordered a mango pomelo sago with taro balls which I felt it would be a 5/5 if the taro balls had a stronger taro taste. Overall a good experience for the price!…查看更多

It was time for an afternoon tea and I chose 白雪黑檽米 from 滿記甜品.白雪黑糯米 at $31It was basically black glutinous rice in snow sauce. The bubbling snow sauce was thick and very rich in milk, and the degree of sweetness was just right. There was a good portion of 2 big black glutinous rice balls. The inside of the balls was quite cold too so it made a good cold dessert. But given the cost of $31, it was definitely not cheap.…查看更多