滿月食堂

雖然在附近住，但至11/2星期六下午茶時段才安排到時間與友人一試。點了一客輕量雞扒意粉，份量適合細食的女孩子，整體味道很好，感覺已經可以了解廚師的功力。另外點了一客豬扒出前一丁，豬扒即時煎好，上桌時尚有餘溫，肉質很鬆軟稔身，又不失口感；但公仔麵卻沒有出前一丁麻油香，食落懷疑是不是真的出前一丁？食物質素確實不錯，本想試試店內凍櫃展示的各款甜點，但進膳期間見到一名戴上白色膠手套的男店員抱起店內飼養小狗把玩，放下小狗後又即時去處理店務，攞食物比食客，放沒有合上蓋的啫喱進凍櫃，取沒有獨立包裝的飲管給客人！過程keep住戴住嗰對手套，沒有除下，亦沒見他有清潔過雙手(套) ！😖😩 見到佢咁樣，仲邊有胃口再叫其他野食呢！現在係有好多店舖飼養寵物，吸引客人和打卡，不是食肆尚可接受，但經營食肆首要條件應該對衛生有更高要求，此店完全沒有考慮到，店員更加沒有衛生意識！唉，食物再好又如何？！…查看更多

Intro: 有一日番工放飯嘅時候見到滿月食堂重開，餐單嘅menu都唔同左，現時都係試業嘅階段，呢次就叫左有茶餐廳特色嘅常餐試試，呢到嘅裝修真係幾靚，等佢地遲d開放更多menu再試下其他西餐款式啦～___________________🍽 五香肉丁麵+火腿奄列+熱飲 💰 50（送熱飲）⭐️7/10✍🏻 呢碗麵嘅份量足夠，公仔麵偏硬身，但要比少少時間再浸淋啲；✍🏻 但因為肉丁來自罐頭，碗麵食落唔夠熱；✍🏻 雖然火腿奄列賣相無咁靚，但火腿絲份量多同蛋麵幾厚，口感就冇咁滑，方包就正常；✍🏻 熱華田粉同煉奶嘅比例岩岩好，好濃但偏似朱古力口感。___________________🏠 滿月食堂📍 長沙灣營盤街145號天悅廣場地下B1B號舖 ⭐️ 7.5/10___________________…查看更多

晚市時分幫襯一來試左花雕醉雞翼- 醉香留在係口腔內椒鹽豬扒- 脆口熱辣辣，送白飯一流👍留到最期待的芋泥甜品 ： 芋泥西多士、 芋泥三文治， 仲加埋芋泥奶茶🥤飽到不亦樂乎…查看更多

今日同媽媽行街深水埗買花布, 佢社區中心的義工媽媽們推介去長沙灣深水埗附近食"花膠湯飯" , 我又跟佢試吓, 估唔到一塊大花膠放上湯飯上又幾有份量喎 , 起初以為係得花膠粒, 原來塊花膠有手掌咁大而且好淋好入味湯頭鮮甜有膠質 仲熱騰騰,  整碗吃了湯都飲曬好滿意, 呢個價錢呢個質數要 support 一吓 !  媽媽們果然無介紹錯 , 個人覺得深水埗 MTR 行去近少少約6 分鐘, 唔熟路就睇咗地圖先穩妥 d ,另外間舖新開 社交平台 like 仲有薯餅送呢 …查看更多

傳統又普遍的粵菜, 酸酸甜甜外脆內軟好好送飯, 有齊紅椒、黃椒、青椒、菠蘿和洋蔥, 梅頭豬肉炸完上來唔會又乾又鞋, 如果再肥少少就仲正 !  如何製作一個酸酸甜甜糖醋汁, 坊間網絡食譜有太多不同做法, 似乎未必有一個絕對正確的版本, 有些教人用啤酒溝粉漿去炸, 有些用木薯粉, 最重要係啱自己口味, 茶餐廳收 $62 一個套餐有齊湯、飯和熱飲已經絕對收貨! 視覺和味覺的一大享受。當然有些出名地方加添冰鎮效果又士多啤梨又荔枝肉又拔絲等等, 其實問心食得幾多, 簡單 d 仲好 ! 絕對會再 encore !…查看更多

最難捱的星期一， 晚餐決定要食好少少 ，經典的揚州炒飯，蝦仁叉燒配搭粒粒分明飯底，簡單又美味，難怪成為港人最愛茶餐廳名物。炒飯鬆身乾爽，炒得香香的很有鑊氣。值得俾個 Like 佢 ! 加多一份單點 "花雕醉雞翼 "，眾所周知，雖然製作工序並不繁複，但麻煩在製作醉雞翼比較費時，外出食比較抵又省時 ! 最愛這款涼菜酒香撲鼻，雞翼嫩滑可口，一口吃十隻八隻無難度。最後一杯奶茶紅豆冰 Happy Ending 開心滿足可以好簡單 …查看更多

工作完了, 6 點多些早些吃晚餐, 路經這食堂見有招牌三寶餐就一試, 西檸雞一直本人至愛但做得出色餐廳不多 ! 在大排檔應該要一舊水先叫到, 這食堂 $62 仲要有飯有湯有野飲, 清新酸甜西檸醬汁包住香脆炸雞, 想像一吓已經流口水。估唔到在這食堂有意外驚喜, 西檸雞粉漿不厚而又香脆, 西檸汁用心去調較, 酸甜度剛好平衡, 灑上少少白芝麻, I like it !  $62 真心抵, 下次有機會可以再試另外招牌兩寶 (三色咕嚕肉 & 避風塘豬扒)。…查看更多

在深水埗買完電腦用品， 行咗大約五分鐘路經這店鋪，見到海報有芋泥三文治，芋泥鮮奶，芋泥西多士....覺得非常吸引 (/^▽^)/ 因為一直覺得在家自己做芋泥食物好多工序， 入去叫一杯泥鮮奶配奶油多士做下午茶，簡單美味好滿足 建議喜歡芋泥你的朋友要入去試下 ，同行的朋友見到芋泥西多士已經流晒口水， 秒速吃完，大呼好味但忘記影相⊙ω⊙ 。 朋友仲響社交平台讚好，送咗一塊薯餅添。水吧哥仔話芋泥係自家整而並非攞貨，因為工序繁複花時間又保存期短所以每日供應有限，實在難得遇到值得介紹。…查看更多

在長沙灣看到一間新開的食店，店名怎麼這樣熟悉呢？原來是太子滿月甜品店的分店，以茶餐廳加甜品為主食，有緣見到又係「自己友」，那就一於去試試吧！叫了香煎豬扒出前一丁、牛油多士、煎雙蛋及熱奶茶；味粉及麻油分開上，可隨個人喜好而添加份量，食得更健康；豬扒煎得也合到好處；奶茶就奶味偏重，普普通通啦。食物水準平平，還是比較喜歡它的甜品多一點！滿月食堂地址: 長沙灣營盤街145號天悅廣場地下B1B號舖電話: 63673310…查看更多

其實好早排個輪都見已開緊做生意，但琴日先落去幫襯，琴日母親節先見佢地剪綵，以為佢地試業完會有咩驚喜，點知中伏，怪不得成日經間野都有位。今朝放個假，早早地落去試下個早餐，諗住食個正正常常既沙爹牛肉面，面煮到淋晒(可能怪我食開爽面)，但湯底得個咸又唔熱，味道只屬一般，唔特別…杯凍啡好甜，啡味唔夠…服務員啲反應就真係…不敢恭維。咁既新餐廳，價錢都正常3十零蚊個早餐，但可惜煮得求求其其，唔係應該開業前試好晒茶先開張俾人黎咩？捱到一年話你叻！…查看更多

都嚟過好多次滿月食堂食嘢，今日試咗個喇沙肥牛湯河，喇沙好濃味，肥牛都多，河粉用咗我鐘意粗粗河粉，好滿意平時都會叫佢地飯餐、啲湯 飲得出冇味精，肉餅都食得出係手打，係個豉油偏咸咗少少，但街坊價錢嚟講係非常ok….會繼續幫襯🥰期待會推出更多唔同嘅嘢…查看更多

滿月食堂今日乳豬遊下遊下黎到長沙灣，搵下有咩好西食，比我搵到間「黃店」，大大力懲罰係必須既，所以我入去一探究竟。土魷蒸肉餅配白餅一黎試個家常便飯—肉餅，整塊肉餅好結實，唔係一夾就散開哂果種，肉厚多汁，唔會好咸，有家的感覺。乳豬推介指數：🐷🐷🐷🐷🐷🐷🐷特色。芋泥芝士西多士大家西多食唔少啦應該，但夾心層有芋泥你又試過未呢～～一切開一大pat 芋泥峰湧而出，芋泥本身好適合做甜品，佢又唔係好甜好膩果種，適合而家人崇尚健康，邪惡得黎少罪疚感🤣🤣，整體黎講係夾既同西多士。乳豬推介指數：🐷🐷🐷🐷🐷🐷🐷…查看更多

之前見到呢間新餐廳，一直都想試下，點知今日一試就出事！一入到去，侍應已經黑口黑面語氣差，我哋都算。之後我哋叫咗一個花鵰醉雞翼湯飯同蝦醬蒸豬頸肉飯，各跟一杯熱齋啡及凍奶茶。食物嚟到，花鵰醉雞翼湯飯係一大碗淡而無味清湯飯，加四隻雞翼，好失望，但起碼都食得落口。到蝦醬蒸豬頸肉飯嚟到，食第一舊豬頸肉都仲係熟嘅，但再食落去，其他豬頸肉係生咖！點解可以舊豬肉全生咁濟都拎出嚟俾人食？我哋同個男侍應講，佢第一個反應係唔係好信，之後先話拎過啲俾我哋，但等咗一陣都未有，我哋又趕時間，所以同佢講嗰個豬頸肉飯不如取消，個男侍應話:「哦，取消呀？好呀！依家埋單？」好似想即刻趕我哋走咁，咁我哋就埋單走，最後佢係將杯熱齋啡轉做正價，再將杯凍奶茶當係跟餐咁收錢，當係平咗俾我哋。總結，成間餐廳完全無可取之處，絶對無下次！…查看更多

本人一直支持小店，出品唔太過份仍然會繼續支持，但係今日小弟真係要重新估計呢間小店，下午茶時間都未過餐牌已經有2樣或更多的沽清，深水埗要補給食材非常之方便，小店選擇沽清咁晚市賣D咩比人？就算街坊想支持都唔知仲有咩可以食其次係食物出品，小弟從來未見過有一個西炒飯係咁特別，呢個直頭係楊州炒飯，咪當我鄉下仔出城，西炒飯料有什豆，火腿，蝦仔，蛋碎最重要係茄汁～～～～what is this…查看更多

呢頭嘅食肆都試過唔少，諗住試新嘢，一試就出事個乾炒牛河油到不得了， 味道原先係可以嘅，不過可惜畀啲油扣曬分，再加埋抄得唔均勻 ，有部分河粉冇上色，又有少許黑色燶咗嘅焦...... 總括嚟講呢個乾炒牛河唔合格至於呢杯所謂嘅燉蛋，真係無言...... 如果一早見到係咁樣樣，我連加八蚊都慳返，點解個燉蛋做得可以仲差過我屋企嘅一個蒸水蛋， 側邊可以見到有好多bubble， 同埋如果做唔到，就唔應該當係甜品咁樣賣， 何必呢…查看更多