滾得喜火鍋專門店 (已結業)

前排上網見到有得抽限時優惠，咁吸引梗係即刻上網抽啦，三百幾蚊兩個人除翻開每人都係百零蚊咋！ 但係原來佢即場會再收醬料費收取＄10既。佢今次有三種套餐第一會上咗刺身先，然後會上雞煲最後就係打邊爐喇！ 刺身同埋雞煲都係佢預先準備好而打邊爐就有海鮮拼盤牛肉豬肉拼盤同埋三十款任食嘅食物同飲品比大家。刺身嘅份量唔多，但都好新鮮一啲都唔腥，當係前菜都唔錯架！另外，雞煲叫咗小辣好重口味一啲都唔淡而且啲雞都好滑！ 最後佢就會俾你揀湯底打邊爐我揀左瑤柱冬瓜，湯料一啲都唔孤寒會放成個冬瓜做底，湯底唔會太淡，海鮮拼盤同牛肉豬肉拼盤到一半，三十款食物嘅款式都唔多而且大部份都係素食。:)最後特別要稱讚店內的員工服務都好有禮貌！能不同類型一次過食曬推介：滾得喜火鍋店…查看更多

聽朋友講尖沙咀呢間滾得起海鮮火鍋專門店,有個招牌海鮮火鍋套餐好抵食。我同另一位朋友即刻飛去試一試。黎到先知，原來 呢度7時前埋單七折，而宵夜時段9時半後入座就係八折嘅。蝕咗添，早知約朋友晏啲嚟啦，不過唔緊要試咗先算。 平日唔算太多人，座位寬敞。後面嗰啲雪櫃就係放任食 時段嘅飲品，飲品種類繁多。呢度不失為同朋友促膝長談有地方。 先嚟咗刺身拼盤，包括有三文魚，希靈魚，八爪魚，北寄貝，帶子同埋甜蝦。全部都好新鮮，絕對唔比日式放題遜色。我最鍾意食個甜蝦同埋帶子，好鮮味好甜。 跟住就輪到個雞煲，雞煲分為大辣，中辣同小辣。我哋唔係好食得辣，所以揀左小辣。雞煲既麻辣汁，好惹味，食到舐舐脷唔停得口。雞肉結實，雞皮又嫩滑啖啖肉好滿足。 海鮮拼盤絕對唔野少，有帆立貝，鮮蝦，生蠔同埋鮮魚片。帆立貝大大隻絕無欺場，鮮蝦新鮮。生蠔雖然細粒咗少少但鮮味出眾。鮮魚片啖啖肉，唔腥得嚟又滑，口感軟淋。 安格斯牛肩胛，美國自然豬，墨魚丸 ，牛丸，菜肉餃， 同埋鯪魚滑。 啲牛肉同埋啲豬肉，紋理非常漂亮，脂肪比例均勻，食落好軟腍，一啲都唔韌，好好食。 其實食完上面嗰啲主菜我哋已經八成飽。跟住先開始任食放題， 30款任食配料，例如有午餐肉，豬頸肉，豆腐，丸類應有盡有而且質素都唔差，抵食夾大件。 當然唔少得我哋最愛食嘅魚皮同埋響鈴喇 ! 卜卜脆好好味。食依餐真係值回票價，埋單都係大概三百蚊一個人，真係去邊度搵?下次一定要喺宵夜時段嚟,拎埋嗰個8折先。…查看更多

這幾天香港沒那麼冷了,但是冷只是個更好的藉口大吃大喝,打邊爐從來都不用看天氣的吧。滾得喜有個很抵食的海鮮套餐,還有刺身,可惜同行的不吃刺生,對海鮮的喜好也不大,好吧,那就單點好了。蕃茄雜菜湯底,有娃娃菜,粟米和菇,味道不淡,也不會像下了茄膏那麼酸。安格斯牛粒,食食下發現份量都很多,而且幾有牛味,不是很淋的那種,但也很不錯。韮菜餃,韮菜很香很濃,味道OK魚片頭正常 ,鮮蝦丸比較出色,彈牙又有蝦味。即炸響鈴很正,脆又香豆味,吸了蕃茄湯,很好吃。大花膠沒想到真的那麼大,又有兩大片,不算薄身,啖啖肉,很滿足。飲品只要加12蚊就可以任飲,選擇都不算少,而調味醬基本的都齊全。下次要和其他朋友來試試海鮮套餐。…查看更多

今晚相約了好朋友出來滾一滾，經過尖沙咀看見這間「滾得喜」火鍋，即管看看有沒有驚喜。此店提供先雞煲後任吃火鍋的套餐，除了雞煲火鍋外，也有刺身拼盤及自助任飲吧，非常抵吃。雞煲點了中辣，熱騰騰送上枱伴着吱吱作響之聲來勢洶洶，令人垂涎三尺。雞肉非常入味，鹹辣適中，十分惹味，給它一個「喜」。本來在火鍋店吃刺身沒有什麼期望，想不到這裡刺身非常新鮮，三文魚有油脂香，相當驚「喜」。海鮮拼盤是店主發辨挑選是日四款新鮮海鮮，雖然款式不多，但勝在食材新鮮，蠔也夠鮮甜肥美。任吃火鍋有鮮魚卜，也是另一個「喜」，魚卜有平價花膠之稱，雖說是平價食材，但有時由於供應有限也不是容易買到的。這裡的魚卜脤卜卜，絶非急凍兼卜卜脆帶有鮮味。美國自然豬不含激素，紋理分明肥瘦均勻，口感鬆化，味道不錯。有時在外吃任吃火鍋吃到的脆鯇片也是不夠脆的，但這裏的脆鯇片口感爽脆，吃到「索索聲」，又一驚「喜」。總括來說,在尖沙咀嘴區以這個價錢吃到這個質素的火鍋，絕對滾得「喜」！…查看更多

打邊爐季節，繼續推介好地方比大家佢係位於尖沙咀既滾得喜火鍋專門店你都滾得起自助飲品 - 每位$12去得打邊爐，無理由唔飲野架！只要比$12，櫃內既指定飲品全部仼你飲醬油 - 每位$10一組共六款醬油調味提供比客人，$10仼用都好合理啦每枱客人都有一碟小食，佢係腌製蠶豆，味道淡淡地，都幾開胃架沙嗲湯底 $88非常香濃既湯底選擇，夠曬重口入面亦有豆卜及芽菜作配料，唔係只係得d湯水架炸魚皮 $48要介紹d火鍋配料啦第一款係呢個炸魚皮，份量唔少，非常香脆，塊塊都大大舊，浸湯食就最正！精選牛雜錦盤 $288之後就介紹個勁既配料，佢就係呢個多款牛齊集於一身既雜錦盤當中包括安格斯牛肩胛，一口方塊牛，新鮮牛𦟌，牛脷及黑柏葉加加埋埋份量都唔少架！當中，口感最正，有好重牛味既就係一口方塊牛，本身係冰鮮既佢，放湯涮熟後，仍有強勁牛味，口感唔會太 "un" ，一啖一粒，正呀左: 雞脾菇 $38打邊爐，真係唔可以少左雞脾菇，佢索曬湯底既味道，口感有少少煙 "un" ，真係一流右: 出前一丁2個 $28呢度叫出前一丁就一定要2個起，如果多人既話，其實絕對無問題:)餐廳會比埋出前一丁附有既調味包及麻油，配合埋今晚香濃既沙嗲湯底，無得頂啦最後，餐廳都有提供甜品，佢係自助雪糕機，有朱古力味及士多啤利味，雖然佢既雪糕味道比較淡，提供既雪糕筒亦非非常爽脆，不過用佢黎做今餐既結尾都真係唔錯呀…查看更多

【#飲食 】C+搵食團 || 新一年祝大家「滾」得喜 - 【滾得喜火鍋專門店】 ▾▿▾▿▾▿▾▿▾▿▾▿▾▿▾▿▾▿▾▿▾ 廣告都有云：吃火鍋除了要有一個好爐之外，當然要配上新鮮食材，還有足料湯底，也是一頓火鍋必備之選。ms. C和閨蜜們 2018第一餐，就去了尖沙咀【滾得喜火鍋專門店】，「滾」一「滾」，同時祝願大家新一年「滾」得喜。．．．．．．．．．．．．【滾得喜火鍋專門店】位於尖東，餐廳有任食的套餐外，都有單點的食物，同時又有新鮮的海鮮提供，一次火鍋已經可以滿足不同閨蜜的開飯願望。 ．．．．．．．．．．．．每一間火鍋店未食之前，都會奉上調味盤，【滾得喜火鍋專門店】當然都唔少得，一盤6款蔥、蒜、辣椒、麻醬等一應俱全，大家可以特混大混。 ．．．．．．．．．．．． 火鍋之中必備的湯底，火鍋專門店當然有好多不同的選擇，差不多有10款以上的選擇，我們的貪心選手都先來個鴛鴦湯底，四川麻辣 x 滋潤藥膳湯底。未開鍋之前，已經聞到好香的湯味。打開鍋後看到湯底之中用料十足，而且湯頭味道濃郁，就算「滾」完成晚湯之後，湯底味道依然濃郁，就算食材也不用醮醬都好好味。 ．．．．．．．．．．．．輪到食材一一上場，食材無論肉類，還是海鮮都好新鮮。【滾得喜火鍋專門店】更有即劏海鮮提供，除了可以用作火鍋食材之外，還可以當作刺身。我們先點了「原條新鮮絲鱲魚刺身」，肉質爽口彈牙，就算ms. C唔食魚的，也不覺腥味。．．．．．．．．．．．．另外，我們也點了不少海鮮用作火鍋食材，有桶蠔、鮮蝦、青口等， 其中原隻BB噴水象拔蚌，更加可以兩食，可以略略灼一灼食之外，還可以當作刺身吃。ms.C 的建議吃法，就較喜歡當刺身食，薄薄的一片，入口爽口。 ．．．．．．．．．．．肉類我們就點了貪心之選「精選牛牛拼盤」- 安格斯牛肩胛、一口方塊牛、新鮮牛、牛脷、黑柏葉等，每一款牛肉都可以吃得到。 牛肉的油脂紋理分明，入口的肉味濃香， 上枱時服務員都有說明每款牛肉的大約煮熟時間，吃得出牛肉的肉味和鮮味，又不會煮得過熟。．．．．．．．．．． 其他火鍋之選還有各款不同的手打丸類和自家包的餃子、雲吞等，我自己就較喜歡黑色的墨魚丸，加入了墨魚汁，更加吃得出墨魚丸的鮮味。 ．．．．．．．．．．．滾得喜火鍋專門店尖沙咀漆咸道南53-55號嘉芙中心1樓全層…查看更多

聽朋友講尖沙咀有間又有刺身食, 又有雞煲食, 又可以打埋邊爐既餐廳, 甘咪即係可以一次過滿足晒三個願望!! 聽到已經好吸引, 第二日即刻去試下!! 入面環境同一般火煱店差唔多, 但空間感就比較大d, 算闊落, 坐得都好舒服~~餐廳除一般散叫外, 但有套餐以供選擇, 我朋友說的應該係套餐了!! 我選左HK$276/位既套餐, 貪佢乜都有而且都算幾低食呀!! 呢期讚好佢地既Facebook 專頁同係入面留言同分享相片, 仲有HK$10回饋tim~~先黎混混個醬先, 醬料有生蒜, 熟蒜, 辣椒, 蔥, 麻醬同豉油等~~打頭陣係個刺身併盤包括有三文魚, 帶子, 甜蝦, 希靈魚, 八爪魚同北寄貝, 尚算OK, 那當然不能同日式餐廳比較, 但不竟以呢個價錢都可以食埋刺身算係甘啦~~再黎個雞煲, 份量唔算多, 其實太多都食唔晒!!我地揀左少辣同走芫茜, 雞肉嫩滑同幾入味都食得幾滋味~~最後就係食火鍋啦!! 呢個有D唔同, 因為其他好多餐廳既做法係食完雞煲係直接加入湯變做火鍋的, 而呢度係另上一個火煱湯底用作打邊爐的, 感覺無甘油, 值得讚!! 而湯底都有幾款選擇, 我地就揀左咸菜豬肚湯底, 用料都十足, 係未放湯料前我地都飲左幾啖湯, 好正~~先黎係套餐包左既精選火煱併盤, 呢個併盤包括有安格斯手肩胛, 美國自然豬, 手打丸, 鮮滑同水餃, 我個人幾喜歡個手打丸分別係好重魚味既鯪魚球同好彈牙既墨黑滑~~呢個都係套餐包左既海鮮併鮮, 是日四款海鮮包括有龍躉片, 蠔, 青口同蝦, 最正係個塊龍躉片, 魚味濃又夠爽脆, 其他海鮮都好新鮮, 想黎多一份呀~~另外其他配料就係任叫任食的, 種類都好多, 如兩個人食既建議可以揀半份, 甘就可以試多幾款, 推薦的有鮮淮山同魚片, 一食係停唔到的~~野飲方面都係任飲的, 自己可以出去揀自己喜歡的, 有不同罐裝飲品以供選揀, 驚喜的係有自己整既甜筒, 可惜真係太飽, 未有機會試tim, 下次再黎一定要留肚試試先~~…查看更多

今日好凍呀！唔知點解好大陣怪風 凍得我騰騰震 咁咁凍就梗係要去打下邊爐啦 今日同媽咪嚟到北角呢一間主打宮延風既滾得囍宮延火鍋店 同老媽當然係唔可以食任食類 因為家中廚房主理人對食物水準有超高要求 而且環境又要舒適 (所以千挑萬選下揀到呢間) 嘩一入到去果然無令人失望 格調靚高檔 環境舒適～無錯同親戚家人打邊爐就係要揀呢間喇 坐低之後店員就遞上聖旨俾我哋 嘩一黎到聖旨就到 好啦既然係咁 就第一時間接旨!第一時間就當然係要揀湯底! 湯底因為我哋兩個都唔食辣所以就揀咗呢一個鰲拜火焰六味海鮮鍋$268 我係其實好想試嗰個卜卜蜆鍋但係睇個樣真係覺得好辣....所以就放棄咗啦...希望佢哋可以出唔辣嘅卜卜蜆鍋湯底! 嘩海鮮黎到 就要賜酒 起火燒！燒完就加粥底湯 媽咪話個湯底超甜! 好啦揀咗湯底 之後我就要睇下要乜嘢配料啦～因為其實同媽咪去食飯佢唔會食得好多野所以最緊要揀啲新鮮有質素嘅嘢俾佢 諗左陣我地就揀好喇 過左一陣所有野都齊晒! 終於可以開動首次打邊爐梗係要有牛肉啦 呢個手切頂級安格斯牛肉 $328 份量超多 牛肉雪花均勻 牛味超濃除左牛 媽咪仲點左羊肉 $ 58 羊肉無羊膻味 好滿意 ～另外因為媽咪比較鍾意食海鮮所以佢再點左澳洲帶子片 $78 同桂花蚌$98帶子片大概有10皮左右 唔會話好薄 恰一恰 肉身彈牙又鮮甜! 桂花蚌同樣爽口新鮮～～～好喇講過媽咪想食嘅野就到我喇～我點左落黑松露墨魚滑$ 78 手打蝦丸$ 78 新鮮菜苗帶子餃$78 同魚腐 $48 墨魚滑同蝦丸一入口就知新鮮 而且彈牙 滿意~ 打邊爐又點少得加多寶! 打邊爐指定飲品最後有唐生菜$28 同金菇$28 食埋兩款菜就已經好飽喇～～～超有質素既一個邊爐呀!!!…查看更多

年尾是家人聚會的佳節，一家人吃飯，在凍凍的冬天，火鍋係最佳既選擇。爸爸對食比較講究，佢就算食火鍋，都希望有靚嘅海鮮同牛肉。細佬係大胃王，火鍋佢鍾意飲食，因為可以食得多，又可以叫唔同嘅菜式。今晚搵咗滾得喜，因為見佢嘅任食套餐，仲有雞煲、活海拼盤同靚豬牛肉，一個價錢可以滿足兩個願望，係最花算既。去到已有幾枱客人，看來冬天打邊爐真係正路既選擇。滾得起仲有卡位，適合四個人聚餐，新淨既沙發，睇上去都好好坐。任食分276同388元。今次我地選擇左276元招牌海鮮火鍋套餐。首先黎個刺身拼盤 ，包括三文魚、希靈魚、八爪魚、北寄貝、帶子、甜蝦。呢幾款都係平時放題最中意order 既刺身。呢渡居然都有，太高興了。接着店長要我們選擇小辣、中辣或大辣的雞煲。原隻火辣辣的雞煲，先給腸胃開開眼界，嘩，真係又香又辣！好在呢度嘅啤酒和汽水都係任飲的，一路飲冰凍嘅啤酒一路食雞煲，未打邊爐已經是滿足左第一步。湯底選擇咗雜菜蕃茄湯。再來是生猛海鮮四款，包括活蟹、蠔、青口和海蝦。每款都非常新鮮，蟹還是活的，海蝦真是爽口得不得了！套餐仲包括精選火鍋拼盤-安格斯牛肩胛、美國自然豬、手作丸、鮮魷魚同鮮蝦滑。真係好豐富，馬上開始我哋嘅混醬工程。再填好火鍋任食紙。龍蝦丸、雜菜、烏冬、秋葵都好正！選擇鮮茄雜菜湯底的好處，就係無論肉類、海鮮、或者蔬菜，味道都可以融合。呢度嘅甜品，都係任食，我都係第一次自己動手做軟雪糕，別有一番滋味。呢個套餐豐富又抵食，大家不妨試下。…查看更多

今晚全家到滾得喜打邊爐賀聖誕節，爸爸一聽到滾得喜個名，即刻舉腳贊成，好中意呢間個名。佢話"滾得喜"呢個名起得好有意頭，打邊爐就係滾下滾下，越滾越喜洋洋， 十分應節，照佢咁講，似乎新年仲要嚟多次。哈哈。。。。滾得喜，位於金馬倫道尾、漆咸圍南，地鐵出來行11分鐘，很就腳，交通地點非常方便。今晚booked 了六點，成為第一枱客到餐廳。Menu 左看右看，款式花多眼亂。有散叫、也有任食。由於家人各有各鍾意食嘅嘢，以前打邊爐散叫，為咗就晒所有人嘅口味，通常都叫多咗，然後又食唔晒。所以今次聰明左，直接選擇以人頭計既任食 ，每位276或388元套餐任食仲有刺身、雞煲、海鮮拼盤、牛和手作丸，真係想要既都有，都係選擇任吃抵得多。好，第一次穩，就從276元既招牌海鮮火鍋套餐開始！先上場係滾得起招牌雞煲，我們選擇了小辣。小辣，其實也有辣味，我地不大會吃辣，這個小辣已令我地滿足到辣辣聲。中意食辣既朋友，不妨試試中辣或大辣，應該會好過癮！同一時間上場既仲有刺身拼盤 。大拼盤刺身中有三文魚、帶子、希靈魚、八爪魚、北寄貝、甜蝦，都係最有人氣的刺身。今日準備以肉食為主，所以選擇了鮮茄雜菜湯底。套餐附送既海鮮拼盤同精選火鍋拼盤，都係高水準海鮮拼盤 (四款生猛海鮮)真係唔講得笑，隻蟹仲識郁！好生猛！海蝦、大蠔、青口，都好大隻，仲要係鮮味十足！質素之高，好意外，呢個價錢食到咁靚既刺身、雞煲同海鮮，未打邊爐已經喜出望外。精選火鍋拼盤(安格斯牛肩胛、美國自然豬、手作丸、鮮滑)呢幾樣都係火鍋嘅必食靚野，佢一碟拼盤有齊晒，雖然每樣嘅份量都有限，但係我哋仲有火鍋放題，淺嘗反而仲難忘佳餚。安格斯牛肩胛真係牛肉味十足，只要放喺滾湯裏面3秒鐘，已經滋味無窮。美國自然豬都好滑。幾個人唔多夠食，所以我哋另外叫咗飲食的豬頸肉。豬頸肉幾爽脆， encore 又 encore !肉類食得多，間中都要陪襯下啲菜類，我發覺豬頸肉配淮山，非常合襯，因為淮山都好爽脆，兩者配合得天衣無縫。羊肉都好好味，沒有強烈既羊腥，卻有羊獨有的特色，最正係任食唔嬲！除咗火鍋任食，呢度嘅飲品都係任飲唔嬲。有幾種韓國嘅無酒精飲品，亦都有啤酒任飲。最後，我哋選擇咗雜菜併盤，每樣野菜都有，一個併盤已搞掂。佢哋仲有軟雪糕機，都係任食嘅，記得留肚食甜品啊！…查看更多

在尖沙咀吃飯選擇不少，今天選擇了新開張不久的滾得喜火鍋專門店。朋友說這裏都是選用生猛燒烤海鮮，吃火鍋就是要吃新鮮的材料，所以今晚來這裡，就是以吃海鮮火鍋為主題。來到餐廳，已經有不少客人即在打邊爐，氣氛很不錯。這裏有散叫或每位收費的任食套餐。各有不同的優惠。我們看見套餐非常抵食，276 或388元，已經包括活海鮮、刺身、鍋底、牛肉、和手打丸，我們想吃的海鮮和靚牛肉，基本上都在套餐裏出現了。所以我們便集中地以選擇套餐為主。今晚第一次光顧，在＄276或 $388的套餐裏，我們先選擇276作為首次嘗試。以下是 276元 招牌海鮮火鍋套餐的內容:先來上場是「滾得起招牌雞煲」雞煲有分小辣、中辣和大辣。雞滑、夠味，香、麻、辣的傑作。刺身拼盤 (帶子、甜蝦、三文魚、希靈魚、八爪魚、北寄貝)北寄貝、甜蝦、帶子都很美味，份量讓人吃過滿足。雞煲未完，四款生猛海鮮拼盤上場，包括活蟹、海蝦、青口和生蠔。份量好大，看到也興奮，今晚就是為吃海鮮而來。當我拍照的時候，發現蟹腳還在動，嘩，果然是生猛海鮮呢！很令人期待！吃過蟹後，果然活蟹的肉質是不同的！鮮、甜、肉厚雪白，蟹蓋有蟹膏，不錯！青口也是出乎意料的鮮甜，滾過後肉爽清甜，不需調味是最好吃的！海蝦也是新鮮彈牙，蝦膏又多又香！另一個在套餐內的精選火鍋拼盤，包括手作丸、鮮滑、安格斯牛肩胛和美國自然豬。顧名思義，拼盤內全是精選靚肉。安格斯牛肩胛本身已是貴價肉食，鮮滑是墨魚肉和蝦肉，打到起膠，值回票價！吃到這裏已經滿足而微飽，另外還在任點食材上吃了好多蟹柳、魚片、脆魚片，是夜的海鮮，的確令人大滿足！秋葵、豬頸肉，都是不錯的選擇。最後當然要來個鮮菇併盤，把鮮甜的海鮮湯底盡情吸收精華！隨便一提，這裡啤酒汽水和雪糕都是任飲任食，超值的消費！276 元這套餐真了不起，包羅萬有。下次要吃它們的388元！…查看更多

呢一年都算係不停食雞煲不過今晚食呢個都算係驚喜！大家都知雞煲無辣確係爭啲，但我唔食得辣，所以都係揀無辣，一上菜見到噤多配菜，正丫！自己炒炒佢，好香好香，有辣香但食落唔辣，雞好入味又滑！真心推介所有唔食辣雞煲嘅人！仲有兩隻飽魚，雖然細細地，但都即時升級了，係鮑魚雞煲丫應該係全港第一間Ps隻飽魚都係幾好食的，睇得出心機我地嗌嘅餐係極品每鮮火鍋套餐即係有海膽刺身>飽魚雞煲>任食火鍋+龍蝦海鮮拼盤+精選火鍋料>啤酒汽水雪糕任飲任食豐富到噤。。我地怕食唔哂，所以無要刺身，當然都食到捧住個肚走！湯底揀左杏汁白肺湯，滋潤又清甜！精選配料有好多手工食品，牛肩甲無得輸！鮮蝦滑彈牙之餘鮮味十足！好好食！另外， 任食火鍋料寫紙可以點，可以出去拎自己想要既份量，仲有得點半份，貼心！Over All，呢間絕對係好野！地方又夠舒適！仲有個密瓜雪糕都超級好食架！！！！…查看更多

和朋友二人叫左個平少少既海鮮火鍋餐(加埋ㄧ每人$300)。。因為貴果個要多成舊水，好似有啲貴。ㄧ開始個雞煲唔太大，但可以接受，因為我主要係黎打邊爐。之後個刺身幾好，夠新鮮又係厚切。主菜海鮮火鍋就唔值300ㄧ位個值，不過都算新鮮既。之後食食吓有小強係枱上行。。。但湯底係莞茜皮蛋，但唔係好見到啲皮蛋ˊ，可能太細同好快溶晒既?? 我係其他地方食唔係咁架。。。任叫張紙冇乜有葉既菜選擇。。得一個蔬菜籃，其他全部係瓜同菇。。整體中規中矩，不過我應該唔會返轉頭再去。。。。…查看更多

天氣開始寒冷，又是吃火鍋的最佳時機！為了火鍋放題作好準備，今天早上已經開始吃少了！這間店的食物選擇特別多，只看冰櫃的飲料已經很多，花多眼亂，不知道選甚麼好！座位方面也挺多的，坐位寬闊。我最後選了一個價錢比較經濟實惠的套餐！先來刺身拼盤，有6款刺身，十分鮮甜。再來一個雞煲，我要了小辣，挺開胃的，而且肉質鮮嫩，醬汁咸度恰到好處！新鮮的海鮮也有四種，用料上盛！手打丸亦是我最欣賞這餐廳的地方，全部都很爽滑彈牙！湯底方面，我選了滋補藥膳，湯底有很多不同的藥材，剛開始的時候不是太濃烈，大概煮半小時後，藥材味道開始濃，那時候把菜，和烏冬放進去，它們會吸收藥材的精華！…查看更多

最近天氣好凍，冬天我最愛食物是打邊爐。好友就快生曰，同佢慶祝生日，於是約埋一齊去尖沙咀打邊爐。約左7點食晚飯，朋友好準時左餐廳，原來間餐廳有全層樓甘有大。侍應見我有訂位，好快帶我上一樓，環境光亮，座位坐得舒服。大大門口位，有中國風的餐廳餐廳室內環境，已經坐滿了食客有5個凍櫃，可以無限添加飲料同埋自助雪糕機。😍魚生枱今晚我地叫左$288套餐，有三重滿足，有美味可口帶有酒香雞煲，新鮮魚生拼盤，仲有大滿足的打邊爐。首先上菜是魚生拼盤，其中有赤貝，帶子，三文魚同魷魚刺生同埋甜蝦等。香味撲鼻的酒香味雞煲，有酒香好滑一啖又一啖鮮嫩雞肉，配上芫荽，正到暈呀，有種幸福感覺。仲最貼心服務有很多醬料，啱哂我中意混醬的朋友呀今晚我點了番茄湯底。火煱配料仲有薄切豬肉同埋牛肉添😍，仲有手打彈牙蝦滑，唔使2秒蝦滑已被消滅左，蟹柳，龍蝦丸添。海鮮拼盤有大只新鮮虎蝦，青口，大生蠔同埋鯇魚魚片。😍😘唔經唔覺地，滾下滾下甘，一陣間就ko 左一碟又一碟的海鮮，想食其他蔬菜類，見到湯底就快無啦，仲可以自已去自助區拎上湯，自己中意加幾多又得。好貼心的服務，點菜紙有半份剔架，免得食唔哂，叫左蔬菜拼盤，有生菜，蓎蒿等，有大家都想食嘅蟹柳棒，秋葵，腐竹，蜂巢豆腐，南瓜，芋頭，冬瓜。清清地又幾好喔。總是來說，性價比高，服務殷勤，食物質素新鮮，價格好抵食。😍下次會叫多啲朋友來呢度繼續滾。仲要齊齊滾。如果飲料方面，可以提供清熱飲品就好啦。…查看更多