滿福庭

营业中

休息中

💰人均：$80今次晨早流流就同咗屋企人落去apm飲茶星期日嘅九點到達， 現場都幾乎 滿曬， 大部分都係老人家見到早市有兩張特價紙， 一張係孖寶， 另一張就係散叫嘅特價點心 同埋蒸飯 ✨翡翠蝦餃 $16 (2粒) ✨鮮蝦蟹籽燒賣 $12.5 (2粒) ✨古法馬拉糕 $12✨腐皮卷 $16✨脆麻花 $8 可以見到個價錢都幾抵食嘅👌👌😁✨翡翠蝦餃 $16 (2粒)正常質素一粒入面有兩隻蝦， 個皮有咬口唔會爛曬。 ✨鮮蝦蟹籽燒賣 $12.5 (2粒)都係一粒裏面有兩隻細蝦， 豬肉同蝦嘅比例比較均勻， 唔會有太多肥豬肉， 唔油膩水平之上 ✨古法馬拉糕 $12糕體有硬度有口感， 冇吸收多餘嘅水份，蒸嗰度處理得幾好， 唔會一壓落去就散開曬。黃糖味香，略嫌上枱唔夠熱✨腐皮卷 $16 （4件）配黑醋腐皮捲入面係羅漢齋，皮脆， 餡料內容適中( 如果有時太多餡滿曬出嚟都會影響口感)而且唔係好油， 唔會食完超油膩 ✨脆麻花 $8呢個幾好食！！ 原本以為係硬掘掘， 點知嚟到係一啲好似米通咁嘅質地。 上面再放左咗黃糖漿，婆婆都食得。

Lunch飲個茶其實都唔錯！公司附近有呢間滿福庭，於是就試試啦！點心種類都齊全，有d午市套餐都幾抵！首先就叫左個醉雞做小食，酒味好濃郁，雞件都好滑叉燒腸餡料都好多，腸粉同餡料比例岩岩好！燒賣大大粒，裡面仲有蝦肉，好彈牙虎皮尖椒係去飲茶既時候都好鍾意叫既點心，呢度既尖椒即叫即煎，上枱時仲係熱辣辣，魚肉煎到香脆，真係幾好味另外仲叫左個棉花雞同埋奶黃包，質素都幾高！出乎意料之外既係有燉蛋做甜品，好香滑，面層有焦香既焦糖脆脆，令味道更有層次整體黎講都唔錯呀

我自己本身就好鍾意飲茶，所以如果見到有人推介嘅酒樓我都會留意吓㗎。今次我就去咗一間位於觀塘嘅酒樓嘆吓下午茶時段，難得有時間就當然叫返幾款點心慢慢嘆啦。生竹牛肉球首先第一樣食嘅點心係生竹牛肉球。我幾鍾意呢間酒樓牛肉球嘅口感，因為真係夠晒彈口，重要夾起都唔容易散。同埋腐皮嘅份量都好多，啱晒我呢啲鍾意食腐皮嘅人，配埋喼汁食真係超正。懷舊灌湯餃我自己本身都好鍾意食灌湯餃，所以見到酒樓有就試吓。其實呢個灌湯餃真係好大舊，個性價比都好高。另外佢個湯其實真係好好飲，係咁之前落少少大紅浙醋會更飲到佢嘅鮮甜。灌湯餃本身都好足料，入邊有蝦肉豬肉仲有花膠等等。食佢絕對係一大享受。香脆叉燒酥呢一個香脆叉燒酥一樣好有水準，首先佢個表皮真係整得好香脆，有好香嘅酥皮味。入邊叉燒酥個內涵一樣好豐富，成個叉燒酥都係新鮮滾熱辣咁樣送上嚟。所以食起上嚟真係脆卜卜，係好有心思嘅一份叉燒酥。蟹籽燒賣我覺得呢個蟹籽燒賣都係其中一樣好高性價比嘅點心，以呢個價錢嚟講有蟹籽燒賣食其實真係好難得，仲要燒賣嘅肉質都好紮實。蟹籽嘅份量都夠多，食落口都係真材實料。鹹魚雞粒炒飯之後想講嘅就係呢一份鹹魚雞粒炒飯。同樣地我都好滿意呢份鹹魚雞粒炒飯，

鱷魚恤中心有很多酒樓 朋友介紹哩間唔錯 枱同枱之間寛躺 有空間感 坐得幾舒服 待應姐姐好有禮貌=懷舊糯米雞=糯米口感很讚 內裡醬汁濃香入味=四寶滑雞札=嫰滑的雞肉 啖啖肉的火腿吸滿所有精華的肚 軟綿入味的芋頭=安格斯牛肉腸=腸粉皮軟滑安格斯牛果然牛味濃 而且牛肉分量還不少呢 =蜜汁叉燒包=熱辣辣燙手 外層鬆軟 甜甜多汁的叉燒=五式點心拼盤=有五款點心各一件 呢個諗法幾好 好啱想試多幾樣 但係唔大食嘅人 🥢奶皇包外層鬆軟 勁多奶皇 但唔會好甜好膩 🥢三姐潮州蒸粉果十分飽滿的粉果 用料很豐富實在爽脆的配料非常棒 🥢蝦籽燒賣皇相比之下燒賣好似好細粒其實係其他同伴大件蝦新鮮彈牙 豬肉沒有肥膩的感覺 🥢暖身薑汁糕薑味好出 清甜清甜🥢翠苗餃大大粒 透過晶凝通透的外表見到入面翠綠的菜苗已經好吸引 餃皮口感煙韌 菜苗餡好足料味道很不錯 皮薄餡靚 見到下午茶仲抵食 下次再黎嘆茶

觀塘鱷魚卹近apm真係好多酒樓㗎，朋友介紹"滿福庭"早晨有震撼價點心益街坊，梗係去試下啦！嘩，好多茶客呢！果然好吸引。冷氣好涼爽，侍應生好有禮貌，等一陣便有位了。點心有震撼價早晨益街坊😁😁我們真的叫左好幾樣點心。蜜糖脆麻花/海味蒸蘿蔔糕 /古法馬拉糕/蟹籽燒賣皇/濃湯灌湯包/潮州拼菜苗餃/蔥花炸兩腸。每款點心都熱騰騰，不是一次過送曬上嚟，每次都一籠或兩籠，所以食得好舒服，飲茶唔使太急又慢慢享受。😁😁潮州拼菜苗餃和燒賣皇皮薄餡靚，海味蒸蘿蔔糕熱騰騰好香海味蝦米乾味，濃湯灌湯包未試過，原來好好味㗎，好似灌湯餃，下次要叫多兩籠。👍點心真係超震撼㗎，份量不多可以叫多幾款點心，飲茶就係想食多啲！由於震撼價超底，便再點正價嘅花膠瑤柱灌湯餃~老公知我最喜歡食，好開心。湯好鮮甜，應該有用花膠淆製過，有三嚿花膠呀，入口熱騰騰好美味，而且重好足料添，入口滿滿花膠好滿足。推介👍最後甜品我哋就食馬拉糕同脆麻花，馬拉糕好鬆軟啊又熱騰騰，脆麻花甜甜蜜蜜又鬆脆。多謝朋友好介紹👍👍

原本諗住全日打八號唔洗返工, 估佢晏先落波就可以去買餸點知九點四要返工, 咩都冇預好, 好彩臨時臨急都約到朋友,佢介紹左去觀塘滿福庭度食滿福庭位於鱷魚恤中心, 之係係地鐵站A出面出, 穿過APM, 遮都唔洗開就可以去到果個商場, 位置方便呀!見到我都唔洗揀, 因為我地都好鐘意食龍躉, 所以就叫左個晚飯孖寶C-$288碧綠炒龍躉球炒得好有鑊氣, 魚肉又彈牙, 又厚身, 魚味好濃, 骨膠源好濃, 而翠肉瓜都炒得好香, 咁好送飯清蒸龍躉頭腩雖然話係頭腩, 都好多肉架, 個肉既質地真係好好, 頭腩仲有好多位可以去吸, 真係好正。值得一提個豉油勁香魚油味, 送飯超正!總結, 樣樣都唔錯, 價錢都合理, 最緊要位置方便, 下次會再黎試下其他菜式

鱷魚恤中心有很多酒樓，朋友說這間不錯，而且下午茶抵食，我們今日便嘆一下！下午茶好多款式，自選三寶有鮮蝦菜苗餃、叉燒腸和多款粉麵飯，大大粒菜苗餃，🦐鮮味到不🉐️了，多多菜，皮不厚乾炒牛河得有鑊氣😍也不少牛肉，好好味，而且十分大碟$12的蟹子燒賣，當然不能錯過！有兩粒，蝦好大，幾新鮮，食落豬肉不太肥膩，這個價錢真的抵食！馬拉糕十分鬆軟，熱辣辣，我十分喜歡，現在好少酒樓做得馬拉糕好吃。紅棗糕至good, 個紅棗不會苦味，而且不是太甜，適合我們的口味！這間酒樓下午茶時段十分多人，但侍應招呼周到，常常執拾枱面和加水。環境也很大，算是不錯的下午茶選擇！

和媽媽行完apm，戰利品太多了，想找舒服點的餐廳去享受晚餐，媽媽提議去她上次喝下午茶的中菜酒家－滿福庭。滿福庭小炒王 $118超夠鑊氣的一道菜，蝦乾醃製夠味，韭菜花新鮮夠嫩，腰果香口，蝦仁爽口，滿滿的XO醬味，各配料配搭均勻，色香味俱全，佐飯很不錯很滋味!碧綠雲耳炒龍躉球$168龍躉球大大塊，冇骨不腥啖啖肉，魚肉鮮嫩滑溜，啖啖鮮味，沾上蠔油鮮味更出啊。雲耳彈牙爽口，荷蘭豆爽脆鮮嫩，口感豐富之餘，色澤鮮豔又吸引。

今晚在觀塘收工，剛好太太在APM辦完事，就順道在附近吃晚飯，就腳來到這家在鱷魚恤中心的滿福庭。餐牌選擇各式各樣，亦有不少優惠套餐組合，價錢大眾化，今晚兩個人簡單叫了一份特價龍蝦孖寶，加一客蒸勝瓜。上湯加拿大龍蝦伊麵以上湯燴斬件的新鮮加拿大龍蝦，上湯味道濃厚，滑膩柔美，卻未有過份掩蓋龍蝦自身的鮮味，龍蝦肉爽滑鮮甜，甘腴可口，滋味雋美，加上伊麵充分吸收上湯醬汁及龍蝦的鮮味，簡直一流。脆皮燒雞半隻雞份量二人剛剛好，雞肉鮮味嫩滑，沒有坊間肥雞的多餘脂肪，雞皮香脆可口而味道豐厚濃郁，配以特製的醬汁特別醇厚和味，滲透骨肉，吃來有齒頰留香之妙，為雞肉增添一道鮮味。金銀蒜蒸勝瓜最後來一客金銀蒜蒸勝瓜，勝瓜生熟程度恰到好處，件件口感爽脆軟嫩恰到好處而鮮味不失，加上惹味的金銀蒜，不但十分和味而且層次豐富細緻，教人頓覺暑氣全消。

星期六早起身嚟幫襯個早茶呢間酒樓都幾多人食， 侍應招呼都幾殷勤，杯碗碟亦都幾乾淨， 裝修都唔錯呢個係花膠瑤柱灌湯餃， 好熱， 個湯好香，裏面個餡好足料，有好多瑤柱，個湯應該有用花膠熬製過， 因為個湯濃得嚟有啲黏口其實呢個點心好大碗， 好抵食跟住呢個係酥炸千絲天鵝酥，呢個好好食 通常呢啲整得靚靚嘅點心，好睇未必好食， 但係呢間係整得出乎意料地好食個天鵝嘅身整得好鬆化，好酥脆，一啖咬落去， 裏面個餡濃淡適中，細緻綿密，唔會太甜外層酥皮厚薄均勻， 都可以形容為皮薄餡靚正！適合打卡之外，亦都好食跟住係京式片皮鴨半隻，好抵食， 皮好脆，似係有人點就即烤，配上青瓜條、京蔥同片皮鴨醬， 再包上熱騰騰蒸起嘅膜膜，一啖咬落去，一啲都唔會有肥膩嘅感覺，新鮮爽脆嘅青瓜同京蔥，配上剛剛烤起嘅脆皮片皮鴨，味道好夾，而且呢間酒樓嘅質素亦都做得好好，拍得住嗰啲片皮鴨專門店總結： 酒樓鄰近觀塘地鐵站， 裝修幾靚，環境舒適座位寬敞， 侍應服務幾好，一叫即到， 招呼幾殷勤價錢合理，食物夠熱，亦都好食，性價比高， 好適合一班朋友或者一家人嚟聚會飲茶食飯

今日同朋友嘆茶, 朋友說這間的點心下午茶時段幾抵食, 一到達果然高朋滿座。以酒樓來說這間座位不算太擠迫。下午茶有很多款式，我們叫了不用$12的蟹子燒賣，有兩粒，我們兩人剛剛好。燒賣的蝦幾大粒，食落不算太多豬肉，沒有肥膩的感覺我朋友最喜愛吃馬拉糕，這裏馬拉糕做得十分鬆軟，熱辣辣，上枱十分吸引紅棗糕也做得好，紅棗味本來我不太喜歡，最欣賞它的甜度不會是非常甜那種，甜度適中，有淡淡的紅棗味韮菜餅先得香脆，韮菜很多自選三寶有鮮蝦菜苗餃、叉燒腸和多款粉麵飯，鮮蝦菜苗餃大大粒，最欣賞的是皮比較薄多菜，🦐又鮮乾炒牛河雖然是迷你但是也不少牛肉，炒得有鑊氣👍🏻

同喺觀塘收工嘅朋友搵地方撐枱腳🤣就嚟到觀塘呢間酒樓都試一試呢度環境好闊落坐得好舒服同朋友飲住茶 食個飯好正🥰.💎$58 滷水豬腳仔呢款豬腳仔好特別滷水汁味好濃好香份量都好多雖然細細隻但真係啖啖肉🥳好多豬腳筋做餐前小食或者當一碟餸食都得🤩.💎$118 濃味海味雜菜煲呢個雜菜煲份量好大用料十足有好多唔同種類嘅菜同粉絲配埋大大隻嘅蝦😍好豐富而且湯底都好惹味🤣用嚟送飯一流.💎$148 金蒜蒸龍躉班頭腩好出色嘅班頭腩😆每一舊都好好味蒸得啱啱好唔會太晏或者太淋配埋上面嘅蒜粒一齊食好香好正🤩.💎$15 白飯💎$15/位 茶芥.值得一提嘅係呢度侍應嘅服務態度真係一流好貼心😍好有禮貌見到我哋個碟有少少滿都好主動幫我哋換碟值得一讚🥳

今晚來到觀塘開會，離開時正落大雨，於是先和同事揾地方食晚飯醫下個肚先。這間位於鱷魚恤中心七樓的酒樓地方寛敞，整潔光猛，兩枱之間保持距離，合防疫要求。涼瓜斑腩煲 $138熱辣辣上菜，一眼望落去，大大舊斑腩舖滿煲面，下面是涼瓜。先咬一口斑腩，好脆口，厚肉，口感唔錯，味道剛好，不會太鹹。菠蘿咕噜肉 $108份量適中，肉質尚可，如粉漿薄一些更佳，由於新鮮炸好，香脆可口，甜酸汁調較得宜，配上菠蘿，青椒和洋葱，好開胃。酒樓服務員殷勤有禮，招呼周到，令食客坐得舒適，食得自在。

這天晚上我約了朋友在觀塘吃晚飯，看到網上對這間酒樓的評價不錯，我們便決定去試一試，店內的設計高貴大方，環境十分寛敞明亮和清潔衛生，樓底十分高，富有空間感，給我一種很舒適的感覺，亦有提供電視機可以讓客人看看新聞晚飯孖寶，清蒸沙巴仔，脆皮燒腩仔($268)沙巴仔非常大條和新鮮，魚肉廷身紥實，富有口感，加上葱做裝飾點綴，等待魚蒸熟後，再加上熱油和豉油，用爐燒成的五花腩，燒的時間控制得很好，燒腩仔皮脆肉嫩，這個價錢幾抵食和合理魚湯番薯浸菜苗($128)番薯粒清甜和軟綿綿，茹軟彈煙韌，菜苗爽口微彈和十分新鮮，魚湯經過長時間熬製，十分入味，十分清甜，整體份量十分多紅豆沙煮得夠耐夠淋，味道恰到好處，不會太甜茶夠濃水夠熱，加水夠積極整體來說，食物的質素非常高，食物的選擇十分多，食物的份量非常多，食物的用料非常新鮮，食物的賣相十分吸引，食物的定價相對合理，而店員亦有積極的服務態度和有禮貌，所以我認為這間餐廳是值得再去惠顧的

朋友相约我到觀塘區滿福庭食晚飯聚舊。.入進店門對正面, 就見到新鮮生猛海鮮。.餐廳店有傳統的中式裝潢,水晶吊燈具奢華氣質派,光猛舒服。..小食【豬腳仔】 雖豬仔腳冇乜肉,但肉及皮又嫩又入味,有香濃滷水,不知不覺食多幾件。..【上湯加拿大龍蝦伊麵 】(1隻)大隻龍蝦啖啖肉,鮮味肉質爽甜可口兼彈牙,肥美肉厚,食得出是新鮮的,配上上湯可食到龍蝦原味,在旁有好滑伊麵。..【一品燒鵝 】(例)剛好是燒鵝下庄,有燒鵝脾及脾位下, 泛着鵝油光澤,已斬件方便食。入口燒鵝啖啖肉又有皮,勁充滿油香,皮脆肉嫩,令人回味無窮。.美食當然配酒,我地選擇飲下啤酒。.免費贈送飯後甜品焦糖燉蛋口感幼滑,甜度適中。.