滿福庭

营业中

休息中

今天遲放工，天氣剛好轉凍，想去食火鍋，但要等位，實在是太肚餓，改去樓上滿福庭食。入門口已經被那大圓群組星球燈式吸引，非常奪目💥💥地方整齊寬敞孖寶餐幾款都不錯，價錢合理但這個自選餐更啱口味，3餸一湯／羹，2個人食仲好海皇豆腐羹份量夠4個人，芡汁濃淡適中， 豆腐滑溜，有🦐，帶子粒， 紅蘿蔔和翠玉瓜粒，味道清甜北菇蠔皇扣花膠花膠份量多又大件， 煮得軟身入味，夠哂養顏北菇厚身，菇味濃郁碧綠龍躉球夠鑊氣， 龍躉肉新鮮彈牙，配翠玉瓜好過平時的西芹美極香煎海蝦美極味香甜，蝦爽身， 蝦殼煎烹到脆口， 殼和肉都可以一齊食送了2碗紅豆沙，現在有甜品送的酒樓越來越少了其他孖寶菜單，下次再試

鱷魚恤大廈差唔多層層都係酒樓，今日諗住去左間未去過嘅酒樓，就揀左呢間！環境都幾新淨，唔會好舊下午茶時段好優惠！鮮蝦翠苗餃一夾上手，晶瑩剔透嘅水晶皮好軟淋淋，口感軟彈煙韌中間嘅菜苗好豐滿，岩哂鍾意食菜嘅我鮑汁鳳爪鳳爪煮得好夠淋，非常入味仲有每隻鳳爪都有剪甲的，好乾淨衞生沙律明蝦角中間塞滿了蝦隻，完全無偷功減料爽口嘅蝦隻係最基本吧再加埋外層熱辣辣又脆嘅外皮，煎炸控一定難以抗拒！七味魷魚鬚呢樣小食我不太懂欣賞因為本身我唔鍾意食魷魚，不過同事就食唔停口！煎虎皮尖椒呢度嘅點心&小食都係即叫即整的落單後全部都要等大約10分鐘，每樣食物嚟到都熱辣辣尖椒上嘅鯪魚肉口感好軟彈，唔會實綁綁，一般酒樓都會落得太多粉漿，搞到肉質好實！但呢度係可以食到原味道～～花膠瑤柱灌湯餃真係有花膠的仲有好多瑤柱，唔怪之得個湯咁好飲薑汁雞包仔每次飲茶我都一定要食流心奶黃包，但係呢間竟然無咁就無意見下就跟從同事吧！我已經好耐無食過雞包仔……今次食幾有驚喜，香菇&芫荽味道好香，而且香菇嘅口感令成個層次提升左肉與包嘅比例都啱啱好，唔會太多肉，所以呢度嘅雞包仔好啱我口味

媽媽不想煮飯，所以就選擇在外用饍。這次選擇了在觀塘鱷魚恤大廈的酒家滿福庭。看了一輪餐牌，點了開心自選套餐有三餸一湯。湯類選擇了是日靚燉湯餸菜類就選擇了：- 豉汁帶子蒸豆腐- 咕嚕蝦球-北菇蠔皇扣花膠是日靚燉湯是五指毛桃燉竹絲雞，這款湯很合適秋冬時候飲，補肝腎益肺氣！湯真的足料之餘，味道很清甜，忍不到一連喝了兩碗。然後是咕嚕蝦球，每隻蝦都很大，接近一個乒乓球般大，而且很爽口呢！再來的是豉汁帶子蒸豆腐，這款沒有大驚喜，不過我和媽媽一向喜歡吃豆腐。最後是北菇蠔皇扣花膠，花膠比想像中大，而且夠淋，另外花菇很滑亦夠厚。這餐很滿足呢！

My families and I went to a Chinesr restaurant called "Fortune Garden" ( 滿福庭) located in 7/F, Crocodile Cente, 79 Hoi Yuen Road, Kwun Tong(觀塘開源道79號鱷魚恤中心7樓).The restaurant has glistening balls hanging on the ceiling."Roastes goose"明爐燒鵝皇HKD$138With golden crispy skin.The meat is juicy...Not overly seasoned...Yummmmm...Incredibly affordable price.Value for money!"Stir fried grouper with black fungi and veggie"碧綠雲耳炒龍躉球HKD$188..The Courgette is super fresh and crunchy!!The grouper fillets are nicrly

觀塘這間酒樓晚肆幾抵食，入內空間感大，樓底極高中間又無柱，坐得很舒服自在。看到晚飯孖寶$268已有龍躉，$288更有京式片皮鴨，當然要試試啦！片皮鴨上枱時脹卜卜的，而服務員更會在顧客面前逐塊切開，片皮鴨外皮是脆身易入口的，有些切得較多肉，正😋米色皮本身已有少許鹹味，就算凍了也能保持軟身，值得一讚👍🏻豉汁帶子蒸豆腐送飯一流，豆腐是非常滑溜的，帶子又充滿了香噴噴的豉汁味，純對是清清的健康的一道家常菜式。最後加了一道美極煎海蝦，酒樓採用了新鮮海蝦，與美極醬汁煎香蝦身，連外殼也非常入味，差得把蝦殼也完整吞下😂最後酒樓送了一道甜品：焦糖布甸，細細杯一口布甸味道不錯，滑溜溜的又不太甜，符合我個人口味。服務員又很親民友善，愉快的用餐體驗。

前排來過這裡飲茶，知道晚市做緊抵食晚餐，所以今日同家人來試試。星期一至五 ——— 開心自選套餐很抵食，一湯三餸菜。款款都是靚小菜。是日靚燉湯 ——— 牛肝菌燉螺頭湯燉湯非常之足料，材料豐富真材實料香濃牛肝菌燉螺頭，味道香濃又鮮甜，看看材料同湯底色澤就知燉得夠火候啦！碧綠龍躉球龍躉球非常厚身，肉質好彈牙又鮮甜，炒得很夠鑊氣。鮮果脆皮咕嚕肉脆皮咕嚕肉，除了夠脆身味道清新鮮甜，咕嚕肉肉質很嫩滑。北菇蠔皇扣花膠花膠很厚身非常嫩滑有膠質，北菇厚實大隻很足料。

放假陪屋企人飲茶，今次去試觀塘新開嘅一間酒樓，唔算逼幾好坐，而且點心有心思得黎幾好食又特別，價格合理，值得再去。月半彎水晶蝦餃皇🌟蝦餃勁大粒之餘，入面全部都係蝦，食落爽口彈牙，夠哂真材實料。迷迭香芝士蝦春卷🌟好特別用左脆網紙炸，口感更加脆，入面好多蝦好足料，加埋溶咗嘅芝士醬更加好食。九製陳皮叉燒酥🌟叉燒酥好鬆化，咬落有好多層，而且溫度夠熱，整出黎夠哂新鮮，上面有啲陳皮碎，食落意外幾夾幾開胃，一定要試！花膠瑤柱灌湯餃🌟阿媽最鍾意食嘅灌湯餃，大大隻好多料，出面仲有花膠同瑤柱碎。鐵板紙包棉花雞🌟好特別用鐵板上，可以恆溫。棉花雞用錫紙包好上枱先剪開，啲雞汁包哂係入邊，夠哂入味。法式焦糖燉蛋🌟燉蛋細細個，滿足下食甜品嘅胃口。

很久沒有去觀塘鱷魚恤中心. 媽媽喜歡吃中菜, 今日放工就同屋企人去了7/F的滿福庭. 記憶中前身是彩晶軒 裝修不變 只是名號改了 環境頗舒服 裝修都好新,  收費合理 味道ok. 晚飯人流不多，可能是受疫情影響。如不想等位是個不俗的選擇進入前先做好防疫程序：量體溫搓手液必做的動作。之後 🤵‍♂️好有禮貌招呼坐下，派上餐牌。環境地方唔錯，光猛又寬躺；樓底唔矮，所以沒有焗促感 ，感覺舒適，重有電視餐廳場地都算大，佈置得很華麗，是婚宴壽宴的場地首選。呢度仲有大量新鮮既海鮮可以揀晚市有不同的小菜也有晚市套餐 職員服務周到，可能見我地第一次來，都熱心介紹菜式，有需要時會主動為我們添水 開好茶後， 🤵‍♂️送上呢份開心自選套餐 (星期一至五 / $398)介紹都很抵食，不過看看下 menu 見到有一些菜色更喜愛食，所以選擇了單點菜式  決定炒幾個小菜睇睇味道如何。得兩個人所以都點得唔多 海蜇頭肉質較厚，爽脆、麻香、口感豐富。🤗大元貝$88🤗 見呢度有咁多海鮮食都叫左樣黎試下，粉絲元貝真係完美組合😋大元貝面上有很多粉絲，吸收了元貝的精華，及洒有少少蔥花，很好味。大元貝很新鮮，鮮味又鮮甜。一份有四隻 大大

經常經過都見鱷魚恤中心升降機大堂飲茶大排長龍，這次忍不住要試試，選了七樓的滿福堂。枱與枱之間寬敞，坐得舒服。陳皮叉燒酥 | $31.8叉燒酥有驚喜，十分酥脆鬆化，酥皮一層層。叉燒醬味道鹹甜適中，帶有淡淡的陳皮味，我一個人食了兩件也不覺得膩。南翔小籠包 | $27.8小籠包的皮薄得來不易穿，而且一夾起已經感覺到多湯汁。湯汁多，不油膩，熱辣辣點醋食幾正。三姐潮州蒸粉果 | $18.8粉果皮薄通透，是少有整得皮薄的酒樓，花生有炒過的味道，仍然脆口。家人都讚好食。農家菜苗餃 | $27.8菜苗的份量較多，一客三隻，有蝦肉。香煎蘿蔔糕 | $27.8蘿蔔糕有蘿蔔的軟熟，口感軟綿，底下有少少油。點甜辣醬惹味。薑蔥牛柏葉 | $31.8份量挺多及大塊，比一般茶樓大碟。牛柏葉爽口，底下有豆卜。月半彎水晶鮮蝦餃皇 | $40.8蝦肉彈牙爽口，月半型的蝦餃我是飲茶必食。午市茶位$11/位，點心上枱時熱，有煙出。

今日去左觀塘鱷魚恤中心飲茶，呢道有幾層都係酒樓黎，我地就揀左七樓既「滿福庭」一到門口已經有人招呼、即時帶位、問飲咩茶過程流暢快速順利樓底唔矮，所以沒有焗促感；環境光猛，感覺舒適，重有電視午市點心、燒味飯、炒麵炒飯、甜品都有叉燒腸皮口感綿滑，厚薄適中！叉燒半肥瘦，食落唔乾唔鞋九王爺鮮蝦腐皮卷外層非常香脆，唔厚粉；鮮蝦結實彈牙，很足料黑松露北菇燒賣皇有淡淡既黑松露香，蝦既份量都多而且爽口整體味道滿意，價錢合理，環境又唔會好嘈，可以舒舒服服嘆餐茶

友人之前同家人係呢度飲過茶，話食物OK同坐得幾舒服，見我過去搵佢食飯就話不如呢間門口有優惠孖寶，價錢每份唔過$300開好茶後，部長送上呢份開心自選套餐 (星期一至五 / $398)介紹多款湯羹/小菜任選，總共有三餸一湯，只欠白飯任"裝" (哈哈...)多個湯羹中，對呢鍋海皇豆腐羹情有獨鍾，可能太耐無食過啦熱度相當夠，材料除咗有豆腐，仲有蝦粒碎，菜粒及紅蘿蔔絲，味道適中唔咸喎，問侍應拎埋胡椒粉，加添一份香辣味，飲完一碗即時再添，湯羹真係要趁熱飲呢!主菜出場............雙蔥燜龍躉頭腩，大量爆炒過嘅洋蔥及蔥做配菜，龍躉頭腩混入其中經過油泡處理嘅龍躉頭腩份量都唔少，要肉嘅可以食腩位，要骨嘅就夾頭位，各式其色，味道調教得唔錯，鍾意嘅可以叫埋支啤酒一齊paring，應該都幾唔錯!酸甜類食物從來都令人胃口大開，就好似呢碟鮮果脆皮咕嚕肉想食脆度可以夾細舊，要啖啖肉嘅當然有大夾大啦，甜酸比例適中，食完唔會有"涸喉"感覺; 另外菠蘿及甜椒亦唔可以錯過，用黎送飯OK呀!有兩份肉點可以少個菜類，清清地又濕濕地叫個海味雜菜煲，份量舖滿整個砂煲面海味主要係魷魚及蝦米，加埋菇菌粉絲及菜芯白菜仔，唔油唔濃

今日同家人一齊黎食午餐，星期日好多人，但打電話黎訂了位，好彩好快有位環境地方唔錯，光猛又寬躺；但服務員人手好少，所以好難找到服務員午餐無優惠，點了叉燒腸粉、蝦腸粉；都幾滑溜，唔錯蝦餃大大粒，蝦都幾爽口、皮都唔錯幾簿；喜歡菜苗餃，好多菜苗更健康；粉果都多料，唔算大粒鮮竹卷有湯，皮是軟軟的口感，內餡少啲；牛柏葉都爽口，味道唔會好鹹，都幾好食點了鳳爪，入味又軟腍的感覺熱辣辣好香口的鹹水角，大大粒幾好食😋這個是鐵煲叉燒包，外面有啲濕濕，但煎過都香，叉燒唔會好肥另外點了籠仔荷葉飯及羅漢齋炒伊麵，喜歡伊麵多一點，料多又汁多但服務員態度真的唔好，整到我家人無講對唔住又走了去 可惜

很久沒有去觀塘鱷魚恤中心 今天一看 變化很大 以前全是中式酒樓 現在有日式火鍋及放題 我去了7/F的滿福庭 （粵式）記憶中前身是彩晶軒 裝修不變 只是名號改了環境頗舒服 我坐在靠窗的位置 服務員雖然不多 態度還好 收價合理 味道ok 但賣相較差 我點了番茄海皇肉碎泡飯 圖片可見 碗邊全是點點橙色的湯汁而蘿蔔糕和炸雲吞 不過不失 唯一較好的是薑汁雙皮奶 很平淡的一餐 乏善足陳

鱷魚恤中心嘅餐廳大換血之後都無黎試過，今日就同屋企人到7樓嘅滿福庭飲午茶。得兩個人所以都點得唔多，叫咗一碟叉燒腸、燒賣、蝦餃、蛋黃千層糕、瑤柱翠苗餃。先講食物味道，叉燒腸同蝦餃不過不失。翠苗餃係咁多款點心入面比較好食嘅一款，有蒜蓉味，但真係食唔出有瑤柱。燒賣似超級市場買到嘅急凍燒賣。而蛋黃千層糕係我最唔推薦嘅一款點心，面層似蒸包嘅皮，下層嘅蛋糕同椰蓉鹹蛋黃嘅味道完全唔夾，一用筷子夾起，全部野散曬。另外講上菜時間，除左叉燒腸粉同燒賣上菜時間正常外，其他3樣差唔多等咗45分鐘先到，途中有揾過服務員問點解咁耐，但佢哋都唔跟進。明白茶樓工作忙碌，但都要以客人嘅安全思慮一下，加水後嘅茶壺，服務生大力咁樣撻上枱，入面嘅熱水都漏咁啲出黎，差啲淋到屋企人。認真講，以呢個價錢，除左方便性之外，暫時搵唔到會再去呢一間茶樓嘅原因。

鱷魚恤中心 7 樓的滿福樓其實是跟 7 樓的玉桃軒同一集團, 但不知為何這裡郤較少食客.設有兩位點心特區, 方便二人同行.  大點排骨, 份量不成正比.  迷迭香芝士春卷食不出香料及芝士味.  其他點心味道正常.  明顯人手不夠. 其中有一服務生郤常常停下來, 目不轉睛地看電視. 當他開始工作時, 你在招手, 他也視而不視.   其他的服務生郤不停地工作.  如不想等位是個不俗的選擇