滿樂潮州 (東薈城名店倉)

营业中

休息中

Chiu Chow cuisine is known for its healthiness and freshness of its food.  The use of light flavouring and seasoning are signatories of Chiu Chow culinary.Moon Lok Chiu Chow is located in Tung Chung Citygate Outlets, covers a range of Chiu Chow cuisines, the dishes are true to the traditional flavour and style.Soy Goose Meat Platter (HK$128)👍👍👍👍👍Soy goose is a quintessential Chiu Chow favourite, the goose meat has a deep savoury taste with a hint of sweetness. The platter also served with pork b

潮州菜唔敢話係專家，但都叫食左廿幾年，唔多唔少都有D心得，而呢間潮州菜/茶樓係唔太好食。唔記得左影相，但其實我地點左好多餸，好食嘅得一兩道，佢個滷水鵝片係幾好食，鵝肉腍身，鵝味香濃而唔會太咸，梅菜扣肉都幾好食，送飯一流。其他炒粉麵飯就正正常常，食完都唔記得咩味反而個白飯真係麻麻地，好乾好硬。跟住點心方面，真係搞唔掂，全部都唔好食，啲菜苗餃層皮o趙極唔爛，紅棗糕無紅棗味，得個甜字。價錢唔平，但質素唔高，唔會回頭😂。

一家三口第二次去露營，小公主之前一晚已經開心到瞓唔着。中午前要去到東涌集合，所以再提前個多小時到達東涌，食個早午餐。11點未夠，商場內很多餐廳尚未營業，選擇不多下，揀了「滿樂潮州」。餐廳上午10:30開門營業，大概11點去到餐廳門口，全間餐廳空無一人，我們就是第一枱客人。裝修談不上美輪美奐，甚至乎是非常簡約；竟然帶點工業風，牆身及柱子完全沒有任何裝飾，只是最原始的混凝土批灰，亦沒有任何天花吊頂，只是最簡單的白光慳電膽吊燈。這種形式的中式餐廳裝修風格，印象中真的未見過。唯一的簡單裝修就是即叫即蒸點心部開放式廚房及潮州滷水砧板枱。雖然時間很早，但商場內也不是完全沒有其他餐廳選擇，美食廣場就有很多口味。揀「滿樂潮州」的原因之一正是被潮州滷水砧板枱所吸引：大大隻巨型滷水鵝、沒有染上橙色的巨型滷水墨魚，還有多款凍魚：黃花、烏頭、馬友、大眼雞全部有齊；唯一缺少的可能就是貴價潮州凍蟹吧！餐廳除了多款潮、粵小菜，亦有廣東點心。點心價位竟然是銅鑼灣尖沙咀級數，真是意料之外。滿樂蝦餃皇（$52）賣相唔合格，差不多完全見唔到蝦餃摺紋；甚至將蝦餃底部朝天，刻意遮蓋唔標準的摺紋。一夾起蝦餃摺紋封口就差不多立即爆

一行十四人搵唔到野食，就諗住去飲茶夠方便！間野裝修幾靚，不過野食就麻麻，好多都好咸，叫左馬拉糕，乾到不得了！紅棗糕就一啲味都冇👎🏽仲叫左麻醬雞半隻，麻醬係好多，但隻雞全部都係皮，肉得幾塊。如果唔係貪佢有一枱，一定唔會再黎食！

去左十幾人歐洲，真係好掛住香港美食。今日一落機，夜晚就約左朋友食中餐🤤😆本身想去東薈城新翼食，但果度啲人真係多到好恐怖，排隊食野起碼都要一兩個鐘。😞所以最後决定去東薈城另一面搵下野食。好好彩滿樂潮州唔使等位就入得🥰之前都同男朋友嚟食過一兩次，覺得佢哋啲食物都唔錯。餐廳面積都算幾大。✨滷水鵝拼盤 $128(小）滷水汁味道好正，鵝肉入味，係我食過最好味嘅滷水鵝🧡拼盤仲有豆腐、魷魚，魷魚好易咬開，唔韌。✨梅菜扣肉 $98扣肉炆到超冧🤤🤤🤤入口啲肥膏溶化，食落唔膩。梅菜送飯一流👍🏻✨煎蠔餅 $78（小）蠔餅邊唔算煎到好脆，但蠔仔份量都算多，唔會淨係食到啲粉，每一啖都會有蠔仔。總體來講，欣賞餐廳食物有分細份同正常size ，細份價錢亦都會平啲。我地兩個女仔食，叫細份都唔會唔夠食，仲可以試多樣菜式。❤️❤️❤️

貴為美食沙漠，東涌真的連週末想找個地方飲餐都難以前東薈城有間聯邦酒樓都算過得去（但已結業，準備換成大牌字三個字中高價酒樓）前陣子有一次吃過這間覺得水準普通但還可接受隔了幾個星期再來幫襯...但這次水準麻麻....（不好意思相拍得挺差）鳳瓜排骨飯算可以，飯有蒸出來的感覺不過不失吧蒸腐皮卷就...恕我個人來說，真的一看到上面那些上湯類的湯汁結成的啫哩狀物體就有點卻步了...（腐皮卷本體...最後都有放入口...就正常）其他就...尚算正常但真心覺得...現在東涌終於開多了一間酒樓我個人來說...點心就真的未必會再來這邊了（主菜餐牌之前有試過兩三道，反而ok算不錯)

不新鲜不好吃。我从小吃点心吃到30多岁。真难吃又贵。旺角尖沙咀一带更好吃，又便宜。很失望还以为很好吃。只是包装好看。不会再来吃了。四百多块。。。……………………我还以为香港的点心全部都很好吃，可是我错了，原来那些看起来高级的更新都是不好吃的。

今日去睇大佛，中途站食個中午餐廳環境乾淨 位置闊 侍應人手足夠 幾舒服餐廳有點心，鹵味，粉粉面菜叫左個欖菜肉松炒飯、鹵味大腸腩肉雙拼腩肉有豆腐 食曬3味、最後再叫左個煎韮菜粿先講飯 夠硬夠分明 唔會太油 欖菜味都食得出 但有些少咸 好食鹵味推介 都好食 唔洗講 個汁好有藥材味 一流煎粿就一般 皮太軟 菜好少 可惜

之前試過下午茶感覺是不錯的,與外婆點了小份鹵水拼盤還有蒸點心,之後休息日與家人前去嘗試晚市,滿懷期待,怎料強差人意,其實當時在晚市高峰時段,這間不需要排隊就覺得有點伏伏地,之後點的鹵水例牌份量居然與小份無異,而且味道口感差了!差了!差了!招牌菜鵝肉居然咬不動,點了炸九肚魚份量少得可憐而且又咸,小碟菜酸菜而且要收費!是不包在茶錢中的!其他菜式味道還好,但價格實在是不值,價格高,份量少,真的吃不飽,性價比低,不會再去光顧了。

今日行到去東涌同屋企人食潮州嘢， 揀咗這間潮州酒家，裏面的環境裝修非常之舒服， 因為有訂位所以唔需要排隊 ！我們一共叫咗幾個小菜 ，有特色煎蠔餅、 川椒雞、 潮州魚蛋雜菜 、潮州糖麵及這個例牌嘅潮州鹵水鵝片;菜式非常之有潮州風味， 蠔餅裏面的蠔很新鮮 ，配合這個蛋漿 ，外脆內軟 ，完全符合潮州餅的水準。 講到滷水鵝片拼盤，它裏面有鵝片、 雞蛋 、豆腐、墨魚 ;所有嘢都是我最喜歡食的東西 ，鹵水汁也非常之鮮， 不會太鹹， 真的是有水準。講到糖麵，就是我最喜歡食的一個麵， 它裏面外脆內滑， 點起砌醋及砂糖， 真的是回味無窮 ，下次我一定會再來試！

外母生日，一家大小由九龍入東涌食晚飯慶祝。老婆揀咗呢間滿樂潮洲，位處東薈城最邊緣位置，由東涌地鐵站行去都頗遠，反而揸車泊北停車場，一上扶手電梯就係。好彩地獲安排坐房，相對較靜，講嘢都唔駛大大聲。點了5個餸，1飯1湯。先上鵝片拼掌翼，本想淨叫鵝片，但阿姐話拼多嘢會抵啲，於是就拼掌翼。雖然抵咗，但鵝片得返幾片，唔夠分。欖菜肉碎四季豆。四季豆好飽滿，欖菜好惹味，炒得又夠好。醱甜五柳石班球。個人覺得個汁偏酸，但石班夠滑。潮州蠔烙。比較差，煎得好濕，啲蠔又細細粒。我都係鍾意食乾身嘅炸蠔餅多啲。芋蓉香酥鴨，個人又是不太喜歡。鴨片好薄好薄。芋蓉無香味，又唔夠熱。欖菜肉碎炒飯，呢個推介。最後係肉骨茶，還可以。不過個湯有好勁薑味。埋單6大1小$100, 唔算貴，不過晚市水準好一般。另，呢度真·收你切餅費$150㗎。去慶祝生日嘅朋友要注意啦。

話說叔叔生日想食中菜，就返佢老人家，就一於搵間近佢屋企嘅，食完仲可以送佢老人家回家添。位於東薈城嘅地點都好易搵，而且行過去都係商場行比較舒服。由於有ＢＯＯＫ定台關係，都唔需要等位，直接可以入去坐喇。打開餐牌好多都好想食，而且價格唔算貴，叫多幾款試真啲先。次次食中菜都必叫四季豆，炒得好惹味但又係蔬菜類，食得好安心哈哈！乳鴿炸到脆卜卜，好香口，不過就比較小肉啦。食完就回家依生日蛋糕去LU~~整體中規中距，不過一失，水準對得住價錢啦！

年三十，同屋企人一行５人去東涌探完親友，就ｏ係附近ｇｅ東薈城試左呢間潮州菜。我地８點到達菜館，部長話９點半就要清場，係有啲趕，不過我地都想試下，就入左去了。唔知係咪好耐無食潮州菜，好多菜式都想試，不過我地都唔係大食，又聽部長講菜式份量都唔細，所以點左以下呢幾樣：先黎個滷水鵝掌翼，我ｏ係其他酒樓食過，呢間啲掌翼大大隻，啖啖肉，又夠入味，好早比我地清晒，唔錯。我地鍾意飲湯，所以叫左個咸菜豬肚湯，味道ＯＫ，不過唔夠熱，湯黎講可能扣左少少分。酸甜五柳石班球，我阿媽竟然話以前食上海菜，或者潮州菜，都無食過酸甜系列，今晚食完呢個菜佢即刻愛上左，因為好醒胃口又唔會太漏，又無骨，佢話下次一定要再ｅｎｃｏｒｅ，我自己本身又鍾意食，真係要多謝呢個石班球ＸＤ。一圍人食飯，叫番一個菜少不免，今次叫左個欖菜肉碎四季豆，欖菜我地不嬲都鍾意食，都好味但無乜特別，可能已經食到好挑剔了ＸＤ。叫番樣潮州菜，潮州蠔烙，乾左少少，燶左少少，不過蛋都係香ｇｅ，不過不失吧。仲叫番個淡口啲ｇｅ瑤柱蛋白炒飯，估唔到反而呢個有驚喜，份量大之餘飯炒得香，濕度硬度都好好，推介！個個都食到飽，埋單每人唔使２００蚊，ｃｐ值可以，不妨一試！

優點是：食物質量好、選擇也多，有傳統港式飲茶點心及潮州食物供應，也有一些創新的點心食物，例如皮蛋腸粉，夠特別，值得一試；餐牌上有些食物分細份及例牌，例牌份量夠大份；環境不擠迫，坐得舒服，而且沒有想像中的嘈吵，滿意的午餐。缺點是：餐廳所在的位置離東涌地鐵站很遠，在商場的另一面最尾，出地鐵站後要上兩層電梯、經過商場再落返兩層電梯才能到達餐廳，要行好多路；收費偏貴。推介：滷水鵝片👍🏻煎豪餅👍🏻皮蛋腸粉 👌糖醋麵👍🏻

機場附近嘅東薈城除左離地outlet之外, 去藍天嗰個出口個層有好幾間食肆, 今日收早同老人家飲茶, 就去滿樂吧. 午市有滷水拼盤, 炒飯麵, 點心, 茶芥就每人12蚊, 一坐低會加多樣我地唔食嘅「咸菜, 小食」(HKD10), 係酸菜同花生🥜, 費事問有無得退所以由佢.•瑤柱菜苗餃 (HKD42)比起淨蝦餃而家會prefer菜苗餃, 多啲蔬菜同瑤柱絲, 味道豐富好多, 水晶餃皮厚薄適中, 唔會一夾就穿.•皮蛋叉燒腸粉 (HKD52)旁邊兩條翠綠嘅菜心令到整體感覺新鮮好多, 腸粉皮同平時食有小小不同, 口感比較分明, 裡面叉燒同皮蛋份量係適中的, 皮蛋好爽. •古法馬拉糕 (HKD25)一件四方馬拉糕趁熱食最好味. 甜甜的, d 氣孔分佈平均, 即係發酵得好, 中式嘅糕點有fluffy感, 仲係熱暖的, 每次飲茶必食.•瑤柱蛋白炒飯 (HKD118)鋪滿瑤柱絲嘅蛋白炒飯好吸引, 炒得乾身👍🏻, 蛋白份量夠👍🏻, 菜心切粒又新鮮👍🏻, 完全沒油淋淋. 三個人or以上黎飲茶絕對推介li個開心share.•滷水鵝肉拼盆 (例) (HKD138)滷水嘅鵝肉同翼好入味呢, 尤其潮州style豆腐